10 ನಿಮಿಷದಲ್ಲಿ ನಾಲಿಗೆಗೆ ಒಳ್ಳೆ ರುಚಿ ಕೊಡುವ ಮಾವಿನಕಾಯಿ ಚಟ್ನಿ ಮಾಡೋದು ಹೇಗೆ? ಇಲ್ಲಿದೆ ಸುಲಭ ವಿಧಾನ!

ಮಧ್ಯಮ ಗಾತ್ರದ ತೋತಾಪುರಿ ಮಾವಿನಕಾಯಿ -1

ಗುಂಟೂರು ಮೆಣಸಿನಕಾಯಿ 5

ಜೀರಿಗೆ - ಅರ್ಧ ಟೀಸ್ಪೂನ್

ಬೆಳ್ಳುಳ್ಳಿ - 5

ಹಸಿ ತೆಂಗಿನ ತುರಿ-1 ಕಪ್​

ಒಂದಿಷ್ಟು ಕರಿಬೇವು

ಮಾವಿನಕಾಯಿ ಚಟ್ನಿ ಮಾಡುವ ವಿಧಾನ..

ಒಂದು ಬಾಣಲೆಗೆ ಎಣ್ಣೆ ಹಾಕಿ. ಇದಾದ ಬಳಿಕ 5 ಗುಂಟೂರು ಮೆಣಸಿನಕಾಯಿ ಹಾಕಿ ಫ್ರೈ ಮಾಡಿ. ನಂತರ ಬೆಳ್ಳುಳ್ಳಿ, ಕರಿಬೇವು ಹಾಕಿ ಫ್ರೈ ಮಾಡಿ ತಣ್ಣಗಾಗುವವರೆಗೆ ಹಾಗೇ ಬಿಡಿ. ನಂತರ ಮಿಕ್ಸಿ ಜಾರಿಗೆ 1 ಕಪ್​ ಹಸಿ ತೆಂಗಿನ ತುರಿ ಜೊತೆಗೆ ಫ್ರೈ ಮಾಡಿ ಇಟ್ಟುಕೊಂಡಿರೋದನ್ನು ಹಾಕಿ, ಅದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ರುಬ್ಬಿಕೊಳ್ಳಿ. ಇನ್ನೊಂದು ಕಡೆ ಮಧ್ಯಮ ಗಾತ್ರದಲ್ಲಿರಬೇಕು ಮಾವಿನಕಾಯಿ ಕಟ್​ ಮಾಡಿಕೊಂಡು ಇಡಬೇಕು.

ಈ ಚಟ್ನಿ ಮಾಡಲು ಮಾವಿನ ಸಿಪ್ಪೆ ತೆಗೆಯುವ ಅಗತ್ಯವಿಲ್ಲ. ನಿಮಗೆ ಸಿಪ್ಪೆ ಬೇಡವಾದರೆ, ನೀವು ಅದನ್ನು ತೆಗೆದು ಹಾಕಬಹುದು. ಮತ್ತೆ ಮಿಕ್ಸ್​ ಮಾಡಿಕೊಂಡಿರೋ ಮಿಶ್ರಣಕ್ಕೆ ಕಟ್​ ಮಾಡಿಕೊಂಡಿರೋ ಮಾವಿನಕಾಯಿ ಹಾಕಿ ಹಾಗೂ ಸ್ವಲ್ಪ ನೀರು ಬೆರೆಸಿ ರಫ್​ ಆಗಿ ರುಬ್ಬಿಕೊಳ್ಳಿ. ಇದಾದ ಬಳಿಕ ಮತ್ತೊಂದು ಬಾಣಲೆಯಲ್ಲಿ ಮೆಂತ್ಯ, ಉದ್ದಿನ ಬೇಳೆ, ಕಡೆಲೆಬೆಳೆ, ಸಾಸಿವೆ, ಕರಿಬೇವು, ಗುಂಟೂರು ಮೆಣಸಿನಕಾಯಿ ಹಾಕಿ ಎಣ್ಣೆಯಲ್ಲೇ ಫ್ರೈ ಮಾಡಿ ರುಬ್ಬಿದ ಮಿಶ್ರಣದ ಮೇಲೆ ಹಾಕಿದರೇ ಮುಗಿತು. ಆಗ ರುಚಿಕರವಾದ ಮಾವಿನಕಾಯಿ ಚಟ್ನಿ ಸವಿಯಲು ಸಿದ್ಧವಾಗುತ್ತದೆ. ಈ ಮಾವಿನಕಾಯಿ ಚಟ್ನಿ, ಜೋಳದ ರೊಟ್ಟಿ, ಅಕ್ಕಿ ರೊಟ್ಟಿ, ಚಪಾತಿ, ರಾಗಿ ರೊಟ್ಟಿ, ಬಿಸಿ ಬಿಸಿ ಅನ್ನದ ಜೊತೆಗೆ ತುಪ್ಪದ ಜತೆ ತಿಂದರೆ ನಾಲಿಗೆಗೆ ಸಖತ್ ಟೆಸ್ಟ್​ ಕೊಡುತ್ತದೆ.