ವಾಟ್ಸಪ್​​ನಲ್ಲಿ HD ಫೋಟೋ ಕಳಿಸೋದು ಈಗ ಸಖತ್​​ ಈಸಿ; ಹೊಸ ಫೀಚರ್

ಮೆಟಾ ಒಡೆತನದ ಜನಪ್ರಿಯ ಆ್ಯಪ್​ ವಾಟ್ಸಪ್​​. ಇದು ಇಡೀ ವಿಶ್ವದಾದ್ಯಂತ​ ನೂರಾರು ಕೋಟಿ ಬಳಕೆದಾರರನ್ನು ಹೊಂದಿದೆ. ದೈನಂದಿನ ವ್ಯವಹಾರದಿಂದ ಹಿಡಿದು ರಾತ್ರಿ ಗುಡ್​ನೈಟ್​​ ಸಂದೇಶ ಕಳುಹಿಸುವವರೆಗೆ ವಾಟ್ಸಪ್​​ ಮೇಲೆ ಡಿಪೆಂಡ್​ ಆದವರು ಎಷ್ಟೋ ಜನ. ಅದರಲ್ಲೂ ಬಹುತೇಕ ಭಾರತೀಯರು ವಾಟ್ಸಪ್​​​ಗೆ ಒಗ್ಗಿಕೊಂಡಿದ್ದಾರೆ.

ವಾಟ್ಸಪ್​​ನಲ್ಲಿ ಕಳುಹಿಸುವ ಫೋಟೋ, ವಿಡಿಯೋ ಕ್ಲಾರಿಟಿ ಕಳೆದುಕೊಳ್ಳುತ್ತದೆ ಅನ್ನೋ ಒಂದು ಸಮಸ್ಯೆ ಇತ್ತು. ಇದಕ್ಕಾಗಿ ಬಹುತೇಕರು ಡಾಕುಮೆಂಟ್​ ಮೊರೆ ಹೋಗುತ್ತಾರೆ. ಆದರೆ ಇದರಿಂದ ಡೇಟಾ ಹೆಚ್ಚಾಗಿ ಖರ್ಚಾಗುತ್ತದೆ. ಆದರೆ ವಾಟ್ಸಪ್​​​ ಬಳಕೆದಾರರಿಗೆ ಹೆಚ್ಚಿನ ಡೇಟಾ ಖರ್ಚು ಮಾಡದೆ ವಾಟ್ಸಪ್​​ನಲ್ಲಿ ಹೆಚ್​ಡಿ ಫೋಟೋ ಕಳುಹಿಸಬಹುದು ಅನ್ನೋದು ನಿಮಗೆ ಗೊತ್ತಿದೆ. ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

ವಾಟ್ಸಪ್​​​ನಲ್ಲಿ ಹೆಚ್​ಡಿ ಫೋಟೋ ಕಳುಸೋದು ಹೇಗೆ?

ಹಂತ 1: ಮೊಬೈಲ್​ನಲ್ಲಿ ವಾಟ್ಸಪ್​​​ ತೆರೆದು ಚಾಟ್​​ ಥ್ರೆಡ್​​ ಆಯ್ಕೆ ಮಾಡಬೇಕು
ಹಂತ 2: ಆ್ಯಂಡ್ರಾಯ್ಡ್ ಫೋನ್​​ನಲ್ಲಿ ಪೇಪರ್​ಕ್ಲಿಪ್​ ಮತ್ತು ಐಒಎಸ್​ನಲ್ಲಿ ‘+’ ಇರೋ ಅಟ್ಯಾಚ್​ಮೆಂಟ್​ ಐಕಾನ್​ ಮೇಲೆ ಕ್ಲಿಕ್​ ಮಾಡಬೇಕು.
ಹಂತ 3: ಶೇರ್​​ ಮಾಡೋ ಚಿತ್ರವನ್ನು ಆರಿಸಬೇಕು.
ಹಂತ 4: ಚಿತ್ರ ಆರಿಸಿದ ಬಳಿಕ ಫೋಟೋ ಮೇಲ್ಭಾಗದಲ್ಲಿ 'HD' ಬಟನ್​ ಕಾಣಿಸುತ್ತದೆ. ನಂತರ 'send' ಬಟನ್​ ಮೇಲೆ ಕ್ಲಿಕ್​ ಮಾಡಿದರೆ ಹೆಚ್​ಡಿ ರೂಪದಲ್ಲಿ ಫೋಟೋ ಸೆಂಡ್​ ಆಗುತ್ತದೆ. ಇದು ಮ್ಯಾಕ್ಸಿಮಮ್​​​ ಕ್ವಾಲಿಟಿ ಹೊಂದಿರುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ