ಡ್ಯುಯೆಲ್​ ಸ್ಕ್ರೀನ್​ ಆಯ್ತು.. ಈಗ ಟ್ರಿಪಲ್​ ಸ್ಕ್ರೀನ್​​ ಪರ್ವ! ಮಾರುಕಟ್ಟೆಯಲ್ಲಿ ಮ್ಯಾಜಿಕ್​ ಮಾಡೋಕೆ ಹುವೈ​ ರೆಡಿ

ಸಿಂಗಲ್​​ ಸ್ಕ್ರೀನ್​ನಿಂದ ಡ್ಯುಯೆಲ್​​​ ಸ್ಕ್ರೀನ್​​ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಬಂದಿವೆ. ಈಗಾಗಲೇ ಡ್ಯುಯೆಲ್​ ಫೋಲ್ಡೆಬಲ್ ಸ್ಮಾರ್ಟ್​​ಫೋನ್​ ಅನೇಕರ ಗಮನ ಸೆಳೆದಿವೆ. ಆದರೀಗ ಅದಕ್ಕೂ ವಿಭಿನ್ನವಾಗಿ ಟ್ರಿಪಲ್​​ ಫೋಲ್ಡೆಬಲ್​ ಸ್ಮಾರ್ಟ್​ಫೋನ್​ ಮಾರುಕಟ್ಟೆಗೆ ಬರಲು ಸಜ್ಜಾಗಿದೆ. ನೂತನ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯನ್ನು ಮತ್ತು ತಂತ್ರಜ್ಞಾನವನ್ನು ಮತ್ತಷ್ಟು ವೇಗವಾಗಿ ಕೊಂಡೊಯುವ ನಿರೀಕ್ಷೆಯಲ್ಲಿದೆ.

ಜನಪ್ರಿಯ ಹುವೈ​ ಕಂಪನಿಯು ಡ್ಯುಯೆಲ್​​ ಪೋಲ್ಡಿಂಗ್​​​ ಟ್ರಿಪಲ್​​-ಸ್ಕ್ರೀನ್​​​ ಫೋನಿನ ಮೇಲೆ ಕಾರ್ಯನಿರ್ವಹಿಸುತ್ತಿದೆ. ಸೆಪ್ಟೆಂಬರ್​ 10ರಂದು ಬಿಡುಗಡೆಗೊಳ್ಳಲಿರುವ ಐಫೋನ್​ 16 ಸರಣಿಯ ಬಳಿಕ ನೂತನ ಸ್ಮಾರ್ಟ್​ಫೋನನ್ನು ಅನಾವರಣಗೊಳಿಸುವ ನಿರೀಕ್ಷೆಯಿದೆ.

ಇದನ್ನೂ ಓದಿ: iPhone​ 15 ಪ್ರೊ ಮ್ಯಾಕ್ಸ್​​ ಸ್ಥಗಿತಗೊಳ್ಳುತ್ತಿದೆಯೇ? ಆ್ಯಪಲ್​ ಪ್ರಾಡೆಕ್ಟ್​ ಕುರಿತಂತೆ ಹರಿದಾಡುತ್ತಿದೆ ಶಾಕಿಂಗ್​ ಸುದ್ದಿ

ಸದ್ಯ ಚೀನಾ ಮೂಲದ ಕಂಪನಿ ಪರಿಚಯಿಸಲಿರುವ ಟ್ರಿಪಲ್​ ಸ್ಕ್ರೀನ್​ ಸ್ಮಾರ್ಟ್​ಫೋನ್ Z ಆಕಾರದಲ್ಲಿ ಮಡಚಲು ಅನುವು ಮಾಡಿಕೊಳ್ಳುತ್ತದೆ. ಸ್ಮಾರ್ಟ್​ಫೋನ್​ ತೆರೆದಾಗ 10 ಇಂಚಿನ ಡಿಸ್​​ಪ್ಲೇ ತೆರೆಯುತ್ತದೆ. ಮಡಚಿದಾಗ 7.6 ಇಂಚಿನ ಮತ್ತು 8 ಇಂಚಿನ ಗಾತ್ರದ ಎರಡು ಸ್ಕ್ರೀನ್​ ಹೊಂದಿರಬಹುದು ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಸುನೀತಾರನ್ನು ಕರೆತರಲು ನಭಕ್ಕೆ ದೇವದೂತರು.. ತಿಂಗಳ​ ಅಂತ್ಯದಲ್ಲಿ ಸಿಹಿ ಸುದ್ದಿ ಹಂಚಲಿದೆ NASA

ಸಾಕಷ್ಟು ತೆಳ್ಳನೆಯ ಸ್ಮಾರ್ಟ್​ಫೋನನ್ನು ಪರಿಚಯಿಸಲು ಹುವೈ​ ಮುಂದಾಗಿದೆಯಂತೆ. ಸದ್ಯ ಟ್ರಿಪಲ್​ ಸ್ಕ್ರೀನ್​ ಸ್ಮಾರ್ಟ್​ಫೋನ್ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ನೂತನ ಫೋನ್​ ಹೇಗಿರಲಿದೆ ಎಂಬ ಕುತೂಹಲವೀಗ ಸ್ಮಾರ್ಟ್​ಫೋನ್​ ಪ್ರಿಯರನ್ನು ಕೆರಳಿಸಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ