ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಪತ್ನಿ, ಪ್ರಿಯಕರನ ಸಾಯಿಸಿ ಠಾಣೆಗೆ ಬಂದ ಪತಿ..

ಕಲಬುರಗಿ: ಗಂಡನೊಬ್ಬ ಪತ್ನಿ ಹಾಗೂ ಆಕೆಯ ಪ್ರಿಯಕರನನ್ನು ಒಟ್ಟಿಗೆ ಕೊಂದು ಹಾಕಿದ ಘಟನೆ ಆಳಂದ ತಾಲೂಕಿನ ಮಾದನ ಹಿಪ್ಪರಗಾ ಗ್ರಾಮದಲ್ಲಿ ನಡೆದಿದೆ. ಸೃಷ್ಟಿ (22), ಖಾಜಪ್ಪ (23) ಕೊಲೆಯಾದವರು.

ಇದನ್ನೂ ಓದಿ:ಹಿಂದೂ ಕಾರ್ಯಕರ್ತ ಸುಹಾಸ್ ಶೆಟ್ಟಿ ಪ್ರಕರಣ.. ಇಂದು ದಕ್ಷಿಣ ಕನ್ನಡ ಜಿಲ್ಲೆ ಬಂದ್

[caption id="attachment_122263" align="alignnone" width="800"] ಕೊಲೆ ಮಾಡಿದ ಆರೋಪಿ ಗಂಡ[/caption]

ಈ ಇಬ್ಬರ ಸಾವಿಗೆ ಅನೈತಿಕ ಸಂಬಂಧವೇ ಕೊಲೆಗೆ ಕಾರಣ ಎನ್ನುವ ಶಂಕಿಸಲಾಗಿದೆ. ಕಳೆದ ರಾತ್ರಿ ಪತ್ನಿ ಜೊತೆ ಅದೇ ಗ್ರಾಮದ ಖಾಜಪ್ಪ ಇದುದ್ದನ್ನ ಕಂಡು ಪತಿ ಶ್ರೀಮಂತ ಇಬ್ಬರನ್ನೂ ಸ್ಥಳದಲ್ಲೇ ಕೊಂದು ಹಾಕಿದ್ದಾನೆ. ಇಬ್ಬರನ್ನೂ ಕೊಂದು ಖುದ್ದು ಪೊಲೀಸ್​ ಠಾಣೆಗೆ ತೆರಳಿ ಶರಣಾಗಿದ್ದಾನೆ.
ಎರಡು ವರ್ಷಗಳ ಹಿಂದಷ್ಟೇ ಶ್ರೀಮಂತ ಸೃಷ್ಟಿ ಜೊತೆಗೆ ಮದುವೆಯಾಗಿದ್ದ.

ಆದರೂ ಪತ್ನಿ ಅವಿವಾಹಿತ ಯುವಕನೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದಳಂತೆ. ಊರಿಗೆ ಹೋಗಿದ್ದ ಪತಿ ಕಳೆದ ರಾತ್ರಿ ಮನೆಗೆ ವಾಪಸ್​ ಬಂದಾಗ ಹೆಂಡತಿಯ ಜೊತೆ ಪರ ಪುರುಷನ ನೋಡಿ ಪತಿ ಆಕ್ರೋಶಗೊಂಡು ಮಾರಕಾಸ್ತ್ರಗಳಿಂದ ಕೊಚ್ಚಿ ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ. ಘಟನಾ ಸ್ಥಳಕ್ಕೆ ಮಾದನ ಹಿಪ್ಪರಗಾ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ