ಇನ್​ಸ್ಟಾದಲ್ಲಿ ಪತ್ನಿ ಮದುವೆ ವಿಡಿಯೋ ನೋಡಿ ಶಾಕ್ ಆದ ಪತಿ.. ಒಂದೇ ವಾರದ ಪ್ರೀತಿಗೆ ಕೈ ಕೊಟ್ಟ ಮಹಿಳೆ!

ಬೆಂಗಳೂರು: ಇನ್​ಸ್ಟಾಗ್ರಾಂ​ನಲ್ಲಿ ರೀಲ್ಸ್‌, ವಿಡಿಯೋ ನೋಡೋರು ಆರಾಮಾಗಿ ಟೈಮ್ ಪಾಸ್ ಮಾಡ್ತಾರೆ. ಆದರೆ ಅದೇ ರೀಲ್ಸ್‌ನಲ್ಲಿ ಬೇರೆಯೊಬ್ಬನ ಜೊತೆ ತನ್ನ ಹೆಂಡತಿ ಮದುವೆ ವಿಡಿಯೋ ನೋಡಿದ್ರೆ ಹೇಗಾಗ ಬೇಡ. ನೆಲಮಂಗಲದ ಈ ಡ್ರೈವರ್‌ ರಮೇಶ್‌ನ ಈ ಕಥೆ ಕೇಳಿದ್ರೆ ನಿಜಕ್ಕೂ ನೀವು ಶಾಕ್ ಆಗ್ತೀರಾ.

ನೆಲಮಂಗಲದ ಈ ರಮೇಶ್‌ ಹಾಗೂ ನೇತ್ರಾವತಿಗೆ 13 ವರ್ಷದ ಹಿಂದೆಯೇ ಮದುವೆಯಾಗಿತ್ತು. ಇವರಿಬ್ಬರ ದಾಂಪತ್ಯಕ್ಕೆ ಒಂದು ಗಂಡು ಮಗುವೂ ಇದೆ. ಕಳೆದ 3 ವರ್ಷದಿಂದ ಡ್ರೈವರ್ ಕೆಲಸ ಮಾಡುತ್ತಿದ್ದ ರಮೇಶ್‌, ನೆಲಮಂಗಲದ ರಾಘವೇಂದ್ರನಗರದಲ್ಲಿ ವಾಸಿಸುತ್ತಿದ್ದ.

ಕಳೆದ ಒಂದು ವಾರದ ಹಿಂದೆ ರಮೇಶ್‌ನಿಗೆ ಕೈ ಕೊಟ್ಟ ನೇತ್ರಾವತಿ ಮಗನ ಸಮೇತ ಮನೆ ಬಿಟ್ಟು ಹೋಗಿದ್ದಾರಂತೆ. ಇನ್​ಸ್ಟಾಗ್ರಾಂ​ನಲ್ಲಿ ಪರಿಚಯವಾದ ಪ್ರಿಯಕರನ ಜೊತೆ ಸಂತೋಷವಾಗಿ ಮದುವೆ ಆಗಿದ್ದಾರೆ. ಜಸ್ಟ್ ಒಂದೇ ವಾರದಲ್ಲಿ ನೇತ್ರಾವತಿ ಮನಸು ಗೆದ್ದ ಯುವಕನ ಹೆಸರು ಕೂಡ ಸಂತೋಷ.

ಒಂದೇ ವಾರದಲ್ಲಿ ಚಿಗುರಿದ ಪ್ರೀತಿ!
ರಮೇಶ್‌ನ ಪತ್ನಿ ನೇತ್ರಾವತಿಗೆ ಇನ್​ಸ್ಟಾಗ್ರಾಂ​ ಮೂಲಕ ಸಂತೋಷ್ ಪರಿಚಯ ಆಗಿತ್ತು. ಕಳೆದ ಎರಡು ವಾರದಿಂದ ಸಂತೋಷ್​ ಜೊತೆ ನೇತ್ರಾವತಿ ಚಾಟಿಂಗ್​ ಮಾಡುತ್ತಿದ್ದರು. ದೇವಸ್ಥಾನದಲ್ಲಿ ಒಂದು ವಾರದ ಹಿಂದೆ ಸಂತೋಷ್ ಜೊತೆ​ ನೇತ್ರಾವತಿ ಮದುವೆ ಆಗಿದೆ.

ಸಂತೋಷ್ ಜೊತೆ ಒಂದಾದ ನೇತ್ರಾವತಿ ಮದುವೆ ವಿಡಿಯೋವನ್ನು ಇನ್​ಸ್ಟಾಗ್ರಾಂ​ನಲ್ಲಿ ಶೇರ್ ಮಾಡಿದ್ದಾರೆ. ಈ ವಿಡಿಯೋ ನೋಡಿ ಶಾಕ್ ಆಗಿರುವ ಮೊದಲ ಪತಿ ರಮೇಶ್ ನೆಲಮಂಗಲ ಟೌನ್ ಠಾಣೆಯಲ್ಲಿ ಎನ್​ಸಿಆರ್ ದಾಖಲು ಮಾಡಿದ್ದಾನೆ.

ಈ ಬಗ್ಗೆ ವಿಚಾರಣೆ ನಡೆಸಿದ ನೆಲಮಂಗಲ ಪೊಲೀಸರು ಠಾಣೆಗೆ ನೇತ್ರಾವತಿಯನ್ನು ಕರೆಸಿದ್ದಾರೆ. ನೇತ್ರಾವತಿಯನ್ನು ಮೊದಲ ಪತಿಗೆ ವಿಚ್ಛೇದನ ಕೊಡದೇ ನೀವು 2ನೇ ಮದುವೆ ಹೇಗಾದ್ರಿ ಎಂದು ಪ್ರಶ್ನೆ ಮಾಡಿದ್ದಾನೆ. ಆಗ ನೇತ್ರಾವತಿ ರಮೇಶ್​ನಿಂದ ನಾನು ವಿಚ್ಛೇದನ ಪಡೆಯುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ: ಯುವತಿ ಖಾಸಗಿ ಅಂಗ ಮುಟ್ಟಿ ಹೋದ ಕಾಮುಕನ ಸುಳಿವು.. ಬಿಟಿಎಂ ಲೇಔಟ್​ ಕೇಸ್‌ಗೆ ರೋಚಕ ಟ್ವಿಸ್ಟ್‌! 

ಇನ್​ಸ್ಟಾಗ್ರಾಂ​ನಲ್ಲಿ ಪರಿಚಯವಾದ ಸಂತೋಷ್ ಹಾಗೂ ನೇತ್ರಾವತಿ ಒಂದೇ ವಾರಕ್ಕೆ ಮದುವೆ ಆಗಿದ್ದಾರೆ. ಪ್ರಿಯಕರನಿಗಾಗಿ ಕೈ ಕೊಟ್ಟ ಮಹಿಳೆಯಿಂದ ಪತಿ ಕಂಗಾಲಾಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ