ಕೊಕೇನ್​ ಸೇವನೆಗಾಗಿ 1 ಕೋಟಿ ಮೌಲ್ಯದ ಆಸ್ತಿ ಮಾರಿದ ಪ್ರತಿಷ್ಠಿತ ಆಸ್ಪತ್ರೆಯ ಮಾಜಿ CEO

ಹೈದರಾಬಾದ್‌: ಮಾದಕ ವಸ್ತುವಾದ ಕೊಕೇನ್​ ಸೇವನೆಗಾಗಿ ಹೈದರಾಬಾದ್‌ನ ಒಮೆಗಾ ಆಸ್ಪತ್ರೆಯ ಮಾಜಿ ಮಹಿಳಾ ಸಿಇಒ ಬರೋಬ್ಬರಿ 1 ಕೋಟಿ ರೂಪಾಯಿ ಆಸ್ತಿ ಮಾರಾಟ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಹೈದರಾಬಾದ್‌ನ ಪ್ರತಿಷ್ಠಿತ ಒಮೆಗಾ ಆಸ್ಪತ್ರೆಗಳ ಮಾಜಿ ಸಿಇಒ ಡಾ. ನಮ್ರತಾ ಚಿಗುರುಪತಿ (34) ಅವರನ್ನು ಸದ್ಯ ತೆಲಂಗಾಣ ಮಾದಕ ದ್ರವ್ಯ ವಿರೋಧಿ ಬ್ಯೂರೋ (ಟಿಜಿಎಎನ್​ಬಿ) ಬಂಧಿಸಿದ್ದಾರೆ. ಜೊತೆಗೆ ಕೊಕೇನ್ ಸರಬರಾಜುದಾರ ವಂಶ್ ಧಕ್ಕರ್​ನನ್ನು ಅರೆಸ್ಟ್ ಮಾಡಲಾಗಿದೆ. ಕೊಕೇನ್ ಸರಬರಾಜುದಾರ ಮಾಡುವ ಕಿಂಗ್ ಪಿನ್ ತಲೆಮರೆಸಿಕೊಂಡಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ:ಬೆಂಗಳೂರಲ್ಲಿ ಮಳೆಯ ಆರ್ಭಟ, ಧರೆಗುರುಳಿದ ಮರಗಳು.. ಎಲ್ಲೆಲ್ಲಿ ಏನೇನ್ ಆಗಿದೆ.. ಟಾಪ್- 10 ಫೋಟೋಸ್

ಡಾ. ನಮ್ರತಾ ಚಿಗುರುಪತಿ ಅವರು ಸ್ಪೇನ್​ನಲ್ಲಿ 2021, 2022ರಲ್ಲಿ ಎಂಬಿಎ ವ್ಯಾಸಂಗ ಮಾಡುವಾಗ ಮಾದಕ ವ್ಯಸನಕ್ಕೆ ಒಳಗಾಗಿದ್ದರು. ಅಂದಿನಿಂದ ಕೊಕೇನ್ ತೆಗೆದುಕೊಳ್ಳುತ್ತಿದ್ದರು. ಹೀಗಾಗಿ ಕಳೆದ ವಾರ ತನ್ನ ಕಾರಿನಲ್ಲಿ 5 ಲಕ್ಷ ರೂಪಾಯಿ ಮೌಲ್ಯದ ಕೊಕೇನ್​ ಖರೀದಿ ಮಾಡುವಾಗ ಪೊಲೀಸರು ಅರೆಸ್ಟ್ ಮಾಡಿದ್ದರು. ಇಲ್ಲೊಂದು ಸಂಗತಿ ಎಂದರೆ ಕೊಕೇನ್ ಅನ್ನು ವಾಟ್ಸ್​​ಅಪ್​ ಮೂಲಕ ಆರ್ಡರ್​ ಮಾಡುತ್ತಿದ್ದರು ಎಂದು ತಿಳಿದು ಬಂದಿದೆ.

ಮಾದಕ ವಸ್ತುವಿಗೆ ಒಳಗಾದ ಮೇಲೆ ಡಾ. ನಮ್ರತಾ ಅವರು ಸುಮಾರು 1 ಕೋಟಿ ಮೌಲ್ಯದ ತನ್ನ ಆಸ್ತಿಯನ್ನು ಮಾರಾಟ ಮಾಡಿದ್ದರು. ಇದೇ ಹಣದಿಂದ ಕೊಕೇನ್ ಅನ್ನು ವಾಟ್ಸ್​ಅಪ್​ ಮೂಲಕ ಆರ್ಡರ್ ಮಾಡುತ್ತಿದ್ದರು. ಒಂದು ದಿನದಲ್ಲಿ ಸುಮಾರು 10 ಬಾರಿ ಕೊಕೇನ್ ಸೇವನೆ ಮಾಡುತ್ತಿದ್ದರು. ಮಲಗಿದಾಗ 2-3 ಗಂಟೆಗೊಮ್ಮೆ ಎಚ್ಚರಗೊಳ್ಳುತ್ತಿದ್ದಳು. ನಿದ್ದೆ ಬಾರದಿದ್ದಾಗ ನಿದ್ದೆಯ ಮಾತ್ರೆಗಳನ್ನು ತೆಗೆದುಕೊಳ್ಳುತ್ತಿದ್ದರು ಎಂದು ವಿಚಾರಣೆಯಿಂದ ತಿಳಿದು ಬಂದಿದೆ ಎನ್ನಲಾಗಿದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ