IAS ಅಧಿಕಾರಿ ಪೋಸ್ಟ್​​ಗೆ ಕಮೆಂಟ್​ ಮಾಡಿ ಫಜಿತಿ.. ಅದೇ ಕಮೆಂಟ್​​ಗೆ ಸ್ಮೈಲಿ ಇಮೋಜಿ ಹಾಕಿದವನನ್ನೂ ಬಿಡಲಿಲ್ಲ!

ಅಸ್ಸಾಂನಲ್ಲಿ ಐಎಎಸ್ (IAS) ಅಧಿಕಾರಿ ಮೇಕಪ್​ ಬಗ್ಗೆ ಕಮೆಂಟ್ ಮಾಡಿದವನು ಹಾಗೂ ಆ ಕಮೆಂಟ್​ಗೆ ಸ್ಮೈಲಿ ಇಮೋಜಿ ಹಾಕಿದವನು ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಏನಿದು ಪ್ರಕರಣ..?

ಐಎಎಸ್ ಅಧಿಕಾರಿ ವರ್ನಾಲಿ ದೇಕಾ (Varnali Deka), ಫೇಸ್‌ಬುಕ್‌ನಲ್ಲಿ ಪೋಸ್ಟ್​ ಒಂದನ್ನ ಅಪ್ಲೋಡ್​ ಮಾಡಿದ್ದರು. ಇದಕ್ಕೆ ನರೇಶ್ ಬರುವಾ ಎಂಬಾತ ಇವತ್ತು ಮೇಕಪ್ ಇಲ್ಲದೇ ಕಾಣುತ್ತಿದ್ದೀರಿ ಎಂದು ಕಾಮೆಂಟ್ ಮಾಡಿದ್ದಾನೆ. ಈ ಕಮೆಂಟ್​ಗೆ ಅಮಿತ್ ಚಕ್ರವರ್ತಿ ನಗುವಿನ ಎಮೋಜಿ ಹಾಕಿದ್ದಾನೆ.

ಇದನ್ನೂ ಓದಿ: ಪಾಕ್ ಏರ್​ಸ್ಪೇಸ್ ಮೇಲೆ ಪ್ರಧಾನಿ ಮೋದಿ ವಿಮಾನ 46 ನಿಮಿಷ ಹಾರಾಟ! ಹೇಗಿತ್ತು ಸೂಪರ್ ಭದ್ರತೆ..?

ಇದ್ರಿಂದ ಸಿಟ್ಟಿಗೆದ್ದ ವರ್ನಾಲಿ ದೇಕಾ, ಒಟ್ಟು ಮೂವರ ವಿರುದ್ಧ ಸೈಬರ್ ಕಿರುಕುಳ ಮತ್ತು ಲೈಂಗಿಕ ಅವಹೇಳನಕಾರಿ ಕಾಮೆಂಟ್‌ ಮಾಡಿದ್ದಾಗಿ ದೂರು ನೀಡಿದ್ದಾರೆ. ಈ ಪ್ರಕರಣ ಕೋರ್ಟ್​ ಮೆಟ್ಟಿಲೇರಿದ್ದು ಜಾಮೀನು ಪಡೆಯೋದಕ್ಕೋಸ್ಕರ ಒಂದು ಸ್ಮೈಲಿ ಇಮೋಜಿ ಹಾಕಿದ್ದ ಅಮಿತ್ ಚಕ್ರವರ್ತಿ ಸುಮಾರು 200 ಕಿಲೋ ಮೀಟರ್ ದೂರ ಪ್ರಯಾಣಿಸಿ ಕೋರ್ಟ್​ಗೆ ಬರುವಂತಾಗಿದೆ.

ಸದ್ಯ ಷರತ್ತು ಬದ್ಧ ಜಾಮೀನು ಸಿಕ್ಕಿದೆ. ಆದ್ರೆ ಇವರ ಪರಿಸ್ಥಿತಿ ಇರಲಾರದೇ ಇರುವೆ ಬಿಟ್ಟಂತಾಗಿದೆ. ಅಸ್ಸಾಂನ ಕೋಕ್ರಾಝಾರ್ ಪೊಲೀಸ್ ಠಾಣೆಯಲ್ಲಿ ಮೂವರ ವಿರುದ್ದ ಕೇಸ್ ದಾಖಲಾಗಿದೆ. ಅಮಿತ್ ಚಕ್ರವರ್ತಿಗೆ ವರ್ನಾಲಿ ಡೇಕಾ ಐಎಎಸ್ ಅಧಿಕಾರಿ ಎಂಬುದೇ ಗೊತ್ತಿರಲಿಲ್ಲವಂತೆ.

ಇದನ್ನೂ ಓದಿ: ಡಾಲಿ ಕಲ್ಯಾಣ; ಸೊಸೆ ಬಗ್ಗೆ ಮುತ್ತಿನಂತ ಮಾತು ಹೇಳಿದ ಧನಂಜಯ ತಂದೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ