IPL 2025: ಇವತ್ತು ಮುಂಬೈ ವಿರುದ್ಧ ಪಂಜಾಬ್ ಗೆದ್ದರೆ ಆರ್​ಸಿಬಿಗೆ ಲಾಭ ಇದೆಯಾ..?

ಐಪಿಎಲ್​ನಲ್ಲಿ ಇವತ್ತು ಮುಂಬೈ ಇಂಡಿಯನ್ಸ್ ಹಾಗೂ ಪಂಜಾಬ್ ಕಿಂಗ್ಸ್ ತಂಡಗಳು ಸೆಣಸಾಟ ನಡೆಸಲಿವೆ. ಈಗಾಗಲೇ ಎರಡೂ ತಂಡಗಳು ಪ್ಲೇ-ಆಫ್ ಪ್ರವೇಶ ಮಾಡಿದ್ದು, ಆದರೂ ಮೊದಲ ಎರಡು ಸ್ಥಾನಗಳಿಗಾಗಿ ಭಾರೀ ಪೈಪೋಟಿ ನಡೆಯುತ್ತಿದೆ.

ಇಂದು ಪಂಜಾಬ್ ಕಿಂಗ್ಸ್​ ಗೆದ್ರೆ ಮೊದಲನೇ ಸ್ಥಾನವನ್ನು ಅಲಂಕರಿಸಲಿದೆ. ಹಾಗೆಯೇ ಮುಂಬೈ ಇಂಡಿಯನ್ಸ್ ಒಳ್ಳೆಯ ರನ್​ರೇಟ್​ನಿಂದ ಗೆದ್ದರೆ ಅವರೂ ಎರಡನೇ ಸ್ಥಾನಕ್ಕೆ ಜಿಗಿಯವ ಅವಕಾಶ ಕೂಡ ಇದೆ. ಹೀಗಾಗಿ ಇಂದಿನ ಗೆಲುವು ಎರಡೂ ತಂಗಳಿಗೂ ತುಂಬಾನೇ ಮುಖ್ಯವಾಗಿದೆ.

ಪಂಜಾಬ್ ಗೆದ್ದರೆ ಆರ್​ಸಿಬಿಗೆ ಲಾಭಾನಾ..?

ಮೊದಲ ಎರಡು ಸ್ಥಾನಗಳ ಮೇಲೆ ಕಣ್ಣಿಟ್ಟಿರುವ ನಾಲ್ಕು ತಂಡಗಳಲ್ಲಿ ಆರ್​ಸಿಬಿ ಕೂಡ ಒಂದಾಗಿದೆ. ಪ್ರಸ್ತುತ ಗುಜರಾತ್ 18 ಅಂಕದೊಂದಿಗೆ ಮೊದಲ ಸ್ಥಾನ, ಪಂಜಾಬ್ ಎರಡನೇ ಹಾಗೂ ಆರ್​ಸಿಬಿ ಮೂರನೇ ಸ್ಥಾನದಲ್ಲಿವೆ. ಲೀಗ್ ಹಂತದಲ್ಲಿ ಗುಜರಾತ್ ಕೋಟಾದ ಎಲ್ಲಾ ಪಂದ್ಯಗಳು ಮುಗಿದಿವೆ. ಪಂಜಾಬ್ ಮತ್ತು ಮುಂಬೈ ಇಂಡಿಯನ್ಸ್ ಇಂದು ತಮ್ಮ ಕೋಟಾದ ಕೊನೆಯ ಪಂದ್ಯವನ್ನು ಆಡ್ತಿವೆ. ಆರ್​ಸಿಬಿಗೆ ಇನ್ನೂ ಒಂದು ಪಂದ್ಯ ಬಾಕಿದೆ.

ಇಂದಿನ ಪಂದ್ಯದ ಸೋಲು ಗೆಲುವಿನ ಮೇಲೆ ಆರ್​ಸಿಬಿ ಪ್ಲೇ-ಆಫ್ ಸ್ಲಾಟ್ ನಿರ್ಧಾರ ಆಗಲ್ಲ. ಪಂಜಾಬ್ ಗೆದ್ದರೆ, ಗುಜರಾತ್​ ಟೈಟನ್ಸ್​ ತಂಡವನ್ನು ಸೋಲಿಸಿ ಮೊದಲ ಸ್ಥಾನಕ್ಕೇರಲಿದೆ. ಸೋತರೆ ಎರಡನೇ ಸ್ಥಾನದಲ್ಲಿಯೇ ಉಳಿದುಕೊಳ್ಳಲಿದೆ. ಪಂಜಾಬ್ ಸೋಲಲಿ, ಗೆಲ್ಲಲಿ ಆರ್​ಸಿಬಿಗೆ ಯಾವುದೇ ಪರಿಣಾಮ ಬೀರಲ್ಲ. ನಾಳೆ ನಡೆಯುವ ಪಂದ್ಯದಲ್ಲಿ ಆರ್​ಸಿಬಿ ಗೆದ್ದರೆ ಮಾತ್ರ ಮೊದಲ ಎರಡು ಸ್ಥಾನಗಳಲ್ಲಿ ಒಂದನ್ನು ಅಲಂಕರಿಸಲಿದೆ.

ಇದನ್ನೂ ಓದಿ: ಆರ್​ಸಿಬಿ ಪಂದ್ಯಕ್ಕೂ ಮೊದಲು ಹನುಮನ ಮೊರೆ ಹೋದ ಕೊಹ್ಲಿ.. ವಿರುಷ್ಕಾ ದಂಪತಿ ಹೋಗಿದ್ದೆಲ್ಲಿಗೆ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ