LSG ಮೇಲೆ ಈ ಸ್ಟಾರ್​ನ ಆಟ ನಡದೇ ಇಲ್ಲ.. ಇವತ್ತು ಸ್ಟ್ರಾಂಗ್ ಕಂಬ್ಯಾಕ್ ಮಾಡಿದ್ರೆ ಗೆಲುವು ನಮ್ಮದೇ..!

ಐಪಿಎಲ್ ಸೀಸನ್​ 18ರ ಕೊನೆಯ ಪಂದ್ಯಕ್ಕೆ ವೇದಿಕೆ ಸಜ್ಜಾಗಿದೆ. ಟಾಪ್​ 2 ಸ್ಥಾನದ ಮೇಲೆ ಕಣ್ಣಿಟ್ಟಿರೋ ಆರ್​​ಸಿಬಿ ಲಕ್ನೋ ಎದುರು ಗೆಲುವಿಗೆ ಪಣತೊಟ್ಟಿದೆ. ಒನ್ಸ್​ ಅಗೇನ್​ ಕಿಂಗ್​ ವಿರಾಟ್​ ಕೊಹ್ಲಿ ಮೇಲೆ ಆರ್​​ಸಿಬಿ ಡಿಪೆಂಡ್​​ ಆಗಿದೆ. ಲಕ್ನೋ ಎದುರು ವಿರಾಟ್​ ವೀರಾವೇಷದ ಆಟವಾಡಬೇಕಂದ್ರೆ ಸ್ವಲ್ಪ ಲಕ್​ ಬೇಕಿದೆ.

ಐಪಿಎಲ್​ ಸೀಸನ್​​ 18ರ ಕೊನೆಯ ಲೀಗ್​ ಪಂದ್ಯಕ್ಕೆ ಕೌಂಟ್​​​ಡೌನ್​ ಶುರುವಾಗಿದೆ. ರಾಯಲ್​​ ಚಾಲೆಂಜರ್ಸ್​​ ಬೆಂಗಳೂರು, ಲಕ್ನೋ ಸೂಪರ್​ ಜೈಂಟ್ಸ್​​ ಇಂದು ಎಕಾನಾ ಮೈದಾನದಲ್ಲಿ ಮುಖಾಮುಖಿಯಾಗಲಿವೆ. ಕೊನೆಯ ಪಂದ್ಯ ಗೆದ್ದು ಟಾಪ್​ 2ಕ್ಕೇರೋ ಕನಸಿನಲ್ಲಿ ಆರ್​​ಸಿಬಿ ಇದ್ರೆ, ತವರಿನಂಗಳದಲ್ಲಿ ಗೆದ್ದು ಸೀಸನ್​ಗೆ ಗುಡ್​ ಬೈ ಹೇಳೋ ಲೆಕ್ಕಾಚಾರ ಲಕ್ನೋ ಸೂಪರ್​ ಜೈಂಟ್ಸ್​ದ್ದಾಗಿದೆ. ಹೀಗಾಗಿ ಇಂದಿನ ಕ್ಲೈಮ್ಯಾಕ್ಸ್​ ಕದನ ಕ್ರಿಕೆಟ್​​ ವಲಯದಲ್ಲಿ ಕುತೂಹಲ ಹೆಚ್ಚಿಸಿದೆ.

ಇದನ್ನೂ ಓದಿ: ಪೋಷಕರೇ ಎಚ್ಚರ.. ಮನೆ ಬಳಿ ಆಟವಾಡುತ್ತಿದ್ದಾಗಲೇ ಪ್ರಾಣಬಿಟ್ಟ ಬಾಲಕ; ಆಗಿದ್ದೇನು..?

ಕೊಹ್ಲಿಯೇ RCB ಬ್ಯಾಟಿಂಗ್​ ಬಲ

ಈ ಸೀಸನ್​​ ಐಪಿಎಲ್​ನಲ್ಲಿ ರಾಯಲ್​ ಚಾಲೆಂಜರ್ಸ್​​ ತಂಡ ಯಶಸ್ಸಿನ ಅಲೆಯಲ್ಲಿದೆ. ಲೀಗ್​​ಸ್ಟೇಜ್​ನಲ್ಲಿ ಸಾಲಿಡ್​ ಪರ್ಫಾಮೆನ್ಸ್​ ನೀಡಿ ಪ್ಲೇ ಆಫ್​ಗೆ ರಾಯಲ್​ ಎಂಟ್ರಿ ನೀಡಿದೆ. ಈ ಸಕ್ಸಸ್​​ಫುಲ್​ ಕ್ಯಾಂಪೇನ್​ನಲ್ಲಿ ಆರ್​​ಸಿಬಿ ಬ್ಯಾಟಿಂಗ್ ಯುನಿಟ್​ನ ಬಲವೇ ಕೊಹ್ಲಿ ಅನಿಸಿಬಿಟ್ಟಿದ್ದಾರೆ. ಸ್ಟಾರ್​ ಬ್ಯಾಟರ್​​ ವಿರಾಟ್​ ಕೊಹ್ಲಿಯ ಆಟ ಆರ್​​ಸಿಬಿ ಸಕ್ಸಸ್​​ನಲ್ಲಿ ಕ್ರೂಶಿಯಲ್​ ರೋಲ್​ ಪ್ಲೇ ಮಾಡಿದೆ.

ಕನ್ಸಿಸ್ಟೆನ್ಸಿಗೆ ‘ಕಿಂಗ್​​’

ಈ ಸೀಸನ್​ನಲ್ಲಿ​ ಕೊಹ್ಲಿಯ ಬ್ಯಾಟ್​ ಸಖತ್​ ಸೌಂಡ್ ಮಾಡಿದೆ. ಕ್ಲಾಸ್​ ಆಟದಿಂದಲೇ ಮಿಂಚಿರೋ ವಿರಾಟ್​​ ಆಡಿರೋ 12 ಇನ್ನಿಂಗ್ಸ್​ಗಳಿಂದ 548 ರನ್​ಗಳಿಸಿದ್ದಾರೆ. ಬರೋಬ್ಬರಿ 60.88ರ ಸರಾಸರಿ ಹೊಂದಿರೋ ವಿರಾಟ್​​, 7 ಬಾರಿ ಹಾಫ್​ ಸೆಂಚುರಿ ಗಡಿ ದಾಟಿದ್ದಾರೆ. ಕ್ಲಾಸ್​ ಆಟದಿಂದಲೇ ಮಾಸ್​​ ಮನರಂಜನೆ ನೀಡಿರೋ ವಿರಾಟ್​​ ಕೊಹ್ಲಿ ಕನ್ಸಿಸ್ಟೆಂಟ್​ ಕಿಂಗ್​​ ಅನ್ನೋದನ್ನ ನಿರೂಪಿಸಿದ್ದಾರೆ.

ಇದನ್ನೂ ಓದಿ: ಆರ್​ಸಿಬಿಗೆ ಕಾಡ್ತಿದೆ ಆತಂಕ.. ಇವತ್ತು ಸ್ಫೋಟಕ ಬ್ಯಾಟರ್​ ಆಡೋದು ಡೌಟ್​..!

RCB ಗೆಲುವು ಪಕ್ಕಾ

ಈ ಸೀಸನ್​ನಲ್ಲಿ ಕೊಹ್ಲಿ ಸಿಡಿದೆದ್ರೆ ಸಾಕು, ಆರ್​​ಸಿಬಿ ಗೆಲುವು ಪಕ್ಕಾ ಎಂಬಂತಾಗಿದೆ. ಮೊನ್ನೆ ನಡೆದ ಹೈದ್ರಾಬಾದ್​ ವಿರುದ್ಧದ ಒಂದು ಪಂದ್ಯವನ್ನ ಹೊರತುಪಡಿಸಿದ್ರೆ, ಕೊಹ್ಲಿ ಯಾವೆಲ್ಲಾ ಪಂದ್ಯಗಳಲ್ಲಿ 30ಕ್ಕಿಂತ ಹೆಚ್ಚು ರನ್​ಗಳಿಸಿದ್ದಾರೋ ಆ ಪಂದ್ಯಗಳಲ್ಲಿ ಆರ್​​ಸಿಬಿ ಗೆದ್ದಿದೆ. ಹೀಗಾಗಿ ಇಂದಿನ ಪಂದ್ಯದಲ್ಲೂ ವಿರಾಟ್​ ಕೊಹ್ಲಿಯ ಆಟವೇ ಆರ್​​ಸಿಬಿ ಪಾಲಿಗೆ ಮಹತ್ವದ್ದಾಗಿದೆ. ಲಕ್ನೋ ವಿರುದ್ಧ ಕೊಹ್ಲಿ ಸೂಪರ್​ ಆಟವಾಡಿದ್ರೆ ಸಾಕು ಅನ್ನೋದು ಅಭಿಮಾನಿಗಳ ಪ್ರಾರ್ಥನೆಯಾಗಿದೆ. ಆದ್ರೆ, ಇತಿಹಾಸ ಬೇರೆಯದ್ದೇ ಕಥೆ ಹೇಳ್ತಿದೆ.

ಲಕ್ನೋ ಎದುರು ನಡೆದಿಲ್ಲ ಕೊಹ್ಲಿ ಆಟ

ವಿರಾಟ್​​ ಕೊಹ್ಲಿ ಐಪಿಎಲ್​ ಇತಿಹಾಸದ ಮೋಸ್ಟ್​ ಸಕ್ಸಸ್​ಫುಲ್​ ಬ್ಯಾಟರ್​. ಈ ಕಾರಣಕ್ಕೆ ಐಪಿಎಲ್​ ಟೂರ್ನಿಯ ಸುಲ್ತಾನನ ಪಟ್ಟ ಒಲಿದಿದೆ. ಎಲ್ಲಾ ತಂಡಗಳ ಎದುರು ಅಬ್ಬರದ ಆಟದಿಂದ ಮಿಂಚಿರೋ ಈ ಸಾಮ್ರಾಟ್​ ಕೊಹ್ಲಿಯ ವೀರಾವೇಷ ಲಕ್ನೋ ಎದುರು ಮಾತ್ರ ನಡಿದಿಲ್ಲ. ಐಪಿಎಲ್​ನ 9 ಎದುರಾಳಿ ತಂಡಗಳ ಪೈಕಿ ಕೊಹ್ಲಿ ಕಳಪೆ ರೆಕಾರ್ಡ್​​ ಹೊಂದಿರೋದು ಈ ತಂಡದ ವಿರುದ್ಧ ಮಾತ್ರ.

ಲಕ್ನೋ ವಿರುದ್ಧ ಕೊಹ್ಲಿ ಬ್ಯಾಟಿಂಗ್

ಲಕ್ನೋ ಸೂಪರ್​ ಜೈಂಟ್ಸ್​ ವಿರುದ್ಧ 5 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ಕೊಹ್ಲಿ ಕೇವಲ 27.80ರ ಸರಾಸರಿಯಲ್ಲಿ 139 ರನ್​ಗಳಿಸಿದ್ದಾರೆ. ಕೇವಲ 120.86ರ ಸ್ಟ್ರೈಕ್​ರೇಟ್​ ಹೊಂದಿದ್ದಾರೆ. ಜಮಾನದಲ್ಲಿದ್ದ ಡೆಕ್ಕನ್​ ಚಾರ್ಜರ್ಸ್​, ಹೀಗೆ ಬಂದು ಹಾಗೇ ಹೋದ ಪುಣೆ ಸುಪರ್​ ಜೈಂಟ್ಸ್​, ಗುಜರಾತ್​​ ಲಯನ್ಸ್​ ತಂಡಗಳ ವಿರುದ್ಧ ಕೊಹ್ಲಿ ಇದಕ್ಕಿಂತ ಒಳ್ಳೆ ರೆಕಾರ್ಡ್​ ಹೊಂದಿದ್ದಾರೆ.

ಇದನ್ನೂ ಓದಿ: ಟೆನ್ಶನ್.. ಟೆನ್ಶನ್.. ಟೆನ್ಶನ್.. ಆರ್​ಸಿಬಿ ಕ್ಯಾಂಪ್​ನ ಚಿಂತೆಗೆ ದೂಡಿದ ಒಬ್ಬ ಆಟಗಾರ..!

ಚೇಸಿಂಗ್​ ಬಂದ್ರೆ ಕೊಹ್ಲಿ ಆಟವೇ ನಿರ್ಣಾಯಕ

200+ ಟಾರ್ಗೆಟ್​​ ಚೇಸ್​ ಮಾಡುವಲ್ಲಿ ಆರ್​​ಸಿಬಿ ಪದೇ ಪದೆ ಎಡುವುತ್ತಿದೆ. IPL​ನಲ್ಲಿ 20 ಪಂದ್ಯಗಳಲ್ಲಿ ಆರ್​​ಸಿಬಿ 200+ ಟಾರ್ಗೆಟ್​ ಬೆನ್ನತ್ತಿದೆ. ಈ ಪೈಕಿ 2 ಬಾರಿ ಮಾತ್ರ ಸಕ್ಸಸ್​​ ಕಂಡಿದೆ. ಈ ಹಿಂದಿನ ಹೈದ್ರಾಬಾದ್​ ವಿರುದ್ಧದ ಪಂದ್ಯವೂ ಸೇರಿ 18 ಬಾರಿ ಫೇಲ್ ಆಗಿದೆ. ಚೇಸಿಂಗ್​ ಅಂತಾ ಬಂದ್ರೆ ಆರ್​​ಸಿಬಿ ನೆಚ್ಚಿಕೊಂಡಿರೋದೇ ಚೇಸಿಂಗ್​ ಮಾಸ್ಟರ್ ಕೊಹ್ಲಿಯನ್ನ.​​ ಕೊಹ್ಲಿ ಲಕ್ನೋ ಎದುರು ಕಳಪೆ ಟ್ರ್ಯಾಕ್​ ಹೊಂದಿದ್ದಾರೆ. ಇದು ಸದ್ಯ ಮ್ಯಾನೇಜ್​ಮೆಂಟ್ ಟೆನ್ಶನ್ ಹೆಚ್ಚಿಸಿದೆ.

ಕೊಹ್ಲಿ ಕೈ ಹಿಡಿಯುತ್ತಾ ಲಕ್.​​.?

ಈ ಹಿಂದಿನ ಮುಖಾಮುಖಿಗಳಲ್ಲಿ ಕೊಹ್ಲಿಗೆ ಲಕ್ನೋ ಎದುರು ಲಕ್​ ಸಾಥ್​ ಕೊಟ್ಟಿಲ್ಲ. ಈ ಸೀಸನ್​ನಲ್ಲಿ ಕೊಹ್ಲಿ ಸಾಲಿಡ್​ ಟಚ್​ನಲ್ಲಿದ್ದಾರೆ. ಇಂದು ಪಂದ್ಯ ನಡೆಯೋ ಇದೇ ಎಕಾನಾ ಮೈದಾನದಲ್ಲಿ ಕಳೆದ ಕೆಲ ದಿನಗಳ ಹಿಂದಷ್ಟೇ ಸನ್​​ರೈಸರ್ಸ್ ಹೈದ್ರಾಬಾದ್​​​​ ವಿರುದ್ಧ ಬೊಂಬಾಟ್​​ ಇನ್ನಿಂಗ್ಸ್​ ಕಟ್ಟಿದ್ದಾರೆ. ಕಾನ್ಫಿಡೆಂಟ್​ ಬ್ಯಾಟಿಂಗ್​ ನಡೆಸ್ತಿರೋ ವಿರಾಟ್​ ಕೊಹ್ಲಿಯಿಂದ ಇಂದೂ ಕೂಡ ಒಂದೊಳ್ಳೆ ಇನ್ನಿಂಗ್ಸ್​ನ ನಿರೀಕ್ಷೆಯಿದೆ. ಎಕಾನಾ ಮೈದಾನದಲ್ಲಿ ಇಂದು ಕೊಹ್ಲಿಗೆ ಅದೃಷ್ಟ ಸಾಥ್​ ಕೊಡುತ್ತಾ? ಆರ್​​ಸಿಬಿ ಟಾಪ್​ 2 ಸ್ಥಾನಕ್ಕೇರುತ್ತಾ? ಕಾದು ನೋಡೋಣ.

ಇದನ್ನೂ ಓದಿ: ಟೆನ್ಶನ್.. ಟೆನ್ಶನ್.. ಟೆನ್ಶನ್.. ಆರ್​ಸಿಬಿ ಕ್ಯಾಂಪ್​ನ ಚಿಂತೆಗೆ ದೂಡಿದ ಒಬ್ಬ ಆಟಗಾರ..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ