IND vs ENG 3ನೇ ಪಂದ್ಯ; ಇವತ್ತು ಟೀಂ ಇಂಡಿಯಾದ ಈ ಆಟಗಾರರಿಗೆ ಲಾಸ್ಟ್​​​​​ ಚಾನ್ಸ್..!

ಇಂಡೋ-ಇಂಗ್ಲೆಂಡ್ ನಡುವಿನ ಮೂರನೇ ಏಕದಿನ ಪಂದ್ಯಕ್ಕೆ ವೇದಿಕೆ ಸಿದ್ಧವಾಗಿದೆ. ನಮೋ ಸ್ಟೇಡಿಯಂನಲ್ಲಿ ನಡೆಯಲಿರುವ ಈ ಮ್ಯಾಚ್, ಸರಣಿ ಗೆದ್ದಿರೋ ಟೀಮ್ ಇಂಡಿಯಾಗೆ ಅನೌಪಚಾರಿಕ. ಆದರೂ ಟೀಮ್ ಇಂಡಿಯಾಗೆ ಬೆಂಚ್ ಸ್ಟ್ರೆಂಥ್ ಜೊತೆಗೆ ಚಾಂಪಿಯನ್ಸ್​ ಟ್ರೋಫಿ ದೃಷ್ಟಿಯಿಂದ ಮಹತ್ವದ್ದಾಗಿದೆ.

3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ, 2-0 ಮುನ್ನಡೆ ಸಾಧಿಸಿದೆ. ಇವತ್ತಿನ ಪಂದ್ಯದಲ್ಲಿ ಟೀಮ್ ಇಂಡಿಯಾ ಸೋತರೂ, ಗೆದ್ದರೂ ಚಿಂತಿಸಬೇಕಿಲ್ಲ. ಇದೇ ಮ್ಯಾಚ್ ಕೆಲವು ಆಟಗಾರರಿಗೆ ಲಾಸ್ಟ್​​​​​ ಚಾನ್ಸ್.

ಆಟಗಾರರಿಗೆ ಅಗ್ನಿ ಪರೀಕ್ಷೆ

ಟೀಮ್ ಇಂಡಿಯಾಗೆ ಈಗ ಬೆಂಚ್ ಸ್ಟ್ರೆಂಥ್ ಪರೀಕ್ಷೆ ಮಾಡೋ ಟೈಮ್. ಮೊದಲ ಎರಡು ಪಂದ್ಯಗಳಲ್ಲಿ ಪ್ರಯೋಗಕ್ಕೆ ಮುಂದಾಗದ ರೋಹಿತ್​​, ಗಂಭೀರ್, ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ಸಿಕ್ಕ ಒಂದೇ ಒಂದು ಅವಕಾಶದಲ್ಲಿ ಬೆಂಚ್ ಸ್ಟ್ರೆಂಥ್​ ಪರೀಕ್ಷೆ ಮಾಡಬೇಕಿದೆ. ಈ ಪ್ರಯೋಗ ಆಟಗಾರರ ಪಾಲಿಗೆ ನಿಜಕ್ಕೂ ಅಗ್ನಿ ಪರೀಕ್ಷೆಯ ಕಣವಾಗಿದೆ.

ಪಂತ್​ಗೆ ಚಾನ್ಸ್!

ಎರಡು ಪಂದ್ಯಗಳಿಂದ ಬೆಂಚ್​ಗೆ ಸಿಮೀತವಾಗಿದ್ದ ಪಂತ್​ಗೆ, ಇವತ್ತು ಆಡುವ ಹನ್ನೊಂದರಲ್ಲಿ ಚಾನ್ಸ್​ ಸಿಗಲಿದೆ. ಈ ಒಂದು ಅವಕಾಶ ಪಂತ್ ಬಳಸಿಕೊಂಡರೆ ಕೆ.ಎಲ್.ರಾಹುಲ್ ಬೆಂಚ್​​ಗೆ ಸೀಮಿತರಾಗಲಿದ್ದಾರೆ. ಈ ಹಿಂದಿನ ಪಂದ್ಯಗಳಲ್ಲಿ ರಾಹುಲ್ ಪ್ರದರ್ಶನ ಗಮನ ಸೆಳೆದಿಲ್ಲ.

ಸುಂದರ್​ಗೆ ಅವಕಾಶ?

ಕಟಕ್​ನಲ್ಲಿ ವಾಷ್ಟಿಂಗ್ಟನ್ ಸುಂದರ್​ಗೆ ಅವಕಾಶ ನೀಡಬೇಕಾಗಿತ್ತು. ಆದರೆ ಕುಲ್​ದೀಪ್ ಸ್ಥಾನದಲ್ಲಿ ವರುಣ್ ಚಕ್ರವರ್ತಿಗೆ ಅವಕಾಶ ನೀಡಲಾಗಿತ್ತು. ಚಕ್ರವರ್ತಿಗೆ ಕೊಕ್ ನೀಡಿ ಸುಂದರ್​ಗೆ ನೀಡಬೇಕಾದ ಅನಿವಾರ್ಯತೆ ತಂಡದ ಮುಂದಿದೆ.

ಅರ್ಷದೀಪ್​ಗೆ ಚಾನ್ಸ್

ಟೀಮ್ ಇಂಡಿಯಾ ಬೌಲಿಂಗ್ ವಿಭಾಗದ ಸೆಂಟರ್ ಆಫ್ ಅಟ್ರಾಕ್ಷನ್ ಅರ್ಷದೀಪ್​​ ಸಿಂಗ್. ಟೀಮ್ ಇಂಡಿಯಾದ ಬಿಗ್ ಸ್ಟ್ರೆಂಥ್ ಆಗಿರುವ ಪಂಜಾಬ್​ ಕಾ ಪುತ್ತರ್ ಮೊದಲ ಪಂದ್ಯದಿಂದಲೇ ಅಖಾಡಕ್ಕಿಳಿಯೋ ಲೆಕ್ಕಾಚಾರವಿತ್ತು. ಟೀಮ್ ಮ್ಯಾನೇಜ್​ಮೆಂಟ್​​​​ನ ದೃಷ್ಟಿಕೋನವೇ ಮತ್ತೊಂದಿತ್ತು. ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ಸಿಂಗ್ ಸಜ್ಜುಗೊಳಿಸುವ ಸವಾಲು ತಂಡದ ಮುಂದಿದೆ.

ಟೀಮ್ ಕಾಂಬಿನೇಷನ್​​ಗೆ ದಾರಿ

ಏಕದಿನ ಸರಣಿ ಗೆದ್ದಿರುವ ಟೀಮ್ ಇಂಡಿಯಾಗೆ ಇವತ್ತಿನ ಮ್ಯಾಚ್ ಅನೌಪಚಾರಿಕ ನಿಜ. ಇವತ್ತಿನ ಪಂದ್ಯವೇ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಟೀಮ್ ಇಂಡಿಯಾದ ಪ್ಲೇಯಿಂಗ್ ಇಲೆವೆನ್​​​​​​​​​​​ ಆ್ಯಂಡ್ ಕಾಂಬಿನೇಷನ್ ಸೆಟ್ ಮಾಡೋಕೆ ಮಹತ್ವದ್ದಾಗಿದೆ. ಟೀಮ್ ಇಂಡಿಯಾದ ಟಾಪ್ ಆರ್ಡರ್​ ಬಿಟ್ರೆ, ಇದುವರೆಗೂ ಟೀಮ್ ಇಂಡಿಯಾಗೆ ಸೆಟಲ್ಡ್​ ಮಿಡಲ್ ಆರ್ಡರ್​, ಲೋವರ್ ಆರ್ಡರ್ ಜೊತೆಗೆ ಬೌಲಿಂಗ್ ಕಾಂಬಿನೇಷನ್ ಇಲ್ವೇ ಇಲ್ಲ. ಹೀಗಾಗಿ ಇದಕ್ಕೆ ಸರಿಯಾದ ಉತ್ತರ ಕಂಡುಕೊಳ್ಳುವ ಪಂದ್ಯವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ