ಇಂಗ್ಲೆಂಡ್ ವಿರುದ್ಧ ತ್ರಿಮೂರ್ತಿಗಳ ಅಮೋಘ ಆಟ.. ನಾಯಕ ಗಿಲ್ ಮತ್ತೊಮ್ಮೆ ಸೊಗಸಾದ ಸೆಂಚುರಿ..!

ಕೆ.ಎಲ್.ರಾಹುಲ್ ಕೂಲ್ ಆ್ಯಂಡ್ ಕಾಮ್.. ಕ್ಯಾಪ್ಟನ್ ಶುಭ್​ಮನ್ ಗಿಲ್​​​ರ ಕ್ಲಾಸ್ ಆ್ಯಂಡ್​​​ ಮಾಸ್. ವೈಸ್ ಕ್ಯಾಪ್ಟನ್​​ ರಿಷಭ್ ಪಂತ್ ರೋರಿಂಗ್​ ಬ್ಯಾಟಿಂಗ್. ಈ ತ್ರಿಮೂರ್ತಿಗಳ ಬ್ಯಾಟಿಂಗ್​ಗೆ ಇಂಗ್ಲೆಂಡ್ ಕಂಗಾಲ್ ಆಯ್ತು.

64 ರನ್​​, 1 ವಿಕೆಟ್ ನಷ್ಟದೊಂದಿಗೆ 4ನೇ ದಿನದಾಟ ಆರಂಭಿಸಿದ ಟೀಮ್ ಇಂಡಿಯಾ ಕನ್ನಡಿಗ ಕರುಣ್, ಆಧಾರವಾಗಲೇ ಇಲ್ಲ. 4ನೇ ದಿನದಾಟ ಬಿಗ್ ಇನ್ನಿಂಗ್ಸ್​ ಕಟ್ಟಿ ಟೀಕೆಗಳಿಗೆ ಉತ್ತರಿಸಬೇಕಿದ್ದ ಕರುಣ್, 26 ರನ್​​ಗಳಿಗೆ ವಿಕೆಟ್ ಒಪ್ಪಿಸಿ ಹೊರನಡೆದ್ರು. ಮತ್ತೊಂದ್ಕಡೆ ಪಕ್ಕಾ ಲೆಕ್ಕಾಚಾರದ ಆಟವಾಡಿದ ಕೆ.ಎಲ್.ರಾಹುಲ್, ಅರ್ಧಶತಕ ಸಿಡಿಸಿ ಸಂಭ್ರಮಿಸಿದ್ರು.

ಇದನ್ನೂ ಓದಿ: ದಿಗ್ಗಜ ಬ್ಯಾಟರ್​ಗಳ ದಾಖಲೆ ಉಡೀಸ್​ ಮಾಡಿದ ಯಶಸ್ವಿ ಜೈಸ್ವಾಲ್.. ಯಂಗ್ ಓಪನರ್ ಹೊಸ ಮೈಲಿಗಲ್ಲು!

ಗಿಲ್​ ಜೊತೆಗೂಡಿ ಬಿಗ್ ಇನ್ನಿಂಗ್ಸ್​ ಕಟ್ಟೋ ನಿರೀಕ್ಷೆ ಮೂಡಿಸಿದ್ದ ರಾಹುಲ್, 55 ರನ್​ ಗಳಿಸಿದ್ದಾಗ ಜೋಶ್ ಟಂಗ್​ರ ಮ್ಯಾಜಿಕಲ್​ ಬಾಲ್​ಗೆ ಕ್ಲೀನ್ ಬೋಲ್ಡ್ ಆಗಿ ಹೊರ ನಡೆದ್ರು.

ಶುಭ್​ಮನ್ ಗಿಲ್ ಘರ್ಜನೆ.. ರಿಷಭ್ ಪಂತ್ ಫೈರ್..

ಕೆ.ಎಲ್.ರಾಹುಲ್​​ ವಿಕೆಟ್ ಪತನದ ಬಳಿಕ ಕ್ಯಾಪ್ಟನ್ ಗಿಲ್, ವೈಸ್ ಕ್ಯಾಪ್ಟನ್ ಪಂತ್ ಒಂದಾದ್ರು. 4ನೇ ವಿಕೆಟ್​ಗೆ ಜೊತೆಯಾದ ಈ ಜೋಡಿ ಇಂಗ್ಲೆಂಡ್​ ಬೌಲರ್​ಗಳ ಮೇಲೆ ದಂಡಯಾತ್ರೆ ನಡೆಸಿದರು. ಒಂದ್ಕಡೆ ಶುಭ್​ಮನ್ ಗಿಲ್ ಕ್ಲಾಸ್ ಬ್ಯಾಟಿಂಗ್ ನಡೆಸಿದ್ರೆ. ಮತ್ತೊಂದ್ಕಡೆ ಪಂತ್, ಫಿಯರ್​ಲೆಸ್ ಬ್ಯಾಟಿಂಗ್​ನಿಂದ ಇಂಗ್ಲೆಂಡ್ ಬೌಲರ್​ಗಳನ್ನು ಕಾಡಿದ್ರು.

ಏಕದಿನ ಶೈಲಿಯಂತೆ ಬ್ಯಾಟ್​​ ಬೀಸಿದ ಈ ಜೋಡಿ, 4ನೇ ವಿಕೆಟ್​ಗೆ 110 ರನ್​​ಗಳ ಜೊತೆಯಾಟವಾಡಿದ್ರು. ಗಿಲ್, 57 ಎಸೆತಗಳಲ್ಲೇ ಅರ್ಧಶತಕ ಪೂರೈಸಿದ್ರೆ, ಪಂತ್, 48 ಎಸೆತಗಳಲ್ಲೇ ಫಿಫ್ಟಿ ಸಿಡಿಸಿ ಆಂಗ್ಲರನ್ನು ಅಟ್ಟಾಡಿಸಿದ್ರು. 65 ರನ್​ ಗಳಿಸಿದ್ದಾಗ ಬಶೀರ್ ಬೌಲಿಂಗ್​ನಲ್ಲಿ ಕ್ಯಾಚ್ ನೀಡಿ ನಿರ್ಗಮಿಸಿದರು.

ಶುಭ್​ಮನ್ ಸೆಂಚುರಿ ಧಮಾಕ.. ಬೌಲರ್ಸ್ ಸುಸ್ತು

ಮೊದಲ ಇನ್ನಿಂಗ್ಸ್​ನಲ್ಲಿ ಡಬಲ್ ಸೆಂಚುರಿ ಸಿಡಿಸಿ ಕಾಡಿದ್ದ ಗಿಲ್, 2ನೇ ಇನ್ನಿಂಗ್ಸ್​ನಲ್ಲೂ ಇಂಗ್ಲೆಂಡ್​ ಬೌಲರ್​ಗಳನ್ನು ಬೆಂಡೆತ್ತಿದ್ದರು. ಮೈದಾನದ ಅಷ್ಟ ದಿಕ್ಕುಗಳಿಗೂ ಚೆಂಡಿನ ದರ್ಶನ ಮಾಡಿಸಿದ ಗಿಲ್​, 129 ಎಸೆತಗಳಲ್ಲಿ 9 ಬೌಂಡರಿ, 3 ಸಿಕ್ಸರ್​ ಒಳಗೊಂಡ ಶತಕ ಪೂರೈಸಿದರು. ಆ ಮೂಲಕ ಟೆಸ್ಟ್ ಕ್ರಿಕೆಟ್​ನಲ್ಲಿ 7ನೇ ಶತಕ ದಾಖಲಿಸಿದರು.

ಇದನ್ನೂ ಓದಿ: ಕೆಟ್ಟ ಮೇಲೂ ಬುದ್ಧಿ ಕಲಿಯದ ಪ್ಲೇಯರ್ಸ್​.. ಕ್ಯಾಪ್ಟನ್​ ಗಿಲ್ ಸೇರಿ ಆಟಗಾರರಿಂದ ಕ್ಯಾಚ್​ ಡ್ರಾಪ್

ಮತ್ತೊಂದ್ಕಡೆ ತಾಳ್ಮೆಯ ಬ್ಯಾಟಿಂಗ್ ನಡೆಸಿದ ಜಡೇಜಾ, ಅರ್ಧಶತಕ ಸಿಡಿಸಿ ಸಂಭ್ರಮಿಸಿದ್ರೆ, ಇತ್ತ ಶತಕದ ಬಳಿಕ ಮತ್ತಷ್ಟು ವೈಲೆಂಟ್ ಆದ ಗಿಲ್​, ಸಿಕ್ಸರ್​ನೊಂದಿಗೆ 150 ರನ್​​​​​​​ ಪೂರೈಸಿದರು. 5ನೇ ವಿಕೆಟ್​ಗೆ ಜಡೇಜಾ ಜೊತೆ 175 ರನ್​ಗಳ ಜೊತೆಯಾಟವಾಡಿದ ಶುಭ್​ಮನ್, 161 ರನ್​​​​ಗಳಿಸಿದ್ದಾಗ ವಿಕೆಟ್ ಒಪ್ಪಿಸಿದರು. ನಾಯಕನ ಈ ಅದ್ಭುತ ಇನ್ನಿಂಗ್ಸ್​ನಲ್ಲಿ 13 ಬೌಂಡರಿ, 8 ಸಿಕ್ಸರ್​​​​​ಗಳಿದಿದ್ದು ವಿಶೇಷ.

427ಕ್ಕೆ 6 ಡಿಕ್ಲೇರ್.. ಇಂಗ್ಲೆಂಡ್​ಗೆ ಆರಂಭಿಕ ಅಘಾತ..!

ಗಿಲ್ ವಿಕೆಟ್ ಪತನದ ಬೆನ್ನಲ್ಲೇ ನಿತಿಶ್ ಡಕೌಟ್​ ಆಗಿ ಹಿಂತಿರುಗಿದ್ರೆ, ಸುಂದರ್ ಅಜೇಯ 12, ರವೀಂದ್ರ ಜಡೇಜಾ ಅಜೇಯ 69 ರನ್​ಗಳ ನೆರವಿನಿಂದ ಟೀಮ್ ಇಂಡಿಯಾ, 2ನೇ ಇನ್ನಿಂಗ್ಸ್​ 427 ರನ್​ ಗಳಿಸಿತ್ತು. ಈ ವೇಳೆ ನಾಯಕ ಗಿಲ್ ಡಕ್ಲೇರ್​ ಘೋಷಿಸಿದ್ರು. ಇದರೊಂದಿಗೆ ಟೀಮ್ ಇಂಡಿಯಾ 607 ರನ್​ಗಳ ಮುನ್ನಡೆ ಸಾಧಿಸಿತು. 608 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿದ ಇಂಗ್ಲೆಂಡ್​ಗೆ ಆರಂಭದಲ್ಲೇ ಶಾಕ್ ಕಾದಿತ್ತು. ಸಿರಾಜ್​ ಎಸೆದ 2ನೇ ಓವರ್​​ನಲ್ಲೇ ಓಪನರ್ ಕ್ರಾವ್ಲೆ ಪೆವಿಲಿಯನ್ ಸೇರಿದ್ರು.

ಕ್ರಾವ್ಲೆ ಔಟಾದರು, ಬೆನ್ ಡಕೆಟ್ ಬಿರುಸಿನ ಬ್ಯಾಟಿಂಗ್ ನಡೆಸಿದರು. 15 ಎಸೆತಗಳಲ್ಲಿ 5 ಬೌಂಡರಿ, ಒಳಗೊಂಡ 25 ರನ್ ಸಿಡಿಸಿದ್ದ ಡಕೆಟ್​​ಗೆ, ಆಕಾಶ್ ದೀಪ್​ ಬ್ರೇಕ್ ಹಾಕಿದ್ರು. ಕ್ರಾವ್ಲೆ, ಡಕೆಟ್ ವಿಕೆಟ್​ ಪತನದ ಬಳಿಕ ಒಲಿ ಪೊಪ್​, ಜೋ ರೂಟ್​ ಬೇರೂರುವ ಮುನ್ಸೂಚನೆ ನೀಡಿದ್ರು. ಈ ವೇಳೆ 6 ರನ್ ಗಳಿಸಿದ್ದ ರೂಟ್​ಗೆ ಪೆವಿಲಿಯನ್ ರೂಟ್ ತೋರಿದ ಆಕಾಶ್​ ದೀಪ್, ಟೀಮ್ ಇಂಡಿಯಾ ಮೇಲುಗೈ ಸಾಧಿಸಲು ನೆರವಾದ್ರು. 4ನೇ ದಿನದಾಟದ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 72 ರನ್ ಗಳಿಸಿರುವ ಇಂಗ್ಲೆಂಡ್​, 536 ರನ್​ಗಳ ಹಿನ್ನಡೆಯಲ್ಲಿದೆ.

ಇದನ್ನೂ ಓದಿ: ಕೊಹ್ಲಿ ದಾಖಲೆ ಸರಿಗಟ್ಟಿದ ಶುಭಮನ್ ಗಿಲ್.. ಇಂಗ್ಲೆಂಡ್‌ ನೆಲದಲ್ಲಿ ಯುವ ನಾಯಕ ಮಿಂಚಿಂಗ್​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ