ಮನೆಮಗ ರಾಹುಲ್​​ ಮೇಲೆ ಅಭಿಮಾನಿಗಳ ಕಣ್ಣು.. ಆ ಒಂದು ಕನಸು ಈಡೇರುತ್ತಾ..?

ಇಂಡೋ-ನ್ಯೂಜಿಲೆಂಡ್​​ ಮೊದಲ ಟೆಸ್ಟ್ ಪಂದ್ಯದ ಕ್ರೇಜ್​ ಬೆಂಗಳೂರಲ್ಲಿ ಜೋರಾಗಿದೆ. ಮನೆ ಮಗ ಕೆ.ಎಲ್.ರಾಹುಲ್ ಆಟವನ್ನ ಕಣ್ತುಂಬಿಕೊಳ್ಳಲು ಕರ್ನಾಟಕದ ಕ್ರಿಕೆಟ್​ ಫ್ಯಾನ್ಸ್​ ಕಾದಿದ್ದಾರೆ. ಹೋಮ್​​ಗ್ರೌಂಡ್​​ ಚಿನ್ನಸ್ವಾಮಿಯಲ್ಲಿ 3ನೇ ಟೆಸ್ಟ್​​ ಆಡಲು ಸಜ್ಜಾಗಿರೋ ರಾಹುಲ್​, ಒಂದು ಕೊರಗನ್ನ ನನಸು ಮಾಡಿಕೊಳ್ಳೋ ಹಂಬಲದಲ್ಲಿದ್ದಾರೆ. ಅದಕ್ಕೆ ಮಳೆರಾಯನ ಕೃಪೆ ಕೂಡ ಬೇಕಿದೆ. 

ಇಂಡೋ-ನ್ಯೂಜಿಲೆಂಡ್​​ ಟೆಸ್ಟ್​ ಸರಣಿ ಆರಂಭಕ್ಕೆ ಕೌಂಟ್​​ಡೌನ್​ ಶುರುವಾಗಿದೆ. ಕಳೆದ 2 ದಿನಗಳಿಂದ ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ಉಭಯ ತಂಡಗಳು ಸಿದ್ಧತೆ ನಡೆಸ್ತಿವೆ. ರೋಹಿತ್​ ಶರ್ಮಾ ನೇತೃತ್ವದ ಟೀಮ್​ ಇಂಡಿಯಾ ಕಠಿಣ ತಾಲೀಮು ನಡೆಸ್ತಿದ್ದು, ನೆಟ್ಸ್​ನಲ್ಲಿ ಆಟಗಾರರು ಬೆವರಿಳಿಸಿದ್ದಾರೆ.

ಇದನ್ನೂ ಓದಿ:ಗಂಭೀರ್ ಅಂದು ನುಡಿದಿದ್ದ ಮಾತು ನಿಜವಾಗಿಸಿದ ಸಂಜು; ಏನದು..?

ಮನೆ ಮಗ ರಾಹುಲ್​​ ಮೇಲೆ ಅಭಿಮಾನಿಗಳ ಕಣ್ಣು
ಮನೆ ಮಗ ಕೆ.ಎಲ್​ ರಾಹುಲ್​, ಬುಧವಾರದಿಂದ ಆರಂಭವಾಗೋ ಮೊದಲ ಟೆಸ್ಟ್​ ಪಂದ್ಯದ ಸೆಂಟರ್​ ಆಫ್​ ಅಟ್ರಾಕ್ಷನ್​. ಆಡಿ ಬೆಳೆದ ಚಿನ್ನಸ್ವಾಮಿ ಮೈದಾನದಲ್ಲಿ ಭಾರತದ ಪರ ಬ್ಯಾಟ್​ ಝಳಪಿಸಲು​ ರೆಡಿಯಾಗಿದ್ದಾರೆ. ಹೆಮ್ಮೆಯ ಕನ್ನಡಿಗನಿಗೆ ಚಿಯರ್​ ಮಾಡಲು ಕರ್ನಾಟಕದ ಕ್ರಿಕೆಟ್​ ಫ್ಯಾನ್ಸ್​​​ ಕಾದಿದ್ದಾರೆ. ಹೋಮ್​​ಗ್ರೌಂಡ್​ಗೆ ಕಮ್​ಬ್ಯಾಕ್​ ಮಾಡಿರುವ ರಾಹುಲ್ ಮೇಲೆ ನಿರೀಕ್ಷೆ ಭಾರವೇ ಇದೆ.

ಸಾಲಿಡ್​ ಫಾರ್ಮ್​ನಲ್ಲಿ ರಾಹುಲ್​, ಘರ್ಜನೆ ಪಕ್ಕಾ?
ಇನ್​ಕನ್ಸಿಸ್ಟೆನ್ಸಿ ಸಮಸ್ಯೆ ಎದುರಿಸಿ ಟೀಕೆಗಳಿಗೆ ಗುರಿಯಾಗಿದ್ದ ರಾಹುಲ್​, ಈ ಹಿಂದಿನ ಟೆಸ್ಟ್​ನಲ್ಲಿ ಸಾಲಿಡ್​ ಆಟವಾಡಿ ಮಿಂಚಿದ್ದಾರೆ. ಬಾಂಗ್ಲಾದೇಶ ಎದುರು ಕಾನ್ಪುರದಲ್ಲಿ ನಡೆದ 2ನೇ ಟೆಸ್ಟ್​ ಪಂದ್ಯದಲ್ಲಿ ಸ್ಪೋಟಕ ಇನ್ನಿಂಗ್ಸ್​ ಕಟ್ಟಿದ್ರು. ಬಾಂಗ್ಲಾ ಬೌಲರ್​ಗಳನ್ನ ಬೆಂಡೆತ್ತಿದ್ದ ರಾಹುಲ್​, ಟೆಸ್ಟ್​ ಕ್ರಿಕೆಟ್​ನಲ್ಲಿ ಟಿ20 ಆಟವಾಡಿದ್ರು. 7 ಬೌಂಡರಿ, 2 ಸಿಕ್ಸರ್​​ ಸಹಿತ 43 ಎಸೆತಗಳಲ್ಲೇ 68 ರನ್​ ಚಚ್ಚಿದ್ರು.

ಇದನ್ನೂ ಓದಿ:India vs New Zealand ಮೊದಲ ಟೆಸ್ಟ್​​ ರದ್ದು..? ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಕಠಿಣ ಅಭ್ಯಾಸ
ಕಳೆದ ಎರಡು ದಿನಗಳಿಂದ ಚಿನ್ನಸ್ವಾಮಿ ಮೈದಾನದಲ್ಲಿ ಕೆ.ಎಲ್.ರಾಹುಲ್​, ಭರ್ಜರಿ ತಾಲೀಮು ನಡೆಸ್ತಿದ್ದಾರೆ. ನೆಟ್ಸ್​ನಲ್ಲಿ ಗಂಟೆಗಟ್ಟಲೇ ಬ್ಯಾಟಿಂಗ್​ ಅಭ್ಯಾಸ ನಡೆಸಿ ಬೆವರಿಳಿಸಿದ್ದಾರೆ. ಸ್ಪಿನ್​​ ಹಾಗೂ ಪೇಸ್ ಎರಡರ​​ ಎದುರು ಉತ್ತಮ ಬ್ಯಾಟಿಂಗ್​ ನಡೆಸಿರುವ ರಾಹುಲ್​, ತವರಿನ ಅಭಿಮಾನಿಗಳ ಎದುರು ಸ್ಮರಣೀಯ ಇನ್ನಿಂಗ್ಸ್​​ ಕಟ್ಟೋ ಲೆಕ್ಕಾಚಾರದಲ್ಲಿದ್ದಾರೆ.

ರಾಹುಲ್​ ಕ್ಲಾಸಿಕ್​ ಆಟ
ಚಿನ್ನಸ್ವಾಮಿ ಮೈದಾನದಲ್ಲಿ ಡೊಮೆಸ್ಟಿಕ್​ ಹಾಗೂ ಕ್ಲಬ್​ ಕ್ರಿಕೆಟ್​ ಆಡಿ ಪಳಗಿರುವ ಬ್ಯಾಟ್ಸ್​ಮನ್​ ಕೆ.ಎಲ್​ ರಾಹುಲ್​. ತವರಿನಂಗಳಲ್ಲಿ ಆಡಿದ ಟೆಸ್ಟ್​ ಪಂದ್ಯಗಳಲ್ಲೂ ರಾಹುಲ್​, ಉತ್ತಮ ಪರ್ಫಾಮೆನ್ಸ್​​ ನೀಡಿದ್ದಾರೆ. ರಾಹುಲ್​ರ ಈ ಸಾಲಿಡ್​​ ಟ್ರ್ಯಾಕ್​ ರೆಕಾರ್ಡ್​​ ಫ್ಯಾನ್ಸ್​ ವಿಶ್ವಾಸ ಹೆಚ್ಚಿಸಿದ್ರೆ ಕಿವೀಸ್​ ಪಾಳಯದಲ್ಲಿ ಆತಂಕ ಸೃಷ್ಟಿಸಿದೆ.

ಚಿನ್ನಸ್ವಾಮಿಯಲ್ಲಿ ರಾಹುಲ್​​​​
ಚಿನ್ನಸ್ವಾಮಿ ಮೈದಾನದಲ್ಲಿ 3 ಇನ್ನಿಂಗ್ಸ್​ಗಳನ್ನಾಡಿರುವ ಕೆ.ಎಲ್.ರಾಹುಲ್​, 195 ರನ್​ಗಳಿಸಿದ್ದಾರೆ. ಮೂರು ಇನ್ನಿಂಗ್ಸ್​ಗಳಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದು 65ರ ಸರಾಸರಿ ಹೊಂದಿದ್ದಾರೆ.

ಇದನ್ನೂ ಓದಿ:ಕೊಹ್ಲಿ, ರೋಹಿತ್ ಕೆಂಗಣ್ಣಿಗೆ ಗುರಿಯಾಗಿದ್ದ ಈ ನಿಯಮವನ್ನು ರದ್ದು ಮಾಡಿದ ಬಿಸಿಸಿಐ, ಆದರೆ..!

ನ್ಯೂಜಿಲೆಂಡ್​​ ವಿರುದ್ಧ ನೀಗುತ್ತಾ ಶತಕದ ಬರ?
ಚಿನ್ನಸ್ವಾಮಿ ಮೈದಾನದಲ್ಲಿ ಆಡಿದ ಮೂರೂ ಇನ್ನಿಂಗ್ಸ್​​ಗಳಲ್ಲಿ ಹಾಫ್​ ಸೆಂಚುರಿ ಸಿಡಿಸಿರುವ ಕೆ.ಎಲ್​ ರಾಹುಲ್, ಶತಕದ ಗಡಿ ದಾಟುವಲ್ಲಿ ಫೇಲ್​ ಆಗಿದ್ದಾರೆ. ಇದೀಗ ಕಿವೀಸ್​ ವಿರುದ್ಧ ಶತಕ ಸಿಡಿಸುವ ಹಂಬಲ ರಾಹುಲ್​​ದ್ದಾಗಿದೆ. ತವರಿನಂಗಳದಲ್ಲಿ ತವರಿನ ಅಭಿಮಾನಿಗಳ ಎದುರು ಸೆಂಚುರಿ ಸಿಡಿಸೋ ಕನಸು ನನಸಾಗಲಿ ಅನ್ನೋದೇ ಎಲ್ಲರ ಆಶಯವಾಗಿದೆ.

ಇದನ್ನೂ ಓದಿ:ಬರ್ತ್​​ ಡೇ ದಿನವೂ ಹಾರ್ದಿಕ್​ಗೆ ಕಾಡಿತ್ತು ಬೇಸರ; ಸ್ಟಾರ್ ಯೂಟ್ಯೂಬರ್ ಜೊತೆ ನತಾಶಾ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್