ಇಂಡಿಯಾ-ನ್ಯೂಜಿಲೆಂಡ್ ಮೊದಲ ಟೆಸ್ಟ್; ಬಿಗ್ ರಿಲೀಫ್ ಕೊಟ್ಟ ಮಳೆರಾಯ, ಗುಡ್​​ನ್ಯೂಸ್..!

ಬೆಂಗಳೂರು: ನಿನ್ನೆ ಶುರುವಾಗಬೇಕಿದ್ದ ಟೀಮ್​ ಇಂಡಿಯಾ, ನ್ಯೂಜಿಲೆಂಡ್​ ತಂಡದ ನಡುವಿನ ಮೊದಲ ಟೆಸ್ಟ್​ ಪಂದ್ಯಕ್ಕೆ ಮಳೆ ಅಡ್ಡಿಯಾಗಿತ್ತು. ಇದೀಗ ಕ್ರಿಕೆಟ್ ಅಭಿಮಾನಿಗಳಿಗೆ ಮಳೆರಾಯ ಗುಡ್​ನ್ಯೂಸ್ ನೀಡಿದ್ದು, ಇಂದು ಪಂದ್ಯ ಆರಂಭ ಆಗೋದು ಬಹುತೇಕ ಕನ್ಫರ್ಮ್ ಆಗಿದೆ.

ಬೆಳಗ್ಗೆ ಜಿನುಗುತ್ತಿದ್ದ ಮಳೆರಾಯ ಬ್ರೇಕ್ ಕೊಟ್ಟಿದ್ದು, ಬೆಂಗಳೂರಲ್ಲಿ ಸೂರ್ಯ ಉದಯಿಸಿದ್ದಾನೆ. ಎಲ್ಲವೂ ಅಂದುಕೊಂಡಂತೆ ಆದರೆ ಬೆಳಗ್ಗೆ 9.30 ರಿಂದ ಪಂದ್ಯ ಆರಂಭ ಆಗಲಿದೆ. ಬಾಂಗ್ಲಾ ವಿರುದ್ಧ ಟೆಸ್ಟ್​ ಸರಣಿಯನ್ನು ಕ್ಲೀನ್​ಸ್ವೀಪ್ ಮಾಡಿರುವ ಟೀಂ ಇಂಡಿಯಾ, ನ್ಯೂಜಿಲೆಂಡ್ ವಿರುದ್ಧವೂ ಗೆಲುವಿನ ನಗಾರೆ ಬೀರುವ ಇರಾದೆಯಲ್ಲಿದೆ.

ಇದನ್ನೂ ಓದಿ: ನ್ಯೂಜಿಲೆಂಡ್​ ವಿರುದ್ಧದ ಮೊದಲ ದಿನದ ಪಂದ್ಯ ದಿಢೀರ್​ ರದ್ದು; ಟೀಮ್​ ಇಂಡಿಯಾ ಕನಸು ಭಗ್ನ!

ಅದೇ ಟೀಮ್​ ಫಿಕ್ಸ್​..
ಬಾಂಗ್ಲಾ ಎದುರಿನ ಟೆಸ್ಟ್​ನಲ್ಲಿ ಕಣಕ್ಕಿಳಿದಿದ್ದ ತಂಡವೇ ಬಹುತೇಕ ಕಣಕ್ಕಿಳಿಯಲಿದೆ. ಕಳೆದ ಸರಣಿಯಲ್ಲಿ ಕಳಪೆ ಪ್ರದರ್ಶನ ತೋರಿದ್ದ ರೋಹಿತ್, ಈಗ ಫಾರ್ಮ್​ಗೆ ಮರಳಬೇಕಿದೆ. ದತ್ತು ಪುತ್ರ ವಿರಾಟ್​​​​​​​​ ಹಾಗೂ ಮನೆ ಮಗ ಕೆ.ಎಲ್.ರಾಹುಲ್ ಮೇಲೆ ಹೆಚ್ಚಿನ ನಿರೀಕ್ಷೆ ಇದ್ದು, ಇವರಿಬ್ಬರ ಬ್ಯಾಟಿಂಗ್ ಝಲಕ್ ನೋಡಲು ಫ್ಯಾನ್ಸ್​ ತುದಿಗಾಲಿನಲ್ಲಿ ನಿಂತಿದ್ದಾರೆ.

ಬೌಲಿಂಗ್ ಡಿಪಾರ್ಟ್​ಮೆಂಟ್​ನಲ್ಲೂ ಬದಲಾವಣೆ ಕಷ್ಟ ಸಾಧ್ಯ. ಪಿಚ್​ ಮೇಲಿನ ಹುಲ್ಲು, ಮೋಡಕವಿದ ವಾತಾವರಣ ವೇಗಿಗಳಿಗೆ ನೆರವಾಗಲಿದೆ. ಹೀಗಾಗಿ 3 ಪೇಸರ್ಸ್ ಆ್ಯಂಡ್ 2 ಸ್ಪಿನ್ನರ್ಸ್​ ಫಾರ್ಮಲಾದಲ್ಲೇ ಕಣಕ್ಕಿಳಿಯಲಿದ್ದು, ಜಸ್​ಪ್ರೀತ್​ ಬೂಮ್ರಾ, ಮೊಹಮದ್​ ಸಿರಾಜ್, ಆಕಾಶ್ ​ದೀಪ್ ಪೇಸರ್​ಗಳಾಗಿ ಚೆಂಡು ಹಂಚಿಕೊಳ್ಳುವ ಸಾಧ್ಯತೆ ಹೆಚ್ಚಿದೆ. ಜಡೇಜಾ, ಅಶ್ವಿನ್ ಸ್ಪಿನ್ ಟ್ವಿನ್ಸ್ ಆಗಿ ಕಣಕ್ಕಿಳಿಯೋದು ಫಿಕ್ಸ್.! ಲಂಕಾ ಪ್ರವಾಸದಲ್ಲಿ ಸ್ಪಿನ್ ಎದುರು ಕಿವೀಸ್​ ಪರದಾಡಿದೆ. ಹೀಗಾಗಿ 3ನೇ ಸ್ಪಿನ್ನರ್ ಆಗಿ ಅಕ್ಷರ್ ಅಥವಾ ಕುಲ್​ದೀಪ್ ಯಾದವ್ ಕಣಕ್ಕಿಳಿದರೂ ಅಚ್ಚರಿ ಇಲ್ಲ.

ಇದನ್ನೂ ಓದಿ: ವಿಜಯದಶಮಿ ಜಾಕ್​ಪಾಟ್​; ಗಳಿಕೆಯಲ್ಲಿ ​ಕೊಹ್ಲಿಯನ್ನೇ ಮೀರಿಸಿದ ಕಿಂಗ್ ಜಡೇಜಾ..!

GREAT NEWS FROM THE CHINNASWAMY STADIUM.

- No rain and we're set to have the Test match on time. 🇮🇳 pic.twitter.com/F8uoMjZbUH

— Mufaddal Vohra (@mufaddal_vohra) October 17, 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ