ಪಾಕಿಸ್ತಾನಕ್ಕೆ ಬಿಸಿ ಮುಟ್ಟಿಸಿದ ಯುವ ಆಲ್​ರೌಂಡರ್.. ಶರವೇಗದ ಫೀಲ್ಡಿಂಗ್​ಗೆ ಮೊದಲ ವಿಕೆಟ್ ರನೌಟ್​

2025ರ ಚಾಂಪಿಯನ್ಸ್​​ ಟ್ರೋಫಿಯ ಮಹತ್ವದ ಪಂದ್ಯ ಭಾರತ ಹಾಗೂ ಪಾಕಿಸ್ತಾನದ ನಡುವೆ ನಡೆಯುತ್ತಿದೆ. ಸದ್ಯ ಬ್ಯಾಟಿಂಗ್ ಮಾಡುತ್ತಿರುವ ಪಾಕಿಸ್ತಾನದ ಓಪನರ್ ಬ್ಯಾಟ್ಸ್​​ಮನ್​ ಅನ್ನು ರನೌಟ್​ ಮಾಡುವ ಮೂಲಕ ಟೀಮ್ ಇಂಡಿಯಾ ಪ್ಲೇಯರ್ ಸಂಭ್ರಮಿಸಿದ್ದಾರೆ.

ದುಬೈ ಅಂತರರಾಷ್ಟ್ರೀಯ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕ್, ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ. ಅದರಂತೆ ಓಪನಿಂಗ್ ಬ್ಯಾಟಿಂಗ್​ಗೆ ಆಗಮಿಸಿದ ಇಮಾಮ್-ಉಲ್-ಹಕ್ ಹಾಗೂ ಬಾಬರ್ ಅಜಂ ಕೆಲ ಸಮಯ ಭಾರತ ಬೌಲರ್ಸ್​ ಅನ್ನು ಕಾಡಿದರು. ಪಾಕ್ ಓಪನರ್ಸ್​ ಇನ್ನೇನು ಕ್ರೀಸ್​ನಲ್ಲಿ ಸೆಟಲ್ ಆಗಬೇಕು ಎನ್ನುವಷ್ಟರಲ್ಲಿ ಯುವ ಆಲ್​ರೌಂಡರ್​ ಅಕ್ಷರ್ ಪಟೇಲ್ ನೇರ ವಿಕೆಟ್​ಗೆ ಬಾಲ್ ಎಸೆಯುವ ಮೂಲಕ ಬಿಗ್ ವಿಕೆಟ್ ಉರುಳಿಸಿದ್ದಾರೆ.

ಸ್ಪಿನ್ನರ್ ಕುಲ್​ದೀಪ್ ಯಾದವ್ 10ನೇ ಓವರ್​ನ ಮೊದಲ ಬಾಲ್ ಮಾಡಿದರು. ಇದನ್ನು 10 ರನ್ ಗಳಿಸಿ ಆಡುತ್ತಿದ್ದ ಇಮಾಮ್-ಉಲ್-ಹಕ್ ಅವರು ಫ್ರಂಟ್ ಬಂದು ಬಾರಿಸಿದರು. ಆದರೆ ಅಕ್ಷರ್ ಪಟೇಲ್ ಶರವೇಗದಲ್ಲಿ ಬಾಲ್ ಪಿಕ್ ಮಾಡಿ ನೇರ ವಿಕೆಟ್​ಗೆ ಹೊಡೆದರು. ಈ ನಿರ್ಧಾರ ಮೂರನೇ ಅಂಪೈರ್ ಬಳಿಗೆ ಹೋಗಿತ್ತು. ಅವರು ​ ಎಲ್ಲವನ್ನು ಸರಿಯಾಗಿ ಪರಿಶೀಲಿಸಿ ಇಮಾಮ್-ಉಲ್-ಹಕ್ ರನೌಟ್​ ಎಂದು ಸ್ಕ್ರೀನ್ ತೋರಿಸಲಾಯಿತು. ಇದರಿಂದ ಸ್ಟೇಡಿಯಂನಲ್ಲಿದ್ದ ಪಾಕ್ ಅಭಿಮಾನಿಗಳು ಬೇಸರದಿಂದ ತಲೆ ಮೇಲೆ ಕೈ ಇಟ್ಟುಕೊಂಡರು.

ಭಾರತದ ನಾಯಕ ರೋಹಿತ್ ಶರ್ಮಾ ಟಾಸ್ ಸೋತು ಮೊದಲು ಫೀಲ್ಡಿಂಗ್ ಮಾಡುತ್ತಿದ್ದಾರೆ. ಸ್ಟೇಡಿಯಂ ಎಲ್ಲ ಫುಲ್ ಆಗಿದ್ದು ಅಭಿಮಾನಿಗಳ ಸೆಲೆಬ್ರೆಷನ್ ದೊಡ್ಡ ಮಟ್ಟದಲ್ಲಿದೆ. ಈ ಪಂದ್ಯದ ಪ್ರತಿ ಬಾಲ್ ಕೂಡ ಮಹತ್ವ ಪಡೆದುಕೊಂಡಿದೆ ಎನ್ನಬಹುದು. ಸದ್ಯ ಪಾಕಿಸ್ತಾನ 20 ಓವರ್​ಗೆ 2 ವಿಕೆಟ್​ ನಷ್ಟಕ್ಕೆ 77 ರನ್​ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದೆ. ಪಾಂಡ್ಯ ಬೌಲಿಂಗ್​ನಲ್ಲಿ ಬಾಬಾರ್ ಅಜಂ ಕೂಡ 23 ರನ್​ಗೆ ಔಟ್ ಆಗಿದ್ದಾರೆ.

this run out, can watch it on loop! axar patel. pic.twitter.com/QetVkbTM1o

— 𝒑. (@ssnoozemode)

this run out, can watch it on loop! axar patel. https://t.co/QetVkbTM1o

— 𝒑. (@ssnoozemode) February 23, 2025

">February 23, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ