KL ರಾಹುಲ್​, ಪಂತ್ ಶತಕ ಬಾರಿಸಿದರೂ ಸಂಕಷ್ಟ.. ಕುತೂಹಲದಲ್ಲಿ ಟೆಸ್ಟ್​ನ ಕೊನೆಯ ದಿನ!

ಮೊದಲ ಟೆಸ್ಟ್​ ಪಂದ್ಯದ ಎರಡನೇ ಇನ್ನಿಂಗ್ಸ್​ನಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಹಾಗೂ ವಿಕೆಟ್​ ಕೀಪರ್ ರಿಷಭ್ ಪಂತ್ ಅವರ ಭರ್ಜರಿ ಶತಕದಿಂದ ಟೀಮ್ ಇಂಡಿಯಾ 364 ರನ್​ಗೆ ಆಲೌಟ್​ ಆಗಿದೆ. 371 ರನ್​ಗಳ ಟಾರ್ಗೆಟ್​ ಅನ್ನು ಟೀಮ್ ಇಂಡಿಯಾ ಇಂಗ್ಲೆಂಡ್​ಗೆ ನೀಡಿದೆ.

2ನೇ ಇನ್ನಿಂಗ್ಸ್​ನ 4ನೇ ದಿನದಾಟದಲ್ಲಿ ಬ್ಯಾಟಿಂಗ್ ಆರಂಭಿಸಿದ್ದ ಕೆ.ಎಲ್ ರಾಹುಲ್ ಹಾಗೂ ರಿಷಭ್ ಪಂತ್ ಇಬ್ಬರು ಸೆಂಚುರಿ ಬಾರಿಸಿದ್ದರು. ಟೆಸ್ಟ್​ನ 2ನೇ ಇನ್ನಿಂಗ್ಸ್​ನಲ್ಲಿ ವೇಗವಾಗಿ ಬ್ಯಾಟಿಂಗ್ ಮಾಡಿದ ರಿಷಭ್ ಪಂತ್ ಕೇವಲ 130 ಬಾಲ್​ಗಳಲ್ಲಿ 13 ಬೌಂಡರಿ ಹಾಗೂ 2 ಅದ್ಭುತವಾದ ಸಿಕ್ಸರ್​ಗಳಿಂದ 100 ರನ್​​ ಬಾರಿಸಿದರು. ಈ ಟೆಸ್ಟ್​ನಲ್ಲಿ ಪಂತ್ ಅವರ 2ನೇ ಶತಕ ಇದಾಗಿತ್ತು.

ಕೆ.ಎಲ್ ರಾಹುಲ್ ಅವರು 13 ಬೌಂಡರಿಗಳಿಂದ ಶತಕ ಗಳಿಸಿದರು. ಶತಕದ ಬಳಿಕವೂ ಬ್ಯಾಟಿಂಗ್ ಮುಂದುವರೆಸಿದ್ದ ರಾಹುಲ್​ ಒಟ್ಟು 247 ಬಾಲ್​ಗಳಲ್ಲಿ 18 ಬೌಂಡರಿಗಳನ್ನು ಬಾರಿಸಿ 137 ರನ್​ ಗಳಿಸಿ ಆಡುತ್ತಿದ್ದರು. ಈ ವೇಳೆ ಬ್ರೈಡನ್ ಕಾರ್ಸೆ ಬೌಲಿಂಗ್​ನಲ್ಲಿ ಕ್ಲೀನ್ ಬೋಲ್ಡ್​ ಆಗಿ ಬೇಸರದಲ್ಲೇ ಪೆವಿಲಿಯನ್​ಗೆ ನಡೆದರು.

ಮೊದಲ ಇನ್ನಿಂಗ್ಸ್​ನಲ್ಲಿ ವಿಫಲ ಬ್ಯಾಟಿಂಗ್ ಮಾಡಿದ್ದ ಕನ್ನಡಿಗ ಕರುಣ್ ನಾಯರ್ ಅವರು 2ನೇ ಇನ್ನಿಂಗ್ಸ್​ನಲ್ಲೂ ಕೇವಲ 20 ರನ್​ಗೆ ವಿಕೆಟ್​ ಒಪ್ಪಿಸಿದರು. ಇವರನ್ನು ಬಿಟ್ಟರೇ ರವಿಂದ್ರ ಜಡೇಜಾ 25 ರನ್ ಗಳಿಸಿ ಅಜೇಯರಾಗಿ ಉಳಿದರು. ಇವರನ್ನೇ ಬಿಟ್ಟರೇ ಉಳಿದವರು ಯಾರು ಉತ್ತಮ ಬ್ಯಾಟಿಂಗ್ ಮಾಡಲಿಲ್ಲ.

ಇದನ್ನೂ ಓದಿ: ಬ್ಯಾಕ್​ ಟು ಬ್ಯಾಕ್​ ಸೆಂಚುರಿ.. ಕನ್ನಡಿಗ ಕೆ.ಎಲ್ ರಾಹುಲ್ ಬೆನ್ನಲ್ಲೇ ರಿಷಭ್ ಪಂತ್​ ಶತಕ

ಸಿರಾಜ್, ಬೂಮ್ರಾ ಹಾಗೂ ಕನ್ನಡಿಗ ಪ್ರಸಿದ್ಧ್ ಕೃಷ್ಣ ಈ ಮೂವರು ಡಕೌಟ್ ಆಗಿ ಕೆಟ್ಟ ದಾಖಲೆ ಬರೆದರು. ಇದರಿಂದ ಟೀಮ್ ಇಂಡಿಯಾ ಕೇವಲ 364 ರನ್​ಗಳಿಗೆ ಆಲೌಟ್ ಆಯಿತು. ಟೆಸ್ಟ್​ ಮುಗಿಯಲು ಇನ್ನೊಂದು ದಿನ ಬಾಕಿ ಇದೆ. ಒಂದು ವೇಳೆ ಇಂಗ್ಲೆಂಡ್​ 371 ರನ್​ ಗಳಿಸಿದರೆ ಗೆಲುವು ಪಡೆಯಲಿದೆ. ಈ ರನ್​ ಒಳಗೆ ಇಂಗ್ಲೆಂಡ್ ಆಲೌಟ್​ ಆದ್ರೆ ಟೀಮ್ ಇಂಡಿಯಾ ಜಯ ಸಾಧಿಸಲಿದೆ. ಒಂದು ವೇಳೆ ನಾಳೆ ಇಡೀ ದಿನ ಇಂಗ್ಲೆಂಡ್ ಕ್ರೀಸ್​ ಕಾಯ್ದುಕೊಂಡರೇ ಟೆಸ್ಟ್ ಡ್ರಾ ಆಗಲಿದೆ. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ