ಭಾರತದ ದಾಳಿಗೆ ಪಾಕಿಸ್ತಾನ​​ ಧ್ವಂಸ.. ಸ್ಯಾಟಲೈಟ್ ಇಮೇಜ್​ ಏನ್ ಹೇಳುತ್ತವೆ?​

ಭಾರತ ಹಾಗೂ ಪಾಕಿಸ್ತಾನದ ನಡುವಿನ ಘರ್ಷಣೆ ತೀವ್ರಗೊಂಡು ಡ್ರೋಣ್, ಕ್ಷಿಪಣಿಗಳನ್ನು ಬಳಸಲಾಗಿತ್ತು. ದಾಳಿಯಿಂದ ಪಾಕಿಸ್ತಾನ ನಮಗೆ ಏನೂ ಹಾಗಿಲ್ಲವೆಂದು ಹೇಳಿತ್ತು. ಆದರೆ ಈ ಘರ್ಷಣೆಯಲ್ಲಿ ಭಾರತವೇ ಮೇಲುಗೈ ಸಾಧಿಸಿದೆ ಎಂದು ಅಮೆರಿಕದ ನ್ಯೂಯಾರ್ಕ್ ಟೈಮ್ಸ್​ವಿಸ್ತೃತವಾದ ವರದಿ ಪ್ರಕಟಿಸಿದೆ. ​

ಭಾರತದ ದಾಳಿಯಿಂದ ಪಾಕಿಸ್ತಾನದ ಧ್ವಂಸವಾಗಿದೆ ಎಂದು ಅಮೆರಿಕದ ಸ್ಪೇಸ್ ಟೆಕ್ನಾಲಜಿ ಸಂಸ್ಥೆ ಮ್ಯಾಕ್ಸಾರ್​ನಿಂದ ಇಮೇಜ್ ಬಿಡುಗಡೆ ಮಾಡಲಾಗಿದೆ. ಈ ಫೋಟೋಗಳು (ಹೈ-ರೆಸಲ್ಯೂಷನ್) ದಾಳಿಗೆ ಮೊದಲು ಹಾಗೂ ದಾಳಿಯ ನಂತರ ಹೇಗಿದೆ ಎಂಬುದನ್ನು ಮನದಟ್ಟು ಮಾಡಿವೆ. ಇದರಿಂದ ಭಾರತದ ದಾಳಿಗೆ ಪಾಕಿಸ್ತಾನ ವಾಯು ನೆಲೆಗಳು ಅಕ್ಷರಶಃ ನಲುಗಿ ಹೋಗಿರುವುದು ಗೊತ್ತಾಗಿದೆ.

ಅಮೆರಿಕದ ಸ್ಪೇಸ್ ಟೆಕ್ನಾಲಜಿ ಸಂಸ್ಥೆ ಮ್ಯಾಕ್ಸಾರ್​ನಿಂದ ಇಮೇಜ್ ರಿಲೀಸ್ ಮಾಡಲಾಗಿದೆ. ಇದನ್ನ ಆಧರಿಸಿ ಅಮೆರಿಕದ ನ್ಯೂಯಾರ್ಕ್ ಟೈಮ್ಸ್​ ವಿಸ್ತೃತವಾದ ವರದಿ ಪ್ರಕಟಿಸಿದೆ. ಭಾರತ, ಪಾಕಿಸ್ತಾನದ ಎಷ್ಟು ಭೀಕರ ಪ್ರಹಾರ ನಡೆಸಿದೆ ಅನ್ನೋದು ಈ ವರದಿಯಿಂದ ತಿಳಿದು ಬರುತ್ತದೆ. ಈ ದಾಳಿಯಲ್ಲಿ ಭಾರತ ಮೇಲುಗೈ ಸಾಧಿಸಿದೆ ಅಂತ ವರದಿ ಹೇಳುತ್ತದೆ.

ಇದನ್ನೂ ಓದಿ:ಭ್ರಷ್ಟ ಅಧಿಕಾರಿಗಳಿಗೆ ಬಿಗ್ ಶಾಕ್​.. 150ಕ್ಕೂ ಹೆಚ್ಚು ಲೋಕಾಯುಕ್ತ ಸಿಬ್ಬಂದಿಯಿಂದ 40 ಕಡೆ ರೇಡ್

ಪಾಕಿಸ್ತಾನದ ವಿರುದ್ಧ ಭಾರತದ ದಾಳಿ ನಿಖರ ಮತ್ತು ಸ್ಪಷ್ಟ ಗುರಿ ಮುಟ್ಟಿವೆ. ಕರಾಚಿ ಬಳಿ ಇರುವ ಭೊಲಾರಿ ಏರ್​ಬೇಸ್, ಚಕ್ಲಾಲಾದ ನೂರ್ ಖಾನ್ ಏರ್​ಬೇಸ್, ರಹೀಮ್ ಯಾರ್ ಖಾನ್ ಏರ್​ಬೇಸ್, ಜಕೋಬಾಬಾದ್ ಏರ್​ ಬೇಸ್​ನ ದೃಶ್ಯಗಳು ಲಭ್ಯವಾಗಿವೆ. 4 ಏರ್​ಬೇಸ್​ಗಳ ಸ್ಯಾಟಲೈಟ್ ಇಮೇಜ್​ಗಳನ್ನು ಮ್ಯಾಕ್ಸಾರ್ ಬಿಡುಗಡೆ ಮಾಡಿದ್ದು ಎಲ್ಲ ನಾಶವಾಗಿವೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ