ವಿಶ್ವಕ್ಕೆ ಒಂದು.. ಆದರೆ ಭಾರತದಲ್ಲಿ ಎರಡು ಸ್ವಿಟ್ಜರ್ಲೆಂಡ್​ಗಳಿವೆ​! ಇವು ಯಾವ ರಾಜ್ಯಗಳಲ್ಲಿ ಇವೆ ಗೊತ್ತಾ?

ಪ್ರವಾಸಿ ತಾಣಗಳಲ್ಲಿ ವಿಶ್ವದಲ್ಲಿ ಅತಿಹೆಚ್ಚು ಪ್ರಸಿದ್ಧಿ ಪಡೆದಿರುವ ಪ್ರದೇಶ ಅಂದ್ರೆ ಅದು ಸ್ವಿಟ್ಜರ್ಲೆಂಡ್​. ಇಲ್ಲಿನ ತಂಪಾದ ವಾತಾವವರಣ ಸುತ್ತಲೂ ಹಿಮದಿಂದ ಕೂಡಿದ ಪರ್ವತಗಳು. ಹಸಿರು ತುಂಬಿರುವ ಪ್ರದೇಶ ಇವೆಲ್ಲವೂ ಕೂಡ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತವೆ. ಆದರೆ ಭಾರತದಲ್ಲಿಯೂ ಸ್ವಿಟ್ಜರ್ಲೆಂಡ್​ಗೆ ಏನೂ ಕಡಿಮೆಯಿಲ್ಲದಂತಹ ಪ್ರವಾಸಿ ತಾಣಗಳಿವೆ. ಇಲ್ಲಿ ಹೋದರೆ ಸ್ವಿಟ್ಜರ್ಲೆಂಡ್​​ಗೆ ಹೋದ ಅನುಭವವೇ ಆಗುತ್ತದೆ. ಭಾರತದಲ್ಲಿ ಸ್ವಿಟ್ಜರ್ಲೆಂಡ್​​ಗೆ ಹೋಲುವಂತಹ ಪ್ರವಾಸಿ ತಾಣಗಳು ಒಂದಲ್ಲ. ಎರಡು ಇವೆ. ಅದಕ್ಕೆ ಕೆಲವರು ವಿಶ್ವದಲ್ಲಿ ಒಂದೇ ಒಂದು ಸ್ವಿಟ್ಜರ್ಲೆಂಡ್ ಇದ್ದರೆ, ಭಾರತದಲ್ಲಿ ಎರಡು ಸ್ವಿಟ್ಜರ್ಲೆಂಡ್​ಗಳಿವೆ ಎಂದು ಹೇಳುತ್ತಾರೆ.

ಭಾರತದಲ್ಲಿ ಸ್ವಿಸ್​ ಹೋಲುವಂತಹ, ಅಲ್ಲಿಯೇ ಅಲೆದಾಡಿದಂತಹ ಅನುಭವ ಕೊಡುವ ಪ್ರದೇಶ ಅಂದ್ರೆ ಮೊದಲನೆಯದು ಉತ್ತರಾಖಂಡ್​ನಲ್ಲಿದೆ.ಇದನ್ನು ಉತ್ತರಾಖಂಡ್​​ನ ಮಿನಿ ಸ್ವಿಟ್ಜರ್ಲೆಂಡ್ ಎಂದೇ ಕರೆಯಲಾಗುತ್ತದೆ. ಅದರ ಹೆಸರು  ಔಲಿ ಹಿಲ್​ ಸ್ಟೇಷನ್​. ನೀವು ಇಲ್ಲಿ ಹೋದರೆ ಸಂಪೂರ್ಣವಾಗಿ ಸ್ವಿಸ್​ಗೆ ಹೋದ ಅನುಭವವನ್ನೇ ನೀಡುತ್ತದೆ. ಈ ಹಿಲ್​ ಸ್ಟೇಷನ್​ನಲ್ಲಿ ನಾಲ್ಕು ದಿಕ್ಕುಗಳೂ ಹಿಮವನ್ನೇ ಹೊದ್ದುಕೊಂಡು ನಿಂತಿರುತ್ತವೆ. ಸ್ವಿಟ್ಜರ್ಲೆಂಡ್​ನಲ್ಲಿ ಹೋದಾಗ ಸಿಗುವ ವಾತವಾರಣ ಅನುಭವ ಇವೆಲ್ಲವನ್ನೂ ನೀವು ಉತ್ತರಾಖಂಡ್​ನ ಔಲಿ ಹಿಲ್​ ಸ್ಟೇಷನ್​ನಲ್ಲಿ ಪಡೆಯಬಹುದು. ಇಲ್ಲಿಗೆ ಬಂದ ಜನರು ಇದು ನಿಜಕ್ಕೂ ಭಾರತದ ಸ್ವಿಟ್ಜರ್ಲೆಂಡ್ ಎಂದು ಮನಸಾರೆ ಒಪ್ಪಿಕೊಂಡು. ಇಲ್ಲಿಯ ಪ್ರವಾಸದ ಅನುಭವದ ಕಥನವನ್ನು ಹೇಳುತ್ತಾರೆ.

ಇನ್ನು ಭಾರತದಲ್ಲಿರುವ ಮತ್ತೊಂದು ಸ್ವಿಟ್ಜರ್ಲೆಂಡ್ ಅಂದ್ರೆ ಅದು ಹಿಮಾಚಲಪ್ರದೇಶದಲ್ಲಿದೆ. ಹಿಮಾಚಲ ಪ್ರದೇಶದ ಖಜ್ಜಿಯಾರ್ ಹಿಲ್​ ಸ್ಟೇಷನ್​ನ್ನು ಭಾರತದ ಮತ್ತೊಂದು ಸ್ವಿಟ್ಜರ್ಲೆಂಡ್​ ಎಂದೇ ಗುರುತಿಸಲಾಗುತ್ತದೆ. ಇದು ಸಂಪೂರ್ಣವಾಗಿ ಸ್ವಿಸ್​ನಲ್ಲಿ ನಮಗೆ ಕಾಣ ಸಿಗುವ ಸೌಂದರ್ಯವನ್ನೇ ನಮ್ಮ ಅನುಭವಕ್ಕೆ ತರುತ್ತದೆ. ಖಜ್ಜರಿಯಾ ಹಿಲ್​ ಸ್ಟೇಷನ್​ನಲ್ಲಿ ನೀವು ಖಜ್ಜರಿಯಾ ತಾಲ್ ಜೊತೆಗೆ ಸುತ್ತಮುತ್ತಲಿನ ಇನ್ನೂ ಸುಂದರೆತೆಯನ್ನು ಹೊದ್ದುಕೊಂಡಿರುವ ಪ್ರದೇಶಗಳನ್ನು ಕೂಡ ನೋಡಬಹುದು.

ಇದನ್ನೂ ಓದಿ:ಸ್ಥಳೀಯರೇ ಹೋಗಲು ಭಯಪಡುವ ಈ ಜಾಗಕ್ಕೆ ಹೊರಟಿದ್ದ ಅಮೆರಿಕದ ಧೈರ್ಯವಂತ; ಪೊಲೀಸರಿಂದ ಬಂಧನ!

ಈ ಎರಡು ಪ್ರದೇಶಗಳನ್ನು ಭಾರತದ ಮಿನಿ ಇಲ್ಲವೇ ಭಾರತದ ಸ್ವಿಟ್ಜರ್ಲೆಂಡ್ ಎಂದೇ ಕರೆಯಲಾಗುತ್ತದೆ. ಲಕ್ಷಾಂತರ ರೂಪಾಯಿ ಖರ್ಚು ಮಾಡಿಕೊಂಡು ಸ್ವಿಸ್​ಗೆ ಹೋಗುವ ಬದಲು ಕೇವಲ ಸಾವಿರಾರು ರೂಪಾಯಿ ಖರ್ಚು ಮಾಡಿ ಅದೇ ಅನುಭವನ್ನು ಈ ಎರಡು ಪ್ರದೇಶಗಳಲ್ಲಿ ಪಡೆಯಬಹುದು ಎಂಬುದು ಪ್ರವಾಸಿ ಪ್ರಿಯರ ವಾದ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ