BCCI ಹೊಸ ನಿಯಮಕ್ಕೆ ಬೆಚ್ಚಿಬಿದ್ದ ಸ್ಟಾರ್ಸ್.. IPLನಿಂದ ಔಟ್, ಸಂಬಳ ಕಟ್..!

ಕಿವೀಸ್ ಹಾಗೂ ಆಸಿಸ್​ ವಿರುದ್ಧದ ಟೆಸ್ಟ್ ಸೋಲುಗಳಿಂದ ಭಾರೀ ಮುಖಭಂಗಕ್ಕೆ ಒಳಗಾಗಿರುವ ಬಿಸಿಸಿಐ, ಭಾರತ ತಂಡದ ಆಟಗಾರರಿಗೆ ಕಠಿಣ ನಿಯಮಗಳನ್ನು ಜಾರಿ ಮಾಡಿದೆ. ಹಿರಿ-ಕಿರಿಯರು ಎನ್ನದೇ ಎಲ್ಲರಿಗೂ ಈ 10 ರೂಲ್ಸ್​ ಅನ್ವಯ ಆಗುತ್ತವೆ. ಒಂದು ವೇಳೆ ಪ್ಲೇಯರ್ಸ್ ನಿಯಮಗಳನ್ನು ಮೀರಿ ವರ್ತನೆ ಮಾಡಿದರೆ ಮಹತ್ವದ ಟೂರ್ನಿಯಿಂದಲೇ ನಿಷೇಧ ಏರಲಾಗುವುದು ಎಂದು ಎಚ್ಚರಿಕೆ ನೀಡಲಾಗಿದೆ.

ಪಂದ್ಯ ನಡೆಯುವಾಗಲೂ ಹೋಗಿ ಜಾಹೀರಾತು ಶೂಟಿಂಗ್ ಮಾಡುವಂತಿಲ್ಲ.​ ಎಲ್ಲ ಆಟಗಾರರು ಒಟ್ಟಿಗೆ ಇರಬೇಕು. ಅಭ್ಯಾಸ ನಡೆಯುವಾಗ ಚಕ್ಕರ್ ಹಾಕುವಂಗಿಲ್ಲ. ಹಿರಿಯ ಆಟಗಾರರು ಸೇರಿ ಎಲ್ಲರೂ ​ ದೇಶಿಯ ಪಂದ್ಯಗಳನ್ನು ಆಡಲೇಬೇಕು. ಇದರಿಂದ ಪ್ಲೇಯರ್ಸ್ ಫಾರ್ಮ್ ಉಳಿಸಿಕೊಳ್ಳಬಹುದು. ಪಂದ್ಯದ ವೇಳೆ ನಿಗದಿತ ಸಮಯದವರೆಗೆ ಪತ್ನಿ ಹಾಗೂ ಮಕ್ಕಳು ಭೇಟಿ ಮಾಡಬಹುದು. ಏನದರೂ ಮುಖ್ಯವಾದ ಕೆಲಸ, ಸಮಸ್ಯೆ ಆದ್ರೆ ಮಾತ್ರ ಹೆಡ್ ಕೋಚ್​ನ ಅನುಮತಿ ಪಡೆಯಬೇಕು ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ:ಆಟಗಾರರಿಗೆ BCCI ಮೂಗುದಾರ.. ‘10 ಪಾಯಿಂಟ್ಸ್​ ಪಾಲಿಸಿ’ಗೆ ಬೆಚ್ಚಿಬಿದ್ದ ಸ್ಟಾರ್​​ಗಳು..!

ಭಾರತ ತಂಡದ ಆಟಗಾರರಿಗೆ ಬಿಸಿಸಿಐ 10 ಹೊಸ ನಿಯಮಗಳನ್ನು ಹೊರಡಿಸಿದೆ. ಇದರ ಪ್ರಕಾರವೇ ಎಲ್ಲರೂ ನಡೆದುಕೊಳ್ಳಬೇಕು. ಸೀನಿಯರ್ಸ್, ಜೂನಿಯರ್ಸ್ ಎನ್ನುವ ಭೇದಭಾವವಿಲ್ಲ. ಅಲ್ಲದೇ ಪ್ರತಿಯೊಬ್ಬ ಆಟಗಾರನೂ ಇವುಗಳನ್ನು ಪಾಲಿಸುವುದು ಕಡ್ಡಾಯವಾಗಿದೆ. ಅಲ್ಲದೇ ಬಿಸಿಸಿಐ ನಿಗದಿ ಮಾಡುವಂತ ಕಾರ್ಯಕ್ರಮಗಳಲ್ಲಿ ಪ್ಲೇಯರ್ಸ್​ ಭಾಗಿಯಾಗಬೆಕು. ಒಂದು ವೇಳೆ ನಿಯಮ ಉಲ್ಲಂಘಿಸಿದರೆ ಬಿಸಿಸಿಐ ಕಠಿಣ ಶಿಕ್ಷೆ ಕೂಡ ನೀಡಬಹುದು. ಆ ಶಿಕ್ಷೆಗಳು ಹೀಗಿವೆ.

ಆಟಗಾರರಿಗೆ ಶಿಕ್ಷೆ ಏನು?

ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ (ಬಿಸಿಸಿಐ) ನಿಯಮಗಳನ್ನು ಉಲ್ಲಂಘನೆ ಮಾಡಿದರೆ ಆ ಆಟಗಾರನನ್ನ ಮುಂಬರುವ ಮಹತ್ವದ ಐಪಿಎಲ್​ ಟೂರ್ನಿಯಿಂದ ಹೊರಗಿಡಲಾಗುತ್ತದೆ. ಎಷ್ಟೇ ಅವಶ್ಯಕತೆ ಬಂದರು ಐಪಿಎಲ್​ ಟ್ರೋಫಿಗೆ ಎಂಟ್ರಿ ಇರುವುದಿಲ್ಲ. ಇದರಿಂದ ಆಟಗಾರ ದೊಡ್ಡ ಮೊತ್ತದಲ್ಲಿ ಹಣ ಕಳೆದುಕೊಳ್ಳಬೇಕಾಗುತ್ತದೆ. ಇದರ ಜೊತೆಗೆ ತನ್ನ ಆಟಕ್ಕೂ ಕುತ್ತು ತಂದುಕೊಂಡಂತೆ ಆಗುತ್ತದೆ ಎನ್ನಲಾಗಿದೆ.

ಐಪಿಎಲ್​ ಟ್ರೋಫಿಗೆ ನಿಷೇಧ ಒಂದೇ ಅಲ್ಲ ಇನ್ನು ಆಟಗಾರ ಪಡೆಯುವ ಸಂಬಳವನ್ನು ಬಿಸಿಸಿಐ ಸಂಪೂರ್ಣವಾಗಿ ಕಡಿತ ಮಾಡುತ್ತದೆ. ಈ ಸಂಬಳವನ್ನು ಕಡಿತ ಮಾಡಿದರೆ ಆಟಗಾರನ ಆರ್ಥಿಕ ಬಲ ಶೇಕಡಾ 90 ರಷ್ಟು ನಷ್ಟ ಆದಂತೆ ಆಗುತ್ತದೆ. ಹೀಗಾಗಿ ಸದ್ಯ ಬಿಸಿಸಿಐ ರಿಲೀಸ್ ಮಾಡಿರುವ 10 ನಿಯಮಗಳ ಪ್ರಕಾರ ತಂಡದ ಆಟಗಾರರು ನಡೆದುಕೊಳ್ಳಬೇಕಿರುವುದು ಅನಿವಾರ್ಯವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ