ಕೇವಲ 6 ವಾರ, 10 ಕೆಜಿ ತೂಕ ಇಳಿಸಿದ ಟೀಮ್ ಇಂಡಿಯಾದ ಯಂಗ್ ಪ್ಲೇಯರ್​.. ಎಲ್ಲರೂ ಶಾಕ್!

ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆಯಬೇಕು ಎಂದರೆ ಫಿಟ್ನೆಸ್​ ಮೇನ್ ಟಾರ್ಗೆಟ್​​. ಆಟಗಾರ ಎಷ್ಟು ಫಿಟ್ ಆಗಿರುತ್ತನೋ ಅಷ್ಟು ವರ್ಷ ತಂಡದಲ್ಲಿ ಸ್ಥಾನ ಇರುತ್ತದೆ. ಪ್ರತಿ ಆಟಗಾರ ಆಡುವುದರ ಜೊತೆಗೆ ಅವರ ಆಹಾರ ಸೇವನೆ ಕೂಡ ಫಿಟ್ನೆಸ್​ಗೆ ಮುಖ್ಯವಾಗಿರುತ್ತದೆ. ಸದ್ಯ ಇದೀಗ ಯುವ ಕ್ರಿಕೆಟರ್​ರೊಬ್ಬರು ಕೇವಲ 6 ವಾರಗಳಲ್ಲಿ 10 ಕೆ.ಜಿ ದೇಹದ ತೂಕವನ್ನು ಇಳಿಸಿ ಅಚ್ಚರಿ ಮೂಡಿಸಿದ್ದಾರೆ.

ಟೀಮ್ ಇಂಡಿಯಾದ ಬ್ಯಾಟರ್​ ಸರ್ಫರಾಜ್​ ಖಾನ್ ಯಾವಾಗಲೂ ತನ್ನ ದಪ್ಪ ದೇಹದಿಂದಲೇ ಸುದ್ದಿಯಾಗುತ್ತಿದ್ದರು. ಇದರಿಂದಲೇ ಎಷ್ಟೋ ಬಾರಿ ಭಾರತ ತಂಡದ ಉತ್ತಮ ಅವಕಾಶಗಳನ್ನು ಕಳೆದುಕೊಂಡಿದ್ದರು. ಆದರೆ ಇದೀಗ ಸರ್ಫರಾಜ್​ ಖಾನ್ ಸಿಕ್ಕ ಅವಕಾಶವನ್ನು ಕಳೆದುಕೊಳ್ಳಬಾರದು ಎಂದು ಕಠಿಣವಾದ ಡಯಟ್ ಮಾಡಿದ್ದಾರೆ. 2024ರಲ್ಲಿ ಟೆಸ್ಟ್​ಗೆ ಡೆಬ್ಯೂ ಮಾಡಿದ್ದ ಸರ್ಫರಾಜ್​, ಇದುವರೆಗೂ ವಿದೇಶದಲ್ಲಿ ಒಂದು ಪಂದ್ಯ ಕೂಡ ಆಡಿಲ್ಲ. ಆದರೂ ಈ ಬಾರಿ ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಪಂದ್ಯಗಳಿಗೆ ಆಯ್ಕೆ ಆಗಿದ್ದಾರೆ.

ಇದನ್ನೂ ಓದಿ: ಪಾಕ್​ಗೆ ಶಾಕ್ ಮೇಲೆ ಶಾಕ್; ಏಷ್ಯಾಕಪ್​ ಟೂರ್ನಿಗೆ ಟೀಮ್ ಇಂಡಿಯಾ ಗುಡ್​ಬೈ ಹೇಳುತ್ತಾ?

ಭಾರತ- ಎ ತಂಡದಲ್ಲಿ 18 ಆಟಗಾರರಲ್ಲಿ ಸರ್ಫರಾಜ್ ಖಾನ್ ಸ್ಥಾನ ಪಡೆದಿದ್ದು ಮೇ 30 ರಿಂದ ನಡೆಯುವ ಇಂಗ್ಲೆಂಡ್​ ಲಯನ್ಸ್​ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್​ಗೆ ಆಯ್ಕೆ ಆಗಿದ್ದಾರೆ. ಇಲ್ಲಿ ಚೆನ್ನಾಗಿ ಆಡಿದವರು ಇಂಗ್ಲೆಂಡ್​ ವಿರುದ್ಧದ ಮುಂದಿನ ಟೆಸ್ಟ್​ಗೆ ಆಯ್ಕೆ ಆಗುತ್ತಾರೆ. ಹೀಗಾಗಿಯೇ ಸಿಕ್ಕ ಅವಕಾಶವನ್ನು ಸದುಉಪಯೋಗ ಮಾಡಿಕೊಳ್ಳಬೇಕಂತ ಸರ್ಫರಾಜ್ ಡಯಟ್​ ಪ್ಲಾನ್ ರೂಪಿಸಿ ಅದರಲ್ಲಿ ಜಯ ಸಾಧಿಸಿದ್ದಾರೆ.

ಸರ್ಫರಾಜ್ ಖಾನ್​ ಬೇಯಿಸಿದ ತರಕಾರಿಗಳು ಹಾಗೂ ಚಿಕನ್ ಮಾತ್ರ ತಿಂದು ದೇಹದ ತೂಕ ಇಳಿಸಿದ್ದಾರೆ. ಇಷ್ಟೇ ಅಲ್ಲದೇ ಜಿಮ್, ವ್ಯಾಯಾಮ, ರನ್ನಿಂಗ್​ ಸೇರಿದಂತೆ ಇತರೆ ವರ್ಕೌಟ್​ ಮಾಡಿ ದೇಹದ ತೂಕ ಇಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಇಲ್ಲದ ಟೆಸ್ಟ್​ ತಂಡದಲ್ಲಿ ಯುವ ಆಟಗಾರರಿಗೆ ಹೆಚ್ಚು ಅವಕಾಶ ಇದ್ದು ಅವುಗಳನ್ನು ಚೆನ್ನಾಗಿ ಉಪಯೋಗಿಸಿಕೊಳ್ಳಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ