/newsfirstlive-kannada/media/post_attachments/wp-content/uploads/2024/12/TEAM-INDIA-8.jpg)
ಅಡಿಲೇಡ್ ಟೆಸ್ಟ್ ಪಂದ್ಯದಲ್ಲಿ ಹೀನಾಯ ಸೋಲು. ಬ್ರಿಸ್ಬೇನ್ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ ಭಾರೀ ಹಿನ್ನಡೆ. ಟೀಮ್ ಇಂಡಿಯಾದ ಸ್ಥಿತಿ ನೋಡಿದ್ರೆ ಕ್ರಿಕೆಟ್ ಅಭಿಮಾನಿಗಳಿಗೆ ಬೇಸರ ಆಗದೇ ಇರೋದಿಲ್ಲ. ಯಾಕಪ್ಪಾ ಇವರು ಈ ರೀತಿ ಆಡ್ತಿದ್ದಾರೆ? ಏನಾಗಿದೆ ಇವರಿಗೆ ಅಂತ, ತಮ್ಮಲ್ಲಿ ತಾವೇ ಪ್ರಶ್ನೆ ಮಾಡಿಕೊಳ್ತಿದ್ದಾರೆ. ಅದಕ್ಕೆಲ್ಲಾ ಕಾರಣ ಟೀಮ್ ಇಂಡಿಯಾ ಟಾಪ್ ಆರ್ಡರ್ ವೈಫಲ್ಯ.
ಮೊದಲ ಇನ್ನಿಂಗ್ಸ್ನಲ್ಲಿ ಟಾಪ್ ಆರ್ಡರ್
ಪರ್ತ್ ಟೆಸ್ಟ್ ಪಂದ್ಯವನ್ನ ಟೀಮ್ ಇಂಡಿಯಾ ಗೆದ್ದಿರಬಹುದು. ಮೊದಲ ಇನ್ನಿಂಗ್ಸ್ನಲ್ಲಿ ಜೈಸ್ವಾಲ್, ರಾಹುಲ್, ಪಡಿಕ್ಕಲ್, ಕೊಹ್ಲಿ, ಪಂತ್ ಆಟವನ್ನ, ಯಾರೂ ಮರೆಯೋಕೆ ಆಗೊಲ್ಲ ಬಿಡಿ. ಟೀಮ್ ಇಂಡಿಯಾ ಅಲ್ಪ ಮೊತ್ತಕ್ಕೆ ಕುಸಿಯೋಕೆ, ಈ ಟಾಪ್ ಆರ್ಡರ್ ಬ್ಯಾಟರ್ಗಳೇ ಕಾರಣವಾದ್ರು. ಒಂದೇ ಒಂದು ಉತ್ತಮ ಜೊತೆಯಾಟ ಕಾಣಲಿಲ್ಲ. ಈ ಐವರು ಬ್ಯಾಟ್ಸ್ಮನ್ಗಳ ಒಟ್ಟು ಕಾಣಿಕೆ, ಕೇವಲ 68 ರನ್ ಅಷ್ಟೇ.
ಮೊದಲ ಇನ್ನಿಂಗ್ಸ್ನಲ್ಲಿ ಟಾಪ್ ಆರ್ಡರ್
ಅಡಿಲೇಡ್ನಲ್ಲಿ ಟೀಮ್ ಇಂಡಿಯಾ ಕಥೆನೇ ಬೇರೆಯಾಗಿತ್ತು. ಮೊದಲ ಇನ್ನಿಂಗ್ಸ್ನಲ್ಲಿ ಜೈಸ್ವಾಲ್, ರಾಹುಲ್, ಗಿಲ್, ಕೊಹ್ಲಿ ಮತ್ತು ಪಂತ್ ಸೇರಿ, ಕಲೆಹಾಕಿದ್ದು 96 ರನ್ ಮಾತ್ರ. ರಾಹುಲ್-ಗಿಲ್ 2ನೇ ವಿಕೆಟ್ಗೆ 69 ರನ್ ಜೊತೆಯಾಟ ಆಡಿದ್ದು ಬಿಟ್ರೆ, ಉಳಿದವರೆಲ್ಲಾ ಪೆವಿಲಿಯನ್ ಪರೇಡ್ ನಡೆಸೋದ್ರಲ್ಲೇ ಬ್ಯುಸಿಯಾಗಿದ್ರು.
ಇದನ್ನೂ ಓದಿ:IND vs AUS; ಅರ್ಧಶತಕ ಸಿಡಿಸಿ ಟೀಮ್ ಇಂಡಿಯಾಗೆ ನೆರವಾದ ಕನ್ನಡಿಗ KL ರಾಹುಲ್, ಜಡೇಜಾ
2ನೇ ಇನ್ನಿಂಗ್ಸ್ನಲ್ಲಿ ಟಾಪ್ ಆರ್ಡರ್
ಎರಡನೇ ಇನ್ನಿಂಗ್ಸ್ನಲ್ಲೂ ಟೀಮ್ ಇಂಡಿಯಾ ಬ್ಯಾಟ್ಸ್ಮನ್ಗಳದ್ದು, ಸೇಮ್ ಟು ಸೇಮ್ ಆಟ. ಏನು ಡಿಫರೆನ್ಸೇ ಇರಲಿಲ್ಲ. ತಂಡದ ಟಾಫ್ ಫೈವ್ ಬ್ಯಾಟ್ಸ್ಮನ್ಗಳು 98 ರನ್ ದಾಖಲಿಸಿದ್ದು ಬಿಟ್ರೆ ಇವ್ರ ಆಟದ ಬಗ್ಗೆ ಏನೂ ಹೇಳೋಕೆ ಇಲ್ಲ. ಸೂಪರ್ಸ್ಟಾರ್ಸ್ ಪಟ್ಟ ಕಟ್ಟಿಕೊಂಡಿರೋ ಇವ್ರು, ಡೇ ನೈಟ್ ಟೆಸ್ಟ್ನಲ್ಲಿ ಮಂಗಳಾರತಿ ಮಾಡಿಸಿಕೊಂಡ್ರು.
ಬ್ರಿಸ್ಬೇನ್ ಟೆಸ್ಟ್
ಅಡಿಲೇಡ್ನಲ್ಲಿ ಮುಖಭಂಗ ಅನುಭವಿಸಿದ ರೋಹಿತ್ ಶರ್ಮಾ ಪಡೆ, ಬ್ರಿಸ್ಬೇನ್ನಲ್ಲಿ ಕಾಂಗರೂಗಳಿಗೆ ಬಿಸ್ಕೆಟ್ ಹಾಕುತ್ತೆ ಅಂದುಕೊಳ್ಳಲಾಗಿತ್ತು. ಟೆಸ್ಟ್ ಪಂದ್ಯದ ಮೊದಲ ಇನ್ಜಿಂಗ್ಸ್ನಲ್ಲಿ, ಜೈಸ್ವಾಲ್, ಗಿಲ್, ಕೊಹ್ಲಿ ಮತ್ತು ಪಂತ್, ಆಸಿಸ್ ಬೌಲರ್ಗಳು ಹಾಕಿದ ಬಿಸ್ಕೆಟ್ ತಿಂದು ಪೆವಿಲಿಯನ್ ಸೇರಿಕೊಂಡರು. ಈ ನಾಲ್ವರ ಕಾಣಿಕೆ, ಕೇವಲ ಕೇವಲ 17 ರನ್ ಮಾತ್ರ.
ಇದನ್ನೂ ಓದಿ:RCB ಕ್ಯಾಪ್ಟನ್ಸಿ ರೇಸ್ನಲ್ಲಿ ನಾಲ್ವರ ಹೆಸರು.. ಯಾರಿಗೆ ಇದೆ ಆ ಅದೃಷ್ಟ..?
ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ ಟೀಮ್ ಇಂಡಿಯಾ ಸೋಲು ಮತ್ತು ಹಿನ್ನಡೆಗೆ, ತಂಡದ ಟಾಪ್ ಫೈವ್ ಬ್ಯಾಟ್ಸ್ಮನ್ಗಳೇ ಕಾರಣ. ವೈಯಕ್ತಿವಾಗಿ ರನ್ಗಳಿಸದ ಈ ಬ್ಯಾಟರ್ಸ್, ಜೊತೆಯಾಟವನ್ನೂ ಆಡದೇ ತಂಡವನ್ನ ಒತ್ತಡಕ್ಕೆ ಸಿಲುಕಿಸಿ, ಸೋಲಿಗೂ ಕಾರಣರಾಗಿದ್ದಾರೆ.
ವಿಶೇಷ ಸೂಚನೆ: ಕ್ರಿಕೆಟ್ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್