ಅಭಿಮಾನಿಗಳಿಗೆ ಒಳ್ಳೆ ಸಿಹಿ ಸುದ್ದಿ.. ಸೆಮೀಸ್ ಗೆಲ್ಲೋ ಫೇವರಿಟ್ ತಂಡ ಯಾವುದು?

ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಚಾಂಪಿಯನ್ ಆಟವಾಡ್ತಿರುವ ಟೀಮ್ ಇಂಡಿಯಾಕ್ಕೆ ಇಂದು ಬಲಿಷ್ಟ ಅಸ್ಟ್ರೇಲಿಯಾ ಎದುರಾಳಿ. ಐಸಿಸಿ ಟೂರ್ನಿಗಳಲ್ಲಿ ನಾವೇ ಶ್ರೇಷ್ಠರು ಅಂತ ಬೀಗುತ್ತಿರುವ ಆಸಿಸ್​​​ಗೆ, ಟೀಮ್ ಇಂಡಿಯಾ ತಕ್ಕ ಪಾಠ ಕಲಿಸಲು ಮುಂದಾಗಿದೆ. ಮತ್ತೊಂದೆಡೆ ಪ್ರಮುಖ ಆಟಗಾರರಿಲ್ಲದೇ ಫೈನಲ್ ಕನಸು ಕಾಣ್ತಿರುವ ಸ್ಮಿತ್ ಪಡೆ, ದುಬೈನಲ್ಲಿ ದರ್ಬಾರ್ ನಡೆಸೋಕೆ ಮುಂದಾಗಿದೆ. ಆದ್ರೆ ಅದು ಸುಲಭವಲ್ಲ ಅನ್ನೋದು ಕಾಂಗರೂಗಳಿಗೆ ಅರ್ಥವಾಗಿದೆ..

ಪಂದ್ಯ- 04

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಟೀಮ್ ಇಂಡಿಯಾಕ್ಕೆ ಆಸ್ಟ್ರೇಲಿಯಾ 4 ಬಾರಿ ಎದುರಾಳಿಯಾಗಿದೆ. 2 ಪಂದ್ಯಗಳನ್ನ ಟೀಮ್ ಇಂಡಿಯಾ ಗೆದ್ದಿದ್ರೆ, ಒಂದು ಪಂದ್ಯವನ್ನ ಆಸಿಸ್ ಗೆದ್ದಿದೆ. ಸೆಂಚೂರಿಯನ್​ನಲ್ಲಿ ನಡೆದ ಪಂದ್ಯ, ಮಳೆಯಿಂದ ಫಲಿತಾಂಶವಿಲ್ಲದೇ ಅಂತ್ಯಕಂಡಿದೆ. ಇದು ಒಟ್ಟಾರೆ ಟೀಮ್ ಇಂಡಿಯಾ ಚಾಂಪಿಯನ್ಸ್ ಟ್ರೋಫಿ ಜರ್ನಿಯಾದ್ರೆ, ಅದೇ ಟೂರ್ನಿಯ ಸೆಮೀಸ್​​ನಲ್ಲಿ ಮೆನ್ ಇನ್ ಬ್ಲೂ ಪಡೆಯ ಸಾಧನೆ ಹೀಗಿದೆ.

ಇದನ್ನೂ ಓದಿ: Semifinals: ದುಬೈ ಪಿಚ್​ನಲ್ಲಿ ಭಾರೀ ಬದಲಾವಣೆ.. ಟೀಂ ಇಂಡಿಯಾಗೆ ಸಮಸ್ಯೆ ಹೆಚ್ಚಾಗಲಿದೆ..!

ಪಂದ್ಯ- 05

ಸೆಮಿಫೈನಲ್ಸ್​ನಲ್ಲಿ ಎದುರಾಳಿಗಳನ್ನ ಸಿಂಗಂನಂತೆ ಬೇಟೆಯಾಡಿರೋ ಟೀಮ್ ಇಂಡಿಯಾ ಆಟಗಾರರು, 5 ಪಂದ್ಯಗಳಲ್ಲಿ 4ರಲ್ಲಿ ಗೆಲುವು ದಾಖಲಿಸಿದ್ದಾರೆ. 1998 ಢಾಕಾದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಒಂದು ಪಂದ್ಯದಲ್ಲಿ ಮಾತ್ರ ಸೋಲು ಕಂಡಿದೆ. ಮತ್ತೊಂದೆಡೆ ಆಸಿಸ್​​​​​​​​ ಏಕದಿನ ವಿಶ್ವಕಪ್​​ಗಳಲ್ಲಿ ಪಂಟರ್ಸ್ ಥರ ಆಡಿದ್ದಾರೆ. ಚಾಂಪಿಯನ್ಸ್ ಟ್ರೋಫಿ ಸೆಮೀಸ್​ನಲ್ಲಿ ಆಸಿಸ್ ಸ್ವಲ್ಪ ಡಲ್ಲೇ..!

ಚಾಂಪಿಯನ್ಸ್ ಟ್ರೋಫಿ ಸೆಮೀಸ್​​ನಲ್ಲಿ ಆಸ್ಟ್ರೇಲಿಯಾ

ಆಡಿರೋ 4 ಚಾಂಪಿಯನ್ಸ್ ಟ್ರೋಫಿ ಸೆಮಿಫೈನಲ್​ನಲ್ಲಿ ಆಸ್ಟ್ರೇಲಿಯಾ 2 ಪಂದ್ಯಗಳಲ್ಲಿ ಮಾತ್ರ ಗೆಲುವು ದಾಖಲಿಸಿದ್ದಾರೆ. ಉಳಿದೆರಡು ಪಂದ್ಯಗಳಲ್ಲಿ ಶ್ರೀಲಂಕಾ ಮತ್ತು ಇಂಗ್ಲೆಂಡ್ ವಿರುದ್ಧ ಹೀನಾಯ ಸೋಲು ಅನುಭವಿಸಿದೆ. ಈ ದಾಖಲೆಗಳನ್ನ ನೋಡ್ತಿದ್ರೆ, ಸೆಮೀಸ್​​​ ಗೆಲ್ಲೋ ಫೇವರಿಟ್ ಟೀಮ್ ಇಂಡಿಯಾನೇ ಅನಿಸ್ತಿದೆ.

ಇದನ್ನೂ ಓದಿ : INDvsAUS: ಭಾರತದ ವಿರುದ್ಧ ಟ್ರಾವಿಸ್ ಹೆಡ್ ಆಟ ನಡೆಯಲ್ಲ.. ಇಷ್ಟೇ ರನ್‌ಗೆ ಔಟ್! ಹೀಗೆ ಹೇಳಿದ್ದು ಯಾರು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್