ಕ್ರಿಕೆಟ್ ಕಾಶಿಯಲ್ಲಿ ಗೆಲುವು ಸುಲಭ ಇಲ್ಲ.. ಟೀಂ ಇಂಡಿಯಾಗೆ ಇದೆ 5 ಸವಾಲುಗಳು..!

ಎಡ್ಜ್​​ಬಾಸ್ಟನ್​ನಲ್ಲಿ ಗೆದ್ದ ಟೀಮ್ ಇಂಡಿಯಾ ಈಗ ಲಾರ್ಡ್ಸ್​ನಲ್ಲಿ ವಿಜಯ ಪತಾಕೆ ಹಾರಿಸುವ ತವಕದಲ್ಲಿದೆ. ಐತಿಹಾಸಿಕ ಲಾರ್ಡ್ಸ್​ನಲ್ಲಿ ಗೆಲುವು ನಿಜಕ್ಕೂ ಅಷ್ಟು ಸುಲಭದಲ್ಲ. ಇಲ್ಲಿ ಗೆಲ್ಲಬೇಕಾದ್ರೆ ಪ್ರಮುಖವಾಗಿ ಈ ಸವಾಲುಗಳನ್ನು ಗೆಲ್ಲಬೇಕಿದೆ.

ಲೀಡ್ಸ್​ ಟೆಸ್ಟ್​​ನಲ್ಲಿ ಟೀಮ್ ಇಂಡಿಯಾ ಸೋಲು

ನಂಬರ್​ 1: ಲಾರ್ಡ್ಸ್​ನಲ್ಲಿ ಬ್ಯಾಟ್ಸ್​​​ಮನ್ಸ್​ಗೆ ಅಗ್ನಿಪರೀಕ್ಷೆ : ಮೊದಲ ಎರಡು ಟೆಸ್ಟ್​ಗಳಲ್ಲಿ ಟೀಮ್ ಇಂಡಿಯಾದ ಬ್ಯಾಟರ್ಸ್​ ರನ್​ ಹೊಳೆಯನ್ನೇ ಹರಿಸಿದ್ದಾರೆ. ಆದ್ರೀಗ ಇಂಡಿಯನ್ ಬ್ಯಾಟರ್​ಗಳಿಗೆ ರನ್​ ಗಳಿಸುವುದು ನಿಜಕ್ಕೂ ಚಾಲೆಂಜ್ ಆಗಿ ಇರಲಿದೆ. ಇದಕ್ಕೆ ಕಾರಣ ಲಾರ್ಡ್ಸ್​ ಪಿಚ್ ಪೇಸರ್​ಗಳ ಸ್ವರ್ಗವಾಗಿದೆ. ಪೇಸ್, ಸ್ವಿಂಗ್, ಬೌನ್ಸ್​​ ಸಿಗಲಿದೆ. ಇಲ್ಲಿ ಬ್ಯಾಟರ್​ಗಳು ತಾಳ್ಮೆಯ ಆಟವಾಡಬೇಕಿದೆ.

ಇದನ್ನೂ ಓದಿ: ಸಂಜುಗಾಗಿ ಕ್ಯಾಪ್ಟನ್​​ನನ್ನೇ ಬಿಟ್ಟುಕೊಡಲು ಮುಂದಾದ CSK.. ಗಾಯಕ್ವಾಡ್ ಯಾಕೆ ಬೇಡವಾದ್ರು ಗೊತ್ತಾ..?

ಲಾರ್ಡ್ಸ್‌ನಲ್ಲಿ ಮೊದಲ 2 ಇನ್ನಿಂಗ್ಸ್​ ಸ್ಕೋರ್ ಕಡಿಮೆ ಇದೆ. ಆದ್ದರಿಂದ ಇದು ಬೌಲರ್‌ಗಳಿಗೆ ಸಹಾಯ ಮಾಡುತ್ತದೆ ಎಂದು ನಿರೀಕ್ಷಿಸಬಹುದು. ಇದು ಬ್ಯಾಟರ್​ಗಳಿಗೆ ಚಾಲೆಂಜ್ ಆಗಿರುತ್ತದೆ. ಹೀಗಾಗಿ ನಾನು ಮೈಂಡ್​ಸೆಟ್ ಇಂಪಾರ್ಟೆಂಟ್ ಎಂದು ಭಾವಿಸುತ್ತೇನೆ. ವಿಕೆಟ್ ಮೇಲೆ ಸಮಯ ಕಳೆಯಬೇಕು. ಸಮಯ ಕಳೆದಷ್ಟು ವಿಕೆಟ್ ಅಡ್ಜೆಸ್ಟ್ ಆಗುತ್ತೆ. ಅದು ಮುಖ್ಯವೆಂದು ಹೇಳುತ್ತೇನೆ ಎಂದು ಬ್ಯಾಟಿಂಗ್ ಕೋಚ್ ಸಿತಾಂಶು ಕೋಟಕ್ ಹೇಳಿದ್ದಾರೆ.

ನಂಬರ್​ 2: ಬೇರೆ ಪಿಚ್​​ಗಳಂತೆ ಅಲ್ಲ..

ಲಾರ್ಡ್ಸ್​ ಪಿಚ್​ ಎಲ್ಲ ಪಿಚ್​ಗಳಂತೆ ಅಲ್ಲ. ಇತರೆ ಗ್ರೌಂಡ್​​ಗಳ ಪಿಚ್ ಪ್ಲಾಟ್ ಇರುತ್ತೆ. ಆ ಪಿಚ್​ಗಳಿಗೆ ಹೋಲಿಕೆ ಮಾಡಿದ್ರೆ, ಲಾರ್ಡ್ಸ್​ ಪಿಚ್​​ ಸ್ಲೋಪ್ ಇದೆ. ಇದು ಬೌಲರ್​ಗಳಿಗೆ ಡಿಫರೆಂಟ್ ವೇರಿಯೇಷನ್​ ಕ್ರಿಯೇಟ್ ಮಾಡುತ್ತೆ. ಪೆವಿಲಿಯನ್ ಎಂಡ್​ನಿಂದ ಬೌಲ್ ಮಾಡಿದ್ರೆ. ಎಕ್ಸ್​ ಟ್ರಾ ಮೂಮೆಂಟ್ ಇರುತ್ತೆ. ನರ್ಸರಿ ಎಂಡ್​ನಿಂದ ಬೌಲಿಂಗ್ ಮಾಡಿದ್ರೆ, ಔಟ್ ಸ್ವಿಂಗ್ ಆಗುತ್ತೆ. ಹೀಗಾಗಿ ಎಚ್ಚರ ತಪ್ಪಿದ್ರೆ, ಬ್ಯಾಟರ್​​​ ಪೆವಿಲಿಯನ್ ಸೇರುವುದು ಕನ್ಫರ್ಮ್​.

ಇದನ್ನೂ ಓದಿ: ಕ್ರಿಕೆಟ್ ಕಾಶಿಯಲ್ಲಿ ಇವತ್ತಿನಿಂದ ಬಿಗ್ ಫೈಟ್! ಲಾರ್ಡ್ಸ್​ ಪಿಚ್ ತುಂಬಾನೇ ಡಿಫರೆಂಟ್, ಯಾರಿಗೆ ಫೇವರ್..

ನೋಡಿ ನಾನು ಹೇಳಿದಂತೆ ಮೈಂಡ್​ಸೆಟ್ ಮೇಲೆ ನಿಂತಿದೆ. ಲಾರ್ಡ್ಸ್​ ಪಿಚ್ ಸ್ಲೋಪ್​ ಇರುವುದು ಅರ್ಥಮಾಡಿಕೊಳ್ಳುವುದಿಲ್ಲ. ಸ್ಲೋಪ್​​​ ಇರುವುದರಿಂದ ಸ್ವಲ್ಪ ವ್ಯತ್ಯಾಸವಾಗುತ್ತದೆ. ಚೆಂಡು ಸೀಮ್ ಆದ ನಂತರ ಬದಲಾವಣೆಗಳಾಗುತ್ತವೆ. ಪರಿಸ್ಥಿತಿಗೆ ತಕ್ಕಂತೆ ಆಡಬೇಕು ಎಂದು ಬ್ಯಾಟಿಂಗ್ ಕೋಚ್ ಹೇಳಿದ್ದಾರೆ.

ನಂಬರ್​ 3: ಜೈಸ್ವಾಲ್, ಶುಭ್​ಮನ್ ಗಿಲ್​​ಗೆ ರಿಯಲ್ ಟೆಸ್ಟ್

ಟೀಮ್ ಇಂಡಿಯಾ ಬ್ಯಾಟರ್​ಗಳ ಮುಂದಿರುವ ಬಿಗ್ ಚಾಲೆಂಜ್​​, ಈ ಕಂಡೀಷನ್ಸ್​ನಲ್ಲಿ ಆಡುವುದಾಗಿದೆ. ಈ ಸ್ಲೋಪ್ ಕಂಡೀಷನ್ಸ್​ನಲ್ಲಿ ಆಡಿದ ಅನುಭವ ಕೇವಲ ಮೂವರು ಬ್ಯಾಟರ್​​ಗಳಿಗೆ ಮಾತ್ರವೇ ಇದೆ. ಕೆ.ಎಲ್.ರಾಹುಲ್, ರಿಷಭ್ ಪಂತ್, ಜಡೇಜಾ ಬಿಟ್ರೆ, ಉಳಿದ್ಯಾರು ಈ ಕಂಡೀಷನ್ಸ್​ನಲ್ಲಿ ಆಡಿಯೇ ಇಲ್ಲ. ಪ್ರಮುಖವಾಗಿ ಯಶಸ್ವಿ ಜೈಸ್ವಾಲ್, ಶುಭ್​ಮನ್ ಗಿಲ್​​, ನಿತಿಶ್ ರೆಡ್ಡಿ, ಸುಂದರ್​​ ಲಾರ್ಡ್ಸ್​ನಲ್ಲಿ ಆಡ್ತಿರುವುದು ಫಸ್ಟ್ ಟೆಸ್ಟ್​. ಹೀಗಾಗಿ ಇವರು ಈ ಕಂಡೀಷನ್ಸ್​ಗೆ ಅಡ್ಜೆಸ್ಟ್ ಆಗೋದೇ ಬಿಗ್ ಚಾಲೆಂಜ್.

ಇದನ್ನೂ ಓದಿ: ಕನ್ನಡಿಗ ಪ್ರಸಿದ್ಧ್​ಗೆ ಕೊಕ್​, ಆ ಸ್ಥಾನಕ್ಕೆ ಬಲಿಷ್ಠ ಪ್ಲೇಯರ್​..! ಹೇಗಿರುತ್ತೆ ಟೀಂ ಇಂಡಿಯಾ ಪ್ಲೇಯಿಂಗ್​-11

ನಂಬರ್​​ 4: ಈ ತ್ರಿಮೂರ್ತಿ ಬ್ಯಾಟರ್​​ಗಳಿಗೆ ಹಾಕಬೇಕು ಬ್ರೇಕ್

ಟೀಮ್ ಇಂಡಿಯಾ ಬ್ಯಾಟರ್​ಗಳಿಗೆ ಸವಾಲಾಗಿರುವ ಲಾರ್ಡ್ಸ್​ನಲ್ಲಿ ಇಂಗ್ಲೆಂಡ್​ ಬ್ಯಾಟರ್​ಗಳು ಸಹ ಕಾಡ್ತಾರೆ. ಪ್ರಮುಖವಾಗಿ ಲಾರ್ಡ್ಸ್​ ಲೆಜೆಂಡ್​ ಜೋ ರೂಟ್. ಐತಿಹಾಸಿಕ ಲಾರ್ಡ್ಸ್​ನಲ್ಲಿ 2022 ರನ್ ಕಲೆಹಾಕಿರುವ ರೂಟ್​, 7 ಶತಕ ಸಿಡಿಸಿದ್ದಾರೆ. 54ರ ಬ್ಯಾಟಿಂಗ್ ಆವರೇಜ್ ಹೊಂದಿದ್ದಾರೆ. ರೂಟ್ ಅಲ್ದೇ ಬೆನ್ ಸ್ಟೋಕ್ಸ್​, ಜ್ಯಾಕ್ ಕ್ರಾವ್ಲಿ ಲಾರ್ಡ್ಸ್​ನಲ್ಲಿ ಸಕ್ಸಸ್ ಕಂಡಿದ್ದಾರೆ. ಹೀಗಾಗಿ ಮೊದಲ ಎರಡು ಟೆಸ್ಟ್​ನಲ್ಲಿ ಕಟ್ಟಿಹಾಕಿದಂತೆಯೇ ಇವರನ್ನು ಕಟ್ಟಿಹಾಕುವುದು ಇಂಡಿಯನ್ ಬೌಲಿಂಗ್ ಅಟ್ಯಾಕ್ ಮುಂದಿದೆ.

ನಂಬರ್​​ 5: ಜೋಫ್ರಾ ಆರ್ಚರ್ ಎದುರು ಬೇಕು ಪ್ರಾಪರ್ ಪ್ಲಾನ್

ಲೀಡ್ಸ್​ ಹಾಗೂ ಬರ್ಮಿಗ್​​ಹ್ಯಾಮ್​ನಲ್ಲಿ ಇಂಗ್ಲೆಂಡ್ ಬೌಲಿಂಗ್ ಅಟ್ಯಾಕ್, ಸಪ್ಪೆಯಾಗಿತ್ತು. ಲಾರ್ಡ್ಸ್​ ಟೆಸ್ಟ್​ನಲ್ಲಿ ಇಂಗ್ಲೆಂಡ್ ಬೌಲಿಂಗ್​​ನ ಕಡೆಗಣಿಸುವಂತೆಯೇ ಇಲ್ಲ. ಮೊದಲೇ ಪೇಸರ್​ಗಳಿಗೆ ಪೂರಕವಾಗಿರುವ ಈ ಪಿಚ್​​ನಲ್ಲಿ ಫಾಸ್ಟ್​ ಆ್ಯಂಡ್ ಫ್ಯೂರಿಯಸ್ ಜೋಫ್ರಾ ಆರ್ಚರ್ ಆಡ್ತಿದ್ದಾರೆ. 4 ವರ್ಷಗಳ ಬಳಿಕ ಕಮ್​​​ಬ್ಯಾಕ್​​​​ ಮಾಡಿರುವ ಜೋಫ್ರಾ, ಎದುರು ಎಚ್ಚರಿಕೆಯ ಆಟವಾಡಬೇಕಿದೆ. ಇಲ್ಲ ಎಡೆಮುರಿ ಕಟ್ಟಬೇಕಾಗುವುದು ಕನ್ಫರ್ಮ್​. ಸ್ಲಿಪ್​​ನಲ್ಲಿ ಕ್ಯಾಚ್ ಕೈಚೆಲ್ಲುತ್ತಿರುವ ಟೀಮ್ ಇಂಡಿಯಾ, ಲಾರ್ಡ್ಸ್​ನಲ್ಲಿ ಮತ್ತಷ್ಟು ಶಾರ್ಪ್ ಅಂಡ್ ಆ್ಯಕ್ಟೀವ್ ಆಗಬೇಕಿದೆ. ಇಲ್ಲ ಐತಿಹಾಸಿಕ ಲಾರ್ಡ್ಸ್​ನಲ್ಲಿ ಗೆಲ್ಲೋದು ಕಷ್ಟ ಕಷ್ಟ.

ಇದನ್ನೂ ಓದಿ: ಬೆಂಗಳೂರು ಭಾಗದಲ್ಲಿ ಕೈಕೊಟ್ಟ ಮಳೆ! ರಾಜ್ಯದ 6 ಜಿಲ್ಲೆಗಳಿಗೆ ಭಾರೀ ಮಳೆಯ ಎಚ್ಚರಿಕೆ..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ