ಪ್ರಸಿದ್ಧ್ ಕೃಷ್ಣ, ಕರುಣ್​ಗೆ ಇಲ್ಲ ಸ್ಥಾನ.. ಕಾಂಬೋಜ್​​ಗೆ ಒಲಿದ ಅದೃಷ್ಟ.. ಹೇಗಿದೆ ಪ್ಲೇಯಿಂಗ್​-11..?

ಇಂಡೋ-ಇಂಗ್ಲೆಂಡ್​ 4ನೇ ಟೆಸ್ಟ್​ ಕದನ ಶುರುವಾಗಿದೆ. ಮ್ಯಾಂಚೆಸ್ಟರ್​ನ ಓಲ್ಡ್​ ಟ್ರಾಪರ್ಡ್​ ಅಂಗಳದಲ್ಲಿ ಟಾಸ್ ಪ್ರಕ್ರಿಯೆ ಮುಗಿದಿದ್ದು, ಗಿಲ್ ಪಡೆ ಟಾಸ್​ ಸೋತಿದ್ದು ಮೊದಲು ಬ್ಯಾಟಿಂಗ್ ಮಾಡಲಿದೆ.

ಲಾರ್ಡ್ಸ್​​ ಟೆಸ್ಟ್​ ಪಂದ್ಯದಲ್ಲಿ ಸೋತ ಟೀಮ್​ ಇಂಡಿಯಾ, ಇದೀಗ 4ನೇ ಟೆಸ್ಟ್​​ನಲ್ಲಿ ಗೆಲ್ಲಲೇಬೇಕಾದ ಅನಿವಾರ್ಯತೆಗೆ ಸಿಲುಕಿದೆ. ಈ ಟೆಸ್ಟ್ ಗೆದ್ರೆ ಮಾತ್ರ ಸರಣಿ ಜೀವಂತವಾಗಿರಲಿದೆ. ಮಸ್ಟ್​​ ವಿನ್​ ಗೇಮ್​ಗೂ ಮುನ್ನ ದುರಾದೃಷ್ಟ ಟೀಮ್​ ಇಂಡಿಯಾ ಬೆನ್ನುಬಿದ್ದಿದೆ. ಆಟಗಾರರ ಇಂಜುರಿ ಪ್ಲೇಯಿಂಗ್​ ಇಲೆವೆನ್​​ನಲ್ಲಿ ಭಾರೀ ಬದಲಾವಣೆಗೆ ಕಾರಣವಾಗಿದೆ.

ಹೇಗಿದೆ ಪ್ಲೇಯಿಂಗ್-11..?

ಇವತ್ತಿನ ಪ್ಲೇಯಿಂಗ್​ 11ರಲ್ಲಿ ಭಾರೀ ಬದಲಾವಣೆ ಮಾಡಲಾಗಿದೆ. ನಿರೀಕ್ಷೆಯಂತೆ ಅನ್ಶುಲ್ ಕಾಂಬೋಜ್​​ಗೆ ಟೀಂ ಇಂಡಿಯಾ ಮ್ಯಾನೇಜ್ಮೆಂಟ್ ಅವಕಾಶ ಮಾಡಿಕೊಡ್ತಿದ್ದು, ಟೆಸ್ಟ್​ ಕ್ರಿಕೆಟ್​ಗೆ ಡೆಬ್ಯು ಮಾಡ್ತಿದ್ದಾರೆ. ಆಕಾಶ್ ದೀಪ್ ಬದಲಿಗೆ ಕಾಂಬೋಜ್ ಆಡ್ತಿದ್ದಾರೆ. ಇನ್ನುಳಿದಂತೆ ಕನ್ನಡಿಗ ಕರುಣ್ ನಾಯರ್​ ಹಾಗೂ ಪ್ರಸಿದ್ಧ್ ಕೃಷ್ಣಗೆ ಕೊಕ್ ನೀಡಲಾಗಿದೆ. ಜೊತೆಗೆ ಇಂಗ್ಲೆಂಡ್ ವಿರುದ್ಧ 4ನೇ ಟೆಸ್ಟ್​ನಲ್ಲಿ ಶಾರ್ದುಲ್ ಠಾಕೂರ್ ಕಣಕ್ಕಿಳಿಯುತ್ತಿದ್ದಾರೆ.

ಯಶಸ್ವಿ ಜೈಸ್ವಾಲ್, ಕೆ.ಎಲ್.ರಾಹುಲ್, ಸಾಯಿ ಸುದರ್ಶನ್, ಶುಬ್ಮನ್ ಗಿಲ್, ರಿಷಬ್ ಪಂತ್, ವಾಷಿಂಗ್ಟನ್ ಸುಂದರ್, ರವೀಂದ್ರ ಜಡೇಜಾ, ಶಾರ್ದುಲ್ ಠಾಕೂರ್, ಮೊಹ್ಮದ್ ಸಿರಾಜ್, ಜಸ್​ಪ್ರಿತಾ ಬುಮ್ರಾ, ಅನ್ಶುಲ್ ಕಾಂಬೋಜ್ ಪ್ಲೇಯಿಂಗ್1-11ನಲ್ಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ