ಗಿಲ್ ಪಡೆಗೆ ಭಾರೀ ಮುಖಭಂಗ.. ಚೆನ್ನಾಗಿಯೇ ಆಡಿ, ಕೊನೆಯ ದಿನ ಫೇಲ್ ಆದ ಟೀಂ ಇಂಡಿಯಾ..!

ಶುಭ್​ಮನ್​ ಗಿಲ್​ ಪಡೆಯ ಶುಭಾರಂಭದ ಕನಸು ನುಚ್ಚು ನೂರಾಯ್ತು. ಇಂಗ್ಲೆಂಡ್​​ ಆಟಗಾರರ ಅಬ್ಬರದ ಆಟದ ಮುಂದೆ ಉತ್ತರವಿಲ್ಲದಾದ ಟೀಮ್​ ಇಂಡಿಯಾ ಲೀಡ್ಸ್​ನಲ್ಲಿ ಮುಗ್ಗರಿಸಿತು. 5ನೇ ದಿನದಾಟದಲ್ಲಿ ದಾಖಲೆಯ ರನ್​ ಚೇಸ್​ ಮಾಡಿದ ಇಂಗ್ಲೆಂಡ್​ ಸರಣಿಯಲ್ಲಿ ಮುನ್ನಡೆ ಸಾಧಿಸಿತು.

ಸೆಷನ್​-1: ಇಂಗ್ಲೆಂಡ್​ ಆರಂಭಿಕರ ಬೊಂಬಾಟ್​ ಆಟ

ವಿಕೆಟ್ ನಷ್ಟವಿಲ್ಲದೇ 21 ರನ್​ಗಳೊಂದಿಗೆ ಕೊನೆಯ ದಿನದಾಟದಲ್ಲಿ ಚೇಸಿಂಗ್​ಗಿಳಿದ ಇಂಗ್ಲೆಂಡ್​​ ಬ್ಯಾಟರ್ಸ್​​ ಬೊಂಬಾಟ್​ ಬ್ಯಾಟಿಂಗ್​ ನಡೆಸಿದ್ರು. ಬೆನ್​ ಡಕೆಟ್​ ಅಗ್ರೆಸ್ಸಿವ್​ ಬ್ಯಾಟಿಂಗ್​ ನಡೆಸಿದ್ರೆ, ಜಾಕ್​ ಕ್ರಾವ್ಲಿ ಕೂಲ್​ ಅಂಡ್ ಕಾಮ್​ ಆಟದಿಂದಲೇ ಕಾಡಿದ್ರು. 66 ಎಸೆತಕ್ಕೆ ಬೆನ್​ ಡಕೆಟ್​​​ ಹಾಫ್​ ಸೆಂಚುರಿ ಸಿಡಿಸಿದ್ರು.

ಇದನ್ನೂ ಓದಿ: ರಿಂಕು ಸಿಂಗ್, ಸಂಸದೆ ಪ್ರಿಯಾ ಸರೋಜ್ ಮದುವೆ ದಿನ ಮುಂದೂಡಿಕೆ.. ಕಾರಣವೇನು?

ಇಂಗ್ಲೆಂಡ್​​ ಆರಂಭಿಕರ ಆಟಕ್ಕೆ ಬ್ರೇಕ್​ ಹಾಕಲಾಗದೆ ಇಂಡಿಯನ್​ ಬೌಲರ್ಸ್​ ಪರದಾಡಿದ್ರು. ಡಾಮಿನೇಟಿಂಗ್​ ಪರ್ಫಾಮೆನ್ಸ್​ ನೀಡಿದ ಈ ಜೋಡಿ ಮೊದಲ ಸೆಷನ್​ನಲ್ಲಿ 117 ರನ್​ಗಳಿಸಿತು.

ಸೆಷನ್​- 2: ಜಾಕ್​ ಕ್ರಾವ್ಲಿ ಅರ್ಧಶತಕ, ಬೆನ್​ ಡಕೆಟ್​​ ಶತಕ

ಲಂಚ್​ ಬ್ರೇಕ್​ನ ಬಳಿಕ ಈ ಜೋಡಿ ಮತ್ತಷ್ಟು ಕಾನ್ಫಿಡೆಂಟ್​ ಆಟವಾಡಿತು. ಜಾಕ್​​ ಕ್ವಾವ್ಲಿ ಹಾಫ್​ ಸೆಂಚುರಿ ಪೂರೈಸಿದ್ರೆ, ಯಶಸ್ವಿ ಜೈಸ್ವಾಲ್​ ಮಾಡಿದ ಕ್ಯಾಚ್​ ಡ್ರಾಪ್​ನ ಲಾಭ ಪಡೆದ ಬೆನ್​​ ಡಕೆಟ್​ ಬೊಂಬಾಟ್​​ ಶತಕ ಸಿಡಿಸಿ ಸಂಭ್ರಮಿಸಿದ್ರು. ಕೇವಲ 121 ಎಸೆತಕ್ಕೆ ಬೆನ್​ ಡಕೆಟ್​ ಶತಕ ಪೂರೈಸಿದ್ರು.

ಇದನ್ನೂ ಓದಿ: ಟೀಮ್ ಇಂಡಿಯಾಕ್ಕೆ ಬಿಗ್​ ಶಾಕ್; ಗಿಲ್​​ ಪಡೆಗೆ ಸೋಲು.. ಡಕೆಟ್ ಸೆಂಚುರಿ, ಕೊನೆ ದಿನದಲ್ಲಿ ಇಂಗ್ಲೆಂಡ್​​ಗೆ​ ಲಕ್​​!

ಅಂತಿಮವಾಗಿ 188 ರನ್​ಗಳ ಜೊತೆಯಾಟಕ್ಕೆ ಕನ್ನಡಿಗ ಪ್ರಸಿದ್ಧ ಕೃಷ್ಣ ಬ್ರೇಕ್​ ಹಾಕಿದ್ರು. ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಬಳಿಸಿ ಕನ್ನಡಿಗ ಮಿಂಚಿದ್ರು, 65 ರನ್​ಗಳಿಸಿದ್ದ ಜಾಕ್​​ ಕ್ರಾವ್ಲಿ ಹಾಗೂ ಬಳಿಕ ಕಣಕ್ಕಿಳಿದ ಒಲಿ ಪೋಪ್​ ವಿಕೆಟ್​ನ ಪ್ರಸಿದ್ಧ್​ ಕಬಳಿಸಿದ್ರು. 55ನೇ ಓವರ್​ನಲ್ಲಿ ದಾಳಿಗಿಳಿದ ಶಾರ್ದೂಲ್​ ಠಾಕೂರ್​​ ಒಂದೇ ಓವರ್​ನಲ್ಲಿ ಮತ್ತೆರೆಡು ವಿಕೆಟ್​ ಉರುಳಿಸಿದ್ರು. 149 ರನ್​ಗಳಿಸಿದ್ದ ಬೆನ್​ ಡಕೆಟ್​ಗೆ ಪೆವಿಲಿಯನ್​ ದಾರಿ ತೋರಿಸಿದ ಶಾರ್ದೂಲ್​, ಮರು ಎಸೆತದಲ್ಲೇ ಹ್ಯಾರಿ ಬ್ರೂಕ್​ ವಿಕೆಟ್​ ಉರುಳಿಸಿದ್ರು.

ಸೆಷನ್​ - 3: ಇಂಗ್ಲೆಂಡ್​ಗೆ ದಾಖಲೆಯ ಗೆಲುವು

3ನೇ ಸೆಷನ್​ನಲ್ಲೂ ಇಂಗ್ಲೆಂಡ್​ ತಂಡದ್ದೇ ದರ್ಬಾರ್​ ನಡೀತು. ಜೋ ರೂಟ್​ - ಬೆನ್​ ಸ್ಟೋಕ್ಸ್​ ಉತ್ತಮ ಬ್ಯಾಟಿಂಗ್​ ನಡೆಸಿದ್ರು. 4 ಬೌಂಡರಿ ಬಾರಿಸಿದ ಸ್ಟೋಕ್ಸ್​ 51 ಎಸೆತಗಳಿಂದ 33 ರನ್​ಗಳಿಸಿದ್ರು. ಸಲೀಸಾಗಿ ರನ್​ಗಳಿಸ್ತಿದ್ದ ಸ್ಟೋಕ್ಸ್ ಆಟಕ್ಕೆ ಜಡೇಜಾ 68ನೇ ಓವರ್​ನಲ್ಲಿ ಬ್ರೇಕ್​ ಹಾಕಿದ್ರು. ಪ್ರಯೋಜನ ಆಗಲಿಲ್ಲ. ಆ ಬಳಿಕ ಕಣಕ್ಕಿಳಿದ ಜೇಮಿ ಸ್ಮಿತ್​ ಮತ್ತಷ್ಟು ಅಬ್ಬರದ ಆಟವಾಡಿದ್ರು.

ಸೀನಿಯರ್​​ ಆಟಗಾರನಾಗಿ ಜವಾಬ್ದಾರಿಯುತ ಆಟವಾಡಿದ ಜೋ ರೂಟ್​ ಇಂಡಿಯನ್​ ಬೌಲರ್​ಗಳನ್ನ ಕಾಡಿದ್ರು. 84 ಎಸೆತ ಎದುರಿಸಿದ ರೂಟ್​ 6 ಆಕರ್ಷಕ ಬೌಂಡರಿ ಸಹಿತ ಅರ್ಧಶತಕ ಸಿಡಿಸಿದ್ರು. ವಿಕೆಟ್​ ಕೀಪರ್​ ಬ್ಯಾಟರ್​ ಜೇಮಿ ಸ್ಮಿತ್​ ಅಟ್ಯಾಕಿಂಗ್​ ಆಟವಾಡಿದ್ರು. 4 ಬೌಂಡರಿ, 2 ಸಿಕ್ಸರ್​​ ಸಿಡಿಸಿದ ಸ್ಮಿತ್​ ಅಜೇಯ 44 ರನ್​ಗಳಿಸಿದ್ರು. 82ನೇ ಓವರ್​ ಕೊನೆಯ ಎಸೆತವನ್ನ ಸಿಕ್ಸರ್​ ಸಿಡಿಸಿ ಇಂಗ್ಲೆಂಡ್​ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ದಾಖಲೆಯ ರನ್​ ಚೇಸ್ ಮಾಡಿದ ಇಂಗ್ಲೆಂಡ್​ ತಂಡ 5 ವಿಕೆಟ್​ ಗೆಲುವು ಸಾಧಿಸಿತು. ಈ ಮೂಲಕ 5 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದಲ್ಲಿ ಮುನ್ನಡೆ ಸಾಧಿಸಿತು.

ಇದನ್ನೂ ಓದಿ: ಟೀಮ್ ಇಂಡಿಯಾದ ಮಾಜಿ ಸ್ಪಿನ್ನರ್ ದಿಲೀಪ್ ದೋಶಿ ನಿಧನ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ