2ನೇ ಟೆಸ್ಟ್​ನಲ್ಲಿ 4 ಬದಲಾವಣೆ ಫಿಕ್ಸ್..! ಯಾರಿಕೆ ಕೊಕ್? ಪ್ಲೇಯಿಂಗ್-11ನಲ್ಲಿ ಯಾರಿಗೆಲ್ಲ ಅವಕಾಶ..?

ಮೊದಲ ಟೆಸ್ಟ್​ನಲ್ಲಿ ಟೀಮ್ ಇಂಡಿಯಾ ಹೀನಾಯವಾಗಿ ಸೋತಿದ್ದಾಗಿದೆ. 2ನೇ ಟೆಸ್ಟ್​ ಪಂದ್ಯಕ್ಕಾಗಿ ಬರ್ಮಿಂಗ್​ಹ್ಯಾಮ್​​ಗೆ ತೆರಳಿದ್ದಾಗಿದೆ. ಮೊದಲ ಟೆಸ್ಟ್ ಸೋಲಿನ ಬೇಸರದಲ್ಲಿರುವ ಟೀಮ್ ಇಂಡಿಯಾ, 2ನೇ ಟೆಸ್ಟ್​ನಲ್ಲಿ ಭಾರೀ ಬದಲಾವಣೆ ಮುಂದಾಗಿದೆ. 2ನೇ ಟೆಸ್ಟ್​ ಪಂದ್ಯದಲ್ಲಿ ಏನೆಲ್ಲಾ ಪ್ರಯೋಗ ನಡೀಬೋದು? ಯಾರೆಲ್ಲಾ ಬೆಂಚ್​​ ಕಾಯಬಹುದು? ಅನ್ನೋ ವಿವರ ಇಲ್ಲಿದೆ.

ಹೆಡಿಂಗ್ಲಿಯಲ್ಲಿ ಹೀನಾಯವಾಗಿ ಸೋತಿರುವ ಟೀಮ್ ಇಂಡಿಯಾ, ಈಗ ಬರ್ಮಿಂಗ್​ಹ್ಯಾಮ್​​ನಲ್ಲಿ ಬೀಡು ಬಿಟ್ಟಿದೆ. ಲೀಡ್ಸ್​ನಲ್ಲಿ ಲೀಡ್ ಪಡೆದ ಹೊರತಾಗಿಯೂ ತೀವ್ರ ಮುಖಭಂಗಕ್ಕೀಡದ ಟೀಮ್ ಇಂಡಿಯಾ, ಸೋಲಿನ ಚಿಂತನ ಮಂಥನ ನಡೆಸ್ತಿದೆ. ಎಡ್ಜ್ ಬಾಸ್ಟನ್​ನಲ್ಲಿ ಬ್ಲಾಕ್ ಬಾಸ್ಟರ್ ಕಮ್​ಬ್ಯಾಕ್ ಮಾಡುವ ಲೆಕ್ಕಾಚಾರಲ್ಲಿದೆ. ಇದಕ್ಕಾಗಿ ತೆರೆಮರೆಯಲ್ಲೇ ಯೋಜನೆ ರೂಪಿಸ್ತಿರುವ ಟೀಮ್ ಮ್ಯಾನೇಜ್​ಮೆಂಟ್, 2ನೇ ಟೆಸ್ಟ್ ಗೆಲುವಿಗಾಗಿ ಕೆಲ ಬದಲಾವಣೆಗೆ ಕೈಹಾಕಬೇಕಾದ ಅನಿವಾರ್ಯತೆ ಇದ್ದೇ ಇದೆ.

ಸಾಯಿ ಸುದರ್ಶನ್ ಬದಲಿಗೆ ಈಶ್ವರನ್​ಗೆ ಸಿಗುತ್ತಾ ಚಾನ್ಸ್?

ಸಾಯಿ ಸುದರ್ಶನ್, ಟ್ಯಾಲೆಂಟೆಡ್ ಕ್ರಿಕೆಟರ್ ಅನ್ನೋದ್ರಲ್ಲಿ ನೋ ಡೌಟ್. ತಮಿಳುನಾಡು ಬ್ಯಾಟರ್​​ಗಿಂತ ಅನುಭವಿ ಅಭಿಮನ್ಯು ಈಶ್ವರನ್, ಅತ್ಯುತ್ತಮ ಆಯ್ಕೆ.

ಇದನ್ನೂ ಓದಿ: ಪೊಲೀಸರ ಮುಂದೆ ಮಹತ್ವದ ಹೇಳಿಕೆ ಕೊಟ್ಟ ಸಂತ್ರಸ್ತೆ.. ಯಶ್ ದಯಾಳ್ ವಿರುದ್ಧ ಮಾಡಿದ ಆರೋಪ ಏನು..?

ಅಭಿಮನ್ಯು ಈಶ್ವರನ್ ಯಾಕೆ..?

ಜಸ್ಟ್ ಅನುಭವಿ ಮಾತ್ರವಲ್ಲ. ಟೆಸ್ಟ್​ ಕ್ರಿಕೆಟ್​​ನ ಸ್ಪೆಷಲಿಸ್ಟ್. ಇಂಗ್ಲೆಂಡ್ ಟೂರ್​ಗೂ ಮುನ್ನ ಭಾರತ ಎ ಪರ ಆಡಿರುವ ಅಭಿಮನ್ಯು, ಕ್ರಮವಾಗಿ 68, 80 ರನ್​ ಗಳಿಸಿದ್ದಾರೆ. ಕಂಡೀಷನ್ಸ್​ಗೂ ಹೊಂದಿಕೊಂಡಿದ್ದಾರೆ. ಫಸ್ಟ್​ ಕ್ಲಾಸ್ ಕ್ರಿಕೆಟ್​ನಲ್ಲಿ 48ರ ಬ್ಯಾಟಿಂಗ್ ಅವರೇಜ್​ನಲ್ಲಿ 7841 ರನ್ ಗಳಿಸಿದ್ದಾರೆ. ಹೀಗಾಗಿ ಸಾಯಿ ಸುದರ್ಶನ್ ಬದಲಿಗೆ ಅಭಿಮನ್ಯುಗೆ ಚಾನ್ಸ್ ನೀಡಿದ್ರೆ, ಟೀಮ್ ಇಂಡಿಯಾಗೂ ಅನುಕೂಲ.

ಕರುಣ್ ನಾಯರ್ ಸ್ಥಾನದಲ್ಲಿ ಧ್ರುವ್ ಜುರೆಲ್ ಬೆಸ್ಟ್​ ಯಾಕೆ?

ಕರುಣ್ ನಾಯರ್. ಟೆಸ್ಟ್ ಸ್ಪೆಷಲಿಸ್ಟ್ ಬ್ಯಾಟರ್. 7 ವರ್ಷಗಳ ಬಳಿಕ ಟೀಮ್ ಇಂಡಿಯಾಗೆ ಕಮ್​ಬ್ಯಾಕ್ ಮಾಡಿದ ಕರುಣ್, ಮೊದಲ ಅಗ್ನಿಪರೀಕ್ಷೆಯಲ್ಲೇ ಫೇಲ್ಯೂರ್ ಆಗಿದ್ದಾರೆ. ಕರುಣ್ ಬದಲಿಗೆ 6ನೇ ಕ್ರಮಾಂಕದಲ್ಲಿ ಧ್ರುವ್ ಜುರೆಲ್​ಗೆ ಚಾನ್ಸ್ ನೀಡುವುದು ಬೆಸ್ಟ್​..

ಕರುಣ್​ಗಿಂತ ಜುರೆಲ್​ ಬೆಸ್ಟ್​​.!

ಜುರೇಲ್​​ಗೆ 6ನೇ ಕ್ರಮಾಂಕದಲ್ಲಿ ಆಡಿದ ಅನುಭವ ಕನ್ನಡಿಗ ಕರುಣ್​ಗೆ ಇಲ್ಲ. ಇಂಗ್ಲೆಂಡ್ ಲಯನ್ಸ್ ಎದುರು ಕ್ರಮವಾಗಿ 94, 53, 52 ಹಾಗೂ 28 ರನ್​ ಗಳಿಸಿರುವ ಜುರೇಲ್, ಟೆಸ್ಟ್ ಕ್ರಿಕೆಟ್​ನಲ್ಲಿ ಟೀಮ್ ಇಂಡಿಯಾ ಪರವೇ 6, 7, 8ನೇ ಕ್ರಮಾಂಕದಲ್ಲಿ ಆಡಿದ್ದಾರೆ. ಯಶಸ್ಸು ಕೂಡ ಕಂಡಿದ್ದಾರೆ. ಹೀಗಾಗಿ ಕರುಣ್​​​​​​ ಬದಲಿಗೆ 6ನೇ ಕ್ರಮಾಂಕದಲ್ಲಿ ಜುರೇಲ್​ಗೆ ಚಾನ್ಸ್ ನೀಡಿದ್ರೆ ಬೆಸ್ಟ್.

ಶಾರ್ದೂಲ್ ಸ್ಥಾನಕ್ಕೆ ಗೇಮ್ ಚೇಂಜರ್​ ನಿತಿಶ್ ರೆಡ್ಡಿ

ಶಾರ್ದೂಲ್ ಬದಲಿಗೆ ಹೆಡಿಂಗ್ಲಿಯಲ್ಲಿ ನಿತಿಶ್ ರೆಡ್ಡಿಯನ್ನೇ ಮುಂದುವರಿಸಿದ್ರೆ. ಟೀಮ್ ಇಂಡಿಯಾಗೆ ಪಾಸಿಟಿವ್ ರಿಸಲ್ಟ್ ಬರ್ತಿತ್ತೇನೋ.. ಯಾಕಂದ್ರೆ, ಕೋಚ್ ಗಂಭೀರ್ ಹೇಳಿದಂತೆ ಶಾರ್ದೂಲ್, ಬೌಲಿಂಗ್ ಆಲ್​ರೌಂಡರ್ ಅಲ್ಲ. ಹೀಗಾಗಿ ಶಾರ್ದೂಲ್​ ಠಾಕೂರ್​ಗಿಂತ ಬ್ಯಾಟಿಂಗ್​ನಲ್ಲಿ ನಿತಿಶ್ ಕುಮಾರ್​​​ ರೆಡ್ಡಿ​ಗೆ ಚಾಯ್ಸ್​ ಆಗಿದ್ದಾರೆ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್​ ಆಸ್ಟ್ರೇಲಿಯಾ ಪ್ರವಾಸ.

ಇದನ್ನೂ ಓದಿ: RCB ಬೌಲರ್ ಯಶ್​ ದಯಾಳ್​​ ಅರೆಸ್ಟ್ ಆಗ್ತಾರಾ, ಎಫ್​ಐಆರ್​ನಲ್ಲಿ ಏನಿದೆ..? ಸಿಎಂ ಕಚೇರಿಯಿಂದ ತನಿಖೆಗೆ ಆದೇಶ!

ನಿತಿಶ್ ರೆಡ್ಡಿಯಿಂದ ಏನು ಲಾಭ..?

ಈ ಪ್ರವಾಸದಲ್ಲಿ 7ನೇ ಕ್ರಮಾಂಕದಲ್ಲಿ 89 ರನ್ ಗಳಿಸಿದ್ದ ನಿತಿಶ್, 8ನೇ ಕ್ರಮಾಂಕದಲ್ಲಿ 1 ಶತಕ ಒಳಗೊಂಡ 209 ರನ್ ಗಳಿಸಿದ್ರು. ಬೌಲಿಂಗ್ ಸಹ ಮಾಡಬಲ್ಲ ನಿತಿಶ್, ಪರಿಸ್ಥಿತಿಗೆ ತಕ್ಕಂತೆ ಗೇಮ್ ಚೇಂಜ್​ ಮಾಡಬಲ್ಲರು. ಎಡ್ಜ್ ಬಾಸ್ಟನ್ ಟೆಸ್ಟ್​ನಲ್ಲಿ ಆಡುವ ಚಾನ್ಸ್​ ದಟ್ಟವಾಗಿದೆ.

ಸಿರಾಜ್, ಪ್ರಸಿದ್ಧ್​ ಯಾರಿಗೆ ಕೊಕ್? ಯಾರಿಗೆ ಚಾನ್ಸ್?

ಬೂಮ್ರಾ ಆಡ್ತಾರೋ ಇಲ್ವೋ ಗೊತ್ತಿಲ್ಲ. ಬೂಮ್ರಾ ಆಡಿದ್ರೆ ಸಿರಾಜ್ ಅಥವಾ ಪ್ರಸಿದ್ಧ್​ ಇಬ್ಬರಲ್ಲಿ ಒಬ್ಬರಿಗೆ ಬೆಂಚ್ ಫಿಕ್ಸ್. ಒಬ್ಬರು ಬೆಂಚ್ ಬಿಸಿ ಮಾಡಿದ್ರೆ, ಅರ್ಷದೀಪ್ ಸಿಂಗ್​ಗೆ ಚಾನ್ಸ್ ನೀಡಬೇಕು. ಇದಕ್ಕೆ ಕಾರಣ ತಂಡದಲ್ಲಿ ಮೂವರು ರೈಟ್ ಹ್ಯಾಂಡ್ ಪೇಸರ್ಸ್.. ಹೀಗಾಗಿ ಲೆಫ್ಟಿ ಪೇಸರ್​ ಅರ್ಷದೀಪ್ ಸಿಂಗ್​​ಗೆ ಚಾನ್ಸ್ ನೀಡಿದ್ರೆ. ಯುನಿಕ್ ಆ್ಯಂಗಲ್ ಕ್ರಿಯೇಟ್ ಆಗುತ್ತೆ. ಎರಡು ಕಡೆ ಸ್ವಿಂಗ್ ಮಾಡೋ ಕಾರಣಕ್ಕೆ ಎಡಗೈ ಬ್ಯಾಟರ್​ಗಳ ಮೇಲೆ ಒತ್ತಡವೂ ಹೇರಬಹುದು. ಇದು ಎದುರಾಳಿ ತಂಡದ ಮೇಲೆ ಮೇಲುಗೈ ಸಾಧಿಸಲು ನೆರವಾಗೋದ್ರಲ್ಲಿ ಡೌಟೇ ಇಲ್ಲ.

ಇದನ್ನೂ ಓದಿ: ಆಂಗ್ಲರಿಗೆ ನಡುಕ ಹುಟ್ಟಿಸಿದ ರಿಷಭ್ ಪಂತ್​​.. ವಿಕೆಟ್​ ಕೀಪರ್​ ಕೌಂಟರ್​​ ಅಟ್ಯಾಕ್​ ಹೇಗಿರುತ್ತೆ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ