ರಣರೋಚಕ ಘಟ್ಟ ತಲುಪಿದ ಲಾರ್ಡ್ಸ್​ ಟೆಸ್ಟ್.. ಭಾರತದ ಗೆಲುವಿಗೆ ಬೇಕು ಕೆಲವೇ ಕೆಲವು ರನ್ಸ್​..!

ಇಂಡೋ-ಇಂಗ್ಲೆಂಡ್​​ ಲಾರ್ಡ್ಸ್​ ಟೆಸ್ಟ್​ ಪಂದ್ಯ ರಣರೋಚಕ ಘಟ್ಟ ತಲುಪಿದೆ. 4ನೇ ದಿನದಾಟದಲ್ಲಿ ಆಂಗ್ಲರ ಹುಟ್ಟಡಗಿಸಿದ ಇಂಡಿಯನ್​ ಟೈಗರ್ಸ್​​ ಶಾಕ್​ ಮೇಲೆ ಶಾಕ್​ ನೀಡಿದ್ರು. ಟೀಮ್​ ಇಂಡಿಯಾ ಬೌಲರ್​ಗಳ ದಾಳಿಗೆ ಇಂಗ್ಲೆಂಡ್​ ಬ್ಯಾಟಿಂಗ್​ ಲೈನ್​ಅಪ್​ ಸ್ಟನ್​ ಆಯ್ತು. ಇಂಗ್ಲೆಂಡ್ ಬೌಲರ್ಸ್​ ಕೂಡ ತಾವೇನು ಕಮ್ಮಿಯಿಲ್ಲ ಎಂಬಂತೆ ಪರ್ಫಾಮ್​ ಮಾಡ್ತಿದ್ದಾರೆ.

ಸೆಷನ್​-1: ಕೆಣಕಿದ ಆಂಗ್ಲರಿಗೆ ಖಡಕ್​ ಆನ್ಸರ್​​

ಟೆಸ್ಟ್​ ಪಂದ್ಯದ 3ನೇ ದಿನದಾಟದಲ್ಲಿ ಅಂತ್ಯದಲ್ಲಿ ಹೈಡ್ರಾಮಾ ನಡೆದಿತ್ತಲ್ಲ ಅದಕ್ಕೆ ಇಂಡಿಯನ್​ ಟೀಮ್​ 4ನೇ ದಿನದಾಟದಲ್ಲಿ ಖಡಕ್​ ಆನ್ಸರ್​ ನೀಡ್ತು. ಕೆರಳಿದ ಸಿಂಹಗಳಾಗಿದ್ದ ಇಂಡಿಯನ್​ ಪ್ಲೇಯರ್ಸ್ ಯುದ್ಧಭೂಮಿಯಲ್ಲಿ ಆಂಗ್ಲರನ್ನ ಅಟ್ಟಾಡಿಸಿದ್ರು. ಇಂಗ್ಲೆಂಡ್​ ನಾಟಕಕ್ಕೆ ಕೆರಳಿ ಕೆಂಡವಾಗಿದ್ದ ಮೊಹಮ್ಮದ್​ ಸಿರಾಜ್​, ದಿನದಾಟ ಆರಂಭದಲ್ಲೇ ಶಾಕ್​ ನೀಡಿದ್ರು. ಸಿರಾಜ್​ ಸಿಡಿಗುಂಡಿಗೆ ಬೆನ್​ ಡಕೆಟ್​, ಒಲಿ ಪೋಪ್​ ಬಲಿಯಾದ್ರು.

ಇದನ್ನೂ ಓದಿ: ಟೆಸ್ಟ್​​ನಲ್ಲಿ ಒಂದೇ ಚೆಂಡಿನಿಂದ 80 ಓವರ್​ ಮಾಡಬೇಕಾ..? ಡ್ಯೂಕ್ ಬಾಲ್ ಬಗ್ಗೆ ಗಿಲ್, ಸ್ಟೋಕ್ಸ್ ಅಸಮಾಧಾನ!

ಕಾಲಹರಣ ಮಾಡಿ ಪಿತ್ತನೆತ್ತಿಗೇರಿಸಿದ್ದ ಜಾಕ್​ ಕ್ರಾವ್ಲಿ ಆಟ ಹೆಚ್ಚು ಹೊತ್ತು ನಡೀಲಿಲ್ಲ. 22 ರನ್​ಗಳಿಸಿದ್ದ ಕ್ರಾವ್ಲಿಯನ್ನ ನಿತೀಶ್​ ರೆಡ್ಡಿ ಔಟ್​ ಮಾಡಿದ್ರು. 4 ಬೌಂಡರಿ, 1 ಸಿಕ್ಸರ್​ ಸಿಡಿಸಿ ಕೌಂಟರ್​ ಅಟ್ಯಾಕ್​ ನಡೆಸೋ ಯತ್ನ ಮಾಡಿದ ಹ್ಯಾರಿ ಬ್ರೂಕ್​ಗೆ ಆಕಾಶ್​​ದೀಪ್​ ಕ್ಲೀನ್​​ಬೋಲ್ಡ್​ ಮಾಡಿ ಪೆವಿಲಿಯನ್​ ಹಾದಿ ತೋರಿಸಿದ್ರು. ಫಸ್ಟ್​ ಸೆಷನ್​ನಲ್ಲಿ 4 ವಿಕೆಟ್​ ಬೇಟೆಯಾಡಿ ಟೀಮ್​ ಇಂಡಿಯಾ ಮೇಲುಗೈ ಸಾಧಿಸಿತು.

ಸೆಷನ್​-2: ಇಂಗ್ಲೆಂಡ್​ಗೆ​ ಸ್ಪಿನ್​ ಶಾಕ್​ ಕೊಟ್ಟ ಸುಂದರ್​​

2ನೇ ಸೆಷನ್​ನಲ್ಲಿ ಇಂಗ್ಲೆಂಡ್​ ತಂಡ ರಕ್ಷಣಾತ್ಮಕ ಆಟದ ಮೊರೆ ಹೋಯ್ತು. ಬೆನ್​ ಸ್ಟೋಕ್ಸ್​ - ಜೋ ರೂಟ್​ ಪಾರ್ಟನರ್​ಶಿಪ್​ ಬ್ಯುಲ್ಡ್​ ಮಾಡಿದ್ರು. ಎಚ್ಚರಿಕೆಯ ಆಟವಾಡಿ 5ನೇ ವಿಕೆಟ್​ಗೆ 67 ರನ್​ಗಳ ಜೊತೆಯಾಟವಾಡಿದ್ರು.

ಇದನ್ನೂ ಓದಿ: ಭೂಮಿಗೆ ವಾಪಸ್ ಬರ್ತಿರೋ ಶುಕ್ಲಾಗೆ ಬಾಹ್ಯಾಕಾಶದಲ್ಲಿ ಭಾವನಾತ್ಮಕ ವಿದಾಯ; ಇಂದು ಹೊರಟು ನಾಳೆ ಲ್ಯಾಂಡಿಂಗ್..!

ಅಂತಿಮವಾಗಿ 42.4ನೇ ಓವರ್​ನಲ್ಲಿ ವಾಷಿಂಗ್ಟನ್​ ಸುಂದರ್​ ಜೊತೆಯಾಟಕ್ಕೆ ಬ್ರೇಕ್​ ಹಾಕಿದ್ರು. 40 ರನ್​ಗಳಿಸಿದ್ದ ಜೋ ರೂಟ್​​ ಸುಂದರ್​ ಬೌಲಿಂಗ್​ನಲ್ಲಿ ಕ್ಲೀನ್​ ಬೋಲ್ಡ್​ ಆದ್ರು. ಬಳಿಕ ಕಣಕ್ಕಿಳಿದ ಜೇಮಿ ಸ್ಮಿತ್​ ಕೂಡ ಸುಂದರ್​​ ಸ್ಪಿನ್​ ಜಾದೂಗೆ ಸ್ಟನ್​ ಆದ್ರು. 2ನೇ ಸೆಷನ್​ನಲ್ಲಿ 27 ಓವರ್​ ಬೌಲಿಂಗ್​ ಮಾಡಿದ ಟೀಮ್​ ಇಂಡಿಯಾ 2 ವಿಕೆಟ್​ ಉರುಳಿಸಿ 77 ರನ್​​ಗಳಿಸಿದ್ರು.

ಸೆಷನ್​-3: ಆಂಗ್ಲರಿಗೆ ‘ಬೂಮ್ರಾಘಾತ’, 192 ರನ್​​ಗೆ ಆಲೌಟ್​

3ನೇ ಸೆಷನ್​​ನಲ್ಲೂ ಸುಂದರ್​​ ಸ್ಪಿನ್​ ಮ್ಯಾಜಿಕ್​ ಮುಂದುವರೆಯಿತು. ಬರೋಬ್ಬರಿ 96 ಎಸೆತ ಎದುರಿಸಿ ಕ್ರಿಸ್​​ ಕಚ್ಚಿ ನಿಂತಿದ್ದ ಇಂಗ್ಲೆಂಡ್​ ಕ್ಯಾಪ್ಟನ್​ ಬೆನ್​​ಸ್ಟೋಕ್ಸ್​ ಸುಂದರ್ ಸ್ಪಿನ್​ಗೆ ಸ್ಟನ್​ ಆದ್ರು. ಕ್ಲೀನ್​ಬೋಲ್ಡ್​ ಆಗಿ ಸ್ಟೋಕ್ಸ್​ ಔಟಾದ್ರು. ಸ್ಟೋಕ್ಸ್​ ನಿರ್ಗಮನದ ಬಳಿಕ ಇಂಗ್ಲೆಂಡ್​ ತಂಡ ಬೂಮ್ರಾಘಾತಕ್ಕೆ ತತ್ತರಿಸಿತು. ಬ್ರೆಂಡನ್​ ಕರ್ಸ್​​, ಕ್ರಿಸ್​​ವೋಕ್ಸ್​, ಜೋಫ್ರಾ ಆರ್ಚರ್​ ಬೂಮ್ರಾ ಯಾರ್ಕರ್​​ಗೆ ಶರಣಾದ್ರು. ಆಲೌಟ್​​ ಆದ ಇಂಗ್ಲೆಂಡ್​​ ಟೀಮ್​ ಇಂಡಿಯಾಗೆ 192 ರನ್​ಗಳ​ ಟಾರ್ಗೆಟ್​ ನೀಡಿತು.

4 ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ ಭಾರತ

193 ರನ್​ಗಳ ಟಾರ್ಗೆಟ್ ಬೆನ್ನತ್ತಿದ ಟೀಮ್​ ಇಂಡಿಯಾ ಕೂಡ ಆಘಾತ ಎದುರಿಸಿದೆ. ಆರಂಭಿಕನಾಗಿ ಕಣಕ್ಕಿಳಿದ ಯಶಸ್ವಿ ಜೈಸ್ವಾಲ್​​, 3ನೇ ಕ್ರಮಾಂಕದಲ್ಲಿ ಬಂದ ಕರುಣ್​ ನಾಯರ್​ ಕೈ ಕೊಟ್ರು. ನಾಯಕ ಶುಭ್​ಮನ್​ ಗಿಲ್​ ಕೂಡ ತಂಡಕ್ಕೆ ಆಸರೆಯಾಗಲಿಲ್ಲ. ನೈಟ್​ ವಾಚ್​ಮನ್​ ಆಗಿ ಬಂದ ಆಕಾಶ್​ದೀಪ್​ ಕೂಡ ಔಟಾಗಿದ್ದಾರೆ. 58 ರನ್​ಗಳಿಗೆ 4 ವಿಕೆಟ್​ ಕಳೆದುಕೊಂಡ ಟೀಮ್​ ಇಂಡಿಯಾ ಸದ್ಯ ಸಂಕಷ್ಟಕ್ಕೆ ಸಿಲುಕಿದೆ.

ಇದನ್ನೂ ಓದಿ: ಸೈನಾ ನೆಹ್ವಾಲ್ ಬಾಳಲ್ಲಿ ಬಿರುಗಾಳಿ.. 7 ವರ್ಷದ ದಾಂಪತ್ಯ ಜೀವನಕ್ಕೆ ವಿದಾಯ

33 ರನ್​ಗಳಿಸಿರೋ ಕೆ.ಎಲ್​ ರಾಹುಲ್​ ಕ್ರಿಸ್​ನಲ್ಲಿ ಉಳಿದಿದ್ದು, ಟೀಮ್​ ಇಂಡಿಯಾ ಗೆಲುವಿಗೆ 135 ರನ್​ಗಳ ಅಗತ್ಯತೆಯಿದೆ. ಇಂಗ್ಲೆಂಡ್​ 6 ವಿಕೆಟ್​ಗಳು ಬೇಕಿವೆ. ಹೀಗಾಗಿ ಇಂದಿನ ದಿನದಾಟ ತೀವ್ರ ಕುತೂಹಲ ಹುಟ್ಟುಹಾಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ