IND vs SA; ಫಸ್ಟ್​ ಅಲ್ಲಿ ಬ್ಯಾಟಿಂಗ್ ಅಬ್ಬರ.. ಸೆಕೆಂಡ್ ಹಾಫ್​ನಲ್ಲಿ ಭಾರತದ ಯುವ ಬೌಲರ್​ಗಳ ಆರ್ಭಟ

ಫಸ್ಟ್​ ಹಾಫ್​ನಲ್ಲಿ ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​ಗಳ ಆರ್ಭಟ ನಡೆದ್ರೆ, ಸೆಕೆಂಟ್​ ಹಾಫ್​ನಲ್ಲಿ ನಡೆದಿದ್ದು ಬೌಲರ್​​ಗಳ ಮೆರೆದಾಟ. ಅದ್ರಲ್ಲೂ, ಟೀಮ್​ ಇಂಡಿಯಾ ಸ್ಪಿನ್ನರ್​ಗಳ ಬಲೆಗೆ ಬಿದ್ದ ದಕ್ಷಿಣ​ ಆಫ್ರಿಕನ್​​ ಬ್ಯಾಟರ್ಸ್​ ಪೆವಿಲಿಯನ್​ ಪರೇಡ್​ ನಡೆಸಿದರು. ಟೀಮ್​ ಇಂಡಿಯಾ ಬೌಲರ್​ಗಳ ವಿಕೆಟ್​ ಬೇಟೆಯ ಹೈಲೆಟ್ಸ್​​ ಇಲ್ಲಿದೆ.

203 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡಕ್ಕೆ ಕ್ಯಾಪ್ಟನ್​ ಎಡೆನ್​ ಮಾರ್ಕರಂ​ ಬ್ಯಾಕ್​ ಟು ಬ್ಯಾಕ್​ ಬೌಂಡರಿ ಸಿಡಿಸಿ ಭರ್ಜರಿ ಆರಂಭ ಕೊಟ್ಟರು. ಆದರೆ, ನಂತರದ ಎಸೆತದಲ್ಲೆ ಆರ್ಷ್​ದೀಪ್​ ಸಿಂಗ್​ಗೆ ವಿಕೆಟ್ ಒಪ್ಪಿಸಿದರು. ಯುವ ಬ್ಯಾಟ್ಸ್​ಮನ್​ ಟ್ರಿಸ್ಟನ್​ ಸ್ಟಬ್ಸ್​ ಕೂಡ ತಂಡಕ್ಕೆ ನೆರವಾಗಲಿಲ್ಲ. ಸ್ಟಬ್ಸ್​​ ಆಟಕ್ಕೆ ಆವೇಶ್​ ಖಾನ್​ ಬ್ರೇಕ್​ ಹಾಕಿದರು. 30 ರನ್​ಗಳಿಗೆ ಸೌತ್​ ಆಫ್ರಿಕಾ 2 ವಿಕೆಟ್​ ಕಳೆದುಕೊಂಡಿತ್ತು.

ಇದನ್ನೂ ಓದಿ: ಸಿಕ್ಸ್​, ಸಿಕ್ಸ್, ಸಿಕ್ಸ್! ಸಂಜು ಸ್ಯಾಮ್ಸನ್ ಸ್ಟ್ರೈಕ್​​ರೇಟ್​​ ಬಗ್ಗೆ ಯಾರೂ ಕೆಮ್ಮಂಗಿಲ್ಲ..!

ಟೀಮ್​ ಇಂಡಿಯಾ ಬೌಲರ್​ಗಳನ್ನ ಕಾಡಿದ ರಿಯಾನ್ ರಿಕಲ್ಟನ್​​ 11 ಎಸೆತಗಳಲ್ಲೇ 21 ರನ್​ಗಳಿಸಿದರು. 3 ಬೌಂಡರಿ, 1 ಸಿಕ್ಸರ್​ ಸಿಡಿಸಿ ಅಬ್ಬರಿಸೋ ಸೂಚನೆ ನೀಡಿದ ರಿಕಲ್ಟನ್​ಗೆ ವರುಣ್​ ಚಕ್ರವರ್ತಿ ಪೆವಿಲಿಯನ್​ ದಾರಿ ತೋರಿಸಿಯೇ ಬಿಟ್ಟರು. ಬಳಿಕ ಕ್ರಿಸ್​​ನಲ್ಲಿ ಜೊತೆಯಾದ ಹೆನ್ರಿಚ್​ ಕ್ಲಾಸೆನ್​, ಡೇವಿಡ್​ ಮಿಲ್ಲರ್​ ತಂಡಕ್ಕೆ ಚೇತರಿಕೆ ನೀಡುವ ಯತ್ನ ಮಾಡಿದರು. ಆದರೆ, ಇದಕ್ಕೂ ವರುಣ್​ ಚಕ್ರವರ್ತಿ ಅವಕಾಶ ನೀಡಲಿಲ್ಲ. ಸಿಕ್ಸರ್​ ಸಿಡಿಸಿದ ಮರು ಎಸೆತದಲ್ಲೇ ಕ್ಲಾಸೆನ್​ ವಿಕೆಟ್​ ಎಗರಿಸಿದರು.

ಕ್ಲಾಸೆನ್​ ಬೆನ್ನಲ್ಲೇ ಡೇವಿಡ್​ ಮಿಲ್ಲರ್​ ಕೂಡ ವರುಣ್​ ಚಕ್ರವರ್ತಿಗೆ ವಿಕೆಟ್​ ಒಪ್ಪಿಸಿ ಹೊರ ನಡೆದರು. ಬಳಿಕ ಕಣಕ್ಕಿಳಿದ ಪ್ಯಾಟ್ರಿಕ್​ ಕ್ರುಗರ್, ಎಂಡಿಲ್​ ಸಿಮಾಲಾನೆ ರವಿ ಬಿಷ್ಣೋಯ್​ ಬೌಲಿಂಗ್​ನಲ್ಲಿ ಬ್ಯಾಕ್​ ಟು ಬ್ಯಾಕ್​ ಪೆವಿಲಿಯನ್​ ಸೇರಿದರು.

ಇದನ್ನೂ ಓದಿ: ಯೋಗ ಶಿಕ್ಷಕಿಯ ಅಪಹರಣ ಕೇಸ್​; ರಾಯರ ಸನ್ನಿಧಿಯಲ್ಲಿ ಸಿಕ್ಕಿಬಿದ್ದ ಆರೋಪಿಗಳ ಫೊಟೋಸ್ ಈಗ ಲಭ್ಯ

ಅಂತಿಮ ಹಂತದಲ್ಲಿ ಜೆರಾಲ್ಡ್​ ಕೋಟ್ಜಿ ಹೋರಾಟ ನಡೆಸಿದ್ದು ಬಿಟ್ರೆ, ಉಳಿದೆಲ್ಲಾ ಆಟಗಾರರು ಪೆವಿಲಿಯನ್​ ಪರೇಡ್​ ನಡೆಸಿದ್ರು. 202 ರನ್​ಗಳನ್ನ ಗಳಿಸಲಾಗದೇ ಕೇವಲ 141 ರನ್​ಗೆ ಸೌತ್​ ಆಫ್ರಿಕಾ ಆಲೌಟ್​ ಆಯಿತು. 61 ರನ್​ಗಳಿಂದ ಗೆದ್ದ ಟೀಮ್​ ಇಂಡಿಯಾ 4 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿದೆ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ