ವಿಶ್ವದ ಸರ್ವಶ್ರೇಷ್ಠ 100 ರೆಸ್ಟೋರೆಂಟ್​ಗಳ ಪಟ್ಟಿ ಬಿಡುಗಡೆ; ಭಾರತದ ಎಷ್ಟು ಉಪಹಾರಗೃಹಗಳಿಗೆ ಸ್ಥಾನ?

ಆಹಾರ, ಬಟ್ಟೆ ಜೀವನ ಕ್ರಮದ ವಿಚಾರದಲ್ಲಿ ಭಾರತ ಯಾವಾಗಲೂ ತನ್ನದೇ ಆದ ವೈಶಿಷ್ಟ್ಯವನ್ನು ಹೊಂದಿದೆ. ರಾಜ್ಯದಿಂದ ರಾಜ್ಯಕ್ಕೆ ಆಹಾರ ಹಾಗೂ ಜೀವನ ಕ್ರಮಗಳು ಬೇರೆಯಿದ್ದರೂ ಈ ವಿವಿಧತೆಯಲ್ಲಿಯೇ ಏಕತೆಯೆನ್ನುವ ಒಂದು ನಂಟು ಈ ದೇಶವನ್ನು ಬೆಸೆದಿದೆ. ಇನ್ನು ಆಹಾರ ಕ್ರಮದಲ್ಲಿ ಈ ದೇಶ ಸದಾ ಬೇರೆಯ ದೇಶಗಳಿಗೆ ಮಾದರಿಯಾಗುತ್ತಲೇ, ಪ್ರೇರಣೆಯಾಗುತ್ತಲೇ ಬಂದಿದೆ.ಈಗ ಇದೇ ಆಹಾರ ವಿಚಾರವಾಗ ಭಾರತ ಮತ್ತೊಮ್ಮೆ ಸುದ್ದಿಯಾಗಿದೆ. ವಿಶ್ವದ ಸರ್ವಶ್ರೇಷ್ಠ 100 ರೆಸ್ಟೋರೆಂಟ್​ಗಳ ಪಟ್ಟಿಯಲ್ಲಿ ಭಾರತದ 7 ಉಪಹಾರಗೃಹಗಳು ಸ್ಥಾನ ಪಡೆದುಕೊಂಡಿದ್ದು ವಿಶೇಷ ಸುದ್ದಿ.

ಇದನ್ನೂ ಓದಿ:ಅತಿ ಹೆಚ್ಚು ಸಸ್ಯಾಹಾರಿ ಜನಸಂಖ್ಯೆ ಹೊಂದಿರುವ 10 ರಾಷ್ಟ್ರಗಳು ಯಾವುವು? ಭಾರತ ಎಷ್ಟನೇ ಸ್ಥಾನದಲ್ಲಿದೆ?

ಇತ್ತೀಚೆಗೆ ಟೇಸ್ಟ್​ ಅಟ್ಲಾಸ್ ಎಂಬ ಆಹಾರ ಮಾರ್ಗದರ್ಶನ ನೀಡುವ ಸಂಸ್ಥೆ ವಿಶ್ವದ ಅತ್ಯಂತ ಶ್ರೇಷ್ಠವಾದ ಒಟ್ಟು ನೂರು ಉಪಹಾರಗೃಹಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ ಇದರಲ್ಲಿ ಭಾರತದ ಒಟ್ಟು 7 ರೆಸ್ಟೋರೆಂಟ್​ಗಳು ಸ್ಥಾನ ಪಡೆದಿವೆ. ಈ ಒಂದು ಸ್ಪರ್ಧೆಯಲ್ಲಿ ಒಟ್ಟು 23, 952 ಸಾಂಪ್ರದಾಯಿಕ ಆಹಾರವನ್ನು ಗಣನೆಗೆ ತೆಗೆದುಕೊಂಡು ಅವುಗಳ ಮೇಲೆ ರೆಸ್ಟೋರೆಂಟ್​ಗಳಿಗೆ ಸ್ಥಾನವನ್ನು ನೀಡಲಾಗಿದೆ. ಮೊದಲ ಸ್ಥಾನದಲ್ಲಿ ವಿಯೆನ್ನಾದ ಫಿಲ್ಗಮುಲ್ಲೆರ್ ರೆಸ್ಟೋರೆಂಟ್​​ ಇದೆ.

ಇನ್ನು ಭಾರತದ ಒಟ್ಟು 7 ರೆಸ್ಟೋರೆಂಟ್​ಗಳು 5,7,13,59, 69,77 ಮತ್ತು 78ನೇ ಸ್ಥಾನವನ್ನು ಪಡೆದಿವೆ. ಇವುಗಳಲ್ಲಿ ದೊಡ್ಡ ಱಂಕ್ ಪಡೆದ ರೆಸ್ಟೋರೆಂಟ್ ಅಂದ್ರೆ ತನ್ನ ಕಟ್​ ಬಿರಿಯಾನಿಗೆ ಫೇಮಸ್ ಆಗಿರುವ ಕೇರಳದ ಕೊಝಿಕೋಡ್​ನ ಪಾರಾಗಾನ್ ರೆಸ್ಟೋರೆಂಟ್, ಇದು 1939ರಿಂದ ತನ್ನ ಸೇವೆಯನ್ನು ಆರಂಭಿಸಿದ್ದು, ಇಂದಿಗೂ ಕೂಡ ಅದೇ ಘನತೆ ಹಾಗೂ ರುಚಿಯನ್ನು ಕಾಯ್ದುಕೊಂಡು ಬಂದಿದೆ. ಇನ್ನೂ ಟೇಸ್ಟ್​ ಅಟ್ಲಾಸ್ ಬಿಡುಗಡೆ ಮಾಡಿರುವ ಲಿಸ್ಟ್​ನಲ್ಲಿ ಕೊಲ್ಕತ್ತಾದ ಪೀಟರ್ ಕ್ಯಾಟ್​ 7ನೇ ಸ್ಥಾನ ಪಡೆದುಕೊಂಡಿದೆ. ಇಲ್ಲಿಯ ಚೆಲೊವ್ ಕಬಾಬ್​ನ ರುಚಿ ಈ ರೆಸ್ಟೋರೆಂಟ್​ನ್ನು ವಿಶ್ವದ ಸರ್ವಶ್ರೇಷ್ಠ ರೆಸ್ಟೊರೆಂಟ್​ಗಳಲ್ಲಿ 7 ನೇ ಸ್ಥಾನವನ್ನು ನೀಡುವಂತೆ ಮಾಡಿದೆ.ಈ ಒಂದು ರೆಸ್ಟೋರೆಂಟ್​ 1975ರಿಂದ ಕಾರ್ಯನಿರ್ವಹಿಸುತ್ತಿದೆ.

ಇನ್ನು 1956ರಲ್ಲಿ ಸ್ಥಾಪನೆಗೊಂಡ ಹರಿಯಾಣದ ಮುರ್ತಾಲದಲ್ಲಿರುವ ಅಮ್ರಿಕ್ ಸುಖದೇವ್ ರೆಸ್ಟೋರೆಂಟ್​ ಈ ಪಟ್ಟಿಯಲ್ಲಿ 13ನೇ ಸ್ಥಾನವನ್ನು ಪಡೆದುಕೊಮಡಿದೆ. ಇಲ್ಲಿಯ ಆಲೂ ಪರೋಟಾ ಜಾಗತಿಕವಾಗಿ ತನ್ನದೇ ಒಂದು ಜನಪ್ರಿಯತೆಯನ್ನು ಕಾಯ್ದುಕೊಂಡಿದೆ. ಟೇಸ್ಟ್ ಅಟ್ಲಾಸ್ ಬಿಡುಗಡೆಯ ಪಟ್ಟಿಯಲ್ಲಿ ಈ ಖಾದ್ಯ ಹಾಗೂ ಹೋಟೆಲ್​ 13ನೇ ಸ್ಥಾನ ಪಡೆದಕೊಂಡಿವೆ. ಇನ್ನು ಪಟ್ಟಿಯಲ್ಲಿ ದೆಹಲಿಯ ಕರೀಮ್ಸ್​ 59ನೇ ಸ್ಥಾನ ಪಡೆದುಕೊಂಡಿದೆ 1913ರಲ್ಲಿ ಶುರುವಾದ ಈ ರೆಸ್ಟೋರೆಂಟ್​ ಮುಘಲಾಯಿ ಶೈಲಿಯ ಆಹಾರವನ್ನು ಸಿದ್ಧಗೊಳಿಸುತ್ತದೆ. ಇದರ ಕೂರ್ಮಾ ಹೆಚ್ಚು ಪ್ರಸಿದ್ಧಿಯನ್ನು ಪಡೆದಿದ್ದು. ಈ ರೆಸ್ಟೋರೆಂಟ್​ಗೆ 5ನೇ ಸ್ಥಾನವನ್ನು ತಂದುಕೊಟ್ಟಿದೆ.

ಇದನ್ನೂ ಓದಿ:ಭಾರತದಲ್ಲಿ ಅತಿಹೆಚ್ಚು ಮಾಂಸಾಹಾರ ಸೇವನೆ ಯಾವ ರಾಜ್ಯದಲ್ಲಿದೆ? ಇಲ್ಲಿ 99.8ರಷ್ಟು ಜನ ನಾನ್​-ವೆಜ್​ ಪ್ರಿಯರು

ಇನ್ನು ನಮ್ಮ ಬೆಂಗಳೂರಿನ ರೆಸ್ಟೋರೆಂಟ್​ ಒಂದು ಕೂಡ ಈ ಪಟ್ಟಿಯಲ್ಲಿ ಜಾಗ ಪಡೆದಿದೆ. ಮಸಾಲಾ ದೋಸೆಗೆ ಫೇಮಸ್ ಆಗಿರುವ ಸೆಂಟ್ರಲ್ ಟಿಫಿನ್ ರೂಮ್ ಟೇಸ್ಟ್ ಅಟ್ಲಾಸ್ ಬಿಡುಗಡೆ ಮಾಡಿರುವ ಬೆಸ್ಟ್ ರೆಸ್ಟೋರೆಂಟ್​ ಲಿಸ್ಟ್​ನಲ್ಲಿ 69ನೇ ಸ್ಥಾನವನ್ನು ಪಡೆದುಕೊಂಡಿದೆ. 1920ರಲ್ಲಿ ಪ್ರಾರಂಭವಾಗಿರುವ ಈ ರೆಸ್ಟೋರೆಂಟ್ ಮಸಾಲಾ ದೋಸೆಗೆನೇ ಫೇಮಸ್.ಈ ಒಂದು ರೆಸ್ಟೋರೆಂಟ್ ಈ ಹಿಂದೆ ಅನೇಕ ಪ್ರಶಸ್ತಿಗಳನ್ನು ಪಡೆದಿದೆ.

ಇನ್ನು ಲಿಸ್ಟ್​ನಲ್ಲಿ ಸ್ಥಾನ ಪಡೆದಿರುವ ಭಾರತದ 6 ಮತ್ತು 7ನೇ ರೆಸ್ಟೋರೆಂಟ್​ಗಳೆಂದರೆ ಹೊಸ ದೆಹಲಿಯ ಗುಲಾಟಿ ತನ್ನ ಬಟರ್ ಚಿಕನ್​ಗೆ ಫೇಮಸ್​ ಇದು 77ನೇ ಸ್ಥಾನ ಪಡೆದಿದ್ದರೆ. ಮುಂಬೈನ ಪ್ರಸಿದ್ಧ ದಕ್ಷಿಣ ಭಾರತದ ಆಹಾರ ತಯಾರಿಸುವ ರಾಮ ಆಶ್ರಯ 78 ಸ್ಥಾನವನ್ನು ಪಡೆದಿದೆ. ಈ ರೆಸ್ಟೋರೆಂಟ್​ನಲ್ಲಿ ಸಿದ್ಧಗೊಳ್ಳುವ ಉಪ್ಪಿಟ್ಟು (ಉಪ್ಮಾ) ಟೇಸ್ಟ್ ಅಟ್ಲಾಸ್​ನ ಗಮನ ಸೆಳೆದಿದೆ.

ಇನ್ನು ಗುಲಾಟಿ ರೆಸ್ಟೊರೆಂಟ್​ಗೆ 1959ರಿಂದ ಇತಿಹಾಸವಿದ್ದರೆ ರಾಮ ಆಶ್ರಮ 1939ರಲ್ಲಿ ಮೊದಲ ಬಾರಿಗೆ ತನ್ನ ರೆಸ್ಟೋರೆಂಟ್​ನ ಬಾಗಿಲು ತೆಗೆದಿತ್ತು .

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ