ದತ್ತಾಜಿರಾವ್​ ಗಾಯಕ್ವಾಡ್​ಗೆ 95 ವರ್ಷ ವಯಸ್ಸಾಗಿತ್ತು

ದತ್ತಾಜಿರಾವ್​ ಭಾರತ ತಂಡದ ಮಾಜಿ ನಾಯಕರಾಗಿದ್ದರು

ಇವರು ಭಾರತದ ಮಾಜಿ ಓಪನರ್ ಔನ್ಶುಮಾನ್​ ಗಾಯಕ್ವಾಡ್ ತಂದೆ

ಭಾರತದ ಹಿರಿಯ ಟೆಸ್ಟ್​ ಕ್ರಿಕೆಟಿಗ ಮತ್ತು ಮಾಜಿ ನಾಯಕ ದತ್ತಾಜಿರಾವ್​ ಗಾಯಕ್ವಾಡ್ (95)​ ಇಹಲೋಕ ತ್ಯಜಿಸಿದ್ದಾರೆ. ವಯೋ ಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು ಇಂದು ನಿಧನರಾಗಿದ್ದಾರೆ.

ದತ್ತಾಜಿರಾವ್ ಭಾರತದ ಮಾಜಿ ಓಪನರ್​ ಮತ್ತು ರಾಷ್ಟ್ರೀಯ ಕೋಚ್​ ಔನ್ಶುಮಾನ್​ ಗಾಯಕ್ವಾಡ್​ ಅವರ ತಂದೆ. ಕಳೆದ 12 ದಿನಗಳಿಂದ ಬರೋಡಾದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಇಂದು ಮುಂಜಾನೆ ದತ್ತಾಜಿರಾವ್ ಗಾಯಕ್ವಾಡ್​ ನಿಧನರಾಗಿದ್ದಾರೆ.

ದತ್ತಾಜಿರಾವ್ ಗಾಯಕ್ವಾಡ್​ ಭಾರತಕ್ಕಾಗಿ 1952ರಿಂದ ಮತ್ತು 1961ರ ನಡುವೆ ಸುಮಾರು 11 ಟೆಸ್ಟ್​​ ಪಂದ್ಯಗಳನ್ನು ಆಡಿದ್ದಾರೆ. 1959ರಲ್ಲಿ ಇಂಗ್ಲೆಂಡ್​ ಪ್ರವಾಸದ ಸಂದರ್ಭದಲ್ಲಿ ಭಾರತ ತಂಡದ ನಾಯಕರಾಗಿ ತಂಡವನ್ನು ಮುನ್ನಡೆಸಿದ ಕೀರ್ತಿ ಇವರಿಗಿದೆ.

The BCCI expresses its profound grief at the passing away of Dattajirao Gaekwad, former India captain and India’s oldest Test cricketer. He played in 11 Tests and led the team during India’s Tour of England in 1959. Under his captaincy, Baroda also won the Ranji Trophy in the… pic.twitter.com/HSUArGrjDF

— BCCI (@BCCI) February 13, 2024

ಇದಲ್ಲದೆ, ದತ್ತಾಜಿರಾವ್ 14 ಶತಕವನ್ನು ಬಾರಿಸಿದ್ದಾರೆ. 47.56ರ ಸರಾಸರಿಯಲ್ಲಿ 3139 ರನ್​ ಗಳಿಸಿದ್ದಾರೆ. ಇನ್ನು 1959-60ರ ಕಾಲಘಟ್ಟದಲ್ಲಿ ಮಹಾರಾಷ್ಟ್ರದ ವಿರುದ್ಧ ಔಟ್​​ ಆಗದೆ 249 ರನ್​ ಬಾರಿಸಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ