ಐಫೋನ್​ ಬಳಿಕ ಗೂಗಲ್​ ಪಿಕ್ಸೆಲ್​​ ಬ್ಯಾನ್​! ಮೊಬೈಲ್​ ಬಳಕೆದಾರರು ಓದಲೇಬೇಕಾದ ಸ್ಟೋರಿ ಇದು

ಇಂಡೋನೇಷ್ಯಾ ದೇಶ ಕುಪರ್ಟಿನೋ ಮೂಲದ ಜನಪ್ರಿಯ ಆ್ಯಪಲ್​ ಕಂಪನಿ ಒಡೆತನದ ಐಫೋನ್​ 16 ಸಿರೀಸ್​ ಅನ್ನು ನಿಷೇಧಿಸಿದೆ. ಆ ಮೂಲಕ ಉಳಿದ ದೇಶಗಳಿಗೆ ಅಚ್ಚರಿಯನ್ನು ಮೂಡಿಸಿತ್ತು. ಇದೀಗ ಗೂಗಲ್​ ಪಿಕ್ಸೆಲ್​​ ಸ್ಮಾರ್ಟ್​ಫೋನ್​ಗಳ ಮಾರಾಟವನ್ನು ದೇಶ ನಿರ್ಬಂಧಿಸಿದೆ.

ಇಂಡೋನೇಷ್ಯಾದ ಸಂವಹನ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು ಗೂಗಲ್​ ಪಿಕ್ಸೆಲ್​​ ಸ್ಮಾರ್ಟ್​ಫೋನ್​ ಮಾರಾಟವನ್ನು ನಿಷೇಧಿಸಿದೆ. ವಿದೇಶಿ ಸ್ಮಾರ್ಟ್​ಫೋನ್​​ ಕಂಪನಿಗಳ ಬಗ್ಗೆ ಸರ್ಕಾರವನ್ನು ಹೆಚ್ಚು ಪರಿಶೀಲನೆ ನಡೆಸುತ್ತಿದ್ದು, ಜೊತೆಗೆ ಸ್ಥಳೀಯ ನಿಯಮವನ್ನು ಸಾರುವ ಉದ್ದೇಶದಿಂದ ಈ ನಿರ್ಧಾರವನ್ನು ಕೈಗೊಂಡಿದೆ.

ಸ್ಮಾರ್ಟ್​ಫೋನ್​ ತಯಾರಕರು, ತಂತ್ರಜ್ಞಾನ ಮತ್ತು ಸುರಕ್ಷತೆಗಾಗಿ ದೇಶದ ಮಾನದಂಡಗಳಿಗೆ ಬದ್ಧವಾಗಿರಬೇಕೆಂದು ಒತ್ತಿ ಹೇಳುತ್ತಿದೆ. ಅಲ್ಲಿನ ಉತ್ಪಾದನಾ ನಿಯಮವನ್ನು ಪಾಲಿಸಬೇಕು ಎಂದು ಬಯಸುತ್ತಿದೆ. ಇದೇ ಕಾರಕ್ಕಾಗಿ ಗೂಗಲ್​​ ಪಿಕ್ಸೆಲ್​​ ಮಾರಾಟವನ್ನು ನಿಷೇಧಿಸಿದೆ.

ಇಂಡೋನೇಷ್ಯಾ ಸ್ಥಳೀಯ ಉತ್ಪಾದನೆಯನ್ನು ಉತ್ತೇಜಿಸಲು ಮತ್ತು ತಂತ್ರಜ್ಞಾನ ವಲಯದಲ್ಲಿ ಸ್ಪರ್ಧೆಯೊಡ್ಡಲು ವಿಶೇಷ ಕಾರ್ಯತಂತ್ರಕ್ಕೆ ಮುಂದಾಗಿದೆ. ಹೀಗಾಗಿ ಅಲ್ಲಿನ ಕೈಗಾರಿಕಾ ಸಚಿವಾಲಯ ಗೂಗಲ್​ ಸ್ಮಾರ್ಟ್​ಫೋನನ್ನ ದೇಶದಲ್ಲಿ ಮಾರಾಟ ಮಾಡುವುದಿಲ್ಲ ಎಂದಿದೆ.

ಇದೀಗ ಐಫೋನ್​ 16ನಂತೆಯೇ ಗೂಗಲ್​ ಪಿಕ್ಸೆಲ್​ ಸ್ಮಾರ್ಟ್​ಫೋನ್​ ಮಾರಾಟವನ್ನು ಇಂಡೋನೇಷ್ಯಾ ಸ್ಥಗಿತಗೊಳಿಸಿದೆ. ಒಟ್ಟಿನಲ್ಲಿ ತಂತ್ರಜ್ಞಾನ ಮತ್ತು ಸುರಕ್ಷತೆ ವಿಚಾರದಲ್ಲಿ ದೇಶದ ನಡೆತೆಯು ವಿಭಿನ್ನ ಹಾದಿ ಹಿಡಿಯುತ್ತಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾ ಗೆಲುವಿಗೆ ಕಾರಣ ಯಾರು? ಸ್ಫೋಟಕ ಸತ್ಯ ಬಿಚ್ಚಿಟ್ಟ ಕ್ಯಾಪ್ಟನ್​ ರೋಹಿತ್ ಶರ್ಮಾ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ