ಭಿಕ್ಷುಕನಿಗೆ RS 10 ಕೊಟ್ಟು ಲಾಕ್ ಆದ ಬೈಕ್ ಸವಾರ.. ಒಂದು ವರ್ಷ ಜೈಲು ಶಿಕ್ಷೆ..!

ಭಿಕ್ಷಾಟನೆಗೆ ನಿಷೇಧವಿದ್ದರೂ ಭಿಕ್ಷೆ ಬೇಡಿದ ವ್ಯಕ್ತಿಗೆ 10 ರೂಪಾಯಿ ನೀಡಿದ ಮಧ್ಯಪ್ರದೇಶದ ಇಂಧೋರ್‌ನ ಬೈಕ್ ಸವಾರನಿಗೆ 1 ವರ್ಷ ಜೈಲು ಶಿಕ್ಷೆ ಹಾಗೂ 5 ಸಾವಿರ ರೂಪಾಯಿ ದಂಡ ಬೀಳುವ ಭೀತಿ ಎದುರಾಗಿದೆ.

2 ವಾರದಲ್ಲಿ ಇಂದೋರ್​​ನಲ್ಲಿ ದಾಖಲಾದ 2ನೇ ಪ್ರಕರಣ ಇದಾಗಿದೆ. ಸೋಮವಾರ ಲಸುಡಿಯಾ (Lasudia) ಠಾಣಾ ವ್ಯಾಪ್ತಿಯ ದೇವಾಲಯದ ಬಳಿ ವ್ಯಕ್ತಿಯೊಬ್ಬ ಭಿಕ್ಷೆ ಬೇಡುತ್ತಿದ್ದ. ಆ ವ್ಯಕ್ತಿಗೆ ಅಪರಿಚಿತ ಬೈಕ್‌ ಸವಾರ 10 ರೂಪಾಯಿ ನೀಡಿದ್ದ.

ಇದನ್ನೂ ಓದಿ: ಯುವಿಗೆ ಗುರುವಂದನೆ ಸಲ್ಲಿಸಿದ ಅಭಿ.. ಬೆನ್ನು ತಟ್ಟೋರೂ ಬೇಕು ಗುರು ಎಂದ ಕ್ರಿಕೆಟ್ ಜಗತ್ತು..!

ಹೀಗಾಗಿ ಆತನ ವಿರುದ್ಧ ಪ್ರಕರಣ ದಾಖಲಾಗಿದೆ. ಬಿಎನ್​ಎಸ್​ ಸೆಕ್ಸನ್ 223 ಅಡಿಯಲ್ಲಿ ಹಣ ನೀಡಿದ ವ್ಯಕ್ತಿ ವಿರುದ್ಧ ಎಫ್​ಐಆರ್ ದಾಖಲಾಗಿದೆ. ಆರೋಪ ಸಾಬೀತಾದರೆ 1 ವರ್ಷ ಜೈಲು ಶಿಕ್ಷೆ ಅಥವಾ 5 ಸಾವಿರ ರೂಪಾಯಿವರೆಗೆ ದಂಡ ವಿಧಿಸಬಹುದು. ಅಥವಾ ಎರಡನ್ನೂ ವಿಧಿಸಬಹುದು. ಜ.23ರಂದು ಇದೇ ರೀತಿ ಘಟನೆ ನಡೆದಿತ್ತು. ಖಾಂಡ್ವಾ ರಸ್ತೆಯ ದೇವಾಲಯದ ಮುಂದೆ ಭಿಕ್ಷುಕನಿಗೆ ಭಿಕ್ಷೆ ನೀಡಿದ ಅಪರಿಚಿತ ವ್ಯಕ್ತಿಯ ವಿರುದ್ಧ ಎಫ್​ಐಆರ್ ದಾಖಲಾಗಿದೆ.

ಭಿಕ್ಷುಕ ನಿರ್ಮೂಲಾ ತಂಡದ ಅಧಿಕಾರಿ ಫೂಲ್ ಸಿಂಗ್ ಅನ್ನೋರು ಕಾರ್ಯಾಚರಣೆ ನಡೆಸ್ತಿದ್ದಾರೆ. ಕಳೆದ 6 ತಿಂಗಳಲ್ಲಿ 600 ಮಂದಿ ಭಿಕ್ಷಕರನ್ನು ಪತ್ತೆ ಮಾಡಿ ಅವರಿಗೆ ಸೂಕ್ತ ವ್ಯವಸ್ಥೆ ಕಲ್ಪಿಸುತ್ತಿದ್ದಾರೆ. ನೂರು ಮಕ್ಕಳನ್ನು ಹುಡುಕಿ, ಅವರನ್ನು ವಿವಿಧ ಸಂಸ್ಥೆಗಳಿಗೆ ಕಳುಹಿಸಿದ್ದಾರೆ. ಟ್ರಾಫಿಕ್ ಸಿಗ್ನಲ್, ದೇವಾಲಯ ಹಾಗೂ ಪ್ರವಾಸಿ ಸ್ಥಳಗಳಲ್ಲಿ ಕಂಡುಬರುವ ಭಿಕ್ಷುಕರನ್ನು ಪತ್ತೆ ಹಚ್ಚುತ್ತಿದ್ದಾರೆ.

ಇದನ್ನೂ ಓದಿ: ಒಂದೊಳ್ಳೆ ಕೆಲ್ಸಕ್ಕೆ ಮುಂದಾದ ನಮ್ಮ ಮೆಟ್ರೋ; ಗೌರವ ಮತ್ತಷ್ಟು ಹೆಚ್ಚಾಯ್ತು ಎಂದ ಪ್ರಯಾಣಿಕರು..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ