INDvsNZ: ಫೈನಲ್​​​ ಫೈಟ್‌ನಲ್ಲಿ ಈ ಮೂವರೇ ವಿಲನ್ಸ್​.. ಟೀಮ್ ಇಂಡಿಯಾಗೆ ಕಾದಿದೆ ಬಿಗ್ ಥ್ರೆಟ್; ಯಾರವರು?

ನ್ಯೂಜಿಲೆಂಡ್​ ವಿರುದ್ಧದ ಫೈನಲ್​​​ ಫೈಟ್​ನಲ್ಲಿ ಟೀಮ್​ ಇಂಡಿಯಾನೇ ಗೆಲ್ಲೋ ಫೇವರಿಟ್​​ ಅನ್ನೋದ್ರಲ್ಲಿ ಸಂದೇಹವೇ ಇಲ್ಲ. ಹಾಗಂತ, ಮೈ ಮರೆಯುವಂತಿಲ್ಲ.. ಆತ್ಮವಿಶ್ವಾಸ ಓಕೆ. ಅತಿಯಾದ ಆತ್ಮವಿಶ್ವಾಸದಲ್ಲಿ ಕಣಕ್ಕಿಳಿದ್ರೆ ಕಷ್ಟ. ಕಷ್ಟ. ಯಾಕಂದ್ರೆ, ಸೈಲೆಂಟ್​ ಕಿಲ್ಲರ್​​​​​​​ ಕಿವೀಸ್ ಪಡೆಯಲ್ಲಿ ಪವರ್​ಫುಲ್ ಮಿಸೈಲ್​​ಗಳಿವೆ. ಆ ಮಿಸೈಲ್​ಗಳ ಮುಂದೆ ಯಾಮಾರಿದ್ರೆ, ಅಷ್ಟೇ ಕಥೆ.

ಇಂಡೋ - ಕಿವೀಸ್ ಫೈನಲ್​ ಕದನಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ದುಬೈನಲ್ಲಿ ದರ್ಬಾರ್​ ನಡೆಸಿ ಚಾಂಪಿಯನ್ ಕಿರೀಟಕ್ಕೆ ಮುತ್ತಿಡಲು ಉಭಯ ತಂಡಗಳು​​ ನಾನಾ ತಂತ್ರ-ಪ್ರತಿತಂತ್ರ ರೂಪಿಸಿವೆ. ಲೀಗ್​ನಲ್ಲಿ ನ್ಯೂಜಿಲೆಂಡ್ ತಂಡದ ಎದುರು ಗೆದ್ದ ಅತ್ಯುತ್ಸಾಹದಲ್ಲಿರುವ ಟೀಮ್ ಇಂಡಿಯಾ, ಫೈನಲ್ಸ್​ನಲ್ಲೂ ಸೆದೆಬಡೆಯೋ ಲೆಕ್ಕಾಚಾರದಲ್ಲಿದೆ. ಆದ್ರೆ, ಅದು ಅಷ್ಟು ಸುಲಭದಲ್ಲ.. ಇದಕ್ಕೆ ಕಾರಣ ಕಿವೀಸ್​ ಬತ್ತಳಿಕೆಯಲ್ಲಿರುವ ಆ ಪವರ್​​ ಫುಲ್ ಮಿಸೈಲ್​​ಗಳು.

ದುಬೈನಲ್ಲೇ ನಮ್ದೇ ದರ್ಬಾರ್.. ಫೈನಲ್​ ಗೆಲ್ತೇವೆ.. ಚಾಂಪಿಯನ್ಸ್​ ಟ್ರೋಫಿಗೆ ಮುತ್ತಿಡ್ತೇವೆ ಅನ್ನೋ ನಂಬಿಕೆ ಕೋಟ್ಯಾಂತರ ಭಾರತೀಯ ಅಭಿಮಾನಿಗಳಲ್ಲಿದೆ. ಆದ್ರೆ, ಟೀಮ್ ಇಂಡಿಯಾದ ಸಂಹಾರಕ್ಕೆ ಕಿವೀಸ್​ ಪಡೆಯಲ್ಲಿರುವ ಆ ಬ್ರಹ್ಮಾಸ್ತ್ರಗಳು.. ಒಂದಕ್ಕಿಂದ ಒಂದು ಪವರ್ ಫುಲ್ ಆ್ಯಂಡ್ ಡೇಜರಸ್.. ಅಷ್ಟೇ ಅಲ್ಲ.! ಟೀಮ್ ಇಂಡಿಯಾ ಪಾಲಿಗೆ ವಿಲನ್ಸ್​.

01. ರಚಿನ್ ರೋರಿಂಗ್.. ಕನ್ನಡಿಗ ಆಗ್ತಾನೆ ಕಂಟಕ..!
ಟೀಮ್ ಇಂಡಿಯಾಗೆ ಬಿಗೆಸ್ಟ್​ ಥ್ರೆಟ್​​​​​​​​​ ಅಂದ್ರೆ, ಯಂಗ್ ಸೆನ್ಸೇಷನ್ ರಚಿನ್ ರವೀಂದ್ರ.. ಕನ್ನಡಿಗನೇ ಆಗಿರುವ ಈತ ಟೀಮ್ ಇಂಡಿಯಾಗೆ ಕಂಟಕ ಆಗೋದ್ರಲ್ಲಿ ಡೌಟೇ ಇಲ್ಲ. ಯಾಕಂದ್ರೆ. ಚಾಂಪಿಯನ್ಸ್ ಟ್ರೋಫಿಯಲ್ಲಿ ಇದುವರೆಗೆ ಆಡಿರೋ 3 ಪಂದ್ಯಗಳಿಂದ 75.33ರ ಬ್ಯಾಟಿಂಗ್ ಅವರೇಜ್​ನಲ್ಲಿ 226 ರನ್ ಚಚ್ಚಿರುವ ರಚಿನ್, 2 ಶತಕ ಸಿಡಿಸಿದ್ದಾರೆ. ಟೀಮ್ ಇಂಡಿಯಾ ಎದುರಿನ ಲೀಗ್ ಮ್ಯಾಚ್​ನಲ್ಲಿ ರವೀಂದ್ರನ ಅಬ್ಬರ ನಡೆಯದಿದ್ದರೂ, 2023ರ ಏಕದಿನ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾಗೆ ನೀಡಿದ್ದ ಕಾಟ ಮರೆಯುವಂತಿಲ್ಲ.

02. ಸೈಲೆಂಟ್ ಕಿಲ್ಲರ್ ಕೇನ್ ಬಗ್ಗೆ ಎಚ್ಚರ.. ಎಚ್ಚರ..!
ಕೇನ್ ವಿಲಿಯಮ್ಸನ್.. ಕಿವೀಸ್​ ಪಡೆಯ ಬ್ಯಾಟಿಂಗ್ ಮಾಸ್ಟರ್. ಕ್ರೂಶಿಯಲ್ ಮ್ಯಾಚ್​ಗಳಲ್ಲಿ ಕ್ರೀಸ್​​ಗೆ ಅಂಟಿಕೊಳ್ಳುವ ಕೇನ್, ಸೈಲೆಂಟ್ ಆಗಿಯೇ ಗೇಮ್​​ನ ಮುಗಿಸೋ ಸೈಲೆಂಟ್ ಕಿಲ್ಲರ್. ಎಂಥಹ ಕಂಡೀಷನ್ಸ್​ನಲ್ಲದರೂ ಆಡೋ ಸಾಮರ್ಥ್ಯ ಇರೋ ಕೇನ್, ಟೀಮ್ ಇಂಡಿಯಾ ಎದುರು ಸಾಲಿಡ್ ಆಟವಾಡುತ್ತಾರೆ. ಹೀಗಾಗಿ ಕೇನ್ ವಿಲಿಯಮ್ಸನ್​ ಎಚ್ಚರ ವಹಿಸಬೇಕು. ಇಲ್ಲ ಖೇಲ್ ಖತಂ ಗ್ಯಾರಂಟಿ.

03. ಮಿಚೆಲ್ ಸ್ಯಾಟ್ನರ್ ಸೂಪರ್ ಆಟ!
ನ್ಯೂಜಿಲೆಂಡ್ ಕ್ಯಾಪ್ಟನ್ ಮಿಚೆಲ್ ಸ್ಯಾಟ್ನರ್ ಬಗ್ಗೆ ಹಗುರವಾಗಿ ಪರಿಗಣಿಸುವಂತೆಯೇ ಇಲ್ಲ. ಯಾಕಂದ್ರೆ, ಲೋವರ್ ಆರ್ಡರ್​ನಲ್ಲಿ ಬ್ಯಾಟ್ ಬೀಸಬಲ್ಲ ಸ್ಯಾಟ್ನರ್​, ಸ್ಪಿನ್ ಮೆಜಿಶೀಯನ್ ಆಗಿ ತಂಡಕ್ಕೆ ನೆರವಾಗ್ತಾರೆ. ಈ ಲೆಫ್ಟಿ ಸ್ಪಿನ್ನರ್ ಟೀಮ್ ಇಂಡಿಯಾ ಆಟಗಾರರಿಗೆ ಸಖತ್ ಕಾಟ ನೀಡಿದ್ದಾರೆ. ವಿರಾಟ್ ಪಾಲಿಗೆ ಕಬ್ಬಿಣದ ಕಡಲೆಯಾಗಿರುವ ಸ್ಯಾಟ್ನರ್, 6 ಬಾರಿ ಔಟ್ ಮಾಡಿದ್ದಾರೆ. ಈತನ ಎದುರು ಎಚ್ಚರಿಕೆ ಹೆಜ್ಜೆ ಇಡಬೇಕಾದ ಅನಿವಾರ್ಯತೆ ಇದೆ. ಇಲ್ಲ ಟೀಮ್ ಇಂಡಿಯಾ ಕಷ್ಟ ತಪ್ಪಿದಿಲ್ಲ.

ಇದನ್ನೂ ಓದಿ: ನ್ಯೂಜಿಲೆಂಡ್ ತುಂಬಾನೇ ಡೇಂಜರ್.. ಈ 3 ಕಹಿ ಘಟನೆಯನ್ನ ರೋಹಿತ್ ಪಡೆ ಮರೆಯಬಾರದು..! 

ಇವ್ರೇ ಅಲ್ಲ. ಗ್ಲೇನ್ ಫಿಲಿಫ್ಸ್, ಮೈಕೆಲ್ ಬ್ರಾಸ್​ವೆಲ್​ರಂಥ ಡೇಂಜರಸ್ ಆಟಗಾರರೂ ಕಿವೀಸ್ ಪಡೆಯಲ್ಲಿದ್ದಾರೆ. ಹೀಗಾಗಿ ರೋಹಿತ್ ಬ್ರಿಗೇಡ್ ಸಾಲಿಡ್ ಸ್ಟ್ರಾಟರ್ಜಿ ಆ್ಯಂಡ್ ಗೇಮ್ ಪ್ಲಾನ್​ನೊಂದಿಗೆ ರಣರಂಗಕ್ಕಿಳಿಯಬೇಕು. ಇಲ್ಲ ಹಳೇ ಇತಿಹಾಸವೇ ಮರುಕಳಿಸೋದ್ರಲ್ಲಿ ಡೌಟೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ