ಅನ್ಯಾಯ, ಅವಮಾನ.. ಸಿರಾಜ್ ಗ್ರೇಟ್​ ಕಮ್​ಬ್ಯಾಕ್ ಹಿಂದಿನ ರೋಚಕ ಸ್ಟೋರಿ..!

ಟೀಮ್ ಇಂಡಿಯಾಗೆ ಬೇಡವಾದರು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೂ ಬೇಡವಾದರು. ಮಾನಸಿಕವಾಗಿ ಕುಗ್ಗಿದ್ದ ವೇಗಿ ಮೊಹಮ್ಮದ್ ಸಿರಾಜ್, ಐಪಿಎಲ್​​ನಲ್ಲಿ ಸ್ಟ್ರಾಂಗ್ ಕಮ್​ಬ್ಯಾಕ್ ಮಾಡಿದ್ದಾರೆ. ಮಿಲಿಯನ್ ಡಾಲರ್ ಟೂರ್ನಿಯಲ್ಲಿ ಸಿರಾಜ್ ಎಸೆಯೋ ಒಂದೊಂದು ಸ್ಪೆಲ್, ಬೆಂಕಿ ಚೆಂಡಿನಂತಿದೆ. ಗುಜರಾತ್ ಟೈಟನ್ಸ್ ವೇಗಿ ಕಮ್​ಬ್ಯಾಕ್ ಹಿಂದಿರೋ ರೋಚಕ ಸ್ಟೋರಿ ಇದು.

ಐಪಿಎಲ್​​ನಲ್ಲಿ ಸಖತ್ ಸೌಂಡ್ ಮಾಡ್ತಿರುವ ಸಿರಾಜ್ ತನ್ನ ಸೂಪರ್ ಸ್ಪೆಲ್​ಗಳಿಂದ ಗುಜರಾತ್ ತಂಡದ ಬಲ ಹೆಚ್ಚಿಸಿದ್ದಾರೆ. ಸಿರಾಜ್ ಮಿಂಚಿನ ದಾಳಿ ನಡೆಸಿರೋ ಪಂದ್ಯಗಳಲ್ಲಿ ಗುಜರಾತ್ ಟೈಟನ್ಸ್​ ಭರ್ಜರಿಯಾಗಿ ಗೆದ್ದು ಬೀಗಿದೆ. ಸದ್ಯ ಟೈಟನ್ಸ್ ತಂಡದ ಲೀಡರ್ ಆಫ್ ದ ಪೇಸ್ ಅಟ್ಯಾಕ್ ಎನಿಸಿಕೊಂಡಿರೋ ಸಿರಾಜ್ ಡ್ರೀಮ್ ಫಾರ್ಮ್​ನಲ್ಲಿದ್ದಾರೆ. ಐಪಿಎಲ್ ಸೀಸನ್-18ರಲ್ಲಿ ಸಿರಾಜ್​ರ ಟಾಪ್ 3 ಸ್ಪೆಲ್ಸ್​ ನೋಡಲೇಬೇಕು.

ಸಿರಾಜ್ ಎಕ್ಸ್​ಪ್ರೆಸ್ ದಾಳಿಗೆ ಹೈದ್ರಾಬಾದ್​ ಉಡೀಸ್

ಹೋಂ ಗ್ರೌಂಡ್ ಹೈದ್ರಾಬಾದ್​​ನಲ್ಲಿ ಸಿರಾಜ್, ಸನ್​ರೈಸರ್ಸ್​​ ತಂಡಕ್ಕೆ ವಿಲನ್ ಆಗಿ ಕಾಡಿದ್ರು. ತನ್ನ ಮೊದಲೆರಡು ಓವರ್​ಗಳಲ್ಲಿ ಸಿರಾಜ್, ಡೇಂಜರಸ್ ಟ್ರಾವಿಸ್ ಹೆಡ್ ಮತ್ತು ಅಭಿಷೇಕ್ ಶರ್ಮಾ ವಿಕೆಟ್ ಪಡೆದು, ಎಸ್​ಆರ್​ಎಚ್ ತಂಡವನ್ನ ಬ್ಯಾಕ್​​ಫುಟ್​​ಗೆ ತಳ್ಳಿದ್ರು. 4 ಓವರ್​ಗಳ ಸ್ಪೆಲ್​ನಲ್ಲಿ ಸಿರಾಜ್, ಕೇವಲ 17 ರನ್​ ನೀಡಿ 4 ವಿಕೆಟ್ ಪಡೆದು ಮಿಂಚಿದ್ರು.

ಇದನ್ನೂ ಓದಿ: 9 ಸಿಕ್ಸರ್​, 7 ಬೌಂಡರಿ.. ಕೇವಲ 39 ಎಸೆತದಲ್ಲಿ ಸ್ಫೋಟಕ ಶತಕ.. ಐಪಿಎಲ್​​ನಲ್ಲಿ ಹೊಸ ದಾಖಲೆ..!

ಬೆಂಗಳೂರಿನಲ್ಲಿ ಸಿಡಿದ ಸಿರಾಜ್!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ಧವೂ ಸಿರಾಜ್ ಸಿಡಿದೆದ್ದಿದ್ರು. ಚಿನ್ನಸ್ವಾಮಿಯಲ್ಲಿ ಸಾಲಿಡ್ ಸ್ಪೆಲ್ ಹಾಕಿದ್ದ ಸಿರಾಜ್, ಅಗ್ರೆಸಿವ್ ಫಿಲ್ ಸಾಲ್ಟ್, ದೇವದತ್ ಪಡಿಕ್ಕಲ್ ಮತ್ತು ಬಿಗ್​ಹಿಟ್ಟರ್ ಲಿಯಾಮ್ ಲಿವಿಂಗ್​ಸ್ಟೋನ್ ವಿಕೆಟ್ ಪಡೆದ್ರು. ಐಪಿಎಲ್​​ನಲ್ಲಿ ಇದು ಸಿರಾಜ್​​​ರ ಸೆಕೆಂಡ್ ಬೆಸ್ಟ್ ಬೌಲಿಂಗ್ ಸ್ಪೆಲ್​ ಆಗಿತ್ತು.

ಸಿರಾಜ್ ಸುನಾಮಿ, ಬೆಚ್ಚಿಬಿದ್ದ ಮುಂಬೈ!

ಅಹ್ಮದಾಬಾದ್​ನಲ್ಲಿ ವೇಗಿ ಸಿರಾಜ್ ದಾಳಿಗೆ ಮುಂಬೈ ಇಂಡಿಯನ್ಸ್ ಬೆಚ್ಚಿಬಿದ್ದಿತ್ತು. ಪವರ್​ ಪ್ಲೇನಲ್ಲೇ ಸಿರಾಜ್, ಮುಂಬೈ ಇಂಡಿಯನ್ಸ್​ಗೆ ಬಿಗ್ ಶಾಕ್ ನೀಡಿದ್ರು. ಸಿರಾಜ್​ ತನ್ನ ಫಸ್ಟ್​ ಸ್ಪೆಲ್​​ನಲ್ಲೇ ಹಿಟ್​ಮ್ಯಾನ್ ರೋಹಿತ್ ಶರ್ಮಾ ಮತ್ತು ರಿಯಾನ್ ರಿಕಲ್ಟನ್ ವಿಕೆಟ್ ಪಡೆದಿದ್ರು. ಆ ಪಂದ್ಯದಲ್ಲಿ ಸಿರಾಜ್ ಸ್ವಲ್ಪ ದುಬಾರಿಯಾದ್ರೂ ಆರಂಭದಲ್ಲೇ ಮುಂಬೈ ಬ್ಯಾಟಿಂಗ್​ ಲೈನ್​ಅಪ್​​​ನ ಡ್ಯಾಮೇಜ್ ಮಾಡಿದ್ರು.

ಇದನ್ನೂ ಓದಿ: RCB ಕ್ಯಾಪ್ಟನ್ ರಜತ್ ಪಾಟೀದಾರ್​ಗೆ ಬಿಗ್ ಶಾಕ್ ಕೊಟ್ಟ ಬಿಸಿಸಿಐ..!

ವಿಕೆಟ್ ಗಳಿಕೆಯಲ್ಲಿ ನಂಬರ್ 3

ಸಿರಾಜ್ ಒಳ್ಳೆ ಲೆಂಥ್​​ನಲ್ಲಿ ಬೌಲಿಂಗ್ ಮಾಡ್ತಿದ್ದಾರೆ. ಆಡಿರೋ 4 ಪಂದ್ಯಗಳಲ್ಲಿ 9 ವಿಕೆಟ್ ಪಡೆದಿದ್ದಾರೆ. 7.75ರ ಎಕಾನಮಿಯಲ್ಲಿ ರನ್​​​​ ನೀಡ್ತಿರೋ ಹೈದ್ರಾಬಾದ್​ ಪೇಸರ್, ಮಿಚ್ಚೆಲ್ ಸ್ಟಾರ್ಕ್​​ ನಂತರ ಮೋಸ್ಟ್ ಸಕ್ಸಸ್​​​ಫುಲ್ ಪೇಸರ್ ಎನಿಸಿಕೊಂಡಿದ್ದಾರೆ. ಸಿರಾಜ್ ಆಟ ಹೀಗೆ ಮುಂದುವರೆದ್ರೆ, ಗುಜರಾತ್ ಟೈಟನ್ಸ್​​ ಪ್ಲೇ ಆಫ್​​​ ಎಂಟ್ರಿ, ಕಷ್ಟವೇನಲ್ಲ.

ಅನ್ಯಾಯ, ಅವಮಾನ, ಎದೆಗುಂದದ ಸಿರಾಜ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ವೇಗಿ ಸಿರಾಜ್​ರನ್ನು ರೀಟೈನ್ ಮಾಡಿಕೊಳ್ಳಲಿಲ್ಲ. ನಂತರ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಗೂ ವೇಗಿ ಸಿರಾಜ್​ರನ್ನ ಕೈಬಿಡಲಾಯ್ತು. ಈ ಎರಡು ಸಂದರ್ಭಗಳು, ಸಿರಾಜ್​ಗೆ ಸಿಡಿಲು ಬಡಿದಂತಾಯ್ತು. ಎಲ್ಲೋ ಒಂದು ಕಡೆ ತನಗೆ ಅನ್ಯಾಯ ಆಗಿದೆ ಅನ್ನೋ ಆತಂಕದ ಜೊತೆಗೆ ಎಮೋಷನಲ್ ಆಗಿದ್ದ ಸಿರಾಜ್ ಕಷ್ಟದ ದಿನಗಳಲ್ಲೂ ಎದೆಗುಂದಲಿಲ್ಲ. ಬ್ಯಾಡ್​​ಟೈಮ್​ನಲ್ಲೂ ಟಫ್ ಮ್ಯಾನ್ ಆಗಿದ್ದ ಸಿರಾಜ್, ಇದೀಗ ತನ್ನ ಸಾಮರ್ಥ್ಯ ತೋರಿಸಿದ್ದಾರೆ.

ಸಿರಾಜ್ ರಿಯಲ್ ಫೈಟರ್ ಅನ್ನೋದನ್ನ ಪ್ರೂವ್ ಮಾಡಿದ್ದಾರೆ. ಐಪಿಎಲ್​ನಲ್ಲಿ ಗ್ರೇಟ್​ ಕಮ್​ಬ್ಯಾಕ್ ಮಾಡಿರೋ ಸಿರಾಜ್ ಯುವ ಕ್ರಿಕೆಟಿಗರಿಗೆ ರೋಲ್ ಮಾಡಲ್ ಅನ್ನೋದ್ರಲ್ಲಿ ಯಾವುದೇ ಅನುಮಾನವಿಲ್ಲ.

ಇದನ್ನೂ ಓದಿ: RCB ಕ್ಯಾಪ್ಟನ್ ರಜತ್ ಪಾಟೀದಾರ್​ಗೆ ಬಿಗ್ ಶಾಕ್ ಕೊಟ್ಟ ಬಿಸಿಸಿಐ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್