9 ತಿಂಗಳ ಬಾಹ್ಯಾಕಾಶ ವನವಾಸ ಅಂತ್ಯ.. ಹೇಗಿತ್ತು ISS to EARTH ನ ಆ 17 ಗಂಟೆಗಳ ಪ್ರಯಾಣ!

ಸುನೀತಾ ವಿಲಿಯಮ್ಸ್ ಮತ್ತು ಬಚ್ ವಿಲ್ಮೋರ್ ಕೊನೆಗೂ ಎಲ್ಲರ ಪ್ರಾರ್ಥನೆಯಂತೆ ಭೂಮಿಗೆ ಸುರಕ್ಷಿತವಾಗಿ ಬಂದು ಸೇರಿದ್ದಾರೆ. ಎಂಟು ದಿನಗಳ ಕಾರ್ಯಚಾರಣೆಗೆ ಹೋಗಿದ್ದ ಉಭಯ ಗಗನಯಾನಿಗಳು 9 ತಿಂಗಳ ವನವಾಸ ಅನುಭವಿಸಿದ್ದರು. ಕಳೆದ ಜೂನ್ 5 ರದು ಬೋಯಿಂಟ್​ ಸ್ಟಾರ್ಲಿನೆರ್​ ಮೂಲಕ ಬಾಹ್ಯಾಕಾಶಕ್ಕೆ ಹೋಗಿದ್ದ ಈ ಉಭಯ ಗಗನಯಾತ್ರಿಗಳು ಇಂದು ಸುರಕ್ಷಿತವಾಗಿ ಭೂಮಿಗೆ ಲ್ಯಾಂಡ್​ ಆಗಿದ್ದಾರೆ.

ಅವರು ಭೂಮಿಗೆ ಬರುವ ಮುಂಚೆ ಇಲ್ಲಿ ಅನೇಕ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿತ್ತು ಫ್ಲೋರಿಡಾದ ಕರಾವಳಿ ಸಮುದ್ರದಲ್ಲಿ ಸ್ಪೇಸ್ ಕ್ಯಾಪ್ಸೂಲ್​ಗಳನ್ನು ನಿಯೋಜಿಸಲಾಗಿತ್ತು. ಇಬ್ಬರು ಗಗನಯಾತ್ರಿಗಳು ನಾಸಾದ ನಿಕ್ ಹ್ಯಾಗ್ಯೂ ಮತ್ತು ಅಲೆಕ್ಸಾಂಡರ್​ ಗೊರ್ಬುನೊವ್ ಜೊತೆ ಸುಮಾರು 17 ಗಂಟೆಗಳ ಕಾಲ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ ಫ್ಲೋರಿಡಾದ ಕರಾವಳಿಯವರೆಗೂ ಪ್ರಯಾಣ ನಡೆಸಿದ್ದರು.

ಪ್ರಯಾಣದ ಸೂಚನೆಯಂತೆಯೇ ಬಾಹ್ಯಾಕಾಶ ನೌಕೆಯು ಡಿಆರ್ಬಿಟ್​ ಬರ್ನ್​ ಆಗುವ ಮೂಲಕ ಚಾಲನೆಯನ್ನು ಪಡೆಯಿತು. ನಂತರ ತನ್ನ ಇಂಜಿನ್​​​ ಫೈರ್​ ಮಾಡಿದ ಬಾಹ್ಯಾಕಾಶ ನೌಕೆ ತನ್ನ ಪಥದತ್ತ ಸವಾರಿಯನ್ನು ಆರಂಭ ಮಾಡಿತು. ಭೂಮಿಗೆ ಹತ್ತಿರ ಹತ್ತಿರ ಬರುತ್ತಿದ್ದಂತೆ ಅದರ ವೇಗವನ್ನು ಕೂಡ ಕಡಿಮೆ ಮಾಡಲಾಯ್ತು. ಬೆಳಗಿನ ಜಾವ 2.41 ರಿಂದ ಲ್ಯಾಂಡಿಂಗ್​​ಗೂ 44 ನಿಮಿಷಗಳ ಮುನ್ನ ಬಾಹ್ಯಾಕಾಶದ ನೌಕೆಯ ವೇಗವನ್ನು ತಗ್ಗಿಸಲಾಯ್ತು. 3.27 ನಿಮಿಷಕ್ಕೆ ಸರಿಯಾಗಿ ಕ್ರ್ಯೂ-9 ಲ್ಯಾಂಡ್ ಆಯ್ತು .

ಇದನ್ನೂ ಓದಿ:BREAKING ಭೂಮಿಗೆ ಬಂದ ಸುನೀತಾ ವಿಲಿಯಮ್ಸ್.. ಸಪ್ತ ಸವಾಲುಗಳನ್ನು ದಾಟಿದ ನಾಸಾ

ಕ್ರ್ಯೂ-9 ನಿನ್ನೆ ಬೆಳಗ್ಗೆ ಸುಮಾರು 10.35ಕ್ಕೆ ಸ್ಪೇಸ್​ ಸ್ಟೇಷನ್​ನಿಂದ ಹೊರಟಿತು. ಈ ವಿಚಾರವನ್ನು ಎಲಾನ್ ಮಸ್ಕ್​ ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಡ್ರ್ಯಾಗನ್​ ಕ್ಯಾಪ್ಸುಲ್​ ಫಲ್ಕಾನ್​ 9 ರಾಕೆಟ್​ನೊಂದಿಗೆ ಲಾಂಚ್ ಮಾಡಲಾಗಿತ್ತು. ಕ್ರ್ಯೂ 9ನ್ನು ಕ್ರ್ಯೂ 10ಗೆ ಪರ್ಯಾಯವಾಗಿ ಬದಲಾಯಿಸಲಾಗಿತ್ತು. ನಾಸಾದ ಒಂದೊಂದು ವ್ಯವಸ್ಥಿತ ಯೋಜನೆಗಳು ಅವರು ಅಂದುಕೊಂಡಂತೆ ನಡೆದು ಸುಮಾರು 17 ಗಂಟೆಗಳ ಸವಾರಿಯ ಬಳಿಕ ಸುನೀತಾ ವಿಲಿಯಮ್ಸ್ ಮತ್ತು ಬಚ್​ ವಿಲ್ಮೋರ್​ ಭೂಮಿಗೆ ಸುರಕ್ಷಿತವಾಗಿ ಬಂದಿಳಿದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ