ಇವತ್ತು ಆತ ಇದ್ದಿದ್ರೆ ಇರಾನ್‌ ನೋಡುತ್ತಿದ್ದ ನರಕವೇ ಬೇರೆ! ಇವನು ಕಿಂಗ್‌ ಆಫ್ ಶಾಡೋಸ್‌!

ಆ ಒಂದು ಹೆಸರು ಮಧ್ಯಪ್ರಾಚ್ಯದ ಹಲವು ಉಗ್ರರಲ್ಲಿ ಭೀತಿ ಹುಟ್ಟಿಸಿತ್ತು.. ಇಸ್ರೇಲ್​​ನ ದೇಶವನ್ನ ಭೂಪಟದಿಂದ ತೊಳೆಯೋ ಹುಸಿ ಕನಸು ಕಂಡವರಿಗೆ ಕಂಟಕವಾಗಿ ಆತ ಕಾಡಿದ್ದ.. ಯುಹೂದಿ ಮಣ್ಣಿನಲ್ಲಿ ರಕ್ತದೋಕುಳಿಗೈದವರಿಗೆ ಯಮಪಾಶವಾಗಿದ್ದ ಆ ದೈತ್ಯ. ರೆಡ್​​ ಸೆಪ್ಟೆಂಬರ್​​​​​, ಹಮಾಸ್​​ ಹಾಗೂ ಸಿರಿಯಾ ಜನ್ಮತೆತ್ತ ಐಸಿಸ್‌ನಂತಹ ಭಯೋತ್ಪಾದಕ ಸಂಘಟನೆಗಳಿಗೆ ಮಾರಕವಾಗಿದ್ದ ಆ ಯಹೂದಿಯ ಹೆಸರು ಮೀರ್​​ ಡಗಾನ್ !! ಈತನಿಗೆ ಇನ್ನೊಂದು ಹೆಸರು ಇದೆ.. ಅದುವೇ ‘ಕಿಂಗ್​​ ಆಫ್​​​​​​ ಶಾಡೋಸ್​​’
ಪ್ರಸ್ತುತ ಮಧ್ಯಪ್ರಾಚ್ಯದಲ್ಲಿನ ವಿದ್ಯಮಾನಕ್ಕೆ ಇಡಿ ಭೂಮಂಡಲವೇ ಸಾಕ್ಷಿಯಾಗ್ತಿದೆ.. ಈ ಯುದ್ಧಕ್ಕೆ ಮೂಲ ಕಾರಣದಂತೆ ಗೋಚರವಾಗ್ತಿರೋದು ಅಣ್ವಸ್ತ್ರವೆಂಬ ದೈತ್ಯ ಶಕ್ತಿ.. ಇರಾನ್​​ ನಿನ್ನೆ ಮೊನ್ನೆ ಇಂದ ಅಣ್ವಸ್ತ್ರ ಹೊಂದುವ ಕನಸು ಕಾಣ್ತಿಲ್ಲ, ಆ ಶಕ್ತಿಯನ್ನ ತನ್ನದಾಗಿಸಿಕೊಳ್ಳೋದಕ್ಕೆ ಇರಾನ್​​ ದಶಕಗಳಿಂದ ವಿಜ್ಞಾನ ಮಂಥನವನ್ನೇ ನಡೆಸ್ತಿದೆ. ಆದ್ರೆ ಇರಾನಿನ ಅಣ್ವಸ್ತ್ರದ ಮಹದಾಸೆಗೆ ತಣ್ಣೀರಿನ ಯಾಗ ಮಾಡಿದ್ದು ಇದೇ ಭಗೀರಥ... ವರ್ಲ್ಡ್ಸ್​​​ ಟಾಪ್​​​ ಮೋಸ್ಟ್​​ ಇಂಟೆಲಿಜೆನ್ಸ್​​ ಅನ್ನೋ ಕೀರ್ತೀ ದಕ್ಕಿಸಿಕೊಂಡಿದ್ದ ಮೊಸಾದ್​​ ಕೂಡ ಒಂದು ಗ್ರಹಣಕಾಲವನ್ನ ನೋಡ್ತಿದ್ದಾಗ ಅದರ ಪುನರುತ್ಥಾನಕ್ಕೆ ಕಾರಣನಾದವನೇ ಈ  ಮೀರ್  ಡಗಾನ್​. 
ಅನೇಕ ವರ್ಷಗಳ ಕಾಲ ಜಗತ್ತಿನಲ್ಲೇ ಅತ್ಯಂತ ಸಮರ್ಥ, ಚಾಣಾಕ್ಷ, ರಾಕ್ಷಸ ಕಾರ್ಯಾಚರಣೆಗೆ ಹೆಸರಾದ ಇಸ್ರೇಲ್​​ನ ಗುಪ್ತಚರ ಸಂಸ್ಥೆ ಮೊಸಾದ್​​ ಅನ್ನ ಯಶಸ್ವಿಯಾಗಿ ಮುನ್ನಡೆಸಿದ್ದ ಕ್ರೆಡಿಟ್​​ ಈತನಿಗೆ ಸಲ್ಲುತ್ತೆ. ಅದೇ ಕಾಲಘಟ್ಟದಲ್ಲಿ ಇರಾನ್​​​​ ಅಣ್ವಸ್ತ್ರ ಪರೀಕ್ಷೆಯ ಕೇಂದ್ರಗಳು ಧ್ವಂಸಗೊಂಡಿದ್ವು, ಇರಾನಿನ ನ್ಯೂಕ್ಲಿಯರ್​​​​​ ಸೈಂಟಿಸ್ಟ್​​ಗಳ ಮರಣಮೃದಂಗ ಬಾರಿಸಿತ್ತು.. ಡಬಲ್​​ ಏಜೆಂಟ್‌ಗಳು ಕೊಟ್ಟ ಆಘಾತಕ್ಕೆ ಇರಾನ್​​​ ತತ್ತರಿಸಿ ಹೋಗಿತ್ತು. ಪ್ರಪಂಚದ ದಿ ಬೆಸ್ಟ್​​ ಸೈಂಟಿಸ್ಟ್​​ಗಳು ಸಿದ್ಧಪಡಿಸಿದ್ದ ಲ್ಯಾಬ್​​ಗಳಲ್ಲಿ ವೈರಸ್​​ ಹಬ್ಬಿತ್ತು. ಇರಾನಿನ ಈ ಅಧ್ವಾನಕ್ಕೆ ಕಾರಣೀಭೂತನೇ ಈ ಮೀರ್​​ ಡಗಾನ್​. 

ಈಗ ‘ನೆರಳಿನ ರಾಜ’ ನೆನಪಾಗ್ತಿರೋದೇಕೆ?
ಅದು 1945.. ಎರಡನೇ ಮಹಾಯುದ್ಧದ ಸಮಯ.. ಯೂರೋಪ್​​​ನಲ್ಲಿ ಹಿಟ್ಲರ್​​ನ ನಾಝಿಗಳು ಶುರುಮಾಡಿದ್ದ ಯಹೂದಿಗಳ ಹತ್ಯಾಕಾಂಡಕ್ಕೆ ಇಡೀ ಸಮುದಾಯ ಜಗತ್ತಿನ ಉದ್ದಗಲಕ್ಕೂ ಹರಿದು ಹಂಚಿತ್ತು. ಅದೇ ಸಮಯದಲ್ಲಿ ಡಗಾನ್​​​ನ ತಂದೆ ತಾಯಿ ನಾಝಿಗಳಿಂದ ಜೀವವನ್ನ ಉಳಿಸಿಕೊಳ್ಳಲು ಹೋಗ್ತಿದ್ದಾಗಲೇ ರೈಲಿನಲ್ಲೆ ಮೀರ್​​ ಡಗಾನ್​ ಜನ್ಮವಾಗುತ್ತೆ. ಬಳಿಕ ಇಡೀ ಕುಟುಂಬ ತಮ್ಮ ಮೂಲವಾದ ಇಸ್ರೇಲ್​​ಗೆ ಬಂದು ಸೇರ್ತಾರೆ. ಹುಟ್ಟಿನಿಂದಲೇ ತನ್ನ ಸಮುದಾಯದ ಮೇಲಿನ ಅಸಹಿಷ್ಣುತೆಯನ್ನ ನೋಡಿಕೊಂಡೇ ಬೆಳೆದಿದ್ದ ಡಗಾನ್​​​ ತನ್ನ ಯೌವನದಲ್ಲಿ ಇಸ್ರೇಲ್​​ ಡಿಫೆನ್ಸ್​​ ಫೋರ್ಸ್​​ IDFಗೆ ಸೇರಿಕೊಳ್ಳುತ್ತಾನೆ. ಮುಂದೆ 50 ವರ್ಷಗಳ ಕಾಲ ಇಸ್ರೇಲಿನ ಅಖಂಡತೆ ಹಾಗೂ ರಾಷ್ಟ್ರದ ಭದ್ರತೆಗಾಗಿ ದುಡಿಯುತ್ತಾನೆ. 1947ರಲ್ಲಿ ಇಸ್ರೇಲ್​ ತನ್ನನ್ನ ಯಹೂದಿ ರಾಷ್ಟ್ರವನ್ನಾಗಿ ಘೋಷಿಸಿಕೊಳ್ತು. ನಂತರ ಒಂದೊಂದೇ ದೇಶಗಳು ಆ ಪುಟ್ಟ ರಾಷ್ಟ್ರಕ್ಕೆ ದೇಶದ ಸ್ಥಾನಮಾನವನ್ನ ನೀಡ್ತಾ ಹೋದ್ವು. ಮೀರ್​ ಡಗಾನ್​​ ತನ್ನ IDF ದಿನಗಳಲ್ಲಿ ತನ್ನ ದೈರ್ಯಕ್ಕೆ ಹೆಸರುವಾಸಿಯಾಗಿದ್ದಂಥ ಸೈನಿಕ. 1950 & 60 ರ ಕಾಲಮಾನದಲ್ಲಿ ಸಿರಿಯಾ ಲೆಬೆನಾನ್​​ನಲ್ಲಂತೂ ದಿನಕ್ಕೊಂದು ಉಗ್ರ ಸಂಘಟನೆಗಳು ಜನ್ಮ ತಾಳುತ್ತಿದ್ದವು.. ಅಂತಹ ಸೂಕ್ಷ ಗಡಿ ಭಾಗದಲ್ಲಿ ಡಗಾನ್​​​ ಕೆಲಸ ಮಾಡ್ತಾನೆ.. ಪ್ಯಾಲೆಸ್ತೀನ್​​, ಗಾಝಾ ಸಂಘರ್ಷ ಹಾಗೂ ಇಸ್ರೇಲ್​​ ಅಸ್ಥಿತ್ವವನ್ನ ಅಳಿಸೋ ಪ್ರಯತ್ನದಲ್ಲಿದ್ದ ಇನ್ನಷ್ಟು ಎಕ್ಸ್‌ಟ್ರಿಮಿಸ್ಟ್​​​ ಸಂಘಟನೆಗಳನ್ನೆಲ್ಲ ಎದುರು ಹಾಕಿಕೊಂಡು ತನ್ನ ದೇಶಕ್ಕಾಗಿ ಡಗಾನ್​​​ ಬದುಕಿದ್ದ.. 

ಡಗಾನ್ ಚಾಣಾಕ್ಷ ‘ಮೊಸಾದ್’ ಮುಖ್ಯಸ್ಥನಾಗಿದ್ದು ಹೇಗೆ? 
ಮೀರ್​​ ಡಗಾನ್​​ ಅಲಿಯಾಸ್​​ ‘ಕಿಂಗ್​​ ಆಫ್​​ ಶಾಡೋಸ್​​’ ತನ್ನ ಜೀವನದ ಒಂದು ಕಥೆಯನ್ನ ಎಂದಿಗೂ ನೆನಪಿಸಿಕೊಳ್ತಿದ್ರು. 2002ರ ಸಮಯ ಅದು.. ದಿಡೀರ್​​​ ಮಧ್ಯರಾತ್ರಿಯಲ್ಲಿ ಡಗಾನ್​​ ಫೋನ್‌ ರಿಂಗ್ ಆಗಿತ್ತು. ಆ ಕಡೆಯಿಂದ ‘ಹೆಲೋ ಮೈ ಫ್ರೆಂಡ್’​​ ಅನ್ನೋ ಮಾತು ಡಗಾನ್​​ರನ್ನ ಮತ್ತೆ ತನ್ನ IDF ದಿನಗಳಿಗೆ ಕರೆದೊಯ್ಯುತ್ತೆ.. ಆ ಧ್ವನಿಯ ಹೆಸರೇ ಏರಿಯಲ್​​ ಶೆರಾನ್..​​​ ಇಸ್ರೇಲ್​​​ನ 11ನೇ ಪ್ರಧಾನಿ.. ಡಗಾನ್​​​ ಹಾಗೂ ಶೆರಾನ್​​ ಇಬ್ಬರೂ ಸಹ IDFನಲ್ಲಿದ್ದಾಗ ಆತ್ಮೀಯರು.. ಒಟ್ಟಿಗೆ ಸೈನಿಕರಾಗಿದ್ದವರು.. ಆದ್ರೆ ಆ ರಾತ್ರಿ ಬಂದಿದ್ದ ಕರೆಯ ಉದ್ದೇಶವೇ ಬೇರೆ ಇತ್ತು.. ಆ ಕಡೆಯಿಂದ ಶೆರಾನ್​​, I WANT YOU TO BE  CHIEF OF MOSSAD (ನೀನು ಮೊಸಾದ್ ಮುಖ್ಯಸ್ಥನಾಗಬೇಕೆಂದು ನಾನು ಬಯಸುತ್ತೇನೆ) ಅಂತ ಹೇಳಿದ್ರು. ಆ ಅನಿರೀಕ್ಷಿತ ಪ್ರಶ್ನೆಗೆ ಡಗಾನ್​​ ಉತ್ತರಿಸಿದ್ದು WHY ME? (ನಾನೇ ಯಾಕೆ?) ಅಂತ.. ಆಗ ಪ್ರಧಾನಿ ಏರಿಯಲ್​​ ಶೆರಾನ್​​, I WANT A MOSSAD CHIEF WHO KEEPS DRAGGER BETWEEN HIS TEETH (ಹಲ್ಲುಗಳ ಮಧ್ಯೆ ಡ್ರ್ಯಾಗರ್‌ ಇಟ್ಟುಕೊಳ್ಳೋನು ಮೊಸಾದ್‌ ಮುಖ್ಯಸ್ಥನಾಗಬೇಕು ಎಂದು ನಾನು ಬಯಸ್ತೀನಿ) ಅಂತ ಹೇಳ್ತಾರೆ.. ಅಂದ್ರೆ ಡಗಾನ್​ ತನ್ನ IDF ದಿನಗಳಲ್ಲಿದ್ದಾಗ ತನ್ನ ಹಲ್ಲುಗಳ ಮಧ್ಯದಲ್ಲಿ ಡ್ರ್ಯಾಗರ್​ ಅನ್ನ ಇಟ್ಟು ಎದುರಾಳಿಗಳ ಎದೆ ಸೀಳುತ್ತಿದ್ದನ್ನ ಶೆರಾನ್​​ ನೆನಪಿಸಿಕೊಂಡಿದ್ರು. 2002 ರಿಂದ 2011ರ ವರೆಗೂ ಡಗಾನ್,​​ ಗುಪ್ತಚರ ಸಂಸ್ಥೆ ಮೊಸಾದ್​​ನ ಡೈರೆಕ್ಟರ್​​​ ಆಗಿ ಕೆಲಸ ನಿರ್ವಹಿಸುತ್ತಾರೆ. ಆ ಕಾಲಮಾನದಲ್ಲಿ ಘಟಿಸಿದ ಎಲ್ಲವೂ ಇಂದು ಗತಕಾಲದ ಇತಿಹಾಸ. ಆ ಸಮಯದಲ್ಲೇ Funerals at Tehran ನಡೆದಿದ್ದು. 
ಡಗಾನ್​​​ 2011ರಲ್ಲಿ ಇರಾನ್​​ನಲ್ಲಿ ನಡೆಸಿದ ಆಪರೇಷನ್​​ಗಳು ಇಂದಿಗೂ ಸ್ಮರಣೀಯ ಹಾಗೂ ಶ್ಲಾಘನೀಯ.. ಬಳಿಕ ಡಗಾನ್​​ ಇಸ್ರೇಲ್​​ನ ಪ್ರಧಾನಿ ಬೆಂಜಮಿನ್​ ನೆತನ್ಯಾಹೂವಿನ ಬಹಳ ದೊಡ್ಡ ಟೀಕಾಕಾರನಾಗಿದ್ರು ಅನ್ನೋದು ಗಮನಾರ್ಹ. 2016ರಲ್ಲಿ ಮೀರ್​​ ಡಗಾನ್​​​ ವಯೋಸಹಜ ಕಾಯಿಲೆಯಿಂದ ತೀರಿಕೊಂಡಾಗ ಇಡೀ ಇಸ್ರೇಲ್​​ ಕಂಬನಿ ಮಿಡಿದಿತ್ತು. ಇಂದಿಗೂ ಆ ಮೀರ್​​ ಡಗಾನ್ ಎಂಬ ಹೆಸರು ಪ್ರಸ್ತುತ.

ಅನುಶ್‌, ನ್ಯೂಸ್‌ಫಸ್ಟ್‌ ಡೆಸ್ಕ್‌

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.