ಆಸ್ಟ್ರೇಲಿಯಾದಲ್ಲಿ ಮಹಾತ್ಮ ಗಾಂಧೀಜಿ ಪ್ರತಿಮೆಯೇ ಕಳವು! : 426 ಕೆಜಿ ತೂಕದ ಕಂಚಿನ ಪ್ರತಿಮೆ ಕಳವು!

ಆಸ್ಟ್ರೇಲಿಯಾದ  ಮೆಲ್ಬೋರ್ನ್‌ನ ರೌವಿಲ್ಲೆಯಲ್ಲಿರುವ ಆಸ್ಟ್ರೇಲಿಯನ್ ಇಂಡಿಯನ್ ಕಮ್ಯುನಿಟಿ ಸೆಂಟರ್‌ನ ಹೊರಗೆ ನಿರ್ಮಿಸಿದ್ದ  ಮಹಾತ್ಮ ಗಾಂಧಿಯವರ ಕಂಚಿನ ಪ್ರತಿಮೆಯನ್ನು ಕಳವು ಮಾಡಲಾಗಿದೆ. ಈ ಪ್ರತಿಮೆಯು ನವದೆಹಲಿಯ ಭಾರತೀಯ ಸಾಂಸ್ಕೃತಿಕ ಸಂಬಂಧಗಳ ಮಂಡಳಿಯಿಂದ (ICCR) ಉಡುಗೊರೆಯಾಗಿದ್ದು, ಆಸ್ಟ್ರೇಲಿಯಾದ ಭಾರತೀಯ ಸಮುದಾಯಕ್ಕೆ ಗಮನಾರ್ಹ ಸಾಂಸ್ಕೃತಿಕ, ಐತಿಹಾಸಿಕ ಮತ್ತು ಸಾಂಕೇತಿಕ ಮಹತ್ವವನ್ನು ಹೊಂದಿದೆ.

ಆಸ್ಟ್ರೇಲಿಯಾ ಟುಡೇ ವರದಿಯ ಪ್ರಕಾರ, ಸೋಮವಾರ ಸುಮಾರು 12.50 ರ ಸುಮಾರಿಗೆ ಕಳ್ಳತನ ಸಂಭವಿಸಿದೆ ಎಂದು ಹೇಳಲಾಗಿದೆ. ಮೂವರು ಅಪರಿಚಿತ ಅಪರಾಧಿಗಳು 426 ಕಿಲೋಗ್ರಾಂಗಳಷ್ಟು ತೂಕದ ಪ್ರತಿಮೆಯನ್ನು ಅದರ ಅಡಿಪಾಯದಿಂದ ಕತ್ತರಿಸಲು ಆಂಗಲ್ ಗ್ರೈಂಡರ್ ಅನ್ನು ಬಳಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಲಾದ ಫೋಟೋಗಳು ಪ್ರತಿಮೆಯ ಪಾದದ ಬಳಿ ಕತ್ತರಿಸಲ್ಪಟ್ಟಿದ್ದು, ಅದರ ಪಾದಗಳು ಮಾತ್ರ ಅಲ್ಲೇ ಉಳಿದಿವೆ ಎಂಬುದನ್ನು ತೋರಿಸಿವೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ