ಕಡಿಮೆ ಟೈಮ್​​, ಹೆಚ್ಚು ಆದಾಯ; ನೀವು ಹೂಡಿಕೆ ಮಾಡಲೇಬೇಕಾದ ಸ್ಕೀಮ್​ ಇದು!

ಜೀವನದಲ್ಲಿ ಯಾವಾಗ ಏನು ಬೇಕಾದ್ರೂ ಸಮಸ್ಯೆ ಆಗಬಹುದು. ಎಂಥಾ ಸಮಸ್ಯೆ ಎದುರಾಗಲಿದೆ ಎಂದು ಊಹಿಸಲು ಯಾರಿಂದಲೂ ಸಾಧ್ಯವಿಲ್ಲ. ಹಾಗಾಗಿ ಸರಿಯಾದ ಆರ್ಥಿಕ ಯೋಜನೆ ಅನ್ನೋದು ಇರಲೇಬೇಕು. ಆಗ ಮಾತ್ರ ನಾವು ಕಷ್ಟಗಳ ವಿರುದ್ಧ ಈಜಲು ಸಾಧ್ಯ. ಅದಕ್ಕಾಗಿ ನಾವು ರಿಯಲ್​ ಎಸ್ಟೇಟ್​​​ ಆಗಲಿ, ಸ್ಟಾಕ್​​ ಮಾರ್ಕೆಟ್​ ಆಗಲಿ, ಕ್ರಿಪ್ಟೋ ಕರೆನ್ಸಿ, ಗೋಲ್ಡ್​​ ಹೀಗೆ ಯಾವುದಾದ್ರೂ ಒಂದರ ಮೇಲೆ ಹೂಡಿಕೆ ಮಾಡಬೇಕು. ಇಷ್ಟೇ ಅಲ್ಲದೇ ಸೇವಿಂಗ್ಸ್​ ಮಾಡಲು ಎಫ್​ಡಿ ಅನ್ನೋ ಮತ್ತೊಂದು ಆಪ್ಷನ್​​ ಇದೆ.

ಇದನ್ನೂ ಓದಿ: ಸದ್ಗುರು ಜಗ್ಗಿ ವಾಸುದೇವ್‌ಗೆ ಬಿಗ್ ರಿಲೀಫ್‌.. ಗಂಭೀರ ಆರೋಪದಿಂದ ಮುಕ್ತಗೊಳಿಸಿದ ಸುಪ್ರೀಂಕೋರ್ಟ್!

ಎಫ್​​ಡಿ ಎಂದರೆ ಫಿಕ್ಸೆಡ್​​ ಡೆಪಾಸಿಟ್​​. ಫಿಕ್ಸೆಡ್​​ ಡೆಪಾಸಿಟ್​ ಎಂದರೆ ಥಟ್​ ಅಂತಾ ನೆನಪಾಗೋದು ಸ್ಟೇಟ್​ ಬ್ಯಾಂಕ್​​ ಆಫ್​ ಇಂಡಿಯಾ. SBI ನೀಡುವ ಅಮೃತ್ ಕಲಶ್ ಫಿಕ್ಸೆಡ್ ಡೆಪಾಸಿಟ್ (FD) ಸ್ಕೀಮ್​​ ಎಲ್ಲರಿಗೂ ಬೆಸ್ಟ್​​ ಪ್ಲಾನ್​​. ಈ ಸ್ಕೀಮ್​​ನಲ್ಲಿ ನೀವು ಹೂಡಿಕೆ ಮಾಡಿದ್ರೆ ಕೇವ 400 ದಿನಗಳ ಅವಧಿಯಲ್ಲಿ ಹೆಚ್ಚು ಆದಾಯ ಸಿಗಲಿದೆ. ಹಾಗಾಗಿ ಯಾರು ಬೇಕಾದ್ರೂ ಹೂಡಿಕೆ ಮಾಡಬಹುದು.

ಹೂಡಿಕೆ ಅವಧಿ ಎಷ್ಟು?

ಅಮೃತ್ ಕಲಾಶ್ ಫಿಕ್ಸೆಡ್ ಡೆಪಾಸಿಟ್ ಸ್ಕೀಮ್​​​ 400 ದಿನಗಳ ಹೂಡಿಕೆ ಅವಧಿಯೊಂದಿಗೆ ಶುರು ಆಗುತ್ತದೆ. ಇದು ಅಲ್ಪಾವಧಿ ಆಯ್ಕೆಯಾಗಿದೆ. ದೀರ್ಘಕಾಲದವರೆಗೆ ಹಣ ಹೂಡಿಕೆ ಮಾಡಲು ಹಿಂದೇಟು ಹಾಕುವ, ಕಡಿಮೆ ಸಮಯದಲ್ಲಿ ಹೆಚ್ಚು ರಿಟರ್ನ್ಸ್​​​ ನಿರೀಕ್ಷೆ ಮಾಡೋರಿಗೆ ಇದು ಸೂಕ್ತವಾದ ಸ್ಕೀಮ್​.

ಬಡ್ಡಿ ದರ ಹೇಗೆ?

ಇನ್ನು, ಈ ಸ್ಕೀಮ್​​ನಲ್ಲಿ ಹೂಡಿಕೆ ಮಾಡೋ ಸಾಮಾನ್ಯ ನಾಗರಿಕರು 7.1% ಬಡ್ಡಿ ದರ ಪಡೆಯುತ್ತಾರೆ. ಹಿರಿಯ ನಾಗರಿಕರಿಗೆ ಇದಕ್ಕಿಂತಲೂ ಹೆಚ್ಚು ಎಂದರೆ 7.6% ಹೆಚ್ಚಿನ ಬಡ್ಡಿ ದರ ಸಿಗಲಿದೆ. ಸ್ಟೇಟ್ ಬ್ಯಾಂಕ್ ಆಫ್​ ಇಂಡಿಯಾ 1 ರಿಂದ 2 ವರ್ಷಗಳ ಅವಧಿಗೆ ಎಫ್‌ಡಿ ಮಾಡುವ ಸಾಮಾನ್ಯ ನಾಗರಿಕರು ಕೇವಲ 6.8% ಆದಾಯ ನೀಡುತ್ತದೆ. ಹಿರಿಯ ನಾಗರಿಕರಿಗೆ 7.3% ಬಡ್ಡಿ ಕೊಡುತ್ತದೆ.

ರಿಟರ್ನ್ಸ್ ಹೇಗಿದೆ?

ನೀವು 7.1% ಬಡ್ಡಿ ದರದಲ್ಲಿ 400 ದಿನಗಳವರೆಗೆ 2 ಲಕ್ಷ ಹೂಡಿಕೆ ಮಾಡಬಹುದು. ಆಗ ನೀವಿಟ್ಟ ಠೇವಣಿ ಮೇಲೆ 15,562 ಆದಾಯ ಸಿಗುತ್ತದೆ. ಅಂದರೆ 400 ದಿನಗಳ ಬಳಿಕ ನೀವು ಒಟ್ಟು ರೂ.2,15,562 ಪಡೆಯುತ್ತೀರಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ