ಆರ್​​ಸಿಬಿಗೆ ಬಂತು ಹಾರ್ಸ್​ ಪವರ್​​.. ಬೆಂಗಳೂರು ತಂಡಕ್ಕೆ IPL ವಿನ್ನಿಂಗ್​ ಕ್ಯಾಪ್ಟನ್​ ಎಂಟ್ರಿ

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೀಸನ್​ ಶುರುವಾಗಲು ಇನ್ನೇನು ಕೇವಲ 5 ತಿಂಗಳು ಬಾಕಿ ಇದೆ. ಈ ವರ್ಷದ ಕೊನೆಗೆ ಐಪಿಎಲ್​ ಮೆಗಾ ಹರಾಜು ನಡೆಯಲಿದೆ. ಎಲ್ಲಾ ಐಪಿಎಲ್​ ತಂಡಗಳಿಗೂ 6 ಆಟಗಾರರನ್ನು ರೀಟೈನ್​ ಮಾಡಿಕೊಳ್ಳಲು ಬಿಸಿಸಿಐ ಅವಕಾಶ ಕೊಟ್ಟಿದೆ. ಆರ್​​ಸಿಬಿ ಕೂಡ ಯರನ್ನು ರೀಟೈನ್​ ಮಾಡಿಕೊಳ್ಳಬೇಕು? ಯಾರನ್ನು ಹರಾಜಿಗೆ ಬಿಡಬೇಕು? ಎಂದು ಲೆಕ್ಕಾಚಾರ ಹಾಕುತ್ತಿದೆ. ಇದರ ಮಧ್ಯೆ ಆರ್​​ಸಿಬಿ ತಂಡಕ್ಕೆ ಐಪಿಎಲ್​ ಕಪ್​​ ವಿನ್ನಿಂಗ್​ ಕ್ಯಾಪ್ಟನ್​ ಎಂಟ್ರಿ ನೀಡಲಿದ್ದಾರೆ ಎನ್ನುವ ಸುದ್ದಿ ಇದೆ.

ಫಾಫ್​ ಡುಪ್ಲೆಸಿಸ್​ಗೆ ಕೊಕ್​

ಸದ್ಯ ಆರ್​​ಸಿಬಿ ತಂಡದ ಕ್ಯಾಪ್ಟನ್​ ಫಾಫ್​​ ಡುಪ್ಲೆಸಿಸ್​​. ಇವರಿಗೆ ಈಗ 40 ವರ್ಷ. ಇನ್ನೂ ಮೂರು ಸೀಸನ್​​ ಐಪಿಎಲ್​​ ಫಾಫ್​ ಆಡೋದು ಡೌಟ್​​. ಹಾಗಾಗಿ ಹೊಸ ಕ್ಯಾಪ್ಟನ್​ ಹುಡುಕಾಟದಲ್ಲಿ ಆರ್​​ಸಿಬಿ ಇದೆ. ಈ ಸೀಸನ್​​ನಲ್ಲಿ ಫಾಫ್​ ಅವರನ್ನು ಕೈ ಬಿಡುವ ಸಾಧ್ಯತೆ ಇದೆ. ಇವರ ಸ್ಥಾನಕ್ಕೆ ಯಾರಾದ್ರೂ ಐಪಿಎಲ್​​ ವಿನ್ನಿಂಗ್​ ಕ್ಯಾಪ್ಟನ್​​ ಕರೆ ತರೋ ಪ್ಲಾನ್​ ಆರ್​​ಸಿಬಿ ತಂಡದ್ದು.

ಐಪಿಎಲ್​​ ವಿನ್ನಿಂಗ್​ ಕ್ಯಾಪ್ಟನ್​ ಶ್ರೇಯಸ್​​!

2024ರ ಐಪಿಎಲ್​​ ಚಾಂಪಿಯನ್​ ತಂಡ ಕೆಕೆಆರ್​​. ಕೆಕೆಆರ್​ ತಂಡವನ್ನು ಮುನ್ನಡೆಸಿದ್ದು ಕ್ಯಾಪ್ಟನ್​ ಶ್ರೇಯಸ್​​ ಅಯ್ಯರ್​​. ಗೌತಮ್​ ಗಂಭೀರ್​​ ಕೋಚ್​ ಆಗಿದ್ರೂ ಕೆಕೆಆರ್​ ತಂಡವನ್ನು ಮುನ್ನಡೆಸಿ ಐಪಿಎಲ್​ ಕಪ್​ ಗೆದ್ದಿದ್ದು ರೋಚಕ. ಅಯ್ಯರ್​ಗೆ ಕೆಕೆಆರ್​​, ಡೆಲ್ಲಿ ಕ್ಯಾಪಿಟಲ್ಸ್​ ತಂಡವನ್ನು ಮುನ್ನಡೆಸಿ ಅನುಭವ ಇದೆ.

ಅಯ್ಯರ್​ಗೆ ಆರ್​​ಸಿಬಿ ಕ್ಯಾಪ್ಟನ್ಸಿ

ಆರ್​​ಸಿಬಿ ಹೊಸ ಕ್ಯಾಪ್ಟನ್​ಗಾಗಿ ಹುಡುಕಾಟದಲ್ಲಿದೆ. ಬೆಂಗಳೂರು ಕ್ಯಾಪ್ಟನ್ಸಿ ರೇಸ್​ನಲ್ಲಿ ಕೆ.ಎಲ್​ ರಾಹುಲ್​, ರೋಹಿತ್​ ಶರ್ಮಾ ಸೇರಿದಂತೆ ಹಲವರ ಹೆಸರು ಕೇಳಿ ಬಂದಿದೆ. ಇದಕ್ಕೆ ಹೊಸ ಸೇರ್ಪಡೆ ಕೆಕೆಆರ್​ ತಂಡದ ಕ್ಯಾಪ್ಟನ್​​ ಅಯ್ಯರ್​​. ಸೂರ್ಯಕುಮಾರ್​ ಯಾದವ್​ ಕೆಕೆಆರ್​ ತಂಡದ ಕ್ಯಾಪ್ಟನ್​ ಆಗಬಹುದು ಅನ್ನೋ ಸುದ್ದಿ ಇದ್ದು, ಅಯ್ಯರ್​​ ಹರಾಜಿಗೆ ಬರಬಹುದು. ಒಂದು ವೇಳೆ ಆರ್​​ಸಿಬಿ ಪ್ಲಾನ್​​ ವರ್ಕೌಟ್​ ಆಗಲಿಲ್ಲ ಎಂದರೆ ಅಯ್ಯರ್​ ಅವರನ್ನು ಖರೀದಿ ಮಾಡಿ ಕ್ಯಾಪ್ಟನ್ಸಿ ಪಟ್ಟ ಕಟ್ಟಬಹುದು.

ಇದನ್ನೂ ಓದಿ:ಬಾಂಗ್ಲಾದೇಶಕ್ಕೆ 86 ರನ್​ಗಳ ಹೀನಾಯ ಸೋಲು; ಭಾರತ ತಂಡಕ್ಕೆ ರೋಚಕ ಜಯ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ