ಗುಜರಾತ್ ಟೈಟನ್ಸ್​ಗೆ ವಿರೋಚಿತ ಸೋಲು; ಪಂಜಾಬ್ ಗೆಲುವಿಗೆ ಇಂಪ್ಯಾಕ್ಟ್ ಮಾಡಿದ ಕನ್ನಡಿಗ ವೈಶಾಕ್

ಐಪಿಎಲ್​ನ ಐದನೇ ಪಂದ್ಯದಲ್ಲಿ ಗುಜರಾತ್​ ಟೈಟನ್ಸ್​, ಪಂಜಾಬ್ ಕಿಂಗ್ಸ್​ ವಿರುದ್ಧ ವಿರೋಚಿತ ಸೋಲು ಅನುಭವಿಸಿದೆ. 11 ರನ್​ಗಳ ಗೆಲುವು ಪಡೆದ ಶ್ರೇಯಸ್​ ಅಯ್ಯರ್ ನೇತೃತ್ವದ ಪಂಜಾಬ್​ ಕಿಂಗ್ಸ್, 18ನೇ ಆವೃತ್ತಿಯಲ್ಲಿ ಶುಭಾರಂಭ ಮಾಡಿದೆ.

ಟಾಸ್​ ಸೋತು ಮೊದಲು ಬ್ಯಾಟ್ ಮಾಡಿದ್ದ ಪಂಜಾಬ್ ಕಿಂಗ್ಸ್​, ಶ್ರೇಯಸ್​ ಅಯ್ಯರ್ ಅವರ 97 ರನ್​ಗಳ ಕೊಡುಗೆಯಿಂದ ಐದು ವಿಕೆಟ್ ಕಳೆದುಕೊಂಡು 243 ರನ್​ಗಳಿಸಿತ್ತು. ಈ ಬೃಹತ್ ಗುರಿಯನ್ನು ಬೆನ್ನು ಹತ್ತಿದ್ದ ಗುಜರಾತ್ ಟೈಟನ್ಸ್ ಕೂಡ, ಚೇಸಿಂಗ್​ನಲ್ಲಿ ಹಿಂದೆ ಬೀಳಲಿಲ್ಲ. ಪಂಜಾಬ್ ತಂಡಕ್ಕೆ ಸರಿಯಾದ ಪೈಪೋಟಿ ನೀಡಿತು. ಪಂಜಾಬ್ ತಂಡದ ಪರ ಸಾಯಿ ಸುದರ್ಶನ್ 41 ಬಾಲ್​ನಲ್ಲಿ 74 ರನ್​ಗಳಿಸಿ ಗೆಲುವಿನತ್ತ ಕೊಂಡೊಯ್ದಿದ್ದರು.

ಇದನ್ನೂ ಓದಿ: 4, 4, 4, 6, 6, 6, 6, 6; ಶ್ರೇಯಸ್ ಅಯ್ಯರ್ ಸಿಡಿಲಬ್ಬರದ ಅರ್ಧ ಶತಕ ಹೇಗಿತ್ತು?

ಆದರೆ ಕೊನೆಯಲ್ಲಿ ತೆವಾಟಿಯಾ ಮತ್ತು ಶೆರ್ಫೆನ್ ಔಟಾದ ಪರಿಣಾಮ 11 ರನ್​ಗಳಿಂದ ಸೋಲನ್ನು ಎದುರಿಸಬೇಕಾಯಿತು. ಇನ್ನು ಗುಜರಾತ್ ಟೈಟನ್ಸ್ ಪರ, ಗಿಲ್ 14 ಬಾಲ್​ನಲ್ಲಿ 33 ರನ್​ಗಳಿಸಿದರು. ಜೋಶ್ ಬಟ್ಲರ್ 54 ರನ್​ಗಳಿಸಿದ್ರೆ, ಶೆರ್ಫೆನ್ 46 ರನ್​ಗಳಿಸಿದರು. ನಿಗಧಿತ 20 ಓವರ್​ನಲ್ಲಿ ಗುಜರಾತ್ ಟೈಟನ್ಸ್ 5 ವಿಕೆಟ್ ಕಳೆದುಕೊಂಡು 232 ರನ್​ಗಳಿಸಿ ಸೋಲಿಗೆ ಶರಣಾಯ್ತು.

ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಮಿಂಚಿದ ಕನ್ನಡಿಗ

ಇನ್ನು ನಿನ್ನೆಯ ಪಂದ್ಯದಲ್ಲಿ ಕನ್ನಡಗಿ ಪ್ರಸಿದ್ಧ ಕೃಷ್ಣ ಪಂಜಾಬ್ ಗೆಲುವಿಗೆ ಪ್ರಮುಖ ಪಾತ್ರವಹಿಸಿದರು. 14ನೇ ಓವರ್​ನಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಕಣಕ್ಕೆ ಇಳಿದ ವೈಶಾಕ್ ವಿಜಯ್​ಕುಮಾರ್, ಮೂರು ಓವರ್ ಮಾಡಿ ಕೇವಲ 28 ರನ್​ಗಳನ್ನು ನೀಡಿದರು. 15ನೇ ಓವರ್​ನಲ್ಲಿ 5 ರನ್​​, 17ನೇ ಓವರ್​ನಲ್ಲಿ ಮೂರು ವೈಡ್​ ಬಾಲ್ ಹಾಕಿ ಐದು ರನ್ ಬಿಟ್ಟುಕೊಟ್ಟರು. ಆ ಮೂಲಕ ಗೆಲುವಿನ ಸನಿಹಕ್ಕೆ ಬಂದಿದ್ದ ಗುಜರಾತ್​ ಟೈಟನ್ಸ್​ಗೆ ತೀವ್ರ ಒತ್ತಡ ಹಾಕಿದರು. ಇನ್ನು, 19ನೇ ಓವರ್​ನಲ್ಲಿ 18 ರನ್​ಗಳನ್ನು ನೀಡಿದರೂ, ಪಂದ್ಯ ಪಂಜಾಬ್ ಪರ ವಾಲಿತ್ತು.

ಉಳಿದೆಲ್ಲ ಬೌಲರ್​​ಗಳಿಗೆ ಹೋಲಿಕೆ ಮಾಡಿದರೆ ವಿಜಯ್​ಕುಮಾರ್ ಅವರ ಬೌಲಿಂಗ್ ತುಂಬಾನೇ ಪರಿಣಾಮಕಾರಿಯಾಗಿತ್ತು. 9.30 ಎಕನಾಮಿಯಲ್ಲಿ ಬಾಲ್ ಮಾಡಿದ ವೈಶಾಕ್, 28 ರನ್​ಗಳನ್ನು ನೀಡಿದರು. ಆದರೆ ಅವರಿಗೆ ಯಾವುದೇ ವಿಕೆಟ್ ಸಿಗಲಿಲ್ಲ.

ಇದನ್ನೂ ಓದಿ: ಶತಕಕ್ಕೆ ಮೂರೇ 3 ರನ್​ ಬೇಕಿತ್ತು.. ಆದ್ರೂ ತಂಡಕ್ಕಾಗಿ ತ್ಯಾಗ ಮಾಡಿದ ಕ್ಯಾಪ್ಟನ್ ಶ್ರೇಯಸ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್