ಈ ಸ್ಟಾರ್ ಪ್ಲೇಯರ್​ಗಳ​ ಸ್ಫೋಟಕ ಬ್ಯಾಟಿಂಗ್​ನಿಂದ ರಿಷಭ್ ಪಂತ್​​ಗೆ ಭಾರೀ ಸಂಕಷ್ಟ.. ಹೇಗೆ ಗೊತ್ತಾ?

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೀಸನ್- 18 ಆರಂಭಕ್ಕೆ ಕೆಲವೇ ದಿನಗಳು ಮಾತ್ರ ಬಾಕಿ. ಈ ಬಾರಿ ಐಪಿಎಲ್​ ಟೂರ್ನಿ ಡೇರ್​ಡೆವಿಲ್​ ಬ್ಯಾಟ್ಸ್​ಮನ್​ ರಿಷಭ್​ ಪಂತ್​ ಪಾಲಿಗೆ ಅಗ್ನಿ ಪರೀಕ್ಷೆ ಕಣವಾಗಿದೆ. ಸೀಸನ್-​ 18ರಲ್ಲಿ ಲಕ್ನೋ ನಾಯಕ ನೀಡುವ ಪರ್ಫಾಮೆನ್ಸ್​ ಪಂತ್​ ಭವಿಷ್ಯವನ್ನ ನಿರ್ಧರಿಸಲಿದೆ. ಫ್ಲಾಪ್​ ಆದ್ರೆ ಟೀಮ್​ ಇಂಡಿಯಾ ಡೋರ್​​ ಕ್ಲೋಸ್​ ಆಗಲಿದೆ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೀಸನ್​ 18ರ ಆರಂಭಕ್ಕೆ ಕೌಂಟ್​​ಡೌನ್​ ಶುರುವಾಗಿದೆ. ಮಾರ್ಚ್​​ 22ರಿಂದ ಆರಂಭವಾಗೋ ಕಲರ್​ಫುಲ್​ ಟೂರ್ನಿಯ ಫೀವರ್​ ಕ್ರಿಕೆಟ್​ ಲೋಕವನ್ನ ಆವರಿಸ್ತಿದೆ. ಭರ್ಜರಿ ಎಂಟರ್​ಟೈನ್​ಮೆಂಟ್​ನ ಎದುರು ನೋಡ್ತಿರೋ ಫ್ಯಾನ್ಸ್​​ ಟೂರ್ನಿಗಾಗಿ ಕುತೂಹಲದಿಂದ ಕಾಯ್ತಿದ್ದಾರೆ.

ಅಭಿಮಾನಿಗಳ ಪಾಲಿಗೆ ಈ ಬಾರಿಯ ಐಪಿಎಲ್​ ಟೂರ್ನಿ ಮನರಂಜನೆಯ ಬಾಡೂಟದ ವೇದಿಕೆಯಾಗಿದೆ. ಆದ್ರೆ, ಲಕ್ನೋ ಸೂಪರ್​ ಜೈಂಟ್ಸ್​ ಕ್ಯಾಪ್ಟನ್​ ರಿಷಭ್​​ ಪಂತ್​ ಪಾಲಿಗೆ ಈ ಐಪಿಎಲ್​ ಅಗ್ನಿಪರೀಕ್ಷೆಯ ಕಣವಾಗಿದೆ. ಈ ಸೀಸನ್​ನ ಪರ್ಫಾಮೆನ್ಸ್​ ಪಂತ್​ ಹಣೆಬರಹವನ್ನ ಬದಲಾಯಿಸಲಿದೆ.

IPL ಅಖಾಡದಲ್ಲಿ ರಿಷಭ್​ ಪಂತ್​ಗೆ​ ಅಗ್ನಿಪರೀಕ್ಷೆ.!

ಈ ಸೀಸನ್​ನ ಐಪಿಎಲ್​ ಟೀಮ್​ ಇಂಡಿಯಾ ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ ರಿಷಭ್​ ಪಂತ್​ ಪಾಲಿಗೆ ಅಗ್ನಿಪರೀಕ್ಷೆಯ ಕಣ. ಈ ಸೀಸನ್​ ಐಪಿಎಲ್​​ನಲ್ಲಿ​ ಡೇರ್​​ಡೆವಿಲ್​​​ ರಿಷಭ್​ ಪಂತ್​ ಧೂಳೆಬ್ಬಿಸಲೇ ಬೇಕಿದೆ. ಅಬ್ಬರದ ಆಟವಾಡಿ ಪಂತ್​, ಸಾಮರ್ಥ್ಯವನ್ನ ಮತ್ತೊಮ್ಮೆ ನಿರೂಪಿಸಬೇಕಿದೆ. ಬ್ಯಾಟ್​ ಹಿಡಿದು ಘರ್ಜಿಸದಿದ್ರೆ ರಿಷಭ್​​ ಪಂತ್,​ ವೈಟ್​ ಬಾಲ್​ ಕರಿಯರ್​​ ಸಂಕಷ್ಟಕ್ಕೆ ಸಿಲುಕಲಿದೆ.

ಕಮ್​ಬ್ಯಾಕ್​​ ಬಳಿಕ T20ಯಲ್ಲಿ ಪಂತ್​ ಪವರ್​ಲೆಸ್​​.!

ಆ್ಯಕ್ಸಿಡೆಂಟ್​​ಗೆ ತುತ್ತಾಗಿ ಪವಾಡ ಸದೃಶ ರೀತಿಯಲ್ಲಿ ಬದುಕುಳಿದ​ ಪಂತ್​​ ಕ್ರಿಕೆಟ್​​ ಅಂಗಳಕ್ಕೆ ಮರಳಿದ್ದರು. ಕಳೆದ ಐಪಿಎಲ್​ ವೇಳೆ ಫೀಲ್ಡ್​ಗೆ ಕಮ್​ಬ್ಯಾಕ್​ ಮಾಡಿದ ಪಂತ್​ ಬ್ಯಾಟಿಂಗ್​ನಲ್ಲಿ ಹಳೆದ ಖದರ್​​ ಮಾಯವಾಗಿದೆ. IPLನಲ್ಲಿ ಒಕೆ ಒಕೆ ಪರ್ಫಾಮೆನ್ಸ್​ ನೀಡಿದ ರಿಷಭ್​ ಪಂತ್​, ಇಂಟರ್​ನ್ಯಾಷನಲ್​ ಕ್ರಿಕೆಟ್​ನಲ್ಲಿ ಸಾಧಾರಣ ಆಟವಾಡ್ತಿದ್ದಾರೆ.

ಕಮ್​ಬ್ಯಾಕ್​ ಬಳಿಕ T20Iನಲ್ಲಿ ಪಂತ್​

ಟೀಮ್​ ಇಂಡಿಯಾಗೆ ಕಮ್​ಬ್ಯಾಕ್​ ಮಾಡಿದ ಬಳಿಕ ಟಿ20 ಫಾರ್ಮೆಟ್​ನಲ್ಲಿ 10 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ರಿಷಭ್​ ಪಂತ್​ 22 ರನ್​ಗಳಿಸಿದ್ದಾರೆ. ಕೇವಲ 27.75ರ ಸರಾಸರಿ ಹೊಂದಿರೋ ಪಂತ್​, 131ರ ಸ್ಟ್ರೈಕ್​ರೇಟ್​ ಹೊಂದಿದ್ದಾರೆ.

ಏಕದಿನದಲ್ಲಿ ಬೆಂಚ್​​.. T20ಯಲ್ಲಿ ಸ್ಥಾನಕ್ಕೂ ಕುತ್ತು.!

ಸದ್ಯ ಟೀಮ್​ ಇಂಡಿಯಾದ ಏಕದಿನ ತಂಡದಲ್ಲಿ​ ಪಂತ್​ ಬೆಂಚ್​ಗೆ ಸೀಮಿತವಾಗಿದ್ದಾರೆ. ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​​ ಕೆ.ಎಲ್​ ರಾಹುಲ್​ ಸ್ಥಾನವನ್ನ ಕಬ್ಜಾ ಮಾಡಿದ್ದಾರೆ. ಇದೀಗ ಪಂತ್​ ಟಿ20 ಸ್ಥಾನಕ್ಕೂ ಕುತ್ತು ಬಂದಿದೆ. ಪಂತ್​ ಡಲ್​ ಪರ್ಫಾಮೆನ್ಸ್​ ನೀಡ್ತಾ ಇದ್ರೆ, ಉಳಿದ ಆಟಗಾರರು ಜಬರ್ದಸ್ತ್​ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಎಸ್ಪೆಷಲಿ ಸಂಜು ಸ್ಯಾಮ್ಸನ್​ ಸ್ಪೋಟಕ ಆಟವಾಡ್ತಿದ್ದು, ರಿಷಭ್​ ಪಂತ್​ ಜಾಗಕ್ಕೆ ಕುತ್ತು ತಂದಿದ್ದಾರೆ. ಇನ್ನೊರ್ವ ಯುವ ವಿಕೆಟ್​ ಕೀಪರ್ ಇಶಾನ್​ ಕಿಶನ್​ ಏನಾದ್ರೂ ಈ ಐಪಿಎಲ್​ನಲ್ಲಿ ಸಿಡಿದೆದ್ರೆ, ಪಂತ್​ಗೆ ಸಂಕಷ್ಟ ತಪ್ಪಿದ್ದಲ್ಲ.

ಬರೋಬ್ಬರಿ 27 ಕೋಟಿಗೆ ಒದಗಿಸಬೇಕಿದೆ ನ್ಯಾಯ.!

ರಿಷಭ್​ ಪಂತ್​.. ಐಪಿಎಲ್​ ಇತಿಹಾಸದ ಮೋಸ್ಟ್​ ಎಕ್ಸ್​ಪೆನ್ಸಿವ್​ ಪ್ಲೇಯರ್​​. ಒಂದಲ್ಲ, ಎರಡಲ್ಲ.. ಬರೋಬ್ಬರಿ 27 ಕೋಟಿ ರೂಪಾಯಿ ನೀಡಿ ಲಕ್ನೋ ಸೂಪರ್​ ಜೈಂಟ್ಸ್​ ತಂಡ ಈ ಬಾರಿ ಆಕ್ಷನ್​​ನಲ್ಲಿ ಖರೀದಿಸಿದೆ. ತನ್ನ ಆಟದ ಮೂಲಕ ಭವಿಷ್ಯವನ್ನ ಭದ್ರಪಡಿಸಿಕೊಳ್ಳೋದು ಮಾತ್ರವಲ್ಲ. ದುಬಾರಿ ಪ್ಲೇಯರ್ ಪಂತ್​​, ತೆಗೆದುಕೊಂಡಿರೋ​ ದುಬಾರಿ ಮೊತ್ತಕ್ಕೂ ಆನ್​ಫೀಲ್ಡ್​ನಲ್ಲಿ ನ್ಯಾಯ ಒದಗಿಸಬೇಕಿದೆ.

ಇದನ್ನೂ ಓದಿ: ನ್ಯೂ RCB ಟೀಮ್ ಹೇಗಿದೆ.. ಬಲಿಷ್ಠ ತಂಡದ ಸ್ಟ್ರೆಂಥ್​​​- ವೀಕ್ನೆಸ್ ಏನೇನು ಇವೆ?

ಹೇಳಿ ಕೇಳಿ.. ಲಕ್ನೋ ಸೂಪರ್​ ಜೈಂಟ್ಸ್​ ಮಾಲೀಕ ಸಂಜೀವ್​ ಗೊಯೆಂಕಾ ಪಕ್ಕಾ ಬ್ಯುಸಿನೆಸ್​ಮನ್. ದುಡ್ಡು ಕೊಡ್ತಿನಿ, ಪರ್ಫಾಮ್​ ಮಾಡಿ ಅನ್ನೋ ಲೆಕ್ಕಾಚಾರ ಗೋತೆಂಕಾದ್ದು. ಲೆಜೆಂಡರಿ ಕ್ಯಾಪ್ಟನ್​ ಎಮ್​.ಎಸ್​ ಧೋನಿಯನ್ನೇ ನಾಯಕತ್ವದಿಂದ ಕೆಳಗಿಳಿಸಿ ಅವಮಾನಿಸಿದ್ದ ಗೋಯೆಂಕಾ, ಕನ್ನಡಿಗ ಕೆ.ಎಲ್​ ರಾಹುಲ್​ ವಿಚಾರದಲ್ಲೂ ಇದೇ ರೀತಿ ನಡೆದುಕೊಂಡಿದ್ದ ಇತಿಹಾಸ ಹೊಂದಿದ್ದಾರೆ. ಇಂತಾ ಗೋಯೆಂಕಾ ಪಂತ್​ ಪರ್ಫಾಮ್​​ ಮಾಡ್ಲಿಲ್ಲ ಅಂದ್ರೆ ಬಿಡ್ತಾರಾ?.

ಈ ಬಾರಿಯ ಐಪಿಎಲ್​ ಟೂರ್ನಿ ವಿಕೆಟ್​ ಕೀಪರ್​ ಬ್ಯಾಟರ್​​ ರಿಷಭ್​ ಪಂತ್​ ಪಾಲಿಗೆ ಡು ಆರ್​ ಡೈ ವೇದಿಕೆಯಾಗಿದೆ. ಪರ್ಫಾಮ್​ ಮಾಡಿ ಶೈನ್​ ಆದ್ರೆ ಒಕೆ. ಇಲ್ಲದಿದ್ರೆ, ಕರಿಯರ್​ ಸಂಕಷ್ಟಕ್ಕೆ ಸಿಲುಕೋ ಸಾಧ್ಯತೆ ದಟ್ಟವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ