RCB ಸೇರಿದ ಫಿಲ್​ ಸಾಲ್ಟ್​ಗೆ ಜಾಕ್​ಪಾಟ್​​​; ತಂಡದಲ್ಲಿ ಮಹತ್ವದ ಜವಾಬ್ದಾರಿ

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ನಾಳೆಯಿಂದ ಶುರುವಾಗಲಿದೆ. ಮೆಗಾ ಹರಾಜಿನಲ್ಲಿ ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ಸ್ಟಾರ್​ ಆಟಗಾರರನ್ನೇ ಖರೀದಿ ಮಾಡುವ ಮೂಲಕ ಬಲಿಷ್ಠ ತಂಡವನ್ನು ಕಟ್ಟಿದೆ. ಅದರಲ್ಲೂ ಇಂಗ್ಲೆಂಡ್‌ ತಂಡದ ಸ್ಫೋಟಕ ಬ್ಯಾಟರ್‌ ಫಿಲ್‌ ಸಾಲ್ಟ್‌ ಅವರನ್ನು ಖರೀದಿ ಮಾಡುವಲ್ಲಿ ಆರ್​​ಸಿಬಿ ಯಶಸ್ವಿಯಾಗಿದೆ. ಇವರಿಗೆ ಬರೋಬ್ಬರಿ 11.50 ಕೋಟಿ ನೀಡಿ ಆರ್‌ಸಿಬಿ ತಂಡಕ್ಕೆ ಬರಮಾಡಿಕೊಂಡಿತು.

ಆರ್​​ಸಿಬಿ ತಂಡದಲ್ಲಿ ಹೊಸ ಜವಾಬ್ದಾರಿ

ಇನ್ನು, ಆರ್‌ಸಿಬಿ ವಿದೇಶಿ ಆರಂಭಿಕ ಆಟಗಾರನ ಹುಡುಕಾಟ ನಡೆಸಿತ್ತು. ನಮಗೆ ಉತ್ತಮ ಸ್ಟ್ರೈಕ್‌ ರೇಟ್​​ನೊಂದಿಗೆ ದೊಡ್ಡ ಇನಿಂಗ್ಸ್‌ ಕಟ್ಟುವ ಸ್ಟಾರ್ ಆಟಗಾರರ ಬೇಕಿತ್ತು. ಈ ರೀತಿಯ ಸ್ಫೋಟಕ ಇನಿಂಗ್ಸ್​ಗೆ ಹೆಸರು ವಾಸಿ ಫಿಲ್‌ ಸಾಲ್ಟ್‌. ಭಾರತದ ಪರ ಇಶಾನ್‌ ಕಿಶನ್‌ ಬಿಗ್ ಸ್ಕೋರ್‌ ಕಲೆ ಹಾಕಬಲ್ಲ ಪ್ಲೇಯರ್‌. ಆದರೆ ನಮ್ಮ ತಂಡ ಆರಂಭಿಕರಾಗಿ ವಿದೇಶಿ ಆಟಗಾರರನ್ನು ಮನಸ್ಸಿನಲ್ಲಿ ಇಟ್ಟುಕೊಂಡಿತ್ತು. ಹಾಗಾಗಿ ಇವರನ್ನು ಖರೀದಿ ಮಾಡಿದೆವು ಎಂದು ಆರ್​​ಸಿಬಿ ಬ್ಯಾಟಿಂಗ್​ ಕೋಚ್​​ ಮತ್ತು ಮೆಂಟರ್​ ದಿನೇಶ್​ ಕಾರ್ತಿಕ್.

ಆರ್​​ಸಿಬಿ ಸ್ಟ್ರಾಟಜಿ ಹೇಗಿತ್ತು?

28 ವರ್ಷದ ಇಂಗ್ಲೆಂಡ್ ತಂಡದ ಸ್ಫೋಟಕ ಆಟಗಾರ ಫಿಲ್​ ಸಾಲ್ಟ್​​ ತಮ್ಮ ಬಿರುಸಿನ ಬ್ಯಾಟಿಂಗ್‌ನಿಂದಲೇ ಹೆಸರು ವಾಸಿ. ಇವರು ಇಂಗ್ಲೆಂಡ್ ತಂಡದ ಪರ 38 ಟಿ20 ಪಂದ್ಯಗಳಲ್ಲಿ 165.32 ಸ್ಟ್ರೈಕ್‌ ರೇಟ್‌ನಲ್ಲಿ 1106 ರನ್‌ ಸಿಡಿಸಿದ್ದಾರೆ. ಅದರಲ್ಲೂ ಇವರ ಟ್ರ್ಯಾಕ್​ ರೆಕಾರ್ಡ್​ ನೋಡಿ ಆರ್​​ಸಿಬಿ ಖರೀದಿ ಮಾಡಿದೆ.

ಸಾಲ್ಟ್​​ ತನ್ನ ಕರಿಯರ್​ನಲ್ಲೇ ಶೇ. 28ರಷ್ಟು ಸಮಯ ಒಂದು ಓವರ್​​ನಲ್ಲಿ 6-8 ರನ್​​ ಗಳಿಸುತ್ತಾರೆ. ಶೇ. 30ರಷ್ಟು ಸಮಯ 1 ಓವರ್​​ನಲ್ಲಿ 12-15 ರನ್​​ ಕಲೆ ಹಾಕುತ್ತಾರೆ. 4 ಓವರ್​​ಗಳ ಪೈಕಿ 1ರಲ್ಲಿ 16ಕ್ಕೂ ಹೆಚ್ಚು ರನ್​​​ ಸಿಡಿಸುತ್ತಾರೆ. ಆವರೇಜ್​​ 2 ಓವರ್​​ಗೆ ಒಮ್ಮೆ 12 ರನ್​​ ಬಾರಿಸೋ ಸಾಮರ್ಥ್ಯ ಇದೆ.

ಫಿಲ್​ ಸಾಲ್ಟ್​ ಐಪಿಎಲ್​ ಸಾಧನೆ ಹೇಗಿದೆ?

ಇಂಗ್ಲೆಂಡ್ ತಂಡದ ವಿಕೆಟ್‌ ಕೀಪರ್-ಬ್ಯಾಟರ್ ಫಿಲಿಪ್ ಸಾಲ್ಟ್. ಇವರು ಸ್ಫೋಟಕ ಬ್ಯಾಟಿಂಗ್​​ನಿಂದಲೇ ಹೆಸರು ಮಾಡಿದವರು. 2024ರ ಐಪಿಎಲ್​ನಲ್ಲಿ ಕೆಕೆಆರ್​ ತಂಡದ ಪರ ಫಿಲ್​ ಸಾಲ್ಟ್ ಆರಂಭಿಕ ಬ್ಯಾಟರ್‌ ಆಗಿ ಬಿಗ್ ಇನ್ನಿಂಗ್ಸ್‌ ಆಡಿದ್ದರು. ಕೆಕೆಆರ್ ಫೈನಲ್‌ ತಲುಪಲು ನೆರವಾಗಿದ್ದರು. ಇದುವರೆಗೂ ತಾನು ಆಡಿರೋ 21 ಐಪಿಎಲ್​ ಪಂದ್ಯಗಳಲ್ಲಿ 653 ರನ್‌ ಬಾರಿಸಿದ್ದಾರೆ. ಇದರಲ್ಲಿ 6 ಅರ್ಧಶತಕಗಳು ಸೇರಿವೆ.

ಇವರ ಟ್ರ್ಯಾಕ್​​ ರೆಕಾರ್ಡ್​ ನೋಡಿ ಆರ್​​ಸಿಬಿ ಬೆಚ್ಚಿಬಿದ್ದಿತ್ತು. ಪ್ಲಾನ್​ ಪ್ರಕಾರ ಇವರೇ ಆರ್​​ಸಿಬಿ ತಂಡದ ಓಪನಿಂಗ್​​ ಸ್ಲಾಟ್​​ಗೆ ಬೇಕು ಎಂದು ಖರೀದಿ ಮಾಡಲಾಗಿದೆ. ಇವರು ಈಗಾಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 3 ಶತಕ ಹಾಗೂ 4 ಅರ್ಧಶತಕಗಳನ್ನು ಬಾರಿಸಿದ್ದಾರೆ. ಎಷ್ಟೋ ಪಂದ್ಯಗಳನ್ನು ಏಕಾಂಗಿಯಾಗಿ ಗೆಲ್ಲಿಸಿರೋ ಆಟಗಾರ ಸಾಲ್ಟ್​.

ಇದನ್ನೂ ಓದಿ:ಮೈಂಡ್​ ಚೆನ್ನಾಗಿ ವರ್ಕ್​ ಆಗಬೇಕಾ? ನೀವು ಈ ಕೆಲಸ ಮಾಡಿದ್ರೆ ಸಾವು!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ