ಅಂತಿಮ ಹಂತ ತಲುಪಿದ್ದರೂ ಪ್ಲೇ-ಆಫ್​ ಬಗ್ಗೆ ಕ್ಲಾರಿಟಿನೇ ಇಲ್ಲ.. 5 ತಂಡ, 4 ಸ್ಥಾನ..! RCB ಕತೆ..?

ಐಪಿಎಲ್​​ನಲ್ಲಿ ಪ್ಲೇ-ಆಫ್​​ಗಾಗಿ ನಡೆಯುತ್ತಿರುವ ಜಿದ್ದಾಜಿದ್ದಿನ ಪೈಪೋಟಿ ತೀವ್ರಗೊಂಡಿದೆ. ಅಂತಿಮಘಟ್ಟ ತಲುಪಲು ಕೇಲವೇ ಕೆಲವು ಪಂದ್ಯಗಳು ಮಾತ್ರ ಬಾಕಿ ಉಳಿದಿದ್ದರೂ ಇನ್ನೂ ಸರಿಯಾದ ಕ್ಲಾರಿಟಿ ಮಾತ್ರ ಸಿಕ್ಕಿಲ್ಲ.

ಆರ್​ಸಿಬಿ, ಪಂಜಾಬ್ ಕಿಂಗ್ಸ್, ಗುಜರಾತ್ ಟೈಟನ್ಸ್, ಮುಂಬೈ ಇಂಡಿಯನ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್​ ಕ್ವಾಲಿಫೈ ಆಗಲು ತೀವ್ರ ಪೈಪೋಟಿ ನಡೆಸ್ತಿವೆ. ಆದರೆ ಈ ಐದು ತಂಡಗಳಲ್ಲಿ ಯಾವುದು ಪ್ಲೇ-ಆಫ್​ನಿಂದ ಹೊರಗೆ ಬೀಳಲಿದೆ ಅನ್ನೋದು ಮಾತ್ರ ಖಚಿತವಾಗ್ತಿಲ್ಲ. ಇನ್ನು ಆರನೇ ಸ್ಥಾನದಲ್ಲಿರುವ ಕೋಲ್ಕತ್ತ ನೈಟ್ ರೈಡರ್ಸ್​ ಪ್ಲೇ-ಆಫ್​ ರೇಸ್​ನಿಂದ ಹೊರ ಬಿದ್ದಿದೆ.

ಇದನ್ನೂ ಓದಿ: ವೈಷ್ಣವ್​ ಮದ್ವೆಯಲ್ಲಿ ಕೀರ್ತಿ, ಲಕ್ಷ್ಮಿ ಲಕಲಕ.. ಶಮಂತ್ ಗಟ್ಟಿಮೇಳಕ್ಕೆ ಲಕ್ಷ್ಮೀ ಬಾರಮ್ಮ ಟೀಂ ಸರ್ಪ್ರೈಸ್ ಎಂಟ್ರಿ..! ​

ಉಳಿದಿರುವ ಐದು ತಂಡಗಳಲ್ಲಿ ಒಂದು ತಂಡ ಪ್ಲೇ-ಆಫ್​ನಿಂದ ಹೊರ ಬೀಳೋದು ಪಕ್ಕಾ. ಸದ್ಯದ ಪಾಯಿಂಟ್ಸ್ ಪಟ್ಟಿ ನೋಡೋದಾದರೆ, ಆರ್​ಸಿಬಿ, ಪಂಜಾಬ್ ಕಿಂಗ್ಸ್ ಮತ್ತು ಗುಜರಾತ್ ಟೈಟನ್ಸ್ 8 ಪಂದ್ಯಗಳನ್ನು ಗೆದ್ದು ನೆಟ್​ ರನ್​ಟೇಟ್ ಆಧಾರದ ಮೇಲೆ ಕ್ರಮವಾಗಿ ಮೊದಲ ಮೂರು ಸ್ಥಾನದಲ್ಲಿವೆ.

ಇಲ್ಲಿ ಇನ್ನೊಂದು ವಿಚಾರ ಅಂದರೆ ಆರ್​ಸಿಬಿ ಮತ್ತು ಪಂಜಾಬ್ ಕಿಂಗ್ಸ್ 12 ಪಂದ್ಯಗಳನ್ನು ಆಡಿವೆ. ಆದರೆ ಗುಜರಾತ್ ಟೈಟನ್ಸ್​ ಕೇವಲ 11 ಪಂದ್ಯಗಳನ್ನು ಆಡಿದೆ. ಇದೀಗ 12ನೇ ಪಂದ್ಯವನ್ನು ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧ ಆಡ್ತಿದೆ. ಆರ್​ಸಿಬಿ ಮತ್ತು ಪಂಜಾಬ್ ಕಿಂಗ್ಸ್ ಮುಂದೆ ಇನ್ನೂ ಎರಡೆರಡು ಪಂದ್ಯಗಳಿದ್ದು, ಅವುಗಳಲ್ಲಿ ಒಂದು ಪಂದ್ಯ ಗೆದ್ದರೆ ಪ್ಲೇ-ಆಫ್ ಹಾದಿ ಖಚಿತವಾಗಲಿದೆ. ಆದರೆ ಗುಜರಾತ್ ಟೈಟನ್ಸ್​ಗೆ ಇಂದು ಆಡುತ್ತಿರುವ ಪಂದ್ಯ ಸೇರಿ ಒಟ್ಟು ಮೂರು ಪಂದ್ಯಗಳು ಬಾಕಿ ಇವೆ. ಇಂದು ಗೆದ್ದರೆ ಗುಜರಾತ್ ಟೈಟನ್ಸ್ ಪ್ಲೇ, ಆಫ್​ಗೆ ಹೋಗಲಿದೆ. ಸೋತರೂ ಚಿಂತಿಸಬೇಕಾದ ಅಗತ್ಯ ಇಲ್ಲ. ಉಳಿದಿರುವ ಎರಡು ಪಂದ್ಯಗಳಲ್ಲಿ ಒಂದು ಮ್ಯಾಚ್ ಗೆದ್ದರೆ ಸಾಕು.

ಇದನ್ನೂ ಓದಿ: ನಿನ್ನೆಯ ಪಂದ್ಯ ರದ್ದು.. ಅಭಿಮಾನಿಗಳಿಗೆ ಬಿಗ್​ ಅಪ್​ಡೇಟ್ಸ್​ ಕೊಟ್ಟ ಆರ್​ಸಿಬಿ..

ನಾಲ್ಕು ಮತ್ತು ಐದನೇ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಇವೆ. ಮುಂಬೈ ಇಂಡಿಯನ್ಸ್ ಈಗಾಗಲೇ 12 ಪಂದ್ಯಗಳನ್ನು ಆಡಿದೆ. ಅದರಲ್ಲಿ 7 ಪಂದ್ಯಗಳನ್ನು ಗೆದ್ದುಕೊಂಡು 14 ಅಂಕಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದೆ. ಮುಂಬೈ ಇಂಡಿಯನ್ಸ್ ಬಳಿ ಇನ್ನೂ ಎರಡೂ ಪಂದ್ಯಗಳು ಬಾಕಿ ಇದ್ದು, ಎರಡರಲ್ಲೂ ಗೆದ್ದರೆ ಪ್ಲೇ-ಆಫ್ ಪ್ರವೇಶಿಸುವ ಸಾಧ್ಯತೆ ಇದೆ.

ಇನ್ನು ಐದನೇ ಸ್ಥಾನದಲ್ಲಿದ್ದುಕೊಂಡು ಪೈಪೋಟಿ ನೀಡ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್​ ಇಂದು ಗುಜರಾತ್ ಟೈಟನ್ಸ್​ ತಂಡವನ್ನು ಎದುರಿಸುತ್ತಿದೆ. 6 ಪಂದ್ಯವನ್ನು ಗೆದ್ದು 13 ಅಂಕಗಳೊಂದಿಗೆ ಸೆಣಸಾಟ ನಡೆಸ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್ ಇಂದು ಗೆದ್ದರೆ 15 ಅಂಕಗಳೊಂದಿಗೆ ನಾಲ್ಕನೇ ಸ್ಥಾನಕ್ಕೆ ಹೋಗಲಿದೆ. ಜೊತೆಗೆ ಇನ್ನುಳಿದ ಎರಡೂ ಪಂದ್ಯವನ್ನು ಗೆದ್ದರೆ ಡೆಲ್ಲಿ ಕ್ಯಾಪಿಟಲ್ಸ್ ಕೂಡ ಪ್ಲೇ-ಆಫ್ ಪ್ರವೇಶ ಮಾಡುವ ಸಾಧ್ಯತೆ ಇದೆ. ಹೀಗಾಗಿ ಈ ಐದೂ ತಂಡಗಳಿಗೂ ಗೆಲುವಿನ ಜೊತೆಗೆ ನೆಟ್​ರೇಟ್​ ಕೂಡ ಪ್ಲೇ-ಆಫ್​ಗೆ ತುಂಬಾನೇ ಮುಖ್ಯವಾಗಿದೆ.

ಇದನ್ನೂ ಓದಿ: ಶ್ರೇಯಸ್​ ಅಯ್ಯರ್​​ಗೆ ಮತ್ತೊಂದು ಗೆಲುವು, ಆದರೂ ಪ್ಲೇ-ಆಫ್ ಎಂಟ್ರಿ ಖಚಿತವಾಗಿಲ್ಲ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್