ಆರ್​ಸಿಬಿಯಲ್ಲಿ ಮೇಜರ್ ಸರ್ಜರಿ; ಮೂವರು ಸಹಾಯಕ ಸಿಬ್ಬಂದಿಗೆ ಗೇಟ್​ಪಾಸ್

ಮುಂಬರುವ ಐಪಿಎಲ್​ಗೂ ಮುನ್ನ ಆರ್​​ಸಿಬಿ ತಂಡದ ಸಪೋರ್ಟ್​ ಸ್ಟಾಫ್​ ವಿಭಾಗಕ್ಕೆ ಮೇಜರ್ ಸರ್ಜರಿ ಮಾಡಿದೆ. ಬ್ಯಾಟಿಂಗ್​ ಕೋಚ್​​ ನೀಲ್​ ಮೆಕೇಂಜಿ, ಬೌಲಿಂಗ್​ ಕೋಚ್​ ಆ್ಯಡಮ್​ ಗ್ರಿಫಿತ್​ಗೆ ಗೇಟ್​ಪಾಸ್ ನೀಡಿದೆ.

ಜೊತೆಗೆ ಸೈಕಾಲಜಿಸ್ಟ್​ ಜೇಮ್ಸ್​ ಬೆಲ್​ಗೂ ಫ್ರಾಂಚೈಸಿ ಗುಡ್​ಬೈ ಹೇಳಿದೆ. ಆ್ಯಡಮ್​ ಗ್ರಿಫಿತ್​ ಸ್ಥಾನಕ್ಕೆ ಓಂಕಾರ್​ ಸಾಲ್ವಿಯನ್ನ ಬೌಲಿಂಗ್​ ಕೋಚ್​ ಆಗಿ ಆರ್​​ಸಿಬಿ ನೇಮಿಸಿದೆ. ಮೆಂಟರ್​ ದಿನೇಶ್​ ಕಾರ್ತಿಕ್​ ಬ್ಯಾಟಿಂಗ್​ ಕೋಚ್​ ಜವಾಬ್ದಾರಿ ನಿಭಾಯಿಸಲಿದ್ದಾರೆ.

ನವೆಂಬರ್ 24-25 ರಂದು ದುಬೈನಲ್ಲಿ ಮೆಗಾ ಹರಾಜು ನಡೆಯಲಿದೆ. ಅಲ್ಲಿ ಆರ್​ಸಿಬಿ ಯಾವೆಲ್ಲ ಆಟಗಾರರನ್ನು ಖರೀದಿ ಮಾಡಲಿದೆ ಅನ್ನೋದು ಗೊತ್ತಾಗಲಿದೆ. ಇನ್ನು ಮೂವರನ್ನು ಆರ್​ಸಿಬಿ ಉಳಿಸಿಕೊಂಡಿದ್ದು, ಉಳಿದ ಆಟಗಾರರನ್ನು ರಿಲೀಸ್ ಮಾಡಿದೆ. ಆರ್​ಟಿಎಂ ಅಡಿಯಲ್ಲಿ ಇನ್ನೂ ಮೂವರನ್ನು ತಂಡಕ್ಕೆ ಮರು ಆಯ್ಕೆಮಾಡಿಕೊಳ್ಳುವ ಹಕ್ಕನ್ನೂ ಆರ್​ಸಿಬಿ ಹೊಂದಿದೆ.

ಇದನ್ನೂ ಓದಿ:ಆರ್​ಸಿಬಿ ಈ ಯಂಗ್ ಆಟಗಾರನಿಗೆ ಕ್ಯಾಪ್ಟನ್ಸಿ ನೀಡಬೇಕು -ಉತ್ತಪ್ಪ ಹೇಳಿದ ಹೆಸರು ಯಾವುದು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್