RCB, ಶ್ರೇಯಾಂಕ ಪಾಟೀಲ್ ಅಭಿಮಾನಿಗಳಿಗೆ ಸ್ವೀಟ್ ನ್ಯೂಸ್.. ಹೊಸ ಸಮಾಚಾರ..!

3ನೇ ಆವೃತ್ತಿಯ ಮಹಿಳಾ ಪ್ರೀಮಿಯರ್​ ಲೀಗ್​ಗೆ ಕೌಂಟ್​​ಡೌನ್​ ಶುರುವಾಗಿದೆ. ಫೆಬ್ರವರಿ 14 ರಿಂದ WPL ಟೂರ್ನಿ ಆರಂಭವಾಗಲಿದ್ದು ಫ್ರಾಂಚೈಸಿಗಳ ವಲಯದಲ್ಲಿ ಚಟುವಟಿಕೆಗಳು ಗರಿಗೆದರಿವೆ. ಪ್ರ್ಯಾಕ್ಟಿಸ್​​ ಕ್ಯಾಂಪ್​, ಟೀಮ್​ ಬಾಂಡಿಂಗ್​ ಸೆಷನ್​, ಫೋಟೋ ಶೂಟ್​ ಅಂತಾ ಚುಟುಕು ಲೀಗ್​​ ಫೈಟ್​ನ ಫೀವರ್​ ಕ್ರಿಕೆಟ್​ ವಲಯದಲ್ಲಿ ಹೆಚ್ಚಾಗ್ತಿದೆ.

RCB ಹುಡುಗಿಯರಿಗೆ ಹೊಸ ಜೆರ್ಸಿ

ಹಾಲಿ ಚಾಂಪಿಯನ್​​ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಟೈಟಲ್​ ಡಿಫೆಂಡ್​ ಮಾಡಿಕೊಳ್ಳಲು ಸಜ್ಜಾಗ್ತಿದೆ. ಈಗಾಗಲೇ ಬೆಂಗಳೂರಿನಲ್ಲಿ ಕ್ಯಾಂಪ್​ ಶುರುವಾಗಿದ್ದು ಸ್ಮೃತಿ ಮಂದಾನ ಬಳಗ ಭರ್ಜರಿಯಾಗಿ ಅಭ್ಯಾಸ ನಡೆಸ್ತಿದೆ. ಅಭ್ಯಾಸದ ನಡುವೆ ಫೋಟೋಶೂಟ್​ ನಡೆದಿದ್ದು, ಆಟಗಾರ್ತಿಯರು ಹೊಸ ಜೆರ್ಸಿ ತೊಟ್ಟು ಮಿಂಚಿದ್ದಾರೆ. ಶೂಟ್​ ವೇಳೆ ಕ್ಯಾಪ್ಟನ್​ ಸ್ಮೃತಿ ಮಂದಾನ, ಶ್ರೇಯಾಂಕ ಪಾಟೀಲ್, ಕನಿಕಾ ಅಹುಜಾ, ರೇಣುಕಾ ಸಿಂಗ್ ಸೇರಿದಂತೆ ಎಲ್ಲಾ ಆಟಗಾರ್ತಿಯರು ಪರಸ್ಪರ ಕಾಲೆಳೆದುಕೊಂಡು ಫುಲ್​ ಮಸ್ತಿ ಮಾಡಿದ್ದಾರೆ.

ಇದನ್ನೂ ಓದಿ: ಟೀಮ್​ ಇಂಡಿಯಾ ಮುಖ್ಯ ಕೋಚ್​ ಗಂಭೀರ್​​ ವಿರುದ್ಧ ಕಠಿಣಕ್ರಮ; ಬಿಸಿಸಿಐನಿಂದ ಮಹತ್ವದ ನಿರ್ಧಾರ

ಮುಂಬೈನಲ್ಲಿ ಫುಲ್​ ಸೌಂಡ್​

3ನೇ ಸೀಸನ್​​ಗೆ ಮುಂಬೈ ಇಂಡಿಯನ್ಸ್​ ತಂಡ ಡಿಫ್ರೆಂಟ್​ ಸಿದ್ಧತೆ ಆರಂಭಿಸಿದೆ. ಅಭ್ಯಾಸದ ಜೊತೆ ಜೊತೆಗೆ ಟೀಮ್​ ಬಾಂಡಿಂಗ್​ಗೆ ಹೆಚ್ಚು ಒತ್ತು ನೀಡಿದೆ. ಇದರ ಭಾಗವಾಗಿ ಟೀಮ್​ ಹೋಟೆಲ್​ನಲ್ಲಿ ಫ್ರಾಂಚೈಸಿ ಸ್ಪೆಷಲ್​ ಪಾರ್ಟಿ ಆಯೋಜಿಸಿತ್ತು. ಪಾರ್ಟಿಯಲ್ಲಿ ಭಾಗಿಯಾದ ಆಟಗಾರ್ತಿಯರು ಹಾಡಿ, ಕುಣಿದು ಸಂಭ್ರಮಿಸಿದ್ದಾರೆ. ಸಪೋರ್ಟ್​ ಸ್ಟಾಫ್​ ಕೂಡ ಆಟಗಾರ್ತಿಯರ ಜೊತೆ ಮಸ್ತಿ ಮಾಡಿದ್ದಾರೆ. ಚಾರ್ಲೆಟ್​ ಎಡ್ವರ್ಡ್ಸ್​​, ಜುಲಾನ್​ ಗೋಸ್ವಾಮಿ, ಕಿರಣ್​ ಮೋರೆ ಕೂಡ ಸ್ಟೆಪ್ಸ್​ ಹಾಕಿದ್ದಾರೆ.

ಇದನ್ನೂ ಓದಿ: ಇನ್ಮುಂದೆ ಐಫೋನ್​​ 16 ಬ್ಯಾನ್​​; ಹೊಸ ಕಾನೂನಿಗೆ ಬೆಚ್ಚಿಬಿದ್ದ ಜನ; ನೀವು ಓದಲೇಬೇಕಾದ ಸ್ಟೋರಿ

ಗುಜರಾತ್​ ರೆಡಿ..

ಸೀಸನ್​ಗೂ ಮುನ್ನ ತಂಡಕ್ಕೆ ಸರ್ಜರಿ ಮಾಡಿರೋ ಗುಜರಾತ್​ ಜೈಂಟ್ಸ್​ ತಂಡ ಬೆತ್​ ಮೊನಿಗೆ ನಾಯಕತ್ವದಿಂದ ಕೊಕ್​ ಕೊಟ್ಟಿದೆ. ಬೆತ್​ ಮೊನಿ ಬದಲು ಆ್ಯಶ್ಲೆ ಗಾರ್ಡ್ನರ್​​ ನಾಯಕತ್ವದಲ್ಲಿ ಹೊಸ ಹುರುಪಿನೊಂದಿಗೆ ಸೀಸನ್​ ಆರಂಭಿಸಲು ಸಜ್ಜಾಗಿದೆ. ಈಗಾಗಲೇ ಗುಜರಾತ್​ ಟೀಮ್​ನ ಪ್ರಾಕ್ಟಿಸ್​ ಕ್ಯಾಂಪ್​ ಶುರುವಾಗಿದ್ದು, ಆಟಗಾರ್ತಿಯರು ಭರ್ಜರಿ ಅಭ್ಯಾಸವನ್ನೂ ನಡೆಸಿದ್ದಾರೆ.

ಡೆಲ್ಲಿ ಕಠಿಣ ಅಭ್ಯಾಸ

ಡೆಲ್ಲಿ ಕ್ಯಾಪಿಟಲ್ಸ್​ ಫ್ರಾಂಚೈಸಿಯಲ್ಲೂ ಸೀಸನ್​ 3ಕ್ಕೆ ಭಾರೀ ಸಿದ್ಧತೆ ನಡೀತಿದೆ. ಬಹುತೇಕ ಪ್ಲೇಯರ್ಸ್​ ತಂಡ ಕೂಡಿಕೊಂಡಿದ್ದು, ಅಭ್ಯಾಸ ಆರಂಭಿಸಿದ್ದಾರೆ. ಇದ್ರ ನಡುವೆ ಫನ್​ ಕ್ಷಣಗಳನ್ನೂ ಕಳೆದಿದ್ದಾರೆ.

ಯುಪಿಗೆ ಬೇಸರ

ಎಲ್ಲಾ ಫ್ರಾಂಚೈಸಿಗಳಲ್ಲಿ ಸಂಭ್ರಮ ಮನೆ ಮಾಡಿದ್ರೆ, ಯುಪಿ ಫ್ರಾಂಚೈಸಿ ಬೇಸರದಲ್ಲಿದೆ. ತಂಡದ ನಾಯಕಿ ಅಲಿಸಾ ಹೀಲಿ ಇಂಜುರಿಗೆ ತುತ್ತಾಗಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಸೀಸನ್​ ಆರಂಭಕ್ಕೂ ಮುನ್ನವೇ ಆಘಾತ ಎದುರಾಗಿದ್ದು, ಬೇಸರದಲ್ಲೇ ಯುಪಿ ಫ್ರಾಂಚೈಸಿ ಅಲಿಸಾ ಹೀಲಿಗೆ ಗುಡ್​ ಬೈ ಹೇಳಿದೆ. ಒಟ್ಟಿನಲ್ಲಿ, WPL ಫೀವರ್​ ನಿಧಾನಕ್ಕೆ ಕ್ರಿಕೆಟ್​ ವಲಯವನ್ನ ಆವರಿಸುತ್ತಿದೆ. ಮಹಿಳಾ ಪ್ರೀಮಿಯರ್​ ಲೀಗ್​ನ ಮಹಾ ಕದನಗಳನ್ನ ನೋಡಲು ಫ್ಯಾನ್ಸ್​ ಕೂಡ ಕಾತರಾಗಿದ್ದಾರೆ. ಅಖಾಡದಲ್ಲಿ ಆಟ ಶುರುವಾಗೋದಷ್ಟೇ ಬಾಕಿ.

ಇದನ್ನೂ: ಕೇಜ್ರಿವಾಲ್ ಹ್ಯಾಟ್ರಿಕ್ ಕನಸು ಭಗ್ನ ಎಂದಿರುವ ಸಮೀಕ್ಷೆಗಳು.. ದೆಹಲಿ ದಂಗಲ್​ ಕ್ಲೈಮ್ಯಾಕ್ಸ್​ನಲ್ಲಿ ಭಾರೀ ಕುತೂಹಲ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್