ಪ್ಲೇ-ಆಫ್​ ರೇಸ್​ನಲ್ಲಿ ಒಟ್ಟು 6 ತಂಡಗಳು.. ಯಾವ್ಯಾವ ತಂಡದ ಲಕ್ ಬದಲಾಗಬೇಕು..?

IPL ಸೀಸನ್​ 18ರ ಫಸ್ಟ್​ ಹಾಫ್​ ಮುಗಿದಾಯ್ತು. ಈಗ ಪ್ಲೇ ಆಫ್​​ ಲೆಕ್ಕಾಚಾರ ಐಪಿಎಲ್​ ಅಂಗಳದಲ್ಲಿ ಜೋರಾಗಿದೆ. ಯಾವ ತಂಡ ಪ್ಲೇ ಆಫ್​ಗೆ ಎಂಟ್ರಿ ಕೊಡುತ್ತೆ? ಯಾವ ತಂಡ ಔಟ್​ ಆಗುತ್ತೆ? ಅನ್ನೋ ಚರ್ಚೆ ಶುರುವಾಗಿದೆ.

ಫಸ್ಟ್​ ಟೀಮ್​ ಆಗಿ ಪ್ಲೇ ಆಫ್​ಗೆ ಗುಜರಾತ್​​ ಎಂಟ್ರಿ!

​ಕಳೆದ ಸೀಸನ್​ನಲ್ಲಿ ಪಾತಾಳಕ್ಕೆ ಕುಸಿದಿದ್ದ ಗುಜರಾತ್​ ಟೈಟನ್ಸ್​ ಈ ಸೀಸನ್​ನಲ್ಲಿ ಸೂಪರ್​ ಡೂಪರ್​ ಪರ್ಫಾಮೆನ್ಸ್​ ನೀಡ್ತಿದೆ. ಈಗಾಗಲೇ ಆಡಿರುವ 8 ಪಂದ್ಯಗಳ ಪೈಕಿ 6 ಮ್ಯಾಚ್​​​ಗಳಲ್ಲಿ ಗುಜರಾತ್​ ಗೆದ್ದು ಬೀಗಿದೆ. +1.104 ರನ್​​ರೇಟ್​ ಹೊಂದಿರೋ ಗುಜರಾತ್​ ಪಾಯಿಂಟ್ಸ್​ ಟೇಬಲ್​ನಲ್ಲಿ ನಂಬರ್​ 1 ಸ್ಥಾನದಲ್ಲಿದೆ. ಉಳಿದ 6 ಪಂದ್ಯಗಳಲ್ಲಿ 4 ಪಂದ್ಯ ಗೆದ್ರೆ ಸಲೀಸಾಗಿ ಪ್ಲೇ ಆಫ್​ಗೆ ಕ್ವಾಲಿಫೈ ಆಗಲಿದೆ.

ಇದನ್ನೂ ಓದಿ: ಈ ಬಾರಿ ಸೋಲುವುದರಲ್ಲೇ ಧೋನಿ ದಾಖಲೆ.. ಚೆನ್ನೈಗೆ ನಿನ್ನೆ ಎಷ್ಟನೇ ಸೋಲು..?

ಸಲೀಸಾಗಿ ಕ್ವಾಲಿಫೈ ಆಗುತ್ತಾ ಡೆಲ್ಲಿ ಕ್ಯಾಪಿಟಲ್ಸ್​?

ಆಡಿರೋ 8 ಪಂದ್ಯಗಳಲ್ಲಿ 6 ಪಂದ್ಯ ಗೆದ್ದಿರೋ ಡೆಲ್ಲಿ ಕ್ಯಾಪಿಟಲ್ಸ್​ ಪ್ಲೇ ಆಫ್​ಗೆ ಎಂಟ್ರಿ ಕೊಡೋಕೆ ತುದಿಗಾಲಲ್ಲಿ ನಿಂತಿದೆ. ಬೌಲಿಂಗ್​, ಬ್ಯಾಟಿಂಗ್​ ಎರಡರಲ್ಲೂ ಬ್ಯಾಲೆನ್ಸಿಂಗ್​ ಅಟವಾಡ್ತಿರೋ ಡೆಲ್ಲಿ ತಂಡ ಸದ್ಯ ಆತ್ಮವಿಶ್ವಾಸದ ಅಲೆಯಲ್ಲಿದೆ. ಇನ್ನುಳಿದ 6 ಪಂದ್ಯಗಳ ಪೈಕಿ 4 ಮ್ಯಾಚ್​ ಗೆದ್ರೆ ಸಾಕು ಡೆಲ್ಲಿ ಡೈರೆಕ್ಟ್​ ಎಂಟ್ರಿ ಕೊಡಲಿದೆ. ರನ್​ರೇಟ್​​ ಕೂಡ ಉತ್ತಮವಾಗಿರೋದ್ರಿಂದ ಡೆಲ್ಲಿನ ತಡೆಯೋಕೆ ಆಗಲ್ಲ.

ಪ್ಲೇ ಆಫ್​ಗೆ ಬೆಂಗಳೂರು ‘ರಾಯಲ್​​’ ಎಂಟ್ರಿ?

ಹೊಸ ಕ್ಯಾಪ್ಟನ್​ ರಜತ್​ ಪಟಿದಾರ್​ ನಾಯಕತ್ವದಡಿಯಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ರಾಯಲ್​ ಪರ್ಫಾಮೆನ್ಸ್​ ನೀಡ್ತಾ ಇದೆ. 9 ಪಂದ್ಯಗಳಲ್ಲಿ 6 ಪಂದ್ಯ ಗೆದ್ದು ಬೀಗಿರೋ ಆರ್​​ಸಿಬಿಯ ರನ್​ರೇಟ್​ ಕೂಡ ಉತ್ತಮವಾಗಿದೆ. ಸೇಫ್​ ಆಗಬೇಕಂದ್ರೆ ಇನ್ನುಳಿದಿರೋ 5 ಪಂದ್ಯಗಳ ಪೈಕಿ ಕನಿಷ್ಟ 3 ಗೆಲ್ಲಬೇಕಿದೆ.

ಮುಂಬೈ ಹೈ ಜಂಪ್, ಪ್ಲೇ ಆಫ್​ ರೇಸ್​ಗೆ ಎಂಟ್ರಿ

ರಣರೋಚಕ ಕಮ್​​ಬ್ಯಾಕ್​ ಮಾಡಿರೋ ಮುಂಬೈ ಇಂಡಿಯನ್ಸ್​​ ಸದ್ಯ ಪ್ಲೇ ಆಫ್​ಗೆ ಎಂಟ್ರಿ ಕೊಡೋ ಹಾಟ್​ ಫೇವರಿಟ್​​ ಅನಿಸಿದೆ. ಪಾಯಿಂಟ್ಸ್​ ಟೇಬಲ್​​ನ ತಳದಿಂದ 4ನೇ ಸ್ಥಾನಕ್ಕೆ ಹೈ ಜಂಪ್​ ಮಾಡಿರೋ ಮುಂಬೈ 10 ಅಂಕಗಳನ್ನ ಹೊಂದಿದೆ. ಉಳಿದ 5 ಮ್ಯಾಚ್​​ಗಳಲ್ಲಿ 4 ಪಂದ್ಯ ಗೆದ್ರೆ ಮುಂಬೈ ಎಂಟ್ರಿಯಂತೂ ಪಕ್ಕಾ.

ಇದನ್ನೂ ಓದಿ: ಆರ್​ಆರ್ ವಿರುದ್ಧ ಗೆದ್ದ ಬೆನ್ನಲ್ಲೇ ಆರ್​ಸಿಬಿಗೆ ಮತ್ತೊಂದು ಖುಷಿ ಸುದ್ದಿ; ಫ್ಯಾನ್ಸ್ ಖುಷ್..!

ಪವರ್​ಫುಲ್​ ಪಂಜಾಬ್​ನ ತಡಿಯೋದು ಕಷ್ಟ

ಶ್ರೇಯಸ್​​ ಅಯ್ಯರ್​ ನಾಯಕತ್ವದಲ್ಲಿ ಘರ್ಜಿಸ್ತಾ ಇರೋ ಪಂಜಾಬ್​ ಲಯನ್ಸ್​​ ಬೊಂಬಾಟ್​ ಆಡವಾಡ್ತಿದೆ. ಆಡಿದ ಪಂದ್ಯಗಳಲ್ಲಿ 5ರಲ್ಲಿ ಗೆದ್ದು 3 ಪಂದ್ಯ ಸೋತಿದೆ. 10 ಪಾಯಿಂಟ್ಸ್​​ ಜೊತೆಗೆ ಪಾಯಿಂಟ್ಸ್​ ಟೇಬಲ್​ನಲ್ಲಿ 5ನೇ ಸ್ಥಾನದಲ್ಲಿರೋ ಪಂಜಾಬ್​​ನ ಕಡೆಗಣಿಸುವಂತೆ ಇಲ್ಲ. ಉಳಿದಿರೋ 6 ಪಂದ್ಯಗಳಲ್ಲಿ 4 ಗೆದ್ರೆ ಪ್ಲೇ ಆಫ್​ ಟಿಕೆಟ್​ಗಿಟ್ಟಿಸಿಕೊಳ್ಳಲಿದೆ. ಸದ್ಯಕ್ಕಿರೋ ತಂಡದ ಆಟ ನೋಡಿದ್ರೆ ಇದೇನೂ ಕಷ್ಟದ ವಿಚಾರವಲ್ಲ.

ನಂಬರ್​ ಗೇಮ್​ನಲ್ಲಿ ಲಕ್ನೋಗೆ ಲಕ್​ ಖುಲಾಯಿಸುತ್ತಾ?

ಪಾಯಿಂಟ್ಸ್​ ಟೇಬಲ್​ನಲ್ಲಿ 6ನೇ ಸ್ಥಾನದಲ್ಲಿರೋ ಲಕ್ನೋ ಸೂಪರ್​ ಜೈಂಟ್ಸ್​ಗೂ ಇನ್ನೂ ಚಾನ್ಸ್​ ಇದೆ. 9 ಪಂದ್ಯಗಳಲ್ಲಿ 5 ಗೆದ್ದು 4ರಲ್ಲಿ ಸೋತಿರೋ ಲಕ್ನೋ ಸೂಪರ್​ ಜೈಂಟ್ಸ್​ ಅಕೌಂಟ್​ನಲ್ಲಿ 10 ಪಾಯಿಂಟ್ಸ್​ ಇದೆ. ಉಳಿದ 5 ಪಂದ್ಯಗಳ ಪೈಕಿ ಇನ್ನು 4 ಪಂದ್ಯಗಳನ್ನ ಭರ್ಜರಿಯಾಗಿ ಗೆದ್ದು ರನ್​ರೇಟ್​ ಹೆಚ್ಚಿಸಿಕೊಂಡ್ರೆ ಲಕ್ನೋಗೂ ಪ್ಲೇ ಆಫ್​ ಡೋರ್​ ತೆರೆಯಲಿದೆ. ಇನ್​​ಕನ್ಸಿಸ್ಟೆಂಟ್​ ಪರ್ಫಾಮೆನ್ಸ್​ ನೀಡ್ತಿರೋ ಲಕ್ನೋಗೆ ಸ್ವಲ್ಪ ಲಕ್​ ಬೇಕಿದೆ.

ಸೀಸನ್​ನಲ್ಲಿ ಹೀನಾಯ ಪರ್ಫಾಮೆನ್ಸ್ ನೀಡಿರೋ ರಾಜಸ್ಥಾನ್​ ರಾಯಲ್ಸ್​, ಚೆನ್ನೈ ಸೂಪರ್​ ಕಿಂಗ್ಸ್​ ಕಥೆ ಬಹುತೇಕ ಮುಗಿದಿದೆ. ಹಾಲಿ ಚಾಂಪಿಯನ್​ ಕೊಲ್ಕತ್ತಾ ನೈಟ್​ ರೈಡರ್ಸ್​, ಸನ್​ರೈಸರ್ಸ್​​ ಹೈದ್ರಾಬಾದ್​ ಪಾಲಿಗೆ ಇನ್ನೂ ಪ್ಲೇ ಆಫ್​ ಡೋರ್​ ಮುಚ್ಚಿಲ್ಲ. ಮುಂದಿನ ಎಲ್ಲಾ ಪಂದ್ಯಗಳನ್ನೂ ಗೆದ್ದರೆ ಚಾನ್ಸ್​​ ಇದೆ. ಜೊತೆಗೆ ರನ್​ರೇಟ್​ ಕಡೆಗೆ ಗಮನ ಹರಿಸಬೇಕಿದೆ.

ಇದನ್ನೂ ಓದಿ: ನಿನ್ನೆಯೂ ಕೋಪಿಸಿಕೊಂಡ ವಿರಾಟ್ ಕೊಹ್ಲಿ.. ಕೈಮುಗಿದು ಆಕ್ರೋಶ ವ್ಯಕ್ತಪಡಿಸಿದ್ದು ಯಾರಿಗೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್