ಐಪಿಎಲ್​ನಲ್ಲಿ ಅತಿ ಹೆಚ್ಚು ಬಾರಿ ಪ್ಲೇ ಆಫ್​​ಗೆ ಎಂಟ್ರಿ ಕೊಟ್ಟ ಟೀಮ್ ಯಾವುದು.. RCBನಾ?

2025ರ ಐಪಿಎಲ್ ಸೀಸನ್​- 18 ಕೊನೆ ಹಂತಕ್ಕೆ ಬಂದಿದ್ದು ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ಲಕ್ನೋ ತಂಡದ ನಡುವಿನ ಇಂದಿನ ಪಂದ್ಯದೊಂದಿಗೆ ಲೀಗ್​​ ಪಂದ್ಯಗಳು ಕೊನೆಯಾಗಲಿವೆ. ಇನ್ನೆನಿದ್ದರೂ ಪ್ಲೇ ಆಫ್ ಮ್ಯಾಚ್​ಗಳು ನಡೆಯಲಿವೆ. 2008ರಿಂದ ಇಲ್ಲಿವರೆಗೆ ಅತಿ ಹೆಚ್ಚು ಬಾರಿ ಪ್ಲೇ ಆಫ್​ಗೆ ಹೋಗಿರುವ ಐಪಿಎಲ್ ಟೀಮ್ ಯಾವುದು?.

ಐಪಿಎಲ್​ನಲ್ಲಿ ಇದುವರೆಗೂ ಒಟ್ಟು 18 ಸೀಸನ್​ಗಳು ನಡೆದಿವೆ. ಈ 18 ಸೀಸನ್​ಗಳಲ್ಲಿ ಅತಿ ಹೆಚ್ಚು ಬಾರಿ ಪ್ಲೇ ಆಫ್​ಗೆ ಹೋಗಿರುವ ತಂಡ ಯಾವುದು ಎನ್ನುವುದು ಅಭಿಮಾನಿಗಳಲ್ಲಿ ಕುತೂಹಲ ಸಾಮಾನ್ಯವಾಗಿ ಇರುತ್ತದೆ. ಸದ್ಯ ಈ ಕುತೂಹಲಕ್ಕೆ ಇಲ್ಲಿ ಉತ್ತರ ಇದೆ. ನೀವು ಅಂದುಕೊಂಡಂತೆ ಪ್ಲೇ ಆಫ್​ಗೆ ಹೆಚ್ಚು ಬಾರಿ ಎಂಟ್ರಿ ಕೊಟ್ಟಿರುವ ತಂಡ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಅಲ್ಲವೇ ಅಲ್ಲ.

ಆರ್​ಬಿಸಿಯ ಬದ್ಧವೈರಿ ಎಂದೇ ಕರೆಯಲಾಗುವ ಚೆನ್ನೈ ಸೂಪರ್ ಕಿಂಗ್ಸ್​, ಇಡೀ ಐಪಿಎಲ್​ ಇತಿಹಾಸದಲ್ಲಿ ಹೆಚ್ಚು ಬಾರಿ ಪ್ಲೇ ಆಫ್​ಗೆ ಎಂಟ್ರಿಕೊಟ್ಟ ತಂಡವಾಗಿದೆ. ಇದುವರೆಗೆ 18 ಸೀಸನ್​​ಗಳಲ್ಲಿ ಸಿಎಸ್​ಕೆ ಒಟ್ಟು 12 ಬಾರಿ ಪ್ಲೇ ಆಫ್​ಗೆ ಹೋಗಿದೆ. 2 ವರ್ಷ ಬ್ಯಾನ್​ನಿಂದ ಐಪಿಎಲ್ ಆಡಿಲ್ಲ. 12 ಪ್ಲೇ ಆಫ್​ಗಳಲ್ಲಿ 10 ಬಾರಿ ಫೈನಲ್​ಗೆ ಹೋಗಿದ್ದು ಇದರಲ್ಲಿ 5 ಬಾರಿ ಟ್ರೋಫಿಗೆ ಮುತ್ತಿಕ್ಕಿದೆ.

ಚೆನ್ನೈ ನಂತರದ ಸ್ಥಾನದಲ್ಲಿ ಬೆಂಗಳೂರು ತಂಡ ಇಲ್ಲ. ಬದಲಾಗಿ ಮುಂಬೈ ಇಂಡಿಯನ್ಸ್​ ಇದೆ. 18 ಸೀಸನ್​ಗಳಲ್ಲಿ ಈ ಸಲನೂ (2025) ಸೇರಿ ಮುಂಬೈ ಇಂಡಿಯನ್ಸ್ 11 ಬಾರಿ ಪ್ಲೇ ಆಫ್​ಗೆ ಬಂದಿದ್ದು ಇದರಲ್ಲಿ 7 ಬಾರಿ ರೋಹಿತ್ ಶರ್ಮಾ ನೇತೃತ್ವದಲ್ಲಿ ಎನ್ನುವುದು ಗಮನಾರ್ಹವಾಗಿದೆ. 2010ರಲ್ಲಿ ಫೈನಲ್​ ಆಡಿದ್ದ ಮುಂಬೈ ಇದಾದ ಮೇಲೆ 2014 ರಿಂದ 2023ರವರೆಗೆ ಉತ್ತಮ ಸಾಧನೆ ಮಾಡಿದೆ. ಇದರಲ್ಲಿ ಒಟ್ಟು 5 ಟ್ರೋಫಿ ತನ್ನದಾಗಿಸಿಕೊಂಡಿದೆ.

ಇದನ್ನೂ ಓದಿ:RCBಗೆ ಗುಡ್​ನ್ಯೂಸ್​; ವಾಪಸ್ ಬಂದ ಬಲಿಷ್ಠ ಪ್ಲೇಯರ್​.. ತಂಡಕ್ಕೆ ಬಂತು ಆನೆಬಲ

ಚೆನ್ನೈ, ಮುಂಬೈ ಆದ ಮೇಲೆ ನೀವು ಅಂದುಕೊಂಡಂತೆ ಆರ್​ಸಿಬಿ ಸ್ಥಾನ ವಿದೆ. ಪ್ಲೇ ಆಫ್​ಗೆ ಹೆಚ್ಚು ಬಾರಿ ಎಂಟ್ರಿಕೊಟ್ಟ 3ನೇ ತಂಡವಾಗಿ ಆರ್​ಸಿಬಿ ಇದೆ. ಇದುವರೆಗೆ ಆರ್​ಸಿಬಿ ಒಟ್ಟು 10 ಬಾರಿ ಪ್ಲೇ ಆಫ್​ಗೆ ಬಂದಿದೆ. ಇದರಲ್ಲಿ ಮೂರು ಬಾರಿ ಅಂದರೆ 2009, 2011 ಹಾಗೂ 2016ರಲ್ಲಿ ಫೈನಲ್​ ಪಂದ್ಯ ಆಡಿ ಸೋತು ಹೋಗಿ ಕೊಂಚದರಲ್ಲೇ ಟ್ರೋಫಿಯನ್ನು ಕಳೆದುಕೊಂಡಿದೆ. ಈ ಮೂರು ಫೈನಲ್​​ನಲ್ಲಿ ಡೆಕ್ಕನ್ ಚಾರ್ಜಸ್​, ಚೆನ್ನೈ ಹಾಗೂ ಹೈದ್ರಾಬಾದ್ ವಿರುದ್ಧ ಕ್ರಮವಾಗಿ ಆರ್​ಸಿಬಿ ಸೋತು, ಕಪ್ ಆಸೆ ಕೈ ಬಿಟ್ಟಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ