ಆರ್​ಸಿಬಿ ಟಾರ್ಗೆಟ್ ಪ್ಲೇಆಫ್ ಒಂದೇ ಅಲ್ಲ.. ಟ್ರೋಫಿಗಾಗಿ ಮತ್ತೊಂದು ಪ್ಲಾನ್..!

ಸೀಸನ್​-18ರ ಐಪಿಎಲ್ ಮರು ಆರಂಭಕ್ಕೆ ಕೌಂಟ್​​ಡೌನ್ ಶುರುವಾಗ್ತಿದೆ. ಪ್ಲೇ ಆಫ್​ ಲೆಕ್ಕಾಚಾರಗಳ ಚರ್ಚೆಯ ಬಿಸಿ ಕಾವೇರುತ್ತಿದೆ. ಮರು ಆಯೋಜನೆಯ ಐಪಿಎಲ್​​​​​​​​​​ನಲ್ಲಿ ಶುಭಾರಂಭ ಮಾಡೋ ಲೆಕ್ಕಾಚಾರದಲ್ಲಿರುವ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು, 2ನೇ ಹಂತದ ಐಪಿಎಲ್​ನಲ್ಲೂ ಬೊಂಬಾಟ್​ ಆಡೋ ವಿಶ್ವಾಸದಲ್ಲೇ ರಣರಂಗಕ್ಕಿಳಿಯುತ್ತಿದೆ. ಐಪಿಎಲ್​​ನ ಅಖಾಡಕ್ಕೆ ರೀ ಎಂಟ್ರಿ ಕೊಡುತ್ತಿರುವ ಆರ್​ಸಿಬಿಗೆ ಟಾರ್ಗೆಟ್​​​, ಪ್ಲೇ ಆಫ್​ ಮಾತ್ರವಲ್ಲ.

ಆರ್​ಸಿಬಿ ಟಾರ್ಗೆಟ್ ಟಾಪ್​-2..

ಪ್ರಸಕ್ತ ಆವೃತ್ತಿಯಲ್ಲಿ ಸಾಲಿಡ್ ಆಟವಾಡ್ತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಪ್ಲೇ ಆಫ್​ ಪ್ರವೇಶಕ್ಕೆ ತುದಿಗಾಲಲ್ಲಿ ನಿಂತಿದೆ. 11ರ ಪೈಕಿ 8 ಮ್ಯಾಚ್​ ಗೆದ್ದಿರುವ ಆರ್​​ಸಿಬಿ, ಇನ್ನೊಂದು ಮ್ಯಾಚ್ ಗೆದ್ದರೆ ಸಾಕು ಅಧಿಕೃತವಾಗಿ ಪ್ಲೇ ಆಫ್​ಗೆ ಎಂಟ್ರಿ ನೀಡಲಿದೆ. ಆರ್​ಸಿಬಿ ಆಟಗಾರರ ಒಗ್ಗಟ್ಟಿನ ಆಟ ನೋಡಿದ್ರೆ ಪ್ಲೇ ಆಫ್ ಸ್ಥಾನ ಮಿಸ್ಸಾಗುವ ಚಾನ್ಸೇ ಇಲ್ಲ. ಆರ್​ಸಿಬಿ ಟಾರ್ಗೆಟ್​​ ಜಸ್ಟ್​ ಪ್ಲೇ ಆಫ್ ಎಂಟ್ರಿ​ ಅಲ್ಲ. ಆರ್​ಸಿಬಿ ಟಾರ್ಗೆಟ್ ಅಂಕಪಟ್ಟಿಯ ಟಾಪ್​​-2 ಪ್ಲೇಸ್.

ಇದನ್ನೂ ಓದಿ: ಅಭಿಮಾನಿಗಳ ಆತಂಕ ದೂರ, ಆರ್​ಸಿಬಿಗೆ ಬಂತು ಆನೆಬಲ.. ವಿಡಿಯೋ ಹಂಚಿಕೊಂಡ ಫ್ರಾಂಚೈಸಿ

ಆರ್​ಸಿಬಿ ಮಾಸ್ಟರ್ ಪ್ಲಾನ್

ಆರ್​ಸಿಬಿ ಪ್ಲೇ ಆಫ್ ಕಷ್ಟವೇನಿಲ್ಲ ನಿಜ. ಆದ್ರೆ ಆರ್​ಸಿಬಿ ಟಾರ್ಗೆಟ್ ಜಸ್ಟ್ ಪ್ಲೇ ಆಫ್ ಮಾತ್ರವಾಗಿಲ್ಲ. ಪಾಯಿಂಟ್​ ಟೇಬಲ್​ನ ಅಗ್ರ ಎರಡು ಸ್ಥಾನಗಳಾಗಿವೆ. ಹೀಗಾಗಿ ಮುಂದಿನ ಮೂರು ಪಂದ್ಯಗಳನ್ನ ಗೆಲ್ಲಲು ಆರ್​ಸಿಬಿ ಪಣತೊಟ್ಟಿದೆ. ಇದಕ್ಕಾಗಿಯೇ ಗೇಮ್​​ಪ್ಲಾನ್ ಆ್ಯಂಡ್ ಸ್ಟ್ರಾಟರ್ಜಿ ರೂಪಿಸಿ ಹೋರಾಟ ನಡೆಸ್ತಿದೆ. ಇದಕ್ಕೆ ಕಾರಣ ಐಪಿಎಲ್ ಫೈನಲ್ ಸಿನಾರಿಯೋ.

ಟೇಬಲ್ ಟಾಪರ್ಸ್​ಗೆ ಬಿಗ್ ಅಡ್ವಾಂಟೇಜ್​..!

ಪ್ಲೇ ಆಫ್​​ನಲ್ಲಿ ಯಾರಿಗೆ ಅಡ್ವಾಂಟೇಜ್ ಇರುತ್ತೋ ಇಲ್ವೋ. ಪಾಯಿಂಟ್ ಟೇಬಲ್​ನಲ್ಲಿ ಅಗ್ರ ತಂಡಗಳಿಗೆ ಮಾತ್ರ ಅಡ್ವಾಂಟೇಜ್ ಇರುತ್ತದೆ. ಈ ಟೇಬಲ್ ಟಾಪರ್ಸ್ ಒಂದು ಪಂದ್ಯ ಸೋತು, ಮತ್ತೊಂದು ಪಂದ್ಯ ಗೆದ್ದರೂ ಫೈನಲ್​ಗೆ ಎಂಟ್ರಿ ನೀಡುವ ಚಾನ್ಸ್ ಇರುತ್ತೆ. ಇದನ್ನ ಎನ್​​ಕ್ಯಾಶ್ ಮಾಡಿಕೊಳ್ಳುವುದೇ ಆರ್​ಸಿಬಿ ತಂಡದ ಅಜೆಂಡಾ.

ಪ್ಲೇ ಆಫ್​ ಟು ಫೈನಲ್​ ಹೇಗಿರುತ್ತೆ?

ಟೇಬಲ್ ಟಾಪ್​-2 ತಂಡಗಳು ಮೊದಲ ಕ್ವಾಲಿಫೈಯರ್​ನಲ್ಲಿ ಸೆಣಸಾಡಲಿವೆ. ಇಲ್ಲಿ ಗೆದ್ದ ತಂಡ ನೇರವಾಗಿ ಫೈನಲ್​ಗೆ ಎಂಟ್ರಿ ನೀಡುತ್ತೆ. ಕ್ವಾಲಿಫೈಯರ್​​-1ರಲ್ಲಿ ಸೋತ ತಂಡಕ್ಕೆ ಕ್ವಾಲಿಫೈಯರ್​​-2ನಲ್ಲಿ ಎಲಿಮಿನೇಟರ್​ನಲ್ಲಿ ಗೆದ್ದ ತಂಡದ ಎದುರು ಆಡೋಕೆ 2ನೇ ಅವಕಾಶ ಸಿಗುತ್ತೆ. ಈ ಅವಕಾಶದಲ್ಲಿ ಗೆದ್ದು ಫೈನಲ್​ಗೆ ಎಂಟ್ರಿ ನೀಡಬಹುದಾಗಿದೆ.

ಇದನ್ನೂ ಓದಿ: RCBಗೆ ಸ್ಫೋಟಕ ಬ್ಯಾಟರ್ಸ್​, ಆಲ್​ರೌಂಡರ್ಸ್​ ಕಮ್​ಬ್ಯಾಕ್.. ಮತ್ತೆ ಬೆಂಗಳೂರು ತಂಡ ಬಲಿಷ್ಠ​

ಪಾಯಿಂಟ್ ಟೇಬಲ್​ನ 3 ಹಾಗೂ 4ನೇ ತಂಡಗಳಿಗೆ ಇಂಥ ಅಡ್ವಾಂಟೇಜ್ ಇಲ್ಲ. ಎಲಿಮಿನೇಟರ್​ನಲ್ಲಿ ಸೋತವರು ಟೂರ್ನಿಯಿಂದ ಔಟ್ ಆಗ್ತಾರೆ. ಗೆದ್ದರೆ ಕ್ವಾಲಿಫೈಯರ್​ 2ಗೆ ಅರ್ಹತೆ ಗಿಟ್ಟಿಸ್ತಾರೆ. ಅಲ್ಲಿ ಮತ್ತೆ ಗೆದ್ದು, ಬಳಿಕ ಫೈನಲ್​ ಗೆದ್ದರೆ ಮಾತ್ರ ಕಪ್​ ಸಿಗುತ್ತೆ. ಟೇಬಲ್​ ಟಾಪರ್​ಗಳಾದ್ರೆ, ಮೊದಲ ಪಂದ್ಯದಲ್ಲಿ ಸೋತ್ರೂ, ನಂತರದ ಪಂದ್ಯದಲ್ಲಿ ತಪ್ಪುಗಳನ್ನು ತಿದ್ದಿಕೊಳ್ಳಬಹುದು. ಮತ್ತೆ ಕಮ್​ಬ್ಯಾಕ್​ಗೆ ಅವಕಾಶ ಇರುತ್ತೆ. ಹೀಗಾಗಿಯೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕಣ್ಣು ಟಾಪ್​-2 ಮೇಲಿದೆ.

ಸುಲಭ ಇಲ್ಲ ಆರ್​ಸಿಬಿಯ ಟಾಪ್​​-2 ಕನಸು

ಮೊದಲ ಹಂದದಲ್ಲಿ ಅದ್ಭುತ ಆಟವಾಡಿರುವ ಆರ್​ಸಿಬಿ, ಪಾಯಿಂಟ್ ಟೇಬಲ್​ನ ಅಗ್ರ ಎರಡು ಸ್ಥಾನಗಳ ಮೇಲೆ ಕಣ್ಣಿಟ್ಟಿದೆ ನಿಜ. ಈ ಸ್ಥಾನ ಉಳಿಸಿಕೊಳ್ಳುವುದು ನಿಜಕ್ಕೂ ಸುಲಭದಿಲ್ಲ. ಈಗಾಗಲೇ ನಂಬರ್​​.1 ಸ್ಥಾನದಲ್ಲಿರುವ ಗುಜರಾತ್ ಟೈಟನ್ಸ್​, ಆರ್​ಸಿಬಿಯಷ್ಟೇ ಪಂದ್ಯ ಗೆದ್ದಿದೆ. ರನ್​ರೇಟ್ ಹೆಚ್ಚಿದೆ. ಇನ್ನು 3ನೇ ಸ್ಥಾನದಲ್ಲಿರುವ ಪಂಜಾಬ್ ಸಖತ್ ಸ್ಟ್ರಾಂಗ್ ಇದೆ. ಈ ಮೂರು ತಂಡಗಳ ಗುರಿ ಒಂದೇ.. ಅದೇ​ ಟಾಪ್​​-2 ಕಾಯ್ದುಕೊಳ್ಳುವುದು. ಹೀಗಾಗಿ ಆರ್​ಸಿಬಿ ಟಾಪ್​​-2ನಲ್ಲಿ ಉಳಿಯಬೇಕಾದ್ರೆ, ಇನ್ನುಳಿದ ಮೂರಕ್ಕೆ 2 ಮ್ಯಾಚ್ ಗೆಲ್ಲುವುದರ ಜೊತೆಗೆ ರನ್​ರೇಟ್ ಉಳಿಸಿಕೊಳ್ಳಬೇಕು. ಆಗಷ್ಟೇ ಪಾಯಿಂಟ್ ಟೇಬಲ್​​ನ ಟಾಪ್​​ನಲ್ಲಿರುವ ಸಾಧ್ಯ.

ಇದನ್ನೂ ಓದಿ: ಕನ್ನಡಿಗ ಪಡಿಕ್ಕಲ್ RCB ತಂಡದಲ್ಲಿ ಆಡ್ತಾರಾ.. ಮಯಾಂಕ್​​​ ಅಗರ್ವಾಲ್​ಗೆ ಎಷ್ಟು ಕೋಟಿ ಹಣ ಕೊಡಲಾಗಿದೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್