ಸೋಲಿನ ಬೆನ್ನಲ್ಲೇ ಆರ್​ಸಿಬಿಗೆ ಮತ್ತೊಂದು ಆಘಾತ; ಪಾಯಿಂಟ್ಸ್​ ಟೇಬಲ್​​ನಲ್ಲಿ ರೂಲ್ ಮಾಡ್ತಿರೋದ್ಯಾರು?

ಹೋಮ್​​​ಗ್ರೌಂಡ್​ ಚಿನ್ನಸ್ವಾಮಿಯಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ಗಿಳಿದ ಆರ್​​ಸಿಬಿ ನಿರೀಕ್ಷಿತ ಆರಂಭ ಪಡೆಯಲಿಲ್ಲ. ಗುಜರಾತ್​ ಟೈಟನ್ಸ್​ ಬೌಲರ್​ಗಳ ಟೈಟ್​​ ಸ್ಪೆಲ್ ಮುಂದೆ ಆರ್​ಸಿಬಿಯ ಸೂಪರ್​ ಸ್ಟಾರ್​ ಆಟಗಾರರೆಲ್ಲಾ ಪೆವಿಲಿಯನ್​ ಪರೇಡ್​ ನಡೆಸಿದ್ರು. ಹೋಮ್​​ಗ್ರೌಂಡ್​ನಲ್ಲಿ ಬೆಂಗಳೂರು ಬಾಯ್ಸ್​ ಪರದಾಡಿದ್ರೆ ಗುಜರಾತ್​ ಟೈಟನ್ಸ್​ ಗೆದ್ದು ಬೀಗಿದರು.

ಇನ್ನು ಆರ್​ಸಿಬಿ ಪಾಯಿಂಟ್ಸ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಮೂರು ಪಂದ್ಯಗಳಲ್ಲಿ ಗೆದ್ದುಕೊಂಡಿರುವ ಆರ್​ಸಿಬಿ, ನಾಲ್ಕು ಅಂಕದೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಇನ್ನು, ಎರಡು ಪಂದ್ಯಗಳಲ್ಲಿ ಎರಡನ್ನೂ ಗೆದ್ದಿರುವ ಶ್ರೇಯಸ್ ಅಯ್ಯರ್ ಪಡೆ, 4 ಅಂಕಗಳೊಂದಿಗೆ ನೆಟ್​​ ರನ್​ ರೇಟ್​ ಆಧಾರದ ಮೇಲೆ ಮೊದಲ ಸ್ಥಾನದಲ್ಲಿದೆ. ಅದೇ ರೀತಿ ಎರಡೂ ಪಂದ್ಯಗಳಲ್ಲಿ ಗೆದ್ದಿರುವ ಡೆಲ್ಲಿ ಹುಡುಗರು ಎರಡನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: 6, 6, 6, 6, 6! ಸಿರಾಜ್ ಸೇಡಿನ ಅಸ್ತ್ರದ ಮಧ್ಯೆಯೂ ಲಿವಿಂಗ್​​ಸ್ಟೋನ್ ಸೊಗಸಾದ ಬ್ಯಾಟಿಂಗ್..!

ಇನ್ನು ನಿನ್ನೆ ಆರ್​​​ಸಿಬಿ ವಿರುದ್ಧ ಗೆದ್ದಿರುವ ಗುಜರಾತ್ ಟೈಟನ್ಸ್​ ನಾಲ್ಕನೇ ಸ್ಥಾನದಲ್ಲಿದೆ. ಆದರೆ ಆರ್​ಸಿಬಿ ನೆಟ್​​ರನ್​​ ರೇಟ್​ಗಿಂದ ಜಿಟಿ ಹಿಂದಿದೆ. ಐದನೇ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ಇದ್ದರೆ, ಎಲ್​ಎಸ್​ಜಿ ಆರನೇ ಸ್ಥಾನದಲ್ಲಿದೆ. ಸಿಎಸ್​ಕೆ, ಎಸ್​ಆರ್​ಹೆಚ್​​, ರಾಜಸ್ಥಾನ್ ರಾಯಲ್ಸ್, ಕೆಕೆಆರ್​ ಕ್ರಮವಾಗಿ ಸ್ಥಾನಗಳನ್ನು ಹಂಚಿಕೊಂಡಿವೆ.

ಮೊದಲ ಸ್ಥಾನದಿಂದ ಮೂರನೇ ಸ್ಥಾನಕ್ಕೆ ಕುಸಿದಿರುವ ಆರ್​ಸಿಬಿ ಮುಂದಿನ ಎಲ್ಲಾ ಪಂದ್ಯಗಳನ್ನ ಗೆಲ್ಲಬೇಕು. ಇಲ್ಲದಿದ್ದರೆ ಪ್ಲೇ-ಆಫ್​ ಹಾದಿ ಕಷ್ಟವಾಗಲಿದೆ. ಹೀಗಾಗಿ ರಜತ್ ಪಾಟೀದಾರ್ ಪಡೆ ಮುಂಬರುವ ಪಂದ್ಯಗಳನ್ನು ಗೆಲ್ಲಲು ಸ್ಟ್ರಾಂಗ್ ಆಗಿ ಕಂಬ್ಯಾಕ್ ಮಾಡಬೇಕಿದೆ.

ಇದನ್ನೂ ಓದಿ: ಮುಂಬೈಗೆ ಬಿಗ್ ಶಾಕ್ ಕೊಟ್ಟ ಜೈಸ್ವಾಲ್.. ಬೇರೆ ತಂಡ ಕೂಡಿಕೊಂಡ ಸ್ಟಾರ್ ಓಪನರ್​..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್