ಫಸ್ಟ್ ಹಾಫ್ ಮ್ಯಾಚ್​ಗಳು ಮುಗೀತು.. ಇವತ್ತಿಂದ IPL ಆಟವೇ ಬೇರೆ! RCB ಗೇಮ್‌ ಪ್ಲಾನ್?

ವರ್ಷಗಳು ಉರುಳಿವೆ. ಕಾಲ ಕಾಲಕ್ಕೆ ಆಟಗಾರರು ಬದಲಾಗಿದ್ದಾರೆ. ಆದರೆ ಆರ್​ಸಿಬಿ ಆಟದ ವೈಖರಿ ಮಾತ್ರ ಇನ್ನೂ ಬದಲಾಗಿಲ್ಲ. ಇದಕ್ಕೆ ಕಾರಣ ಇವತ್ತಿಗೂ ಆರ್​ಸಿಬಿ ಗೆಲುವಿನ ಸೂತ್ರ. ಆರ್​ಸಿಬಿ ನಂಬಿಕೊಂಡಿರುವ ಸೂತ್ರವೇ ಮುಳ್ಳಾಗಿ ಪರಿಣಮಿಸಿದೆ. ಆ ಸೂತ್ರವೇನು? ಆರ್​ಸಿಬಿ ಸೋಲುಗಳಿಗೆ ಕಾರಣವೇನು?

ಐಪಿಎಲ್‌ ಸೀಸನ್​-18ರ ಫಸ್ಟ್ ಹಾಫ್ ಪಂದ್ಯಗಳು ಮುಗೀತು. ಪ್ಲೇ-ಆಫ್ ಲೆಕ್ಕಾಚಾರಗಳು ಶುರುವಾದವು. ತಂಡಗಳ ಸ್ಟ್ರ್ಯಾಟರ್ಜಿಗಳು ಬದಲಾಗ್ತಿವೆ. ಆದ್ರೆ, ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ಗೆಲುವಿನ ಸೂತ್ರ ಮಾತ್ರ ಬದಲಾಗಲೇ ಇಲ್ಲ. ಕಳೆದ 17 ಸೀಸನ್​​ಗಳಲ್ಲಿ ಮಾಡಿದ ತಪ್ಪನ್ನೇ ಸೀಸನ್-18ರಲ್ಲೂ ಮುಂದುವರಿಸಿದ ಆರ್​ಸಿಬಿ, ಈಗ ಟ್ರೋಫಿ ಗೆಲ್ಲುತ್ತಾ ಎಂಬ ಪ್ರಶ್ನೆಯನ್ನೇ ಉದ್ಬವಿಸುಂತೆ ಮಾಡಿದೆ. ಇದಕ್ಕೆ ಕಾರಣ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗೆಲುವಿನ ಮಂತ್ರ.

ಕೊಹ್ಲಿ, ಸಾಲ್ಟ್, ಪಟಿದಾರ್ ಮೇಲೆಯೇ ಓವರ್​ ಡಿಪೆಂಡ್..!
ಗೆಲುವಿಗೆ ಈ ತ್ರಿಮೂರ್ತಿಗಳನ್ನೇ ನೆಚ್ಚಿಕೊಳ್ತಾ ರೆಡ್ ಆರ್ಮಿ?
ಆರ್​ಸಿಬಿಯ ಫಸ್ಟ್ ಹಾಫ್ ಮ್ಯಾಚ್​ಗಳು ಮುಗಿದಿವೆ. 7 ಪಂದ್ಯಗಳ ಪೈಕಿ 4ರಲ್ಲಿ ಗೆದ್ದು ಬೀಗಿರುವ ಆರ್​ಸಿಬಿ, ಮೂರು ಪಂದ್ಯಗಳನ್ನು ಸೋತಿದೆ. ಆದ್ರೆ, ಈ ನಾಲ್ಕು ಪಂದ್ಯಗಳ ಗೆಲುವಿನಲ್ಲಿ ಕಾಮನ್ ಫಾಕ್ಟರ್​. ಓಪನರ್ಸ್​ ಫಿಲ್ ಸಾಲ್ಟ್​, ವಿರಾಟ್ ಕೊಹ್ಲಿ ಆ್ಯಂಡ್ ರಜತ್ ಪಾಟಿದಾರ್ ಆಟ.

ಆರ್​ಸಿಬಿ ಗೆಲ್ಲಬೇಕು ಅಂದ್ರೆ, ವಿರಾಟ್ ಆಟಬೇಕು.. ಇಲ್ಲ ಫಿಲ್ ಸಾಲ್ಟ್​ ಆ್ಯಂಡ್ ರಜತ್ ಅಬ್ಬರಿಸಬೇಕು. ಈ ಮೂವರು ಕೈ ಕೊಟ್ರೆ, ಆರ್​ಸಿಬಿಯ ಸೋಲು ಫಿಕ್ಸ್. ಇದು ಜಸ್ಟ್ ನಾವ್ ಹೇಳ್ತಿರುವ ಮಾತಲ್ಲ. ಆರ್​ಸಿಬಿ ತಂಡದ ಫಲಿತಾಂಶವೇ ನುಡಿಯುತ್ತಿರುವ ಕಟು ಸತ್ಯ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್​ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಫಲಿತಾಂಶಗಳು.

ಕೊಹ್ಲಿ, ಸಾಲ್ಟ್, ಪಟಿದಾರ್ ಸಿಡಿದರಷ್ಟೇ ಆರ್​ಸಿಬಿ ಗೆಲುವು!
ಆರ್​ಸಿಬಿ ಕೊಲ್ಕತ್ತಾ ನೈಟ್​ ರೈಡರ್ಸ್​, ಚೆನ್ನೈ ಸೂಪರ್ ಕಿಂಗ್ಸ್, ಮುಂಬೈ ಇಂಡಿಯನ್ಸ್, ರಾಜಸ್ಥಾನ್ ರಾಯಲ್ಸ್ ಎದುರು ಗೆದ್ದು ಬೀಗಿದೆ. ಆದ್ರೆ, ಈ ಗೆಲುವಿಗೆ ಕಾರಣ ವಿರಾಟ್ ಕೊಹ್ಲಿ, ಫಿಲ್ ಸಾಲ್ಟ್ ಆಟದ ಜೊತೆಗೆ ನಾಯಕ ರಜತ್ ಪಾಟಿದಾರ್ ಆಟವೇ ಆಗಿದೆ.

ಕೊಲ್ಕತ್ತಾ ನೈಟ್​ ರೈಡರ್ಸ್​, ಮುಂಬೈ ಇಂಡಿಯನ್ಸ್, ರಾಜಸ್ಥಾನ್ ರಾಯಲ್ಸ್ ಎದುರು ಕೊಹ್ಲಿ ಅರ್ಧಶತಕ ಸಿಡಿಸಿದ್ರೆ. ಕೊಲ್ಕತ್ತಾ ನೈಟ್​ ರೈಡರ್ಸ್​, ರಾಜಸ್ಥಾನ್ ರಾಯಲ್ಸ್ ಎದುರು ಫಿಲ್ ಸಾಲ್ಟ್ ಅರ್ಧಶತಕ ಸಿಡಿಸಿ ಮಿಂಚಿದ್ದರು. ಚೆನ್ನೈ ಹಾಗೂ ಮುಂಬೈ ಎದುರು ರಜತ್ ಪಟಿದಾರ್ ಹಾಫ್ ಸೆಂಚುರು ಸಿಡಿಸಿದ್ದರು. ಈ ಮೂವರ ಒಗ್ಗಟ್ಟಿನ ಆಟ ಆರ್​ಸಿಬಿಯನ್ನು ಗೆಲುವಿನ ದಡ ಸೇರಿಸಿತ್ತು. ಆದ್ರೆ, ತ್ರಿವಳಿಗಳು ವೈಫಲ್ಯ ಅನುಭವಿಸಿದ ಗುಜರಾತ್, ಡೆಲ್ಲಿ, ಪಂಜಾಬ್ ಎದುರು ಹೀನಾಯ ಸೋಲು ಅನುಭವಿಸಬೇಕಾಯ್ತು. ಹೀಗಾಗಿ ಈ ಮೂವರು ಆಡಿದ್ರಷ್ಟೇ ಆರ್​ಸಿಬಿಗೆ ಗೆಲುವು ಎಂಬಂತಾಗಿದೆ.

ಸೀಸನ್ 18ರಲ್ಲಿ ಕೊಹ್ಲಿ, ಸಾಲ್ಟ್, ಪಟಿದಾರ್!
ಈ ಸೀಸನ್‌ನ 7 ಪಂದ್ಯಗಳಿಂದ ವಿರಾಟ್​​, 141.47ರ ಸ್ಟ್ರೈಕ್​ರೇಟ್​ನಲ್ಲಿ 249 ರನ್ ಸಿಡಿಸಿದ್ದಾರೆ. ಈ ಪೈಕಿ 3 ಅರ್ಧಶತಕ ದಾಖಲಿಸಿದ್ದಾರೆ. ಇಷ್ಟೇ ಪಂದ್ಯಗಳನ್ನಾಡಿರುವ ಸಾಲ್ಟ್, 212 ರನ್​ ಗಳಿಸಿದ್ದಾರೆ. 2 ಅರ್ಧಶತಕ ಸಿಡಿಸಿರುವ ಸಾಲ್ಟ್, 182.75ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್​ನಲ್ಲಿ ರನ್ ಗಳಿಸಿದ್ದಾರೆ. 209 ರನ್ ಕಲೆಹಾಕಿರುವ ರಜತ್ ಪಟಿದಾರ್​, 2 ಅರ್ಧಶತಕ ಗಳಿಸಿದ್ದಾರೆ. 157.14ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್ ಹೊಂದಿದ್ದಾರೆ.

ಇವರನ್ನು ಬಿಟ್ರೆ, ಆರ್​ಸಿಬಿ ಪರ ರನ್ ಗಳಿಸಿದ ಒನ್ ಆ್ಯಂಡ್ ಒನ್ಲಿ ಬ್ಯಾಟರ್ ಟಿಮ್ ಡೇವಿಡ್. ಆದ್ರೆ, ಇವರನ್ನು ಬಿಟ್ರೆ, ಉಳಿದವರೆಲ್ಲ.. ಆರ್​ಸಿಬಿಗೆ ಮುಪ್ಪಾಗಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ