IPL 2025: ಆರ್​​ಸಿಬಿಯ ಈ ಸ್ಟಾರ್​​ ಬ್ಯಾಟರ್​​ ಖರೀದಿಗೆ ಬೇಕೇ ಬೇಕು ಕನಿಷ್ಠ 50 ಕೋಟಿ

ಮುಂದಿನ ಸೀಸನ್​ಗಾಗಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ರೀಟೈನ್​ ಲಿಸ್ಟ್​ ಮಾಡಿಕೊಂಡಿದೆ. ಆದರೆ, ಮಾಜಿ ಕ್ಯಾಪ್ಟನ್​​ ವಿರಾಟ್​ ಕೊಹ್ಲಿ ಹೊರತಾಗಿ ಮತ್ಯಾರ ಹೆಸರು ರೀಟೈನ್​​ ಲಿಸ್ಟ್​ನಲ್ಲಿದೆ ಎಂಬ ಮಾಹಿತಿ ಇನ್ನೂ ಬಹಿರಂಗಗೊಂಡಿಲ್ಲ. ರೀಟೈನ್​ ಎಂದು ಬಂದರೆ ಆರ್​​ಸಿಬಿ ಮೊದಲ ಆದ್ಯತೆ ಕೊಹ್ಲಿ ಎಂಬುದು ಎಲ್ಲರಿಗೂ ಗೊತ್ತೇ ಇದೆ. ಇದರ ಮಧ್ಯೆಯೂ ಕೊಹ್ಲಿ ಮೆಗಾ ಹರಾಜಿಗೆ ಬರ್ತಾರಾ? ಅನ್ನೋ ಒಂದು ಪ್ರಶ್ನೆ ಎದ್ದಿದೆ.

ಮೆಗಾ ಹರಾಜಿನಲ್ಲಿ ಕೊಹ್ಲಿ?

ಇನ್ನೂ, ವಿರಾಟ್​ ಕೊಹ್ಲಿ ಮೆಗಾ ಹರಾಜಿಗೆ ಬರಬೇಕು ಅನ್ನೋ ಬೇಡಿಕೆ ಇದೆ. ಒಂದು ವೇಳೆ ಕೊಹ್ಲಿ ಹರಾಜಿಗೆ ಬಂದರೆ ಎಲ್ಲಾ ಐಪಿಎಲ್​ ತಂಡಗಳು ಮುಗಿ ಬೀಳಲಿವೆ. ಕೊಹ್ಲಿಯನ್ನು ಖರೀದಿ ಮಾಡಲು ಕನಿಷ್ಠ 25-50 ಕೋಟಿ ಬೇಕಾಗಬಹುದು. ಇದು ಒಂದು ತಂಡದ ಅರ್ಧ ಬಜೆಟ್​ನಷ್ಟು. ಕೊಹ್ಲಿ ಹರಾಜಿಗೆ ಬರಬೇಕು, ಎಷ್ಟು ಕೋಟಿಗೆ ಸೇಲ್​ ಆಗಲಿದ್ದಾರೆ ಅನ್ನೋದು ನೋಡಬೇಕು ಎಂಬ ಕೂಗು ಎದ್ದಿದೆ. ಫ್ಯಾನ್ಸ್​ ಈಗಾಗಲೇ ಕೊಹ್ಲಿ ಹರಾಜಿಗೆ ಬರೋದು ಗ್ಯಾರಂಟಿ ಅನ್ನೋ ನಿರ್ಧಾರಕ್ಕೆ ಬಂದಿದ್ದಾರೆ. ವಿರಾಟ್​ ಕೊಹ್ಲಿ ಹರಾಜಿಗೆ ಬಂದರೆ ಆರ್​​ಸಿಬಿ ಎಷ್ಟು ಕೋಟಿ ಬೇಕಾದ್ರೂ ಸುರಿದು ಖರೀದಿ ಮಾಡೋದು ಪಕ್ಕಾ.

ವರ್ಷದ ಕೊನೆಯಲ್ಲಿ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಮೆಗಾ ಹರಾಜು ನಡೆಯಲಿದೆ. ಮೆಗಾ ಹರಾಜು ಪ್ರಕ್ರಿಯೆಗೂ ಮೊದಲು ಯಾರನ್ನು ರಿಲೀಸ್ ಮಾಡಬೇಕು? ಯಾರನ್ನು ಉಳಿಸಿಕೊಳ್ಳಬೇಕು? ಎಂದು ಐಪಿಎಲ್​ ತಂಡಗಳು ಪ್ಲಾನ್ ಮಾಡಿಕೊಂಡಿವೆ. ಹಲವು ತಂಡಗಳಲ್ಲಿ ಸ್ಟಾರ್ ಆಟಗಾರರ ಬದಲಾವಣೆಯಾಗಲಿದೆ. ಕೊಹ್ಲಿ ಹರಾಜಿ ಬರ್ತಾರಾ? ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ